Հայ ֆուտբոլիստները հույսեր են կապում հայկական ֆուտբոլի նոր ղեկավարության հետ: Ընդամենը 2 օրից կայանալու են ՀՖՖ նախագահի ու գործադիր կոմիտեի ընտրությունները: Նախագահի միակ թեկնածուն ՀՀ ԱԱԾ տնօրեն Արթուր Վանեցյանն է: Նրա անունը հայտնի դարձավ, երբ հուլիսին իր հեռանալու մասին անսպասելիորեն տեղեկացրեց գործող նախագահ Ռուբեն Հայրապետյանը: Հենց նա հայտնեց ապագա թեկնածուի անունը:

Եղան կարծիքներ, որ այդ պաշտունում պետք է, այսպես ասած, ավելի ֆուտբոլային մարդ լինի, բայց կարճ ժամանակում բոլորը կարծես համակերպվեցին նրա թեկնածության հետ, ակումբները մեկը մյուսի հետեւից իրենց աջակցությունը հայտնեցին: Ֆուտբոլիստները եւս դրական են տրամադրված ու սպասումներ ունեն: «Շիրակի» պաշտպան Աղվան Դավոյանը, օրինակ, ուժեղ առաջնության հույս ու ազգային ընտրանու ունի:

«Կոնկրետ ես ու իմ թիմակիցները համակարծիք ենք մեր ակումբի կողմից ներկայացրած պաշտոնական հայտարարության հետ՝ կապված այդ հարցի շուրջ: Կարծում եմ՝ բոլորն էլ ուզում են ունենալ ուժեղ առաջնություն եւ ուժեղ հավաքական»,- ասել է նա «Հայկական ժամանակ»-ի հետ զրույցում:

Հայկական ֆուտբոլում ժամանակ առ ժամանակ սկանդալներ են լինում կապված պայմանավորված խաղերի հետ: Մարզաձեւում առկա բացերից խոսելիս ֆուտբոլիստները հիմնականում հենց այս խնդիրն են նշում: Նրանք կարծում են, որ Ազգային անվտանգության ծառայության ներկայացուցիչը՝ տվյալ դեպքում տնօրենը, հենց այն մարդն է, որը կարող է պայքարել դրա դեմ:

«Շատ դրական եմ վերաբերվում, կարծում եմ՝ շատ լավ նախագահ կլինի: Այդպիսի մարդ է պետք, որ ղեկավարի այդ կառույցը, որպեսզի կոռուպցիոն ռիսկերը բացառվեն: Կարծում եմ՝ եթե Վանեցյանը ամենալավը դա չանի, լավագույններից կլինի այդ հարցում»,- ՀԺ-ի հետ զրույցում ասում է «Բանանցի» կիսապաշտպան Արամ Բարեղամյանը:

Պայմանավորված խաղերի խնդրով է մտահոգված նաեւ Հայաստանի ֆուտբոլի ազգային հավաքականի նախկին կիսապաշտպան Լեւոն Պաչաջյանը: Մեզ հետ զրույցում նա եւս խոսել է այդ մասին: Պաչաջյանը նույնպես ընդգծել է, որ Արթւոր Վանեցյանին համարում է ամենահարմար թեկնածուն, որը կարող է զբաղվել դրանով:

«Կարծում եմ՝ հաշվի առնելով բոլոր ռիսկերը (մասնավորապես՝ կազմակերպված խաղերի վերաբերյալ) ու այն մթնոլորտը, որը տիրում է Հայաստանում, ապա պարոն Վանեցյանի թեկնածությունը շատ բալանսավորված տարբերակ է»,- ասել էր նա:

Նույն կարծիքին էր նաեւ ազգային հավաքականի նախկին պաշտպան Ռոբերտ Արզումանյանը: Ինչպես շատերը, նա էլ առաջնահերթ լուծում պահանջող մի շարք խնդիրների շարքում առանձնացրել է պայմանավորված խաղերն ու խաղադրույքները:

«Չմանրամասնելով, բայց տեսնելով նախորդը, ընդհանուր ֆուտբոլի վիճակը՝ կապված խաղադրույքների եւ այլնի հետ, շատ կարեւոր է, որ պետության հետ անմիջապես կապ ունեցող մարդ լինի»,- ասել էր նա:

Ռուբեն Հայրապետյանը Հայաստանի ֆուտբոլի ֆեդերացիան գլխավորում է 2002 թվականից: Նոր ղեկավարության ընտրությունները տեղի են ունենալու սեպտեմբերի 22-ին: Այդ օրը նաեւ ՀՖՖ-ն պետք է իրավաբանական անձանց միությունից (ԻԱՄ) վերակազմավորվի հասարակական կազմակերպության (ՀԿ):

Տպել
1730 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր