Երբ ընդդիմություն խաղացողները մեծամասնություն են

Վերջին շրջանում հաճախակի է բարձրացվում Փաշինյանի թիմին ուժեղ ընդդիմություն ստեղծելու անհրաժեշտության հարցը: Որպես հիմք բերվում է պնդում, թե Փաշինյանը միապետական հակումներ ունի, դիկտատուրա է հաստատում, մյուս քաղաքական ուժերը կաշկանդված են, իրավազրկված են եւ այլն, եւ այսպես շարունակ: Մի խոսքով, պետք է «սանձել» փաշինյանական դիկտատուրան, նրա անսահման իշխանությունը ու նման բաներ:

Չնայած այս թեզը որոշակի տարածում է ստացել նաեւ այն մարդկանց ու խմբերի որոշակի շրջանում, որոնք ազնիվ մղումներով ցանկանում են, որ իշխանությունը ունենա հզոր ու որակյալ ընդդիմություն, ինչը խիստ անհրաժեշտ է երկրի կայուն զարգացման եւ իշխանության վերահսկողության տեսակետից: Բայց սա Հայաստանի արդի ներքաղաքական իրավիճակի հետ որեւէ առնչություն չունեցող խիստ տեսական, դասագրքային պնդում է:

Իրականությունը այս պահին բոլորովին այլ է: Թերեւս արժե այս իրավիճակը դիտարկել պարզ թվաբանության տեսանկյունից: Իշխանությունն ունի երեք թեւ՝ գործադիր, օրենսդիր, դատական: Դատական իշխանությունը, ինչպես ցույց է տալիս գրավի դիմաց ազատ արձակումների այս աննախադեպ ալիքը, երբ ազատություն են ստանում նույնիսկ սպանությունների մեջ կասկածվող անձինք, ցույց է տալիս, որ դատական համակարգի վրա գործադիր իշխանությունը, այսինքն՝ Փաշինյանի թիմը որեւէ ազդեցություն չունի: Դա՝ մեղմ ասած: Իրականում դատական համակարգը ակնհայտ ու անթաքույց սաբոտաժ է հայտարարել վարչապետի թիմին եւ ունի կոնկրետ նպատակներ՝ վարկաբեկել կոռուպցիայի ու ամենաթողության դեմ սկսված պայքարը:

Իշխանության մյուս թեւը՝ Ազգային Ժողովը, նույնպես չի գտնվում վարչապետի աջակիցների շարքում: Այն, որ գործող ԱԺ-ն կողմ է քվեարկում կառավարության ներկայացրած «անշառ» օրինագծերին, դեռ ոչինչ չի նշանակում: Կասկածից վեր է, որ երբ կառավարությունը ԱԺ-ին ներկայացնի այնպիսի նախագծեր, որոնք ենթադրում են մասնավորապես ԱԺ-ի լուծարում, ԱԺ-ն դեմ է քվեարկելու: Բացի այդ, ԱԺ-ի նախկին մեծամասնության ներկայացուցիչները, օգտվելով իրենց ունեցած պաշտոններից, առիթը բաց չեն թողնում, օրինակ, միջազգային ատյաններում գործող կառավարությանը վարկաբեկելու համար:   

Որքան էլ տարօրինակ հնչի, Փաշինյանի թիմը լիակատար ու կայուն աջակցություն չունի նույնիսկ գործադիրում: Կառավարության անդամների մոտ կեսը ամենեւին էլ Փաշինյանի թիմից չեն եւ առանց վարանելու պատրաստ են ամենակարեւոր պահին սաբոտաժի ենթարկել գործող վարչապետի ցանկացած ծրագիր:

Եթե իշխանության թեւերին գումարենք նաեւ չորրորդ իշխանությունը, ապա այստեղ նույնպես վարչապետը չունի լիակատար աջակցություն: Ամեն օր բուսնող իբր «լրատվամիջոցները», որոնք չունեն նույնականացման ոչ մի տվյալ՝ հայտնի չէ ովքեր են խմբագիրները, չկա հասցե, հեռախոսահամար եւ այլն, ժամերի պարբերականությամբ ինչ-որ անհեթեթ, հաճախ նաեւ գռեհիկ «լուրեր» են տարածում: Դրան ավելացրած հազարավոր «ֆեյքերը»: Դրանց գումարած՝ հայտնի լրատվամիջոցների մի մեծ ցանկ, որոնք ամեն օր գուժում են երկրի կործանման հեռանկարը, տպագրում անանուն նամակներ Փաշինյանի դեմ, եւ որոնց գործունեության համար անհրաժեշտ ֆինանսական աղբյուրները բոլորովին անհայտ են:

Այս ամենին գումարած՝ այսպես կոչված օլիգարխիան եւ այն ստեղծած նախկին բարձրաստիճան իշխանավորները, որոնք ունեն Հայաստանի մասշտաբներով անսահման ֆինանսական ռեսուրսներ, մութ ու հանցավոր, բայց կայուն ու վստահելի կապեր, լիարժեքորեն վերահսկում են կրիմինալ աշխարհը, լիարժեք վերահսկում են դատական համակարգը, իրավապահ մարմիններում ունեն թաքնված աջակցություն եւ այլն:

Ինչ է այս ամենին հակադրում Փաշինյանի թիմը: Միայն ու բացառապես ժողովրդի բացարձակ մեծամասնության, մի քանի լրատվամիջոցների եւ ուժային մի քանի կառույցների ղեկավարների աջակցությունը:  

Ու եթե հաշվի առնենք այս պարզ «թվաբանությունը», ակնհայտ կդառնա, որ իրավական կամ քաղաքագիտական տեսանկյունից Փաշինյանի թիմը խիստ փոքրամասնություն է կազմում իշխանական համակարգում: Եվ ընդհակառակը՝ «ընդդիմությունը» բացարձակ մեծամասնություն է: Ընդ որում, Փաշինյանի թիմը կրում է իրավիճակի ամբողջ պատասխանատվությունը եւ ունի չնչին իրավունքներ իր գործունեության իրականացման համար, իսկ այսպես կոչված «ընդդիմությունը» ունի միայն իրավունքներ եւ ոչ մի բանի համար որեւէ պատասխանատվություն չի կրում: Միակ պատասխանատվությունը, որը կրում է, արտահայտվում է սոցիալական ցանցերում նրանց քննադատող հեղափոխականների գրառումների տեսքով ու անչափ վիրավորվում դրանից, ասում՝ խոսքի ազատությունը սահմանափակվում է եւ այլն: 

Այս աննորմալ իրավիճակը, երբ հասարակության կողմից նվազագույն աջակցություն ունեցող ուժերը ըստ էության բացարձակ մեծամասնություն են կազմում իշխանական համակարգում, իսկ բացարձակ մեծամասնության աջակցությունը վայելող թիմը հակառակը՝ ունի նվազագույն լծակներ, իրավունքներ եւ հսկայական պատասխանատվություն, կարող է շտկվել միայն խորհրդարանական արտահերթ շուտափույթ ընտրություններով: Երբ դրանք կանցկացվեն՝ անհայտ է: ՀՀԿ-ն ու նրա բաց եւ թաքուն արբանյակները ամեն ինչ անելու են, որ այդ ընտրությունները հնարավորինս ձգձգվեն կամ ընդհանրապես տեղի չունենան: Իսկ Փաշինյանի թիմը ամեն ինչ անելու է արտահերթ ընտրությունները հնարավորինս շուտ անցկացնելու համար: Եվ այս դիմակայության հարցում ամենակարեւոր, նույնիսկ որոշիչ գործոնը լինելու է Երեւանի ավագանու ընտրության արդյունքները:

Տպել
6919 դիտում

Թուրքիայի ափերի մոտ ռուսական նավ է խորտակվել. զոհվել է անձնակազմի 2 անդամ

Ռուս խաղաղապահների ուղեկցությամբ Ղարաբաղ է վերադարձել ևս 177 փախստական

Արցախում նորից ընթացք է ստացել արտամարմնային բեղմնավորման (ԷԿՈ) պետական ծրագիրը. ԱՀ նախագահ

Յուրաքանչուր աշակերտ կարող է հաճախել մշակութային երեք հաստատություն. ԿԳՄՍ

Հրդեհ Էջմիածին քաղաքում. դեպքի վայր է մեկնել 4 մարտական հաշվարկ

ԱԻՆ-ը զգուշացնում է՝ ցրտելու է 17-20 աստիճանով, սպասվում է ձյուն, բուք, ցածր տեսանելիություն

ԱՏՄ ղեկավարը շրջայց է կատարել «Զվարթնոց» օդանավակայանի սահմանային բժշկասանիտարական հսկիչ կետ

Թուրքիայում ընդդիմադիր կուսակցության փոխնախագահի դեմ զինված հարձակում է կազմակերպվել

ՀՀ տարածքում կան փակ եւ դժվարանցանելի ավտոճանապարհներ

Սյունիքի մարզում 30 մետր բարձրությամբ հսկայական դրոշ է տեղադրվել (տեսանյութ)

Վթար Երեւանի Մարշալ Բաբաջանյան փողոցում․ 15-ամյա վարորդն ու ուղեւորը հոսպիտալացվել են

Բագրավան գյուղի բակերից մեկում այրվել է 1200 հակ անասնակեր

ՀՀ-ն ընդդեմ Ադրբեջանի գանգատ կներկայացնի ՄԻԵԴ

Ստեփանծմինդա-Լարս ավտոճանապարհը ձնահյուսի վտանգի պատճառով փակ է. 340 բեռնատար կա կուտակված

Երևանում և մարզերում էլեկտրաէներգիայի մինչեւ 6-ժամյա պլանային անջատումներ են սպասվում

Տիգրան Ուլիխանյանը նշանակվել է ՊՎԾ ղեկավար

Հաստատվել է կորոնավիրուսային հիվանդության 351 նոր դեպք. գրանցվել է 5 մահ

Արցախի շուրջօրյա էլեկտրամատակարարումը վերականգնված է. Արցախի նախագահը՝ կապի ու հաղորդակցության խնդիրների մասին

Մինասյանը պետք է պատասխան տա. Արարատ Միրզոյանը՝ լրտեսության մեղադրանքի մասին

ՊՆ փոխնախարար է նշանակվել Սուրեն Սահակյանը

Ակնհայտ սուտ է. ԱԱԾ-ն հերքում է Միքայել Մինասյանի մեղադրանքներն Արարատ Միրզոյանի հասցեին

Հայաստանում ադամանդագործության և ոսկերչական ոլորտների զարգացման համար ապետք է միավորվեն պետությունն ու ընկերությոնները

ԱՀ նախագահը ամերիկահայ վնասվածքաբան-օրթոպեդ Վրեժ Մանուկյանին պարգևատրել է Երախտագիտության մեդալով

Արցախում 50 հազար ծառ կտնկվի «1 դոլար = 1 ծառ» բանաձևով

Վարդենյաց լեռնանցքը Գեղարքունիքի մարզի կողմից դժվարանցանելի է, Լարսը փակ է

Ասկերանի շրջանի Նորագյուղ և Հովսեփավան համայնքներում սահմանվել են ելքի և մուտքի մասնակի սահմանափակումներ

Հայաստանում առաջին անգամ կորոնավիրուսի սեքվենավորման փորձ է կատարվել

Մեր գյումրեցի տղան լավ է. պատգամավոր Նազելի Բաղդասարյանը տեսակցել է օրեր առաջ հրազենային վիրավորում ստացած զինծառայողին

23-ամյա հետախուզվողը հայտնաբերվել և բերման է ենթարկվել

10 ոսկե, 5 արծաթե, 2 բրոնզե մեդալ. հայ դպրոցականների՝ միջազգային Ժաուտիկովյան օլիմպիադայի ձեռքբերումները

Սահադաշտում տեղի ունեցած ծեծկռտուքի հետևանքով անչափահաս է տեղափոխվել «Սուրբ Աստվածամայր» ԲԿ. shamshyan.com

Հայրենիքի փրկության շարժմանը մասնակցում էին նաեւ նախկին ու ներկա քաղաքապետեր

Իրանում «Radteb Naghsh-e Jahan» ընկերության տնօրենը հայտարարել է Հայաստանում տնտեսական գործունեություն սկսելու մասին

«Հայ երգը դարերից». նոր նախագիծ Գյումրու ժողովրդական գործիքների պետական նվագախմբից

Հայաստանը պահեք`սահմանը ատամներով բռնած, սահմանին սիրահարված, ու սահմանին միշտ մի կյանք պարտք

Լեռնային Ղարաբախում շուրջ 100 խաղաղապահ պատվաստվել է «Спутник-V» պատվաստանյութով. ՌԴ ՊՆ

Օդի ջերմաստիճանը կնվազի 12-ից 15 աստիճանով

Հայկ Հաջինազարյանը կնշանակվի Սպիտակ տան տարածաշրջանային հաղորդակցության բաժնի ղեկավար. «Արմենպրես»

Լերմոնտովոյին հարակից անտառից ապօրինաբար ծառեր են հատվել

Արծվանիկ գյուղում ավտոմեքենա է այրվել