Ձու արտադրող ընկերությունները մեզ հավաստիացնում են, որ ձվի գնի թանկացում չի եղել եւ չի լինելու. Գեւորգյան

Նախօրեին ֆերմերները բողոքել էին, որ գյուղատնտեսության նախարարությունը ոչ մի քայլ չի ձեռնարկում, որպեսզի Թուրքիայից լոլիկ չմտնի Հայաստան, ինչի արդյունքում իրենք տուժում են: Նրանք նշում էին, որ գյուղատնտեսության նախարարը այդքան էլ չի տիրապետում ոլորտին:

«Ցանկանում եմ հստակ նշել, որ գյուղատնտեսության նախարարությունը եւ կառավարությունը ձեռնարկել են բոլոր անհրաժեշտ քայլերը, որպեսզի պաշտպանի իր տնտեսվարողին: Ավելին, մենք խորհրդակցության ենք հրավիրել միջին եւ մանր ջերմոցային տերերին, որոնց հետ քննարկվել են ոչ միայն տվյալ պահին առաջացած խնդիրները, այլ նաեւ ոլորտի զարգացման ռազմավարությունը եւ այն ուղիները, որոնցով կարող է մեր ոլորտը զարգանալ: Այդ իսկ պատճառով, կարծում եմ, ճիշտ չէ նման հայտարարություն անել, որ կառավարությունը կամ գյուղատնտեսության նախարարությունը քայլեր չի ձեռնարկում:

Կցանկանայի նշել, որ լոլիկի ներկրման հետ գյուղատնտեսության նախարարությունը որեւիցե կապ չունի եւ չի կարող միջամտել: Սակայն դա չի նշանակում, որ նախարարությունը քայլեր չի ձեռնարկում»,- այս մասին ՀԺ-ի հետ զրույցում ասաց ՀՀ գյուղատնտեսության նախարարի պաշտոնակատար Գեղամ Գեւորգյանը՝ անդրադառնալով ֆերմերների բարձրացրած խնդրին:

Մեր հարցին, թե ճի՞շտ է, որ 2018 թվականին Հայաստանում ժամանակակից ջերմոցների քանակը զգալիորեն մեծացել է եւ եթե այո՝ ինչո՞վ է դա պայմանավորված, Գեւորգյանը պատասխանեց. «Այո, դուք շատ ճիշտ եք: Կոնկրետ Արարատի եւ Արմավիրի մարզում ամենաշատ ներդրումը կատարվել է ջերմոցային տնտեսությունների ստեղծման եւ զարգացման վրա: Գյուղատնտեսական ոլորտը ձեռնտու է՝ անկախ ամեն ինչից:

Ջերմոցային տնտեսությունը հնարավորություն է տալիս ամբողջ տարվա ընթացքում ունենալ արտադրանք եւ ապահովել վաճառք»:

Գեւորգյանը նաեւ անդրադարձավ մամուլի հրապարակումներին՝ կապված ձվի գնի թանկացման հետ. «Որպես գյուղատնտեսության նախարար, կարող եմ հստակ մի բան նշել, որ մենք սկսել ենք ներդնել համակարգ, որը կիրականացնի շուկայի ուսումնասիրություն, ընդ որում, պրոֆեսիոնալ ձեւով, որը հնարավորություն կտա նմանատիպ խոսակցությունը բերել ավելի պրոֆեսիոնալ դաշտ: Ոչ թե օրինակ մեկ խանութում տեսնել ձվի գնի թանկացում կամ էժանացում եւ դրանով պայմանավորել ոլորտի խնդիրները:

Ընդամենը օրեր առաջ վերջացրել ենք պիլոտը: Ուսումնասիրել ենք Երեւանում եւ մարզերում շուկայի գները` մանրածախ եւ մեծածախ շուկայի գները, նույն օրը նույն ժամին հստակ պարբերականությամբ պետք է ուսումնասիրվի ամբողջ տարվա ընթացքում, որպեսզի մենք կարողանանք գնի փոփոխությունները արձանագրել: Հակառակ պարագայում ցանկացած խոսակցություն չի կարող համարվել պրոֆեսիոնալ մակարդակի վերլուծություն, որովհետեւ օրվա կտրվածքով գնի տատանումը կարող է կապված լինել բազմաթիվ երեւույթների հետ, որը որեւէ ձեւով կարող է եւ չառնչվել գյուղատնտեսության հետ:

Ձու արտադրող ընկերությունները մեզ հավաստիացնում են, որ ձվի գնի թանկացում չի եղել եւ չի լինելու: Մենք ինքնաբավ ենք ձվի շուկայով այս պահին, այսինքն, լրացուցիչ արտադրանքի կամ դիֆիցիտի խնդիր այս պահին մենք չունենք»,- ասաց նախարարի պաշտոնակատարը:

Գեւորգյանը նաեւ նշեց, որ գնի որոշման հետ նախարարությունն առնչություն չունի:

Տպել
6930 դիտում

Թուրքիայում ահաբեկիչների վնասազերծման ժամանակ նրանցից մեկը պայթեցրել է իրեն (տեսանյութ)

Մեղադրանքներ, բոյկոտ ու վիրավորանք. Ֆրանս-թուրքական հեռակա հակամարտությունը

Սկզբում 5.000, հետո 40․000. Վանաձորում երեխաները էջանշաններ ու օրացույցեր են վաճառում, գումարը փոխանցում հիմնադրամին

Ադրբեջանի սպառնալիքներից չենք վախենում․ Հովհաննիսյանը՝ թուրքական F-16-երը կիրառելու Ալիևի հայտարարության մասին

Հաղթելու ենք նաեւ կրթությամբ ու գիտությամբ․ մեդալակիր հայ երիտասարդները մտադիր են իրենց գիտելիքով հզորացնել հայրենիքը

Հումանիտար ուղեբեռն առաջնահերթության կարգով ուղարկվում է Արցախ. ԱԻ փոխնախարար

Սյունիքի դարպասները հյուսիսից հարավ ամուր փակ են. դուխներդ տեղը, գլուխներդ բարձր. Արայիկ Հարությունյան

Թշնամական երկու ԱԹՍ քիչ առաջ ցած ընկավ. Վահրամ Պողոսյան

Ադրբեջանի կողմից հայկական էջերին ուղարկվող պատերազմական դաժանություններով տեսանյութերը կուղարկվեն միջազգային մարմիններին

Դարբնիկ գյուղում այրվել է մոտ 800 քմ խոտածածկույթ, փայտե շինություն, վառելափայտ և կենցաղային իրեր. ԱԻՆ

Հակառակորդը, այո, մոտեցել է Սյունիքի դարպասներին, բայց իրավիճակը ծայրահեղ չէ․ Արծրուն Հովհաննիսյան

Հայ գեներալի ու ժամկետայինի հակագրոհից փախուստի դիմեցին աշխարհի հզորներից համարվող հատուկջոկատայինները. Հովհաննիսյան

Երեկ երեկոյան հակառակորդին հաջողվեց գրավել Կուբաթլուն և որոշ ուղղություններով առաջանալ․ Արծրուն Հովհաննիսյան

Տեսանյութ է տարածվել, որտեղ ոստիկանության ծառայողը դժգոհում է կացության պայմաններից ու կենցաղային վիճակից. պարզաբանում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ