Քննարկվում է Երեւանում մետրոյի նոր կայարան կառուցելու հարցը. կպահանջվի 75 միլիոն դոլար (տեսանյութ)

Ամենայն հավանականությամբ մեկ ամսից մշակված-պատրաստ կլինի կառավարության որոշման մի նախագիծ, որը կվերաբերի Երեւանի մետրոյի զարգացման նոր սխեմային ու նոր կայարանի կառացմանը:

Հանրային խորհրդի Ֆինանսատնտեսական-բյուջետային հարցերի հանձնաժողովի Տրանսպորտային ենթակառուցվածքների եւ շինարարության հարցերի ենթահանձնաժողովում այսօր քննարկում էր հրավիրվել Մետրոպոլիտենի զարգացման, տրանսպորտային վերգետնյա եւ ստորգետնյա այլ կառույցների շինարարության եւ վերակառուցման հարցերի վերաբերյալ: Քննարկմանը մասնակցում էր նաեւ Երեւանի գլխավոր ճարտարապետ Արթուր Մեսչյանը:

Մինչ այս՝ դեկտեմբերի 14-ին, ոլորտի մասնագետների ու պատասխանատուների մասնակցությամբ խորհրդակցություն է եղել նաեւ քաղաքապետարանում, ինչից հետո հանձնարարվել է գործող մետրոյի ամբողջ կառույցն իրականացրած «Արմթունել» ընկերության իրավահաջորդ «Արթուն» ընկերությանը ներկայացնել համապատասխան առաջարկ: Հիշեցնենք, որ քաղաքապետ Հայկ Մարությանի նախընտրական ծրագրի դրույթներից մեկը մետրոյի առնվազն մեկ նոր կայարան կառուցելու մասին էր:

«Քաղաքապետարանում քննարկվել է Երեւանի մետրոյի հեռանկարը: Ի սկզբանե քաղաքապետը խնդիր դրեց, թե եկեք առաջին հերթին պարզենք՝ իսկ պե՞տք է ընդհանրապես շարունակել մետրո կառուցելը, որովհետեւ ժամանակները փոխվում են եւ ի հայտ են գալիս տրանսպորտային այլ միջոցներ, ընդհուպ խոսվեց, որ մի տասը տարի հետո թռչող ավտոմեքենաներ են լինելու քաղաքներում: Մեկ ժամ քառասուն րոպե տեւած քննարկումից հետո եկան այն եզրակացության, որ պետք է մետրոյի գոնե մեկ նոր կայարան շահագործման հանձնել առաջիկայում: Եվ քաղաքապետը խոստացավ հետեւյալը. ես կառավարությունում կբարձրացնեմ այդ հարցը եւ հույս ունեմ (այդ բառը կիրառեց), որ ֆինանսավորման խնդիրը առաջիկայում կփորձենք լուծել»,- մեր զրույցում ասաց «Արթուն» ԲԲԸ ղեկավար Հմայակ Հարությունյանը:

Խոսքը Աջափնյակ վարչական շրջանում Հալաբյան-Աբելյան խաչմերուկի հատվածում մետրոյի նոր կայարանի շահագործման մասին է, որը դեռ խորհրդային տարիներից մեծամասամբ՝ 70 տոկոսով, կառուցված է: Մնացած 30 տոկոսը կյանքի կոչելու համար, ըստ Հարությունյանի, կպահանջվի 75 միլիոն դոլար: Եթե իհարկե վերջնականապես որոշվի, որ երկհարկանի կամուրջ չի կառուցվելու, այլ միայն մեկ հարկ, որը անհրաժեշտ է, որպեսզի մետրոյի գնացքներն անցնեն Հրազդանի կիրճն ու հասնեն նոր կայարան: «Քաղաքապետը դրեց նաեւ այն հարցը, թե պատկերացրեք Կիեւյան կամրջի հետ ինչ-որ բան է պատահում, իսկ ինչու այստեղ նաեւ ճանապարհային կամուրջ չկառուցվի, եւ միտք հղացավ, որ Արզնի կամուրջի նման այստեղ էլ երկհարկանի կամուրջ կառուցվի, մեկը սպասարկի մետրոյին, վրայից անցնի նաեւ քաղաքային ճանապարհ»,- մանրամասնեց Հմայակ Հարությունյանը:

Բայց կամրջի երկրորդ հարկը բնականաբար հավելյալ ֆինանսներ կպահանջի առանց այն էլ ծախսատար այս գործում: Երեւանի գլխավոր ճարտարապետը դեմ էր դրան եւ առաջարկեց լրացուցիչ թանկ նախաձեռնություններով չվախեցնել կառավարությանը: Երկրորդ հարկը ներկայումս շքեղություն համարեցին նաեւ քննարկման այլ մասնակիցներ:

«Ես կուզենայի, որ մեր խոսակցությունը եւ առանձնապես կառավարությունում խոսակցությունը, գնա երկու փուլային ուղղությամբ: Առաջին փուլը՝ խոսում ենք միայն մետրոյի մասին՝ ուղղակի կառուցելով կամրջային տարբերակով, որ հետագայում դա կարողանաք օգտագործել որպես ավտոճանապարհ: Բայց խնդրում եմ, բյուջետային հաշվարկի ժամանակ, ոնց որ բարբառով ասում են, միլիոնները մի կրակեք, էլի: Կվախենան: Կոնկրետ եկեք խոսենք՝ մետրոյի շինարարության համար ինչպիսի բյուջե է պետք»,- ասաց Արթուր Մեսչյանը:  

Նա նաեւ նկատեց, որ իրեն անհրաժեշտ է իրավական ու փաստաթղթային հիմք, որպեսզի կարողանա տվյալ տարածքը զբաղեցրած անհատներին ու կազմակերպություններին ներկայացնել որոշակի սահմանափակումներ կամ արգելքներ. «Ես պետք է ունենամ ստրատեգիական հնարավորություն՝ ասելու՝ ոչ: Իրավական առումով ինքը արդար է: Օրինական իր հողը ձեռք է բերել, նախագիծը հաստատել է, ամեն ինչ նորմալ է: Հիմա եկել է մի մորուքավոր Մեսչյան, ասում է՝ չես կառուցելու: Ինձ տվեք մի «զենք», որով ես կարողանամ պաշտպանվել»:

«Դա հանրային գերակա շահն է»,- արձագանքեց ճարտարապետ Գուրգեն Մուշեղյանը:

Քննարկման ավարտին հայտարարվեց, որ Հանրային խորհրդի Ֆինանսատնտեսական-բյուջետային հարցերի հանձնաժողովի Տրանսպորտային ենթակառուցվածքների եւ շինարարության հարցերի ենթահանձնաժողովի որոշումը կունենա հետեւյալ բովանդակությունը. մետրոյի նոր կայարանի կառուցումը գտնում են նպատակահարմար: Նաեւ որոշում են՝ հանձնարարել «Արթուն» ԲԲԸ-ին եւ խնդրել «Երեւաննախագիծ» ու «Հիդրոտրանս» ինստիտուտներին համատեղ փորձել մեկ ամսվա ընթացքում տալ նախագծային առաջարկ, որպեսզի քաղաքապետարանը ինքն էլ առաջարկություն ներկայացնի քաղաքաշինության կոմիտե: «Եվ մենք էլ մեր կողմից դիմենք կառավարությանը, որպեսզի կառավարությունն ընդունի որոշում Երեւանի մետրոյի նոր զարգացման սխեմայի հաստատման վերաբերյալ»,- ասաց հանձնաժողովի նախագահ Վազգեն Սաֆարյանը:

Տպել
9289 դիտում

«Արևիկ» ազգային պարկի տարածքում վերսկսվել են հրդեհաշիջման աշխատանքները

Այսօր հայրաքաղաքի բնակիչների, աշխարհով մեկ սփռված գյումրեցիների սիրտն ու միտքը ծննդավայր քաղաքի հետ է. Սամվել Բալասանյան

Սահմանի ամբողջ երկայնքով մեկնարկել են ԶՈՒ հատուկ նշանակության ստորաբաժանումների զորավարժությունները (տեսանյութ)

Վերակառուցվում է Գյումրու «Սուրբ Մարիամ» մանկապարտեզը

Պարզ վեհության, միաժամանակ խորհրդավոր պարզության քաղաք է Գյումրին. Շիրակի մարզպետ

Ավագանու «Իմ քայլը» խմբակցության նախկին անդամ Հայկ Հովհաննիսյանը հեռանում է «Քաղաքացիական պայմանագիր» կուսակցությունից

Երևանում որոշ թաղամասերում և 7 մարզում լույս չի լինի

Հրդեհ Ելփինում. այրվել է անասնակեր, անկել են կենդանիներ

Մենք երկուստեք դատապարտված ենք ունենալ հաջողութուն․ Գնել Սանոսյանն ընդունել է Անդրեա Վիկտորինին

ԱԱՏՄ տեսուչներն այսօր Շենգավիթում ուսումնասիրել են ուղևորափոխադրում իրականացնող 85 տրանսպորտային միջոց

Զինծառայողը կալանավորվել է մարտական հերթապահություն կամ մարտական ծառայություն կրելու կանոնները խախտելու մեղադրանքով

ԵՊՀ նախկին դասախոս, «Հայաստան» դաշինքի պատգամավոր Արթուր Ղազինյանն ԱԺ է գնում մոտ 100 000 դոլարանոց նոր մեքենայով․ civic

Կողբ գյուղի «Ղիասի քար» կոչվող հանդամասում մոտ 25 հա խոտածածկույթ է այրվել

Անդրանիկ Փիլոյանը և Անդրեա Վիկտորինը բարձր են գնահատել իրականցվող ծրագրերի ընթացքը

Ծնողը պիտի կոշիկ գնի երեխայի համար, բայց գումարը վատնում է տոտալիզատորի վրա. Պապոյանը՝ խաղադրույքների գովազդների մասին

Մարտական դիրքերում առանձնակի ուշադրություն է դարձվել անձնակազմի հանդերձավորմանը և սոցիալ-կենցա­ղային պայմաններին

Ժաննա Անդրեասյանն այցելել է հիմնանորոգվող ավագ դպրոցներ

Արդեն 2-րդ օրն է զոհված զինծառայողների աճյունների որոնումներն արդյունք չեն տալիս․ Արցախի ԱԻՊԾ

Իսպանիա ժամանող ՀՀ քաղաքացիները պարտավոր են ներկայացնել պատվաստման սերտիֆիկատ․ հայտնի է պատվաստանյութերի ցանկը

Ռոմանոս Պետրոսյանը հանդիպել է անտառապետությունների ու անտառտնտեսությունների շուրջ 100 ներկայացուցիչների հետ

Արցախում իրանական անձնագրերով ադրբեջանցիների առկայության մասին լուրը իրականությանը չի համապատասխանում․ ԱՀ ԱԱԾ

Արգավանդ-Շիրակ կամրջի շինարարությունն ավարտական փուլում է

Հատուկ նշանակության ստորաբաժանումները հետախուզական խմբերի հարձակողական մարտեր են վարել զորավարժությունների շրջանակում

Վաղվանից կտրվի ուսուցիչների կամավոր ատեստավորման մեկնարկը. այն կանցկացվի Երևանի 4 դպրոցներում

Գեղարքունիքի մարզում ՀՀ Անկախության տարեդարձի առթիվ հանձնվել են «Մարտական ծառայություն» մեդալներ (լուսանկարներ)

Զոհված զինծառայողների ծնողները բողոքում են Սեպտեմբերի 21-ի միջոցառումից. նրանց է հանդիպել Նաիրի Սարգսյանը

Բացահայտվել է ենթադրյալ ապօրինի ծագում ունեցող 90 անշարժ և 19 շարժական գույք, մոտ 21 մլրդ դրամի չափով գումար

«Հարսնաքար» -ի գործով ավարտվել է ևս մեկ մեղադրյալի վերաբերյալ անջատված մասի նախաքննությունը

Ովքեր են Դիլիջանի համայնքապետի թեկնածուները եւ ինչ կենսագրություն ունեն նրանք

Մհեր Արմենիայի «Ազգի ձայն» կուսակցությունը չի միանա վարչապետի հրաժարականի պահանջին

Համագյուղացու նկատմամբ սպանության փորձ կատարելու գործի նախաքննությունն ավարտվել է

Դոլարն ու ռուբլին կրկին նվազել են. ԿԲ-ն սահմանել է նոր փոխարժեքներ

Հայաստանի բանտերում գտնվող անձանցից քանիսն են աշխատում. ուղղիչ հիմնարկն ինչ է պարտավոր հաշվի առնել

Վահագն Խաչատուրյանը և Ջոն Գալլագերը քննարկել են ոլորտային համագործակցության ընդլայնման հեռանկարները

ԿԳՄՍ նախարարն ընդունել է 44-օրյա պատերազմում զոհված զինծառայողների մայրերին

Հայաստանը հոգեկան առողջության մանկական բաժանմունք ունի

Սուրենավան գյուղի մոտ տեղի ունեցած պատահարի դեպքի առթիվ հարուցված քրեական գործը կարճվել է

Արարատ Միրզոյանը հեռախոսազրույց է ունեցել Ֆրանսիայի ԱԳ նախարար Ժան-Իվ Լը Դրիանի հետ

ՏՄՊՊՀ-ն 20 տարեկան է. առաջիկա տարիներին մրցակցային քաղաքականությունը հիմնված է լինելու 4 հենասյուների վրա

Թատրոնը վերից վար խառնված է, որ անկյունը մտնում ես՝ աղբ է, լվացված չէ. Օպերային թատրոնի տնօրենի նորանշանակ պաշտոնակատար