Նա ապրում էր Հայաստանի հոգսերով. Փաշինյանի ելույթը Ազնավուրի հոգեհանգստի արարողության ժամանակ

ՀՀ վարչապետ Նիկոլ Փաշինյանի ելույթ է ունեցել Շառլ Ազնավուրի հոգեհանգստի արարողության ժամանակ: Կառավարության մամուլի ծառայությունը, վարչապետի ելույթը ներկայացնում է ամբողջությամբ.  

Ֆրանսիայի Հանրապետության մեծարգո պարոն նախագահ,

Հայաստանի Հանրապետության մեծարգո նախագահ,

Պարոն վարչապետ,

Տիկնայք եւ պարոնայք խորհրդարանականներ,

Տիկնայք եւ պարոնայք կառավարությունների եւ դիվանագիտական կորպուսի ներկայացուցիչներ,

Սիրելի Ուլլա Ազնավուր,

Ազնավուր ընտանիքի հարգելի անդամներ,

Տիկնայք եւ պարոնայք,

Այսօր հավաքվել ենք մեր խոնարհումը բերելու եւ գնահատանքի մեր տուրքը մատուցելու ֆրանսիական շանսոնի մեծ վարպետին` Շառլ Ազնավուրին: Ութ տասնամյակ այս անունը ժպիտ է փորագրել միլիոնավոր դեմքերի վրա, արագացրել կամ դանդաղեցրել տասնյակ միլիոնավոր մարդկանց շնչառությունը, փայլ է ներարկել հարյուր միլիոնավոր աչքերի մեջ:

Եվ այս անունը 2018 թվականի հոկտեմբերի 1-ին մի պահ կանգնեցրեց երկիր մոլորակի եւ միջազգային կյանքի ընթացքը` մի անամոքելի թախիծ վրձնելով հարյուր միլիոնավոր մարդկանց դեմքերին, իր վերջին եւ ամենազանգվածային աֆիշը թողարկելով աշխարհի առաջատար լրատվամիջոցների առաջին էջերին. «94 տարեկան հասակում մահացել է Շառլ Ազնավուրը» :

Բայց ինչի՞ մասին են պատմում այդ վերնագրերը, ինչի՞ մասին են պատմում այդ ազդագրերը: Մի՞թե ունայնության կամ հուսահատության: Ոչ ամենեւին, այդ ազդագրերը պատմում են սեփական ճակատագրի նկատմամբ այս մեծ մարդու եւ նրա գերդաստանի տարած փառահեղ հաղթանակի մասին:

Շառլ Ազնավուրի նախնիները Հայոց ցեղասպանությունից մազապուրծ` դեգերեցին աշխարհում եւ, ի վերջո, հանգրվանեցին հարյուր հազարավոր հայերի օթեւան ու հույս տված Ֆրանսիայում, որտեղ էլ ծնվեց Վաղինակ Ազնավուրյանը, որ հետո պիտի դառնար մեծն Շառլ Ազնավուր:

Կրելով անասելի դժվարություններ, Վաղինակ-Շառլը ի վերջո գտավ իր կոչումը, բայց այդ կոչումին բացի իրենից չէր հավատում ոչ ոք: Բոլորը նրան համոզում էին, բացատրում, որ բեմը իր գործը չէ, երգելը իր կոչումը չէ, որ ճակատագիրը առանց այն էլ շռայլ է գտնվել իր նկատմամբ՝ իր ծնողին փրկելով ցեղասպանության աղետից:

Բայց Վաղինակ Ազնավուրյանին կարեկցանք չէր հարկավոր, այլ առաքելություն եւ նա գիտեր իր առաքելությունը, եւ այդ առաքելությունը Շառլ Ազնավուր դառնալու աներեւակայելի ճանապարհն էր: Եվ նա երգեց, ու գրեց, եւ նա գրեց ու երգեց դատարկ եւ կիսադատարկ դահլիճներում եւ նա երգեց անհոգնել ու աննահանջ եւ մարդկությանը տվեց ժամանակ` հասկանալու եւ գիտակցելու, որ մի մեծ աստղ է ծագել համաշխարհային մշակույթի երկնակամարում, որ դեռ մի քանի տասնյակ տարիներ պետք է «պայթեցնի» աշխարհի ամենահեղինակավոր դահլիճները:

Եվ նրա ձայնը տարածվեց աշխարհի բոլոր կողմերում, հասավ ամենահեռավոր երկրներ եւ ջերմացրեց նույնիսկ ամենասառը սրտերը:

Ցավոք, ես չհասցրեցի անձամբ ծանոթանալ Մեծ Վարպետի, Շառլ Ազնավուրի հետ: Բայց հավատացեք` նրան ընկալում եմ՝ որպես մերձավոր հարազատի: Նրան այսպես ընկալում է ցանկացած հայ, որովհետեւ Ազնավուրն այն մարդն է, ով հայի անունը հասցրել է նոր բարձունքների, ով հայի հպարտությանը մի նոր շունչ է տվել ու մի նոր երանգ, ով կարողացել է ապրել իր պատմական հայրենիքի եւ իր ժողովրդի ցավերով, հոգսերով ու երազանքներով:

Նաեւ այս է պատճառը, որ Շառլ Ազնավուրին շնորհվել է Հայաստանի Ազգային հերոսի կոչում: Բայց նա այդ կոչումը վաստակել է ոչ միայն շանսոնյեի իր հանճարով, այլեւ Հայաստանի Հանրապետության կայացման գործում ունեցած անուրանալի վաստակի համար:

Հայաստանում նրա անունով կոչված են փողոցներ ու հրապարակներ, իսկ Հայաստանի երկրորդ քաղաք Գյումրիում արդեն երկար տարիներ վեր է խոյանում նրա մեծաշուք արձանը, եւ նա թերեւս միակ մարդն է, որին Հայաստանում արձան է կանգնեցվել կենդանության օրոք:

Շառլ Ազնավուրի մահվան կապակցությամբ Հայաստանում սուգ է հայտարարված եւ այս ամենն արտահայտումն է այն հսկայական սիրո, որ յուրաքանչյուր հայ, յուրաքանչյուր հայ` առանց բացառության, տածում է այս մեծ մարդու, այս մեծ ֆրանսիացու, աշխարհի այս մեծ քաղաքացու նկատմամբ:

Ֆրանսիայի հանրապետության մեծարգո նախագահ պարոն Էմանուել Մակրոն, 

Շառլ Ազնավուրի հրաժեշտի այս վեհաշուք արարողության ընթացքում, չեմ կարող չարտահայտել այն առանձնակի հարգանքն ու երախտագիտությունը, որ մեր ժողովուրդը տածում է Ձեր երկրի նկատմամբ: Եվ ցանկանում եմ հայ ժողովրդի երախտագիտությունն արտահայտել Ֆրանսիայի պետությանը եւ բոլոր ֆրանսիացիներին ցեղասպանությունից մազապուրծ մեր ժողովրդին օթեւան տալու եւ հայկական տաղանդի զարգացման բարենպաստ միջավայր ձեւավորելու համար: Ֆրանսիայի հայությունը տվել է այնպիսի անուններ, ինչպես Շառլ Ազնավուրը, Անրի Վերնոյը, Ժորժ Գարվարենցը, Գառզուն, Ժանսեմը եւ Ֆրանսիան մեր ժողովրդի վերածննդի մի սիրելի օազիս է դարձել:

Շառլ Ազնավուրն, անշուշտ, Ֆրանսիայի մեծ նվիրյալ էր, Ֆրանսիայի մեծ քաղաքացի, ֆրանսերենի տարածման մի անկրկնելի մունետիկ, բայց նաեւ Հայաստանի մեծ պաշտպան էր, Հայաստանի քաղաքացի եւ Հայաստանի Հանրապետության դեսպան:

Նա ապրում էր Հայաստանի հոգսերով, եւ մեր ժողովուրդը նրա հոգատարությունը տեսել ու զգացել է երեսուն տարի առաջ տեղի ունեցած մեծ երկրաշարժի ժամանակ, Հայաստանի անկախության բոլոր դժվարին օրերին:

Շառլ Ազնավուրն անտարբեր չմնաց նաեւ Հայաստանում տեղի ունեցած ոչ բռնի, թավշյա, ժողովրդական հեղափոխության նկատմամբ եւ ինձ ուղղված վերջին նամակում մասնավորապես գրել էր. «Հենց որ առողջությունս թույլ տա, ջերմորեն փափագում եմ այցելել այս նոր Հայաստանը եւ ծանոթանալ այն առողջ ուժերին, որոնք ձեւավորելու են մեր ազգի գալիքը»։  

Մեծ Վարպետը պատրաստվում էր Հայաստան այցելել հաջորդ շաբաթ, Ֆրանկոֆոնիայի միջազգային կազմակերպության տասնյոթերորդ գագաթաժողովի առիթով եւ նրան խոստացել էի ծանոթացնել Նոր Հայաստանի հետ, խոստացել էի, որ նա միանգամից կզգա Նոր Հայաստանի հաղթանակած քաղաքացու լավատեսությունն ու ոգին:

Ցավոք, այս խոստումը չկարողացա կատարել, սփոփանքս այն է, որ Ազնավուրը, այնուամենայնիվ, հասցրեց իր վերջին ուղերձը հղել նոր Հայաստանին` ինձ գրած նամակում ասելով. «Սրտանց փափագում եմ, որ Հայաստանի երիտասարդությունը կարողանա երբեւէ դրսեւորել իր ողջ ներուժը եւ իր երազանքներն իրականություն դարձնել Հայաստանում»։

Սիրելի Վարպետ, Մեծարգո Շառլ Ազնավուր.

Ձեր նամակում դուք ճշգրտորեն ձեւակերպել եք այն, ինչ ուզում է հայ ժողովուրդը, ինչ ուզում է Հայաստանի երիտասարդությունը: Եւ այստեղ, հիմա, աշխարհի աչքի առաջ ուզում եմ հանդիսավոր կերպով Ձեզ խոստանալ, որ իրականություն կդարձնենք Ձեր պատգամը, կյանքի կկոչենք Ձեր ցանկությունը: Ուզում եմ հավաստիացնել, որ անմնացորդ նվիրված եմ այն գործին, որ նոր Հայաստանը պիտի դարձնի այնպիսին, ինչի մասին Դուք երազում էիք: Ազատ եւ Երջանիկ Հայաստանն իսկապես արժանի գնահատանքը կլինի Հայ ժողովրդի եւ Հայաստանի նկատմամբ Ձեր ունեցած անուրանալի վաստակի:

Խոնարհվում եմ Ձեր առաջ` մեծ ֆրանսիացի, մեծ հայ, մեծ արվեստագետ, մեծ հումանիստ: 

Ննջի՛ր խաղաղությամբ, սիրելի Վարպետ։

«Հայկական Ժամանակ»-ը Telegram-ում
Տպել
3619 դիտում

Խաղաղությունը հարևանների միջավայրում առանց կողմնակի աջակցության ապրելու հմտությունն է. դրույթ 13

Անկախության ռազմավարությունը քչերից կախվածությունը շատերից կախվածությամբ փոխարինելն է. վարչապետ

ԱՄՆ փոխնախագահը Զելենսկու մոտեցումը որակել է որպես «խայտառակ» և «ամոթալի»

Պուտինը բարձր է գնահատել Էր Ռիադում Ռուսաստանի և ԱՄՆ-ի միջև բանակցությունները

Շիրակի մարզպետը Իրանի դեսպանի հետ հանդիպմանն անդրադարձել է հայ-իրանական հարաբերություններին

Իտալիայի կառավարությունը կխթանի հայ-ադրբեջանական խաղաղ գործընթացին ուղղված դիվանագիտական գործողությունները

Կենսունակ լինելու բանաձևը ռեֆլեքսիան, ինքնահայեցումը, փոխվելու և վերափոխվելու ընդունակությունն է. վարչապետ

Արժեքահեն քաղաքականությունները պետք է միտված լինեն երկրի տնտեսության զարգացմանը. դրույթ 10

Սեփական երջանկության պայմաններ ապահովելով անհատը միջավայր է ստեղծում ուրիշների երջանկության համար. վարչապետ

Սաստիկ բուք ու ձյուն է. ինչ իրավիճակ է ՀՀ ճանապարհներին. տեսանյութ

Հայաստանի ապագան կախված է մեկ մարդուց և այդ մեկ մարդը դու՛ ես. դրույթ համար 7

Գերդաստանային կապերի ամրության հայաստանյան ավանդույթը պետականության ամրապնդման կենսական ռեսուրս է. վարչապետ

Իտալիայի Սենատը միաձայն ընդունեց հայ-ադրբեջանական խաղաղ գործընթացին աջակցելու նախաձեռնությունների բանաձևը

Քոչարյանն իրեն սուպերհերոս է զգում. Սերժ Սարգսյանը Լևոն Քոչարյանի ուժում չի լինի 2-րդ դեմք. տեսանյութ

Իրական Հայաստանի գաղափարախոսությունը հիմնված է հայ ժողովրդի ազգային արժեքների վրա. Նիկոլ Փաշինյան

Կրթությունից է նաև կախված քաղաքացի-պետություն հարաբերությունների որակը․ ՆԳ նախարարը ընդունել է դպրոցականների

ՏԿԵ նախարարն ընդունել է Հաղթանակ թաղամասի բնակիչներին. ինչ պայմանավորվածություն է ձեռք բերվել

Լավ ապրելու միակ գործիքը շատ աշխատելն է, շատ վաստակելը, շատ ծախսելը. Փաշինյան. տեսանյութ

Զինծառայող Սևակ Հովհաննիսյանի մահվան դեպքի առթիվ նախաձեռնված քրվարույթի շրջանակներում 2 անձ է կալանավորվել

Թիրախային աշխատանքի արդյունքում հայ-իտալական հարաբերությունները կհասնեն զարգացման նոր մակարդակի. Սիմոնյան

Այստեղ պետություն՝ այստեղ հաց, այստեղ հայրենիք՝ այստեղ կաց. Իրական Հայաստանի գաղափարախոսությունը. դրույթ 3

Ոչ փողոցում է, ոչ ավտոբուսների մեջ. ո՞ւր է կորել Մարությանը, ինչու կիսատ թողեց բոյկոտի գործընթացը. տեսանյութ

Ապատեղեկատվությունը գալիս է Ռուսաստանից. Զելենսկու արձագանքը իր 4% վարկանիշի վերաբերյալ Թրամփի հայտարարությանը

Ինչպես հոգին մարմնով դառնում է մարդ, այնպես ազգը պետությամբ դառնում է ժողովուրդ. Նիկոլ Փաշինյան

ԵԽԽՎ-ում ՀՀ հարցերով համազեկուցողը կայցելի Հայաստան. Պիերո Ֆասսինոն Ալեն Սիմոնյանին մանրամասներ է ներկայացրել

Էական է համաժողովրդական հանրաքվեով նոր Սահմանադրության ընդունումը. վարչապետն ասաց՝ որն է ռազմավարական նպատակը

Իրական Հայաստանի գաղափարախոսությունը կամ նախագիծը հիմնված է 14 հիմնական դրույթի վրա. վարչապետը մանրամասնել է

Տարածաշրջանների մեծ մասում ձյուն է, բուք ու մառախուղ. կան փակ և դժվարանցանելի ավտոճանապարհներ

Իրական Հայաստանը Հայաստանի Հանրապետությունն է՝ միջազգային ճանաչված 29 հզր 743 քառակուսի կմ տարածքով. վարչապետ

Ալեն Սիմոնյանի եղբայրը «ԵվրոԱսֆալտ»-ի սեփականատերը չէ. Մովսես Հարությունյանը հերքել է Պեդրո Զարոկյանի գրառումը

Իրական Հայաստանի գաղափարախոսությունը. վարչապետի ուղերձը ժողովրդին. տեսանյութ

Հրազդան գետում մի քանի ժամ որոնողական աշխատանքներից հետո հայտնաբերվել է «Թումո»-ի աշխատակցի դին

Հրաժարվում եմ այս ֆարսին մասնակցել, դիմում եմ աշխարհի առաջնորդներին. Ռուբեն Վարդանյանը հացադուլ է հայտարարել

Վրաստանի համար «3+3» տարածաշրջանային համագործակցության հարթակում դռները բաց են. Լավրով

Հաստատվել է առողջապահության բնագավառի հիմնական մասնագիտությունների, նեղ և լրացուցիչ մասնագիտացումների ցանկը

Բացվել են «Աբովյան» ՔԿՀ-ի նորոգված վարչական շենքը և անազատության մեջ գտնվողների պահման վայրը

Ձևավորվել է լայն օրակարգ. նախարարը հանդիպել է ԱՄԷ ռազմարդյունաբերական ոլորտի առաջատար ընկերության նախագահի հետ

Հայաստանում ԲՏԱ ոլորտն աստիճանաբար դառնում է առաջնորդող. Հակոբ Արշակյանի ելույթը ԱՏՁՄ 24-րդ համաժողովին

Ռուսաստանի և Ուկրաինայի հարցերով ԱՄՆ հատուկ ներկայացուցիչ Քիթ Քելլոգը ժամանել է Կիև. տեսանյութ

Մի քանի տարածաշրջանում ձյուն է տեղում. բքի և ցածր տեսանելիության պատճառով Վարդենյաց լեռնանցքը դժվարանցանելի է