Երևան
15 °C
Երեւանի քաղաքապետի արտահերթ ընտրություններին ընդառաջ ներքաղաքական իրավիճակը, կարծես թե, սկսում է լարվել: Նախընտրական շրջանը թեժացավ, երբ վարչապետ Նիկոլ Փաշինյանը սեպտեմբերի 10-ին «Իմ քայլը» դաշինքի հանրահավաքի ժամանակ հայտարարեց, որ կան ուժեր, որոնք շահարկում են հեղափոխության անունը, բայց «քուչեքում» ՀՀԿ-ականներից օգնություն են խնդրում՝ ընտրություններին քվե ստանալու համար:
Սեպտեմբերի 16-ին էլ սկանդալային հայտարարությամբ հանդես եկավ «Բարգավաճ Հայաստան» կուսակցության քաղաքապետի թեկնածու Նաիրա Զոհրաբյանը: Նա նախ հայտարարեց, որ ՔՊ-ի թեկնածուն վախենում է իր հետ բանավիճելուց, հետո էլ նշեց, որ «Իմ քայլը» դաշինքի ցուցակում Սերժ Սարգսյանի մերձավորներն են: «Ինչից խոսում ենք, ասում են՝ սրանց հետևում կանգնած է Քոչարյանը, Քոչարյանը ձեր կողքին է կանգնած, հենց ձեր կողքն է կանգնած, որովհետև Քոչարյանի PR-ը մենակ դուք եք անում: Սերժ Սարգսյանի բոլոր բարեկամները «Իմ քայլը» դաշինքի ցուցակում են: Միքայել Մինասյանի սանիկը ձեր ցուցակում է, Միքայել Մինասյանի քեռու տղան ձեր ցուցակում է: Սերժ Սարգսյանի մերձավոր, նախկին խորհրդատու Զորի Բալայանի բարեկամը իրենց համամասնական ցուցակում է: Այն տղամարդը, ով անանուն, ֆեյքերի անվան տակ հայհոյում է, թքեմ նման տղամարդու երեսին, դուխ ունեք, տղամարդ եք, եկեք այստեղ բանավիճենք:
«Քաղաքացիական պայմանագրի» թեկնածուին ամեն օր հրավիրում ենք բանավեճի, փախչում է, գա, ի՞նչ խոսի, գա, իմ հետ քաղաքական հարթակում ի՞նչ բանավիճի: Վախենում է: Հիմա էլ ասում եմ՝ տղամարդ ես, հրավիրում եմ բանավեճի, արի առանց Նիկոլ Փաշինյանի, տեսնենք՝ ոնց ես լուծելու Երևանի խնդիրները, թե՞ հեշտ է Փաշինյանի մեջքի տակ քաղաքապետ խաղալ: Էլի եմ ասելու՝ չէինք խոսի այս մասին, եթե իրենք չանցնեին արժանապատվության, տղամարդկության ու բարոյականության բոլոր սահմանները»,- հայտարարել էր Նաիրա Զոհրաբյանը:
Երեկ Ազգային ժողովում՝ ճեպազրույցների ժամին, ԲՀԿ-ական պատգամավորներ Վահե Էնֆիաջյանն ու Իվետա Տոնոյանը, պատասխանելով Նաիրա Զոհրաբյանի հայտարարությունների հետ կապված հարցերին, փորձեցին հիմնավորել, թե ովքեր են «սերժականները»: «Վիկտոր Մնացականյանը հանդիսանում է Միքայել Մինասյանի սանիկը, Իզաբելլա Աբգարյանը նախկինում աշխատել է նախագահականի լրատվական ՊՈԱԿ-ում եւ գիտենք, թե ինչ քաղաքական հայացքներ ունի: Հակոբ Բալայանը Զորի Բալայանի՝ Սերժ Սարգսյանի նախկին խորհրդականի զարմիկը: Մնացածի չակերտները չենք բացում, այսքանով եզրափակենք»,- ասաց Վահե Էնֆիաջյանը:
Վահե Էնֆիաջյանը հրաժարվեց պատասխանել հարցին, թե ով է Միքայել Մինասյանի քեռու որդին: Պարզվում է, որ ԲՀԿ-ականներին այս հարցում սխալ են զեկուցել, ինչի հետեւանքով անհարմար իրավիճակում են հայտնվել: ԲՀԿ քաղաքապետի թեկնածու Նաիրա Զոհրաբյանը Մինասյանի քեռու տղա ասելով նկատի է ունեցել «Իմ քայլը» դաշինքի ցուցակի վերջին համարի թեկնածու Միքայել Հասրաթյանին: Բանն այն է, որ Երեւանի նախկին ճարտարապետը, որն իսկապես Միքայել Մինասյանի քեռու որդին է, ունի նույն անուն ազգանունը, ինչ ՔՊ-ի ցուցակի վերջին համարի թեկնածուն: Այժմ ավագանու ՔՊ-ի թեկնածուն Նաիրա Զոհրաբյանից պահանջում է հրապարակային հայտարարել, որ իր անձի հետ կապված ապատեղեկատվություն է տարածել:
«Մեր անուն-ազգանունների հետ կապված զուգադիպություն է եղել: Ես Միքայել Մինասյանի հետ որեւէ կապ չունեմ: Ես պահանջում եմ, որ Նաիրա Զոհրաբյանը հայտարարի, որ իմ հետ կապված սխալվել է»,- ՀԺ-ի հետ զրույցում ասաց ավագանու թեկնածու Միքայել Հասրաթյանը:
Ըստ ԲՀԿ-ականների՝ «Իմ քայլը» դաշինքի ցուցակի մյուս «սերժականը» բլոգեր Իզաբելա Աբգարյանն է: Նա «Հայկական ժամանակ»-ի հետ զրույցում հերքեց Վահե Էնֆիաջյանի հայտնած տեղեկությունները: «Ամենայն պատասխանատվությամբ հայտարարում եմ, որ սուտ է: Պարոն Էնֆիաջյանը ստուգելու հնարավորություն ունի՝ հանել ՊՈԱԿ-ի նախկին աշխատակիցների տվյալները: Ես որեւէ ռեժիմի օրոք նախագահականում չեմ աշխատել, ինչպես նաեւ ՊՈԱԿ-ում: Ես եղել եմ մանկավարժ եւ թարգմանիչ: Պարոն Էնֆիաջյանի սուտը բավականին հեշտ է հերքել, թող որեւէ թուղթ ներկայացնի, որ ես աշխատել եմ այդ կառույցում»,- ասաց նա:
Իզաբելլա Աբգարյանն իր խոսքում նշեց, որ շատ տհաճ է, երբ քաղաքական ուժը փորձում է սուտը տարածելով՝ նսեմացնել մյուս քաղաքական ուժին: «Ընտրությունները կանցնեն կգնան, բայց մարդկանց մեջ կմնա այն, որ այդ մարդիկ սուտ են խոսել»:
Այնուհանդերձ, ԲՀԿ-ականների նշած անուններից մեկի հրապարակումը ճշմարտության հետ աղերս ունի: Պարզվում է, որ Սերժ Սարգսյանի փեսայի՝ Միքայել Մինասյանի սանիկը՝ Վիկտոր Մնացականյանը «Իմ քայլը» դաշինքի համամասնական ցուցակում է: Վերջինս ՀԺ-ի հետ զրույցում նշեց, որ Մինասյանի սանիկ լինելը քաղաքական կատեգորիա չէ: «Ինձ առաջարկել են լինել ցուցակում եւ իմ արժանապատվությունից ցածր է, որ ես քննարկեմ իմ քավոր-սանիկական հարցերը: Ես չգիտեմ, թե ինչու են նրանք (ԲՀԿ-ականները) նման բաներից կախվել: Ես չեմ կարծում, որ նրանց կհաջողվի իմ ներկայությամբ դաշինքը սեւացնել, պարզապես փորձում են մոլորեցնել: Նրանք Միքայել Մինասյանի հետ ավելի մոտիկ են եղել եւ ժամանակին հանձնարարություններ են ստացել»:
Հարցին, թե շփվո՞ւմ է քավորի հետ, Վիկտոր Մնացականյանը պատասխանեց. «Առիթից առիթ, տոնական օրերին շփվում ենք: Ես շուտվանից չեմ տեսել իրեն, անմիջական շփում չկա»:
ԲՀԿ-ականների հայտարարություններին ԱԺ-ում անդրադարձավ նաեւ ԵԼՔ խմբակցության ղեկավար Լենա Նազարյանը: Նա իր խոսքում ընդգծեց ԲՀԿ-ի եւ ՀՀԿ-ի կապերը: Մասնավորապես, Նազարյանը հիշեցրեց, որ 2018 թվականի ապրիլի 17-ին Ծառուկյանի դաշինքի 9 պատգամավոր կողմ է եղել Սերժ Սարգսյանի վարչապետությանը: «Այդ կուսակցությունը մի քանի անգամ կոալիցիա է կազմել ՀՀԿ-ի հետ: 2008 թվականի մարտին՝ Մարտի 1-ից 20 օր հետո, կոալիցիա են կազմել ՀՀԿ-ի հետ: Տիկին Զոհրաբյանը կողմ է եղել 2008 թվականի Մարտի 1-ին Երեւանում արտակարգ դրություն մտցնելուն: ԲՀԿ-ն բազում տեսանելի եւ անտեսանելի կոալիցիաների մեջ է եղել ՀՀԿ-ի հետ: Այս ամենից հետո իրենք մեզ մեղադրում են ՀՀԿ-ի հետ համագործակցության մեջ»,- ասաց Նազարյանը եւ ընդգծեց՝ հույս ունեն, որ Նաիրա Զոհրաբյանի այն հայտարարությունը, թե իրենց համար Սերժ Սարգսյանն ու Ռոբերտ Քոչարյանը գոյություն չունեն, իսկապես արվում է վերջին անգամ:
Առևտրով զբաղվող անհատ ձեռնարկատերը պետությանը պատճառված վնասից պետբյուջե է վերականգնել 135 միլիոն դրամ
Ավտոբուսը ընկել է բաց դիտահորը, տեղի է ունեցել վառելիքի արտահոսք
Գուցե ոմանց երազանքն է, որ ՔՊ-ն չմասնակցի առաջիկա ընտրություններին, բայց նման հաճույք չենք պատճառի. Կոնջորյան
Գագիկ Ղազինյանը հրավիրվել է դատախազության ապօրինի գույքի բռնագանձման վարչություն
Ինչ զիջումների մասին է խոսվում Ջո Բայդենի՝ Նիկոլ Փաշինյանին ուղղված նամակում. Կոնջորյանը մանրամասնել է
Ինչ են քննարկել ԲՐԻԿՍ-ի առաջնորդներն ընթրիքի ժամանակ. Պուտինն անհատապես հանդիպել է գրեթե բոլորի հետ
ԱՄՆ-ն մշտապես աջակցություն է հայտնել խաղաղության գործընթացին. Հայկ Կոնջորյան
Ես ձեզ զգուշացնում եմ՝ ինձ հետ սպառնալիքով մի՛ խոսեք, դա չի աշխատելու. Սիմոնյանը՝ Մինասյանին
ՊՊԾ պետն ու ոչ զինվորական տեղակալը զենք կրելու, պահելու և կիրառելու լիազորություն կստանան. Առաքելյան
Համաշխարհային առաջնորդների ամենամեծ հանդիպումներից մեկը. ովքեր են ժամանել Կազան, և ինչ է սպասվում առաջիկա օրերին
Ալիևը ժամանել է Կազան. օդանավակայանում նա կծել է չակ-չակն ու տվել իր պատվիրակության անդամին (տեսանյութ)
Երևանի աղբահանության և սանմաքրման համայնքային հիմնարկի հավաքակայանը համալրվել է աղբատար 14 նոր մեքենայով
20 օր արգելվում է կենդանիների արածեցումը. սկսվել են մկնասպան թունանյութի բաշխման աշխատանքներ
Մանդատ դնել-չդնելու մասին դեռ լուր չկա. թիվ 31 ՏԸՀ-ն «Բալասանյան» դաշինքի ընտրացուցակից դուրս գալու դիմումներ է ստացել
Ավետ Պողոսյանն ընտրվել է Հեռուստատեսության և ռադիոյի հանձնաժողովի անդամ
ՔՊ խմբակցության ղեկավարն անդրադարձել է ՀՀ արդարադատության նախարարի պաշտոնը թափուր մնալու հետ կապված հարցին
Ամենամեծ ռևանշիզմն այն է, ինչ հիմա անում է Բաքուն․ Ալեն Սիմոնյան
Արդարադատության նախարարի թեկնածու չունենք, պետք է դիտարկենք նաև կուսակցության անդամ չհանդիսացող մասնագետների․ Սիմոնյան
Դանակահարված երիտասարդը հիվանդանոցում հայտնել է՝ ընկել է ամրանի վրա. ինչ է եղել իրականում
Վստահ եմ՝ Խաղաղության պայմանագրի կնքումից հետո Ադրբեջանը հետ կքաշվի այն մասերից, որտեղ ինքն առաջ է․ Ալեն Սիմոնյան
Լեռնային Ղարաբաղում կրկին ադրբեջանցի զինծառայող է մահացել
Տավուշում երկու եռանկյունի կա, Ադրբեջանինը գտնվում է մեր տիրապետության տակ, իսկ մերը՝ իրենց․ Սիմոնյան
«Միսս Տիեզերք» մրցույթը Հայաստանի մասնակցության մասին հայտարարություն է տարածել և կոչ արել նոր մասնակից ընտրել
Արարատյան դաշտում առաջիկա օրերին սպասվում է -1-ից -5 աստիճան ցուրտ, կանխատեսվում են տեղումեր
Նախատեսվում է Հայաստանին տրամադրել 75 մլն եվրո բյուջետային աջակցության վարկ․ ֆինանսների նախարար
Սուրեն Պապիկյանն ու Հայաստանում Վրաստանի դեսպանը քննարկել են պաշտպանության բնագավառում համագործակցության ընթացքը
Կազանում մեկնարկել է ԲՐԻԿՍ-ի գագաթնաժողովի նեղ կազմով նիստը. նախագահում է Պուտինը
Մոպեդների մասնակցությամբ ՃՏՊ-ների կանխման նպատակով միջնորդագրեր են հղվել պատկան մարմիններին. ՔԿ
Հօգուտ Հայաստանի կբռնագանձվի շուրջ 850 հազար դոլար. դատարանը բավարարել է Դատախազության հայցադիմումը
Ռազմական դրության ժամանակ ոստիկանության գվարդիան կարող է ստանալ հատուկ առաջադրանքներ․ ՆԳՆ փոխնախարար
«Նոա»-ն մեկնել է Վիեննա․ Կոնֆերենցիաների Լիգայի երկրորդ փուլում նրանք կմրցեն «Ռապիդի» հետ
ՊԵԿ-ը 21 ավտոգազալցակայանում հայտնաբերել է ապրանքային մնացորդի պակասորդ. առաջադրվել է 4,8 մլրդ դրամ տուգանք
Տավուշի բնակավայրերից մեկում իրականացվելու են պայթեցման աշխատանքներ. ՊՆ
Վանաձոր-Սպիտակ մայրուղում գործող հանրային սննդի կետի գործունեությունը կասեցվել է
Մեսսին՝ MLS-ի հոկտեմբերի լավագույն ֆուտբոլիստ
Բաքվում սպանվել են ռուսական դրամատիկական թատրոնի դերասանն ու նրա կինը
Օտարերկրացիների մոտ հայտնաբերվել է թմրամիջոցի 34 փաթեթ. նրանք ձերբակալվել են (տեսանյութ)
Ֆրանսիայի ԱԳ նախարարը դատապարտել է Ադրբեջանի կողմից միջազգային իրավունքի խախտումները․ Բաքվում ջղաձգվել են
Ազգային ժողովը վավերացրեց Հայաստանի և Ադրբեջանի սահմանազատման հանձնաժողովների Կանոնակարգը
Թուրքիայի նախագահը 6 տարվա ընդմիջումից հետո մասնակցելու է ԲՐԻԿՍ-ի գագաթնաժողովին. նա կմեկնի Կազան
© 2024 Հայկական ժամանակ