Ինքը մեզ մարդ հաշվեց, եկավ մեր մեջ նստեց. Աննա Հակոբյանի այցելությունը թիվ 1 տուն ինտերնատ

Այսօր առաջին տիկին Աննա Հակոբյանն այցելել էր Երեւանի թիվ 1 տուն ինտերնատ: Շուրջ 240 տարեց բնակիչ ունեցող այս ինտերնատի ընտրությունն Աննա Հակոբյանը որեւէ ձեւով չառանձնացրեց՝ ասելով, որ ընտրություն որեւէ հատուկ կերպով չի կատարվել: «Ընդամենը պետք էր այցելել տներից մեկը: Եթե կարողանայի այս տարի բոլորը այցելել՝ շատ լավ կլիներ, բայց կդժվարանամ, քանի որ տարին մոտենում է իր ավարտին»,- ասաց նա:

Աննա Հակոբյանը նկատեց, որ մոտենում է Ամանորը եւ Սուրբ ծնունդը եւ տարվա այն ժամանակահատվածն է, երբ յուրաքանչուր ոք պետք է իր շուրջը նայի եւ ուշադրության կարիք ունեցող մարդկանց հատուկ ուշադրության արժանացնի. «Պետք է փորձենք իրենց ուրախացնել, որպեսզի կարողանան տարին ամփոփել ավելի ուրախ նոտայով»:

Աննա Հակոբյանը թվարկեց ինտերնատ տարած նվերներից մի քանիսը. «Տատիկների, պապիկների համար նախատեսված հագուստ է՝ ժակետներ, գուլպաներ: Տեղական արտադրության ապրանքներ են, ինչը մեզ համար սկզբունքային էր, որ լիներ տեղական արտադրության»,- ասաց նա:

Հակոբյանը նկատեց, որ «Իմ քայլը» հիմնադրամի շրջանակներում կարող է աջակցություն տրամադրել եւ մշտապես ուշադրության կենտրոնում պահել տարեցների խնդիրները: Եվ որքան ժամանակ ու ներուժ ունենա՝ առավելագույնս կփորձի տրամադրել նրանց:

Թիվ մեկ ինտերնատում այսօր իսկապես տոն էր: Տատիկներն ու պապիկներն անչափ ուրախ ու ոգեւորված էին: Տատիկները հագել էին իրենց ամենագեղեցիկ ու շքեղ զգեստները եւ բարձր տրամադրությամբ հետեւում էին իրենց մատուցվող անակնկալներին:

Նրանք մեկ սեղանի շուրջ վայելում էին ուտելիքներն ու զրուցում առաջին տիկնոջ հետ: Աննա Հակոբյանը չմերժեց տարեցների խնդրանքն ու պարեց նրանց հետ:

Այս մարդկանց առավել քան զարմացրեց Աննա Հակոբյանի անմիջականությունն ու ջերմ վերաբերմունքը. «Երբ նա եկավ մեր մեջ նստեց, ու չառանձնացավ, դուք չե՜ք պատկերացնի, թե մեզ համար դա ինչ ուրախություն էր»:

Ինտերնատի բնակիչներից տիկին Ազնիվ Խաչատրյանի խոսքով՝ նախորդ իշխանությունների կողմից էլ են եղել նման այցելություններ, սակայն առաջին անգամ է, երբ առաջին տիկնոջ հետ միեւնույն սեղանի շուրջ են նստած. «Ինչքան հաճելի է, դուք չեք պատկերացնի: Նախկինում, երբ գալիս էին ղեկավարությունից, միշտ պիտի առանձին նստեին: Ինքը մեզ մարդ հաշվեց, եկավ մեր մեջ նստեց: Դա մեզ համար ամեն ինչ է: Պարզապես երջանիկ ենք»:

Աննա Հակոբյանը շնորհավորեց ներկաների գալիք Ամանորն եւ Սուրբ ծնունդը. «Ձեզ պաշտոնական, մեծ տեքստեր ասել չեմ ուզում, դրա փոխարեն կնստեմ յուրաքանչուրիդ հետ միեւնույն սեղանի շուրջ, պատրաստ եմ զրուցել ու լսել բոլորիդ: Բոլորիս պարզապես մի բան կմաղթեմ՝ կարողանանք շատ շուտով ունենալ այնպիսի երկիր, որպեսզի ձեր բոլորի երազանքներն իրականություն դառնան, եւ դուք ամենաբավարարվածը լինեք ձեր ապրելակերպով, ձեր կյանքով եւ յուրաքանչյուր ապրած օրով»,- ասաց Աննա Հակոբյանը:

Թիվ 1 տուն ինտերնատի բնակիչներն Աննա Հակոբյանի համար նվերներ էին պատրաստել: Տիկին Լառան որպես իրենից հիշատակ՝ ձեռքից հանեց մատանին եւ դրեց Աննա Հակոբյանի մատին: Տիկին Ժաննան էլ իր պատրաստած ձեռագործ աշխատանքն էր բերել եւ նվիրեց: Ասում է՝ որոշել էր արժանավոր մարդու նվիրել: Աշխատանքներից մեկը նվիրել է Քուվեյթի դեսպանի կնոջը, իսկ մյուսը՝ ՀՀ վարչապետ Նիկոլ Փաշինյանի կնոջը: «Որոշեցի նվիրել տիկին Աննային, որովհետեւ իրենք արդար մարդիկ են, արդարության համար են կռվում»,- ասաց տիկին Ժաննան:

Թիվ 1 տուն ինտերնատ էին այցելել նաեւ աշխատանքի եւ սոցիալական հարցերի նախարարության անդամները: Աշխատանքի եւ սոցիալական հարցերի նախարարի տեղակալի պաշտոնակատար Զարուհի Բաթոյանը տուն ինտերնատի բոլոր բնակիչներին ցանկացավ, որ ապրեն այնպիսի մթնոլորտում, որպեսզի միշտ ջերմությամբ ու ուշադրությամբ շրջապատված լինեն: «Կարեւորում եմ նաեւ մեր համայնքային ծառայությունների ստեղծումը, եւ մեր առաջիկա ծրագրերն ուղղված են լինելու նրան, որպեսզի մեր տարեցները կարողանան իրենց համայնքում, իրենց ընտանիքում լիարժեք ապրել»,- ասաց Զարուհի Բաթոյանը:

Տպել
2740 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության