Նոր նշանակումն ավելի կբարելավի առաջնագծի ամրակայունությունը, իսկ Կարապետյանն Արցախի ծեծ ու ջարդի քավորն է. Վ. Բադասյան

Այսօր Արցախի պաշտպանության բանակի հրամանատարի պաշտոնից պաշտոնապես ազատվեց գեներալ-լեյտենանտ Լեւոն Մնացականյանը: Այդ պաշտոնում նրան փոխարինեց ՊԲ շտաբի պետ գեներալ-մայոր Կարեն Աբրահամյանը: Թեեւ հրամանագիրն այսօր հրապարակվեց, սակայն կադրային այդ փոփոխությունն արդեն 2 օր է՝ ակտիվ քննարկվում էր թե՛ սոցցանցերում եւ թե՛ ԶԼՄ-ներում:

«Սա Նիկոլ Փաշինյանի կողմից հստակ ժեստ է, որ բանակը չպետք է մասնակցի գործընթացներում»,- այս մասին ՀԺ-ի հետ զրույցում ասաց Արցախի ռազմական-քաղաքական գործիչ Վահան Բադասյանը:

- Պարոն Բադասյան, արդյո՞ք Լեւոն Մնացականյանի ազատումը ՊԲ հրամանատարի պաշտոնից քաղաքական պատճառներ ունի:

- Միանշանակ չի կարելի ասել՝ չէ, եւ միանշանակ չի կարելի ասել, որ ունի: Բայց ամեն դեպքում, Նիկոլ Փաշինյանն ընտրություններից առաջ ասաց, որ պետք է անդրադառնա Արցախին: Կոնկրետ չի ասել, թե ում է անդրադառնալու կամ հատկապես որ բնագավառին, բայց ինքն ասաց, որ կոնկրետ պիտի անդրադառնա Արցախին: Եւ անդրադարձը սա է եղել: Լեւոն Մնացականյանը ունի վաստակ եւ ավանդ, բայց նույն ձեւով վաստակ եւ ավանդ ունի նաեւ Կարեն Աբրահամյանը եւ որեւէ տարբերություն ես չեմ տեսնում: Ընդհակառակը, ես կասեի, որ նոր նշանակումն ավելի կբարելավի ՊԲ հրամանատարությունը, առաջնագծի ամրակայունությունը: Սա կարելի է նաեւ քաղաքական տեսանկյունից դիտել, որ բանակը պետք է իսկապես տարանջատվի՝ այն առումով, որ քաղաքական գործընթացներում` կոնկրետ ընտրություններում, բանակը չի կարելի ներգրավել:

Մինչեւ 2017 թվականի խորհրդարանական ընտրությունները ներառյալ բանակը ներգրավվում էր ընտրական գործընթացներում եւ ապահովում էր իշխող համակարգի հաղթանակը: Ես համոզված եմ՝ սա Նիկոլ Փաշինյանի կողմից հստակ ժեստ է, որ բանակը չպետք է մասնակցի գործընթացներում: Ամեն մի սպա կամ զինծառայող թող քվեարկի իր խղճի թելադրանքով: Այնպիսի ազատ ընտրություններ պետք է լինեն, ինչպես եղան քաղաքապետի վերջին ընտրությունները՝ Երեւանում եւ Ազգային ժողովի ընտրությունը՝ ամբողջ Հայաստանում: Չնայած չի ասում, բայց ես ակնկալում եմ, որ Նիկոլ Փաշինյանի անդրադարձներից մեկը հենց դա է:

- Այսինքն՝ Մնացականյանի ազատման պահանջը Հայաստանի՞ց է եկել:

- Չեմ ասում, թե Հայաստանի պահանջն էր: Դա օրվա պահանջն էր: Եւ ես չեմ տարանջատում Հայաստանն Արցախից, մանավանդ որ ես կուսակցություն եմ հիմնադրում Արցախում՝ «Միացյալ Հայաստան»: Ես գտնում եմ, որ Հայաստան, Արցախ նույնն է: Մի բան ասեմ, այսպես թե այնպես Արցախը միշտ էլ ղեկավարվել է Հայաստանից, եւ ես միշտ էլ ասել եմ, որ Հայաստանի իշխանությունները ընտրությունների կեղծումով դառնում են ղեկավարներ, իսկ Արցախի իշխանությունները իրենց կամակատար շարունակությունն են եղել միշտ էլ: Ես կարծում եմ, որ բավական է, չի կարելի այսպես շարունակել: Դա կլինի այն, որ Արցախը միանա Հայաստանին եւ մենք դառնանք մեկ միասնական երկիր եւ մեր իշխանությունները ձեւավորվեն քաղաքացու իրավունքները հարգող, ազատ եւ արժանապատիվ ընտրությունների արդյունքներով:

- Ինչպե՞ս են վերաբերվում արցախցիները այս կադրային փոփոխությանը:

- Ես համոզված եմ, որ նորմալ են վերաբերվում եւ առաջիկայում կհամոզվեն, որ սա նորմալ բարելավման նպատակ ունեցող նշանակում է:

-  Որպես ռազմական գործիչ, ի՞նչ կարծիք ունեք ՊԲ նոր հրամանատար Կարեն Աբրահամյանի նշանակման մասին:

- Ես ի՞նչ կարծիք պետք է ունենամ, երբ լրատվամիջոցներից մեկը ինձ մայիսին հարցրեց, թե ո՞ւմ եմ տեսնում ՀՀ ԶՈՒ գլխավոր շտաբի պետի պաշտոնում, ես միանշանակ ասացի՝ Կարեն Աբրահամյան եւ Միքայել Արզումանյան: Ես շատերին գիտեմ, բայց այդ երկու անձնավորություններին առանձնացրել եմ, որպես մարդիկ, ովքեր գեներալներ են բառիս բուն իմաստով, գեներալի պատիվն են պահում եւ նրանց մարտական պատրաստվածությունը շատ բարձր է:

- Մամուլում գրվեց նաեւ, որ պատրաստվում է հրաժարական տալ ՊԲ հրամանատարի տեղակալ, Արցախի հերոս Սամվել Կարապետյանը : Ի՞նչ կասեք այդ մասին:

- Սամվել Կարապետյանը (Օգանովսկի) շատ վաղուց պետք է հեռացված լիներ պաշտոնից, որովհետեւ ինքը Արցախի ծեծ ու ջարդի քավորն է եղել: Դուք հիշում եք Բերձորի պատմությունները, պատգամավորի առեւանգումը: Եւ ընդհանրապես Արցախի ազատամարտի միությունը, որն ինքը ղեկավարում է, Հայաստանի «Երկրապահ» կամավորականների միության նման մի բան է, որը միշտ ծառայել է ընտրություններից ընտրություն՝ վետերաններին ներքաշելով եւ հաղթանակ ապահովելով: Դա հայանպաստ եւ նորմալ կառույց չէ, ինչպես Երկրապահը Հայաստանում ծառայում էր մեկ մարդու, այդպես էլ այս կառույցը: Տնտեսության մեջ էլ իր դերն ունի: Պետք է Սամվել Կարապետյանը, որպես պաշտոնյա, դուրս մղվի եւ չարատավորի գեներալի պատիվն ու անունը:

Տպել
9767 դիտում

Ինչպես են փրկարարներն Արփա գետից դուրս բերում ավտոմեքենան (տեսանյութ)

Դատավորների ընդհանուր ժողովը ՍԴ դատավորի թեկնածու է ընտրել

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում