Մեր պլանավորածի պես ընթացավ. ծանրամարտի աշխարհի փոխչեմպիոն Գոռ Մինասյան

Օլիմպիական արծաթե մեդալակիր Գոռ Մինասյանը (109 կգ) գոհ է աշխարհի 2018 թ. առաջնությունից, թեեւ վերադարձել է ոչ թե ոսկե, այլ արծաթե մեդալով: Նոյեմբերի 1-10 Աշխաբադում կայացած մրցաշարում նա փոխչեմպիոն դարձավ՝ երկամարտում գրանցելով 450 կգ: Այսօր՝ նոյեմբերի 12-ին, «Զվարթնոց» օդանավակայանում նրան ու օլիմպիական արծաթե մեդալակիր, Եվրոպայի չեմպիոն Սիմոն Մարտիրոսյանին (109 կգ), որն Աշխաբադում չեմպիոն դարձավ, դիմավորելու էին եկել մտերիմներն ու մարզասերները: Լրագրողների հետ զրույցում նա նշեց, որ ուրախ է, որ բարելավել է ցուցանիշները հրում վարժությունում:

«Խանգարող ոչինչ չկար: Անձնական քաշս մի քիչ ավելացրել եմ, դրա արդյունքում հրում վարժությունում ավելացրել եմ, ինչը շատ կարեւոր է ինձ համար, որովհետեւ միշտ հրում վարժությունից էի տուժում, հիմա արդեն ուժեղացրել եմ: Գոհ եմ այնքանով, որ հրումում ավելացրի, որովհետեւ երկար ժամանակ՝ օլիմպիական խաղերից հետո չէր ստացվում կրկնել կամ ավելին բարձրացնել»,- ասաց նա:

Աշխարհի առաջնությունում նա հետ մնաց միայն Լաշա Տալախաձեից, որին ոսկին զիջել էր նաեւ Ռիոյի օլիմպիական խաղերում: Այս անգամ Գոռը նրան երկամարտում պարտվեց 24 կգ: Նա, սակայն վստահ է, որ ճիշտ աշխատանքի արդյունքում կկարողանա շրջանցել Տալախաձեին 2020 թ. օլիմպիական խաղերում:

«Եթե ընթանա այնպես, ինչպես պլանավորել ենք, Տոկիո 2020-ում կհաղթեմ նրան»,- ասաց նա՝ ավելացնելով, որ այս քաշային կարգում իր հիմնական մրցակիցը միայն Տալախաձեն է:

Գոռ Մինասյանը շատ ուրախ էր ընկերոջ համար: Թուրքմենստանի մայրաքաղաքում Սիմոն Մարտիրոսյանը ՀՀ հավաքականին բերեց վերջին 8 տարվա առաջին ոսկե մեդալն աշխարհի առաջնությունում: Նա նաեւ ռեկորդակիր դարձավ հրում վարժությունում ու երկամարտում:

«Իհարկե ոգեւորում է, որ թիմակիդ, ընկերդ աշխարհի չեմպիոն է դառնում, ամեն օր չէ, որ աշխարհի չեմպիոն են դառնում ու աշխարհի 3-4 ռեկորդ սահմանում»,- ասաց նա:

Այսօր Սիմոն Մարտիրոսյանին ու Գոռ Մինասյանին օդանավակայանում դիմավորելու էին եկել Հայաստանի սպորտի բարձրաստիճան պաշտոնյաները: Այնտեղ էին Հայաստանի ազգային օլիմպիական կոմիտեի նախագահ Գագիկ Ծառուկյանը, փոխնախագահ Դերենիկ Գաբրիելյանը, գլխավոր քարտուղար Հրաչյա Ռոստոմյանը, ՀՀ սպորտի եւ երիտասարդության հարցերի նախարարի պաշտոնակատար Գաբրիել Ղազարյանը, փոխնախարարի պաշտոնակատար Գեւորգ Լոռեցյանը:

Տպել
1944 դիտում

Շուշիի հրթիռակոծությունից ԱՀ ԱԻ պետական ծառայության 3 փրկարարներ վիրավորում են ստացել

Կորոնավիրուսից մահացել է ԱԺ նախկին պատգամավոր, փաստաբան Վարդան Զուռնաչյանը

ԱՀ ԶՈւ զորահավաքի միջոցով համալրած անձնակազմի դրամական ապահովության գումարների վճարումները կիրականացվեն նոյեմբերի 10-ից

Ալիևը հայտարարել է, որ պատրաստ է առանց նախապայմանների Մոսկվայում բանակցել ՀՀ վարչապետ Նիկոլ Փաշինյանի հետ. Ինտերֆաքս

Ադրբեջանական թիրախավորված հարձակումից հետո (տեսանյութ)

Մահացել է Վճռաբեկ դատարանի քրեական պալատի նախկին նախագահ Դավիթ Ավետիսյանը

Ռազմական դրության ժամանակահատվածում սահմանված հարկային արտոնությունները. ՊԵԿ

Հայաստանը 2-րդ տեղում է խոշոր երկրների ցանկում․ հիմնադրամից վստահեցնում են՝ արտասահմանից մեծ հոսքեր են սպասվում

Շուշիում ամբողջությամբ ավերվել է բնակելի առանձնատուն, մասնակի վնասվել է Խ. Աբովյանի անվան դպրոցը. ԱՀ ԱԻՊԾ (լուսանկարներ)

Կկարգավորվի ռազմական դրության ժամանակ անձանց գույքի օգտագործման ընթացակարգը. ԱԺ-ն ընդունեց նախագիծը

Ստեփանակերտում մի ամբողջ թաղամաս է վնասվել. կիրառվել է ռազմական ավիացիա (լուսանկարներ)

Ադրբեջանի կողմից թիրախավորված Ստեփանակերտի ծննդատունը (լուսանկարներ)

Նոր հանցագործությունների համար պատասխանատվություն է կրում ինչպես Ադրբեջանը, այնպես էլ միջազգային հանրությունը. ԱՀ ՄԻՊ

Ռազմական դրության ընթացքում որոշակի գործողությունների համար պատժաչափերը կխստացվեն

ԱԺ-ն ամբողջությամբ ընդունեց աշխարհազորի ստեղծման վերաբերյալ օրենքի նախագիծը

Կասեցրել են թշնամու գրոհները, խոցել ԱԹՍ-ներ, ջախջախել հակառակորդի ուժերը. նորօրյա հերոսներ՝ ներկայացված մեդալների

Տագնապի ազդանշանը կրում էր փորձնական բնույթ․ անհանգստանալու կարիք չկա․ Էջմիածնի քաղաքապետարան

Ադրբեջանը թիրախավորել է Ստեփանակերտի ծննդատունը. տուժածների մասին տեղեկությունները ճշտվում են

Նախնական տվյալներով՝ թուրքերի հարձակումից Ֆրանսիայում տուժել է 10 հայ, այդ թվում՝ կին և երեխա․ ականատես (տեսանյութ)

Հայաստանի ԶՈՒ-ի կողմից Բարդա քաղաքին հարվածելու մասին հայտարարությունները կեղծ են. Շ. Ստեփանյան