Դեկտեմբերի 20-ին Բաքվում կայացել է «Լեռնային Ղարաբաղի ադրբեջանական համայնք» հասարակական կազմակերպության համագումարը: Դրա ընթացքում պաշտոնանկ արված Բայրամ Սաֆարովի փոխարեն կազմակերպության ղեկավար ընտրվեց Ադրբեջանի ԱԳՆ աշխատակից Թուրալ Գյանջալիեւը:

Այդ փոփոխությունը դրական արձագանք է ստացել ադրբեջանական փորձագետների շրջանում: ԱԳՆ աշխատակցի նշանակումը դիտարկվում է որպես «կադրային-քաղաքական» փոփոխություն, որը միտված է կազմակերպության՝ «նոր պայմաններում» առավել արդյունավետ գործունեությունն ապահովելուն:

Այժմ, ըստ minval.az-ի, կազմակերպության առջեւ դրված խնդիրների լուծման համար դրա ղեկավարին այլեւս բավարար չէ «ազնիվ հայրենասեր» լինելը. այդ դիրքում անհրաժեշտ է պրոֆեսիոնալ դիվանագետ ունենալ:

Կայքը նշում է, որ ուժերի հարաբերակցությունը հայ-ադրբեջանական հակամարտությունում փոխվում է ոչ Հայաստանի օգտին՝ «ոչ միայն իրավական հարթության վրա, որտեղ Ադրբեջանն ի սկզբանե ուներ առավելություն»: «Սպառազինությունների մրցավազքում», ըստ կայքի, Ադրբեջանը եւս առջեւում է: Իսկ այժմ Ադրբեջանը «վստահ մանեւրներ է կատարում տեղեկատվա-քաղաքական դաշտում»:

«Լեռնային Ղարաբաղի ադրբեջանական համայնքի» ղեկավարի փոփոխությունը դիտարկվում է հենց «տեղեկատվա-քաղաքական դաշտի» մանեւրների շարքում: Խանդավառության համար հիմք է հանդիսացել նաեւ Ղազախի եւ Աղստաֆայի ուղղությամբ Հայաստանի հետ սահմանին ադրբեջանական ԶՈւ ստարաբաժանումների փոխարինումը սահմանապահներով, ավելի ստույգ հայկական կողմի արձագանքը դրան: Ըստ կայքի՝ «Հայաստանում շոկ է, չգիտեն, թե ինչպես արձագանքեն դրան»:

Սահմանապահ ստորաբաժանումների տեղակայմանն անդրադարձել էր նաեւ Ադրբեջանի արտաքին գործերի նախկին նախարար Տոֆիք Զուլֆուգարովը: Նրա խոսքով՝ դա այն բանի ապացույցն է, որ Ադրբեջանն իր առջեւ նպատակ չի դնում Հայաստանի տարածքի վրա հարձակվելու: Նա այդ քայլն ավելի շատ խորհրդանշական է համարում:

Ընդ որում, Ադրբեջանում կարծում են, որ ուժերի հարաբերակցության վերոնշյալ փոփոխությունը սկսվել է «2016 թ. ապրիլյան մարտերից հետո»: Ապրիլյան պատերազմն, ի դեպ, ըստ ադրբեջանական վարկածի, լայնամասշտաբ հարձակում չէր սահմանագծի ողջ երկայնքով, այլ «թիրախային ռազմագործողություն, որում Ադրբեջանը ներգրավել էր իր ռազմական ներուժի 10-15 տոկոսը»:

Ինչեւէ, կարելի է եզրակացնել, որ Ադրբեջանում հույս ունեն, թե հակամարտության կարգավորումը շուտով կթեւակոխի այն փուլ, որում գործընթացին կմիանան «շահագրգիռ կողմերը՝ Լեռնային Ղարաբաղի հայկական եւ ադրբեջանական համայնքները»: Հենց այդտեղ էլ «Լեռնային Ղարաբաղի ադրբեջանական համայնքի» նոր՝ դիվանագետ ղեկավարը առավելագույնս օգտակար կլինի:

Ինչ վերաբերվում է հայկական եւ ադրբեջանական համայնքները նույն հարթության վրա դնելուն, ապա դա բավական վտանգավոր հեռանկար է: Այդպիսով՝ կստեղծվի իրավիճակ, երբ հավասարության նշան է դրվում հասարակական կազմակերպության եւ արդեն կայացած պետության միջեւ:

Այդուհանդերձ, ադրբեջանական փորձագետների շրջանում ոչ բոլորն են կարծում, որ ՀԿ-ի նոր ղեկավարի ընտրությունը կապված է կազմակերպությունը առաջիկա բանակցություններին նախապատրաստելու հետ: Քաղաքագետ Ռասիմ Աղաեւի կարծիքով՝ այս ճանապարհով փորձ է արվում ողջ հանրությունը նախապատրաստել նրան, որ մոտ ապագայում բանակցային գործընթացն ակտիվանալու է: ԱԳՆ աշխատակցի ընտրությունը Աղաեւը դիտարկում է որպես ազդակ, որ «հարցը կդրվի դիվանագիտական, խաղաղ կարգավորման ռելսերի վրա»: Նրա խոսքով՝ «եթե ադրբեջանական պրակտիկայից վերանա ազգականներին, ծանոթներին, ընկերներին նշանակել անհրաժեշտ պաշտոններում, ապա սկզբունքորեն դա ճիշտ է»:

Ինչ վերաբերվում է Ադրբեջանի արտաքին գործերի նախարար Էլմար Մամեդյարովի հայտարարությանը՝ ՀՀ ԱԳՆ Զոհրաբ Մնացականյանի հետ փոխըմբռման մասին, ապա քաղաքագետը կարծում է, որ Մամեդյարովը «փոքր ինչ չափազանցրել է սկսված գործընթացի բովանդակությունը»: Աղաեւի խոսքով՝ հայկական կողմը ավելի զգուշավոր է գործում, քանի որ ՀՀ վարչապետ Նիկոլ Փաշինյանը գտնվում է արտաքին ուժերի ճնշման տակ եւ ներքին վատթարացող իրավիճակի պայմաններում: Բացի դրանից, ըստ քաղաքագետի, «հայերը սովոր են, որ ինչ էլ անեն՝ ստանում են աջակցություն Մոսկվայում եւ Եվրոպայի ու ԱՄՆ-ի մայրաքաղաքներում, մինչդեռ այդ իրավիճակը փոխվում է»:

Հայաստանի «ներքին խնդիրներին» անդրադարձել էր նաեւ Տոֆիք Զուլֆուգարովը՝ հատուկ ուշադրություն դարձնելով «Միացում» գաղափարի «փլուզմանը»: Ըստ նախկին նախարարի՝ «հայերի տարածքային բաժանումը միշտ եղել է եւ կլինի»: Նա նաեւ փորձ էր արել կապել ներքին խնդիրների լուծումը հակամարտության կարգավորման հետ՝ նշելով, որ եթե Փաշինյանը նոր բան չառաջարկի, ապա մնացած ուղղություններով նա եւս չի հաջողի:

Այսպիսով՝ ակնհայտ է դառնում, որ փոփոխություն չկա ոչ միայն բանակցային գործընթացքում, այլեւ ադրբեջանական մոտեցումներում: Կարճ դադարից հետո շրջանառության մեջ են վերադարձել ադրբեջանական այն թեզերը, թե իբր «Հայաստանը հակամարտության պատճառով թաղված է ներքին խնդիրների մեջ», «Ադրբեջանը գերազանցում է Հայաստանին ռազմական, դիվանագիտական եւ քաղաքական կարողություններով» եւ, իհարկե, «հայերն անմիաբան են»: Ուստի, ժամանակի հարց է, թե երբ է վերադառնալու Ադրբեջանի ռազմատենչ հռետորաբանությունը:

Տպել
1730 դիտում

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը

Պարետը նոր որոշում է ընդունել. կտեղադրվեն հատուկ անցակետեր՝ անձանց ու տրանսպորտային միջոցների շարժը վերահսկելու համար

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը

Անցկացվել է Լոռու կորոնավիրուսի վարակի տարածման, կանխարգելման եւ արձագանքման շտաբի հերթական նիստը

Հավաք-պարապմունքներ են անցկացվել 5-րդ զորամիավորումում․ ՊՆ

ԱԺ նախագահը 3 ժամ առաջ հայտարարել էր, որ 21։30-ից հետո նիստ է լինելու, սակայն ընդդիմությունն էլի չկա․ Ռուբեն Ռուբինյան

Բյուրեղավանի ոստիկանները գողության դեպքեր են բացահայտել

Կրակային պատրաստության պարապմունք է անցկացվել 4-րդ զորամիավորումում․ ՊՆ

Անելու եմ ամեն ինչ, որ իրավապահ մարմինները պատշաճ կերպով ընթացքավորեն բոլոր առերևույթ իրավախախտումները. ԱՀ ՄԻՊ

Կորոնավիրուսից մինչեւ նավթի շուկայում տիրող իրավիճակ. Պուտինն ու Թրամփը հեռախոսազրույց են ունեցել

Ես պատրաստ եմ ընդունել Արցախի բնակչության քվեարկության ցանկացած արդյունք. Արայիկ Հարությունյան

Ոստիկանության Նաիրիի բաժնի ծառայողները բնակարանային գողության դեպք են բացահայտել

Զոհրաբ Մնացականյանը երախտագիտություն է հայտնել ԱՄՆ-ին կորոնավիրուսի դեմ պայքարում աջակցության համար

Արցախի ընտրություններին մասնակցել է ընտրողների 72.7 տոկոսը. ամենացածր մասնակցությունը գրանցվել է Երեւանի տեղամասում

Ժամը 18:30-ի դրությամբ գանձապետարանում բացված ֆինանսական աջակցության հաշվի մուտքերը կազմել են 813 մլն 144 հազար դրամ

Կորոնավիրուսի հաստատված դեպքով եւս մեկ քաղաքացի այսօր վերակենդանացման բաժանմունքից տեղափոխվել է բուժական բաժանմունք