ԸՕ փոփոխությունների տապալումը ողջ քաղաքական մշակույթի զարգացումը կրկին հետ գցեց. Դանիել Իոաննիսյան

Երեկ Ազգային ժողովում երկրորդ անգամ տապալվեց Ընտրական օրենսգրքի փոփոխությունների փաթեթը: Այն ընդունելու համար անհրաժեշտ էր 63 քվե, սակայն կողմ քվեարկեց 61 պատգամավոր: Ընտրական օրենսգրքի փոփոխությունները ենթադրում էին ռեյտինգային ընտրակարգի վերացում, փակ համամասնական ցուցակներով ընտրություններ, կուսակցությունների եւ դաշինքների համար խորհրդարան անցնելու շեմի նվազեցում եւ այլն: 

ԸՕ փոփոխությունների տապալման եւ առաջիկա խորհրդարանական արտահերթ ընտրությունների մասին զրուցել ենք վարչապետին առընթեր ընտրական բարեփոխումների մասնագիտական հանձնաժողովի քարտուղար Դանիել Իոաննիսյանի հետ:

- Պարոն Իոաննիսյան, Ընտրական օրենսգրքի փոփոխության տապալումը որքանո՞վ կապ ուներ արտահերթ ընտրությունների անցկացման ժամկետների հետ:

- Ամբողջ հարցն այն է, որ իրականում հեղափոխության քայլերի հերթականության տրամաբանություն կար, եւ այն ենթադրում էր Ընտրական օրենսգրքի եւ «Կուսակցությունների մասին» օրենքի փոփոխություն, որից հետո նոր ընտրություններ: Պետք էր մնալ էս տրամաբանության սահմաններում: Սա է հարցը: Ընտրական օրենսգրքի մասով, մենք՝ որպես քաղաքացիական հասարակություն, ինչպես կարողացանք՝ աջակցեցինք կառավարությանը, որպեսզի մշակվի օրենսգիրքը: Կուսակցությունների մասին օրենքի հետ կապված՝ միգուցե մեղքը նաեւ մերն է, որ մենք այդ հարցում էլ պետք է աջակցեինք կառավարությանը, բայց չաջակցեցինք: Ուղղակի էդպես ստացվեց, դա թողեցինք կառավարության վրա: Ինչպես տեսնում եք՝ ի տարբերություն Ընտրական օրենսգրքի, «Կուսակցությունների մասին» օրենքի փոփոխությունների փաթեթ անգամ չմշակվեց:

- Հնարավո՞ր էր ավելի շուտ ավարտել ԸՕ փոփոխությունների մշակումը, եւ այդ դեպքում նոր ԸՕ-ի ընդունման հավանականությունը մեծանո՞ւմ էր:

- Գիտեք, եթե ավելի շուտ իմանայինք, որ ընտրություններն ընկնելու են նոյեմբեր-դեկտեմբերին, մենք ավելի շուտ, ավելի արագ կանեինք փոփոխությունները, որպեսզի հավելյալ ժամանակ ունենայինք: Բայց մենք միայն Երեւանի քաղաքապետի ընտրություններից հետո իմացանք, որ դեկտեմբերին են լինելու: Այդ պահից սկսած՝ մենք մեր աշխատանքները շատ ուժեղ ինտենսիվացրինք:

- Ի՞նչ եք կարծում, Նիկոլ Փաշինյանի թիմին ձեռնտո՞ւ էր ԸՕ փոփոխությունների տապալումը:

- Չեմ կարծում, որովհետեւ իրականում այս փոփոխություններով պետք է խրախուսվեր քաղաքական մրցակցությունը, իսկ Փաշինյանը եւ իր թիմը, ամեն դեպքում, քաղաքական գործիչներ են, ոչ թե թաղային հեղինակություններ: Իրենց ձեռք էր տալիս քաղաքական մրցակցությունը, ինչպես ցանկացած նորմալ կուսակցության: Այսինքն՝ ԸՕ փոփոխությունների տապալումն իրենց շահերից չէր բխում: Դա բխում էր այն ուժերի շահերից, որոնք շահագրգռված են, որ Հայաստանում քաղաքական մշակույթ չզարգանա, որ ընտրությունները լինեն թաղային հեղինակությունների ու քաղաքական նվազ մրցապայքարի պայմաններում: Ես բնավ չեմ մեղադրում Նիկոլ Փաշինյանին կամ կառավարությանը՝ ԸՕ փոփոխություններ չցանկանալու մեջ: Ընդամենն արձանագրում եմ, որ այդ փոփոխություններն առաջնահերթությունների ցանկում տեղ չեն գրավել, ինչի արդյունքում էլ Հանրապետական կուսակցությունը կարողացավ տապալել ԸՕ փոփոխությունները:

- Բայց խորհրդարանական ուժերը փորձում էին ԱԺ կանոնակարգում հայտնի փոփոխությունը կատարել, ըստ որի՝ Ազգային ժողովի նիստը ոչ թե կհամարվի չկայացած, այլ՝ ընդհատված, եթե որեւէ հարցի քննարկում տեղի չունենա քաղաքացիների ճնշմամբ եւ այլն: Ուրեմն ինչպե՞ս էր հնարավոր հետաձգել արտահերթ ընտրությունները:

- Ես չեմ կարծում, որ եթե ԱԺ ընտրությունները գոնե մեկ շաբաթ ուշ լինեին, հակահեղափոխություն կլիներ: Եթե մի շաբաթով ավելի հետ լինեին, հնարավոր է՝ հիմա այլ պատկեր ունենայինք: Նախ, ես կարծում եմ, որ վարչապետը պետք է այլ հռետորաբանություն ընտրեր: Փաշինյանը ոչ թե պետք է ասեր, որ ԸՕ չընդունումը ծառայություն կլինի «Քաղաքացիական պայմանագրին, ինչպես ինքն ասաց, այլ պետք է ասեր, որ Ընտրական օրենսգրքի չընդունումը կլինի հակապետական կամ Հայաստանի շահերին դեմ, եւ նրանք, ովքեր դեմ են քվեարկում, գործում են ուղղակիորեն Հայաստանի շահերի դեմ: Առնվազն սա վարչապետը պիտի ասեր: Երկրորդ՝ ես կարծում եմ, որ բավականին ազնիվ կլիներ դիմել ժողովրդին եւ ասել, որ ԸՕ փոփոխությունը, որը հռչակված է հեղափոխության քայլերից մեկը, վտանգված է, եւ դիմել հանրությանը, որպեսզի նրանք ճնշում գործադրեին Ազգային ժողովի վրա:

- Պարոն Իոաննիսյան, հիմա առանց նոր Ընտրական օրենսգրքի եւ «Կուսակցությունների մասին» օրենքի փոփոխության ինչպե՞ս կանցնեն արտահերթ ընտրությունները:

- Քաղաքական մրցակցությունը կլինի նվազ: Ընտրությունները կանցնեն քաղաքական նվազ մրցակցության պայմաններում: Եւ փոքր կուսակցություններն էլ, որոնք պատրաստվում էին մասնակցել արտահերթ ընտրություններին, մեծ խնդրի առաջ են կանգնելու: Եւ, առհասարակ, ողջ քաղաքական մշակույթի զարգացումը կրկին վտանգվեց, կրկին հետ ընկավ:

- Ի՞նչ կազմով Ազգային ժողով կարող ենք սպասել, նորից օլիգարխ-պատգամավորնե՞ր կունենանք:

- Ամենայն հավանականությամբ, «Քաղաքացիական պայմանագիրը» կհաղթի, բայց հարցն այն է, թե ուրիշ ովքեր կանցնեն եւ ինչպես կանցնեն, ինչքան քվե կունենան մյուսները, ինչպիսի մթնոլորտում կանցնեն ընտրությունները, ովքեր կլինեն ընտրված պատգամավորները՝ փաստացի ընտրված: Կլինեն քաղաքակա՞ն գործիչներ, թե՞ թաղերում հեղինակություն ունեցող անձինք, պարտադիր չէ կրիմինալ կամ օլիգարխ: Կունենանք ապաքաղաքական խորհրդարան, կամ նվազ քաղաքականացված խորհրդարան:

Տպել
3863 դիտում

Խոշոր ավտովթար Չարենցավանի կամրջի մոտ. 3 մարդ հոսպիտալացվել է

ՆԱՏՕ-ն աջակցում է ՀՀ ինքնիշխանությանը, տարածքային ամբողջականությանն ու խաղաղ ձգտումներին. Ստոլտենբերգ

Խոսքը հայկական գյուղերի մասին չէ. Աղազարյանը՝ Տավուշի 4 համայնքի մասին

МИР քարտերի սպասարկման դադարեցում․ IDBank

Հուսով ենք, որ ՀՀ-ՆԱՏՕ համագործակցության նոր ձևաչափը կհաստատվի. վարչապետ

Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում

Զախարովան արձագանքել է ՀՀ վարչապետի խոսքերին

Պատկերված անձը որոնվում է նախաձեռնված քրեական վարույթի շրջանակներում (տեսանյութ)

Fly Arna-ի լիցենզիան կասեցված է. ՏԿԵ փոխնախարար

Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի (տեսանյութ)

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ՝ ՊԵԿ նախագահի առաջին տեղակալ է նշանակվել

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 դի, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջին․ Հարոյան