ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Ավարտվեց ՈՒԵՖԱ-ի նոր մրցաշարի՝ Ազգերի լիգայի անդրանիկ խաղարկության խմբային փուլը: Երեկ՝ նոյեմբերի 20-ին, կայացան բոլոր դիվիզիոնների խմբերի վերջին հանդիպումները: Հայտնի դարձան ինչպես փյել-օֆի մասնակիցները, այնպես է մրցաշարի արդյունքներով ավելի բարձր դիվիզիոնում հանդես գալու իրավունք ստացած ու ավելի ցածր դիվիզիոնում հայտնված թիմերը:

Ուժեղագույնների՝ A դիվիզիոնում խմբերի հաղթողներ չկարողացան դառնալ այնպիսի հավաքականներ, ինչպիսիք են աշխարհի գործող չեմպիոն Ֆրանսիան, փոխչեմպիոն Խորվաթիան, բրոնզե մեդալակիր Բելգիան, նախկին չեմպինոններ Գերմանիան ու Իսպանիան:

A դիվիզիոնի խմբերն ունեն հետեւյալ տեսքը.

1-ին խումբ

1.Հոլանդիա 7 միավոր

2.Ֆրանսիա 7 միավոր

3.Գերմանիա 2 միավոր

2-րդ խումբ

1.Շվեյցարիա 9 միավոր

2.Բելգիա 9 միավոր

3.Իսլանդիա 0 միավոր

3-րդ խումբ

1.Պորտուգալիա 8 միավոր

2.Իտալիա 5 միավոր

3.Լեհաստան 2 միավոր

4-րդ խումբ

1.Անգլիա 7 միավոր

2.Իսպանիա 6 միավոր

3.Խորվաթիա 4 միավոր

Հաղթողները՝ Հոլանդիան, Շվեյցարիան, Պորտուգալիան եւ Անգլիան կվիճարկեն Ազգերի լիգայի չեմպիոնի կոչումը: Վերջին տեղերը զբաղեցրած Գերմանիան, Իսլանդիան, Լեհաստանը եւ Խորվաթիան հաջորդ խաղարկությունում կլինեն B դիվիզիոնում:

B դիվիզիոնում պատկերն այսպիսին է.

1-ին խումբ

1.Ուկրաինա 9 միավոր

2.Չեխիա 6 միավոր

3.Սլովակիա 3 միավոր

2-րդ խումբ

1.Շվեդիա 7 միավոր

2.Ռուսաստան 7 միավոր

3.Թուրքիա 3 միավոր

3-րդ խումբ

1.Բոսնիա եւ Հերցեգովինա 10 միավոր

2.Ավստրիա 7 միավոր

3.Հյուսիսային Իռլանդիա 0 միավոր

4-րդ խումբ

1.Դանիա 8 միավոր

2.Ուելս 6 միավոր

3.Իռլանդիա 2 միավոր

Ուկրաինան, Շվեդիան, Բոսնիա եւ Հերցեգովինան ու Դանիան հաջորդ խաղարկությունում հանդես կգան A դիվիզիոնում: Սլովակիան, Թուրքիան, Հյուսիսային Իռլանդիան ու Իռլանդիան կտեղափոխվեց C դիվիզիոն:

C դիվիզիոնն այսպիսին է.

1-ին խումբ

1.Շոտլանդիա 9 միավոր

2.Իսրայել 6 միավոր

3.Ալբանիա 3 միավոր

2-րդ խումբ

1.Ֆինլանդիա 12 միավոր

2.Հունգարիա 10 միավոր

3.Հունաստան 9 միավոր

4.Էստոնիա 4 միավոր

3-րդ խումբ

1.Նորվեգիա 13 միավոր

2.Բուլղարիա 11 միավոր

3.Կիպրոս 5 միավոր

4.Սլովենիա 3 միավոր

4-րդ խումբ

1.Սերբիա 14 միավոր

2.Ռումինիա 12 միավոր

3.Մոնտենեգրո 7 միավոր

4.Լիտվա 0 միավոր

Շոտլանդիան, Ֆինլանդիան, Նորվեգիան ու Սերբիան հաջորդ խաղարկությունում կբարձրանան B դիվիզիոն: Ալբանիան, Էստոնիան, Սլովենիան, Լիտվան կպայքարեն D դիվիզիոնում:

D դիվիզիոնի խմբերում թիմերը հետեւյալ դասավորությունը ստացան.

1-ին խումբ

1.Վրաստան 16 միավոր

2.Ղազախստան 6 միավոր

3.Լատվիա 4 միավոր

4.Անդորրա 4 միավոր

2-րդ խումբ

1.Բելառուս 14 միավոր

2.Լյուքսեմբուրգ 10 միավոր

3.Մոլդովա 9 միավոր

4.Սան Մարինո 0 միավոր

3-րդ խումբ

1.Կոսովո 14 միավոր

2.Ադրբեջան 9 միավոր

3.Ֆարերյան Կղզիներ 5 միավոր

4.Մալթա 3 միավոր

4-րդ խումբ

1.Մակեդոնիա 15 միավոր

2.Հայաստան 10 միավոր

3.Ջիբրալթար 6 միավոր

4.Լիխտենշտեյն 4 միավոր

Վրաստանը, Բելառուսը, Կոսովոն ու Մակեդոնիան կտեղափոխվեն C դիվիզիոն:

Ազգերի լիգայի հաղթողը որոշվելու է 2019-ի հունիսին: A դիվիզիոնի 4 հաղթողները կանցկացնեն կիսաեզրափակիչները, 3-րդ տեղի համար հանդիպումը եւ եզրափակիչը: Այս խաղերը տեղի կունենան 2019-ի հունիսի 5-9 Պորտուգալիայում:

Խմբերի հաղթողները նաեւ հնարավորություն ունեն պայքարելու Եվրո 2020-ի 4 ուղեգրերի համար: Յուրաքանչյուր դիվիզիոնի 4-ական հաղթողներն իրենց մեջ փլեյ-օֆ կանցկացնեն, որը բաղկացած 2 կիսաեզրափակչից եւ 1 եզրափակչից: Եթե խմբային փուլում թիմերը մրցակիցների հետ 2-ական հանդիպում էին անցկացնում՝ տանը եւ դրսում, ապա կիսաեզրափակչում ու եզրափակչում ունենալու են 1-ական խաղ:

Բայց մինչեւ Ազգերի լիգայի փլեյ-օֆ փուլին հասնելը Եվրո 2020-ի ընտրական փուլում (վիճակահանությունը դեկտեմբերի 2-ին) 20 երկրներ արդեն ուղեգրեր նվաճած լինելու են, ու գուցե նրանց թվում լինեն նաեւ Ազգերի լիգայի խմբերի հաղթողներից: Եթե տվյալ խմբի հաղթողն արդեն ուղեգիր ձեռք է բերել Եվրոպայի առաջնության ընտրական փուլում, ապա նրա տեղը զբաղեցնելու է իր լիգայի ամենաբարձր ցուցանիշն ունեցող թիմը:

Եթե, օրինակ, արդյունքում այնպես ստացվի, որ A լիգան փլեյ-օֆում մրցելու համար 4 մասնակից չունենա, ապա ազատ տեղը կզբաղեցնի B լիգայի ամենաբարձր ցուցանիշն ունեցող թիմը, որը չի հաղթել լիգայի իր խմբում: Փլեյ-օֆերը, որոնց միջոցով վիճարկվելու են Եվրոյի ուղեգրերը, տեղի կունենա 2020 թ. մարտին: