Երևան
29 °C
searchclose
today
menuclose
Երևան
29 °C
Գյումրու Վարդան Աճեմյանի անվան դրամատիկական թատրոնի խաղացանկում կավելանա եւս մեկ ներկայացում: Նոյեմբերի 24-ին եւ 25-ին կկայանա «Ոչինչ չի մնա» կինոպիեսի պրեմիերան: Անգլիացի հայտնի դրամատուրգ Ջոն Օսբորնի «Ետ նայիր զայրացած» պիեսի հիման վրա ստեղծված «Ոչինչ չի մնա» կինոպիեսի հեղինակները ռեժիսոր Հրաչ Քեշիշյանն ու Դավիթ Հարությունյանն են, կոմպոզիտորը՝ Հայկոն:
Օսբորնի «Ետ նայիր զայրացած» դրաման պատմում է Անգլիայում տեղի ունեցող սոցիալական հարցերի, իրականության ֆոնին ծավալվող սիրո եւ ընտանեկան արժեքների, իշխանական մեքենայի եւ խաթարված արժեհամակարգի ու հասարակության դեմ ընդվզման մասին, ինչը՝ կինոպիեսի հայկական ադապտացիայի հեղինակների բնորոշմամբ՝ ապշելու աստիճան նման է 2000-ականներից Հայաստանում տիրող հոգեբանական մթնոլորտին:
Կինոպիեսի հայկական ադապտացիան՝ «Ոչինչ չի մնա»-ն, պատմում է Հայաստանի մասին: Գործողությունները տեղի են ունենում Երեւանում, 2008 թվականի մարտի 1-ի իրադարձություններից հետո:
Գլխավոր հերոսները 1980-ականների ծնվածներ են, որոնք տասը տարեկան էին, երբ փլուզվեցին խորհրդային կարգերը եւ սկսվեց Արցախյան ազատամարտը: Գլխավոր հերոսը ականատեսն է լինում պատերազմից վիրավոր վերադարձած հոր տանջալից մահվան, այնուհետեւ, անապահով, էներգազուրկ ու ցուրտ տարիների մանկության տառապանքը շարունակվում է հասուն տարիքի տանջանքներով, երբ իշխանական մեքենան, չեզոքացնելով լավ ապագայի բոլոր հույսերը, շատերի համար ճակատագրական է դարձնում արտագաղթը:
Կինոպիեսում կենդանի ու վառ կերպարներն ընդվզում են հասարակության մեջ ձեւավորված կարծրատիպերի եւ պետական ապարատի կողմից պարտադրվող կանոնների դեմ: Գլխավոր կերպարի հիմքում մի անձ է, որը սերում է բանվոր դասակարգից, ազատորեն հեգնում է տիրող կարգերը՝ հարձակվելով կործանարար աղանդավորության եւ արհեստականորեն ձեւավորված էլիտայի վրա: Նա վախենում է կորցնելուց, բայց անընդհատ կորցնում է: Նա ենթադրում է, որ սերը կփրկի իրեն, բայց չի համակերպվում սիրո ձեւակերպմանը:
Գլխավոր ռեժիսոր Հրաչ Քեշիշյանը «Հայկական Ժամանակ»-ի հետ զրույցում խոսեց կինոպիեսի որոշ նրբությունների ու նոր ֆորմատով ներկայացնելու մասին: Վերջինիս փոխանցեց՝ բեմադրությունն իրենից ներկայացնում է մուլտիմեդիա ներկայացում, որտեղ որոշակի տեսարաններ նախօրոք են նկարահանված եւ հերոսների հիշողությունների փոխարեն ընթացքում վերարտադրվելու են:
«Մուլտիմեդիա հնարքներով հերոսների մտքերը լուսագրվում են եւ ապա ինտերակտիվ կառավարվում տարածության մեջ: Տարբեր տեսարաններում եւ անցումներում օգտագործվում են հատուկ գրաֆիկական լուծումներ. ներկայացման ընթացքում աշխատում է հինգ պրոյեկցիոն ապարատ, որոնցից յուրաքանչյուրն ունի առանձին դերակատարություն եւ պատկերային շարք»,-ասաց ռեժիսորը:
Քեշիշյանը նաեւ նշեց, որ դերասանական կազմը հիմնականում Գյումրիի Վարդան Աճեմյանի թատրոնի դերասաններն են՝ Արսեն Միքայելյան, Մանե Մխոյան, Ջեմմա Սահակյան եւ այլոք:
Խոսելով նոր ֆորմատով ներկայացման մասին՝ ռեժիսորն ասաց, որ թատերական աշխարհում այսօր շատ ընդունված ձեւ է, որն իրենք Գյումրու թատրոնում առաջին անգամ են իրականցնելու: «Կարծում եմ՝ հետաքրքիր կլինի հանդիսատեսի համար: Նման ֆորմատի ներկայացումներով փորձելու ենք գոնե որոշ բաներով մենք էլ աշխարհին համընթաց քայլել»,-ասաց Քեշիշյանը:
Հրաչ Քեշիշյանը նշեց, որ «Ոչինչ չի մնա» կինոպիսի բեմադրման առաջարկը դեռեւս նախկին տնօրեն Տիգրան Վիրաբյանի եւ ներկայիս տնօրեն ու թատրոնի գլխավոր ռեժիսոր Լյուդվիգ Հարությունյանի կողմից մեկ տարի առաջ էր ստացել: «Ոչինչ չի մնա» կինոպիեսի աշխատանքները սկսվել են հոկտեմբեր ամսից:
Ներկայացումն արտերկիր տանելու կամ հանրապետության այլ քաղաքաներում ներկայանալու մասին Քեշիշյանը դժվարացավ խոսել, նշեց, որ այս անգամ ստանձնել է միայն ռեժիսորական աշխատանքները: «Լինելու եմ միայն բեմադրիչ, ինչը ինձ շատ է դուր գալիս, քանի որ շատ հոգսերից ազատված եմ: Թե կինոպիեսը կմնա Գյումրիի թատրոնում, դուրս կտարվի, կամ որ քաղաքներում կներկայացվի, դրանք հարցեր են, որոնք կորոշի թատրոնի ղեկավարությունը»,-եզրափակեց Հրաչ Քեշիշյանը:
Նշենք, որ Ջոն Օսբորնի «Ետ նայիր զայրացած» պիեսի հիման վրա Հայաստանում 2007 թվականին «HK productions» ընկերության կողմից թողարկվել է «Ոչինչ չի մնա» գեղարվեստական ֆիլմը, որի ռեժիսորը, պրոդյուսերն ու սցենարի հեղինակը Հրաչ Քեշիշյանն է: 2008 թվականին Ոսկե ծիրան կինոփառատոնում ներկայացված ֆիլմի գլխավոր դերակատարներն են Խորեն Լեւոնյանը, Նազենի Հովհաննիսյանը, Նարինե Պետրոսյանը, Հրաչյա Հարությունյանն ու Արմեն Մարգարյանը:
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
