ՀՀ գյուղատնտեսության նախարարն արձագանքել է իրեն եւ փոխվարչապետ Ավինյանին ներկայացված սկանդալային մեղադրանքներին

Հոկտեմբերի 15-ին ՀՀ վարչապետի առաջարկությամբ եւ ՀՀ նախագահի հրամանագրով Գեղամ Գեւորգյանը նշանակվեց ՀՀ գյուղատնտեսության նախարար: Մինչ այդ Գեւորգյանը զբաղեցնում էր գյուղատնտեսության նախարարության «Գյուղատնտեսական ծրագրերի իրականացման գրասենյակի» տնօրենի պաշտոնը:

Գեւորգյանի նշանակումից հետո մամուլում նրա մասին տարբեր տեղեկություններ տարածվեցին: Այսօր որոշ լրատվամիջոցներ գրեցին, որ Գեւորգյանին նախարարի պաշտոնում առաջարկել է փոխվարչապետ Տիգրան Ավինյանը: Նշվում է, որ այս տարվա ապրիլի 15-ին Գեւորգյանի ղեկավարած ԾԻԳ-ը Ավինյանի ղեկավարած ընկերությունից ստացել է հայտ ավելի քան 25 մլն դրամ ֆինանսական աջակցություն պահանջող բիզնես նախագծի համար: Այնուհետեւ ԾԻԳ-ը որոշում է կայացրել բավարարել Ավինյանի ընկերության հայտը եւ վերջինիս հոր անունով գրանցված «Իրիգեյթս» ընկերությանը փոխանցել 25 միլիոն դրամ, երբ Ավինյանն արդեն փոխվարչապետ էր:

«Հիմնադրամի տնօրենը, կամ որեւէ աշխատակից որեւէ ազդեցություն չեն կարող ունենալ դրամաշնորհի տրամադրման կամ չտրամադրման հետ»,- այս մասին ՀԺ-ի հետ զրույցում ասաց ՀՀ գյուղատնտեսության նախարար Գեղամ Գեւորգյանը:

- Պարոն Գեւորգյան, այսօր մամուլում տեղեկություններ հրապարակվեցին, որ ձեր ղեկավարած Գյուղատնտեսության զարգացման հիմնադրամը ֆինանսավորել է փոխվարչապետ Տիգրան Ավինյանի գյուղատնտեսական բիզնեսին: Կա՞ նման բան, թե՞ ոչ: Կխնդրեի որոշակի մանրամասներ ներկայացնել այդ ծրագրի հետ կապված եւ ասել, թե արդյո՞ք դա առնչություն ունի ձեր նշանակման հետ:

- Գյուղատնտեսության զարգացման հիմնադրամը «Կարմակ 2» ծրագրի շրջանակում ֆինանսավորել է եւ շարունակում է ֆինանսավորել գյուղատնտեսության աշխատանքների մեջ ներգրավված բիզնեսներին, որպեսզի վերջիններս կարողանան համաչափ ներդրում կատարելու միջոցով ձեռք բերել նոր հոսքագծեր, որպեսզի արտահանումը ավելանա եւ արդյունավետությունը բարձրանա: Այո, ցանկում ներառված է այսօր մամուլում հրապարակված «Իրիգեյթս» ՍՊԸ-ն, որի մասին մենք ինքներս բաց հրապարակել էինք մինչ այդ: Բայց կցանկանայի անդրադառնալ գրանտների տրամադրման մեխանիզմին, որտեղ գյուղատնտեսության զարգացման հիմնադրամի տնօրենը չունի որեւէ ֆունկցիա:

Ինչպե՞ս է իրականացվում այդ ամենը: Սկզբից հրապարակվում է հայտարարություն` թերթերում, հեռուստատեսությամբ: Իրականացվում է իրազեկման միջոցառում հիմնադրամի տվյալ բաղադրիչը ղեկավարող խմբի կողմից, հայտեր են հավաքագրվում` բոլոր ցանկացողները կարող են հայտ ներկայացնել: Հայտերի հավաքագրումից հետո ներկայացվում է անկախ գնահատողին, որտեղ ներառված չէ հիմնադրամի որեւէ աշխատակից: Այդ գնահատող հանձնաժողովը իր գնահատման եզրակացությունը ներկայացնում է հիմնադրամին, հիմնադրամը զուտ դա տրամադրում է համաշխարհային բանկին` ի գիտություն: Համաշխարհային բանկի կողմից այն ստանալուց հետո ներկայացվում է արդեն երկրորդ փուլով ֆիլտրված մասնակիցների համար, կոչվում է արժեշղթայի հանձնաժողով, որտեղ նույնպես գյուղատնտեսական զարգացման հիմնադրամից որեւէ աշխատակից ներկայացված չէ:

Հանձնաժողովի կազմը բաղկացած է նախարարության, հասարակական կազմակերպությունների եւ բիզնեսի ոլորտի ներկայացուցիչներից, որոնք առանձին-առանձին գնահատում են յուրաքանչյուր գրանտային ծրագիր: Ի դեպ, ասեմ, որ այստեղ ներկայացված հայտերի եւ դուրս մնացած անձանց թիվը այդքան մեծ չէ, գրեթե համընկնում է: Այսինքն, բոլորին, եթե համապատասխանում է սահմանված չափորոշիչներին հնարավորություն է տրված այդ միջոցներից օգտվել: Նիստից հետո ցուցակը ուղարկվում է նախարարություն՝ հաստատման: Այսինքն, այստեղ հիմնադրամի տնօրենը կամ որեւէ աշխատակից որեւէ ազդեցություն չեն կարող ունենալ դրամաշնորհի տրամադրման կամ չտրամադրման հետ:

Եւ բացարձակապես իմ նշանակումը կառավարության կողմից այստեղ որեւէ կապ չունի այս գործունեության հետ: Հաշվի առնելով այն հանգամանքը, որ գործընթացը նախկին կառավարության ժամանակ է սկսվել, ուղղակի զուտ ժամանակային առումով արդեն համընկել է նոր կառավարության հետ: Այսինքն, մենք չէինք կարող կանխատեսել այն ժամանակ, թե ինչ է կատարվելու: Մարդիկ դիմել են գործընթացին մասնակցելու: Եւ ասեմ, որ չորրորդ փուլ էլ է լինելու, բոլորը, ովքեր ցանկանում են ստանալ այդ միջոցներից, կարող են դիմել:

Տպել
11801 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ