Աննա Հակոբյանը եւ մաեստրո Տիգրան Մանսուրյանն այցելեցին Մաթեւոսյան կենտրոն-թանգարան

Հոկտեմբերի 17-ին ՀՀ վարչապետ Նիկոլ Փաշինյանի տիկին Աննա Հակոբյանը եւ կոմպոզիտոր Տիգրան Մանսուրյանն այցելեցին Երեւանի Աբովյան պուրակում տեղակայված «Հրանտ Մաթեւոսյան» կենտրոն-թանգարան եւ ծանոթացան մշակութային կառույցում կատարված աշխատանքներին: 

Աննա Հակոբյանը մեծանուն գրողի որդու՝ ՀՀ մշակույթի նախարարի խորհրդական Դավիթ Մաթեւոսյանի ուղեկցությամբ շրջեց կենտրոն-թանգարանի տարածքով: Շրջայցի ընթացքում Դավիթ Մաթեւոսյանը ներկայացրեց դեռեւս երկհարկանի կենտրոն-թանգարանի ամբողջական նախագիծը, ինչպես նաեւ գործունեության նպատակները:Դավիթ Մաթեւոսյանը ՀԺ-ի հետ զրույցում հայտնեց, որ Աննա Հակոբյանը ցանկություն է հայտնել «Իմ քայլը» հիմնադրամով մասնակցություն ունենալ կենտրոնի աշխատանքներին, նշել, որ նախագիծը մեծ է եւ հստակ չի կարող ասել, թե որքան մասնակցություն կկարողանա հիմնադրամը ստանձնել, սակայն անպայման մասնակցություն կունենա:

«Շատ ենք գնահատում նմանատիպ ձեռքբերումը եւ կցանկանանք, որ այս կենտրոնը հնարավորինս արագ բացի իր դռները»,- շրջայցից հետո ասաց Աննա Հակոբյանը:Շրջայցի ընթացքում կոմպոզիտոր Տիգրան Մանսուրյանն էլ վերհիշեց Հրանտ Մաթեւոսյանի հետ հանդիպումները: «1969-ին մենք ստեղծեցինք «Մենք ենք, մեր սարերը» ֆիլմը: Շատ լավ աշխատանք էր, իմ առաջին ֆիլմերից մեկն էր: Հետո եղավ «Աշնան արևը», «Տերը» եւ մեր համատեղ աշխատանքը պտուղներ տվեց: Մաթևոսյանը միշտ ասում էր. «Իմ թաղմանը թող «Աշնան արեւի» մեղեդին հնչի»: Մենք մի տեսակ եղբայրացանք՝ նա իր բարձր գրականությամբ, ես՝ իմ համեստ երաժշտությամբ»,-նշեց Մանսուրյանը:Դավիթ Մաթեւոսյանը ՀԺ-ի հետ զրույցում ասաց, որ այս պահին «Հրանտ Մաթեւոսյան» հիմնադրամի եւ ՀՀ կառավարության միջեւ գրագրություն է ընթանում: Մաթեւոսյանը նաեւ հայտնեց, որ մտահոգություններն ու մի շարք անհամաձայնություններ հայտնելուց հետո ֆինանսների նախարարությունից դրական պատասխան է ստացել, բայց շինարարական աշխատանքները դարձյալ կձգձգվեն մինչեւ հաջորդ տարի:

Վերջինիս խոսքով՝ ամեն դեպքում սա լավագույն որոշումն էր, քանի որ նախնական հայեցակարգերով շենքը չի համապատասխանում որպես կենտրոն- թանգարան աշխատելու իր գործառույթին: Հրանտ Մաթեւոսյանի ժառանգների առաջարկով՝ լրացուցիչ աշխատանքների (վերնահարկի կառուցման) նախնական հաշվարկը կատարվել է նախագծային կազմակերպության կողմից 2018 թվականին, որի համաձայն՝ լրացուցիչ պահանջվող գումարի չափը կազմում է շուրջ 55 միլիոն դրամ:

ՀԺ-ն բազմիցս անդրադարձել է «Մաթեւոսյան կենտրոն-թանգարան»-ի խնդրին: «Հրանտ Մաթեւոսյան»-հիմնադրամի գործադիր տնօրեն Դավիթ Մաթեւոսյանը մեր զրույցներում բազմիցս արձանագրել է, որ ճարտարապետի կողմից նախանշված աշխատանքներն ըստ նախագծի չեն իրականացվել եւ թերի են: Այսօր էլ հիմնադրամի տնօրենը նույն կարծիքին է:

«Բազմիցս ասել եմ, որ հրաշալի շենք է՝ ունի մեկ նկուղային եւ երկու վերգետնյա հարկ, սակայն այն հայեցակարգը, որով մենք ներկայացրել էինք, հետեւյալն էր` քաղաքաշինական մեծ նախագիծ, որն իր մեջ ներառում է եռահարկ շինություն, որը նկուղային պիտի լինի եւ պետք է ներառի մինիմալ կենսապահովման չափորոշիչներ: Պետք է գտնվի բուսաբանական այգու մեջ, որը կստեղծի մաթեւոսյանական միջավայր Լոռվա բնության մոդելավորմամբ»,-ասաց Մաթեւոսյանը:

«Հրանտ Մաթեւոսյան» մշակութային կենտրոն-թանգարանը, որի շինարարական աշխատանքները սկսվել էին դեռեւս 2015 թվականին եւ պետք է ավարտվեին 2-2.5 տարում՝ մի քանի ամիս է՝ ավարտվել են: Ինչպես արդեն հայտնել էինք՝ Կենտրոնի շինարարությունն իրականացվել է Քաղաքաշինության կոմիտեի վերահսկողությամբ եւ «Հորիզոն 95» ՍՊԸ-ի միջոցով: 

Պետությունը Մաթեւոսյանական կենտրոն ստեղծելու համար Երեւանի «Պլանի գլուխ» կոչվող հատվածում, Աբովյան պուրակում, անհատույց եւ անժամկետ օգտագործման իրավունքով 400 քմ հողատարածք էր տրամադրել: Համաձայն Քաղաքաշինության կոմիտեի մամուլի ծառայության տրամադրած տվյալների՝ 2015-2018թթ. պետական բյուջեների՝ հատկացումները կենտրոն-թանգարանի շենքին կազմել են 474,մլն 586. հազար 612 դրամ՝ որի շրջանակներում աշխատանքներն ամբողջապես ավարտվել են: 

Տպել
7085 դիտում

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ