Որեւէ մեկին թույլ չենք տա կեղտոտ ձեռքերով խլել ժողովրդի հաղթանակը. Նիկոլ Փաշինյան

ՀՀ վարչապետ Նիկոլ Փաշինյանը մեկնաբանում է ԱԱԾ տնօրեն Արթուր Վանեցյանի եւ ՀՔԾ պետ Սասուն Խաչատրյանի գաղտնալսման ձայնագրությունը:

«Դեռ մանրամասներին չեմ անդրադառնա: Քիչ առաջ հրավիրել եմ ԱԱԾ տնօրեն Արթուր Վանեցյանին եւ հանձնարարել եմ հանդես գալ մամուլի ասուլիսով, պատասխանել լրագրողների հարցերին, տալ պարզաբանումներ: Բայց այդ պարզաբանումներին դեռ կանդրադառնանք՝ ինչ ասաց ԱԱԾ պետը, ինչ ասաց ՀՔԾ պետը, ինչ է դա նշանակում, ինչը ինչպես պետք է մեկնաբանել, ինչը ինչու է հնչում եւ ոնց եղավ, որ այդպես է հնչում եւ ոչ թե այլ կերպ:

Ըստ էության, տեղի է ունեցել հետեւյալը. իմ նախնական գնահատմամբ (թեեւ իրավաբանները, երեւի ավելի ճիշտ կասեն)՝ տեղի է ունեցել ՀՔԾ պետի կամ ԱԱԾ տնօրենի գաղտնալսում: Ո՞վ է արել այդ գաղտնալսումը, ի՞նչ նպատակով, արդյո՞ք օրենքով նա իրավունք ունեցել է այդպիսի գաղտնալսում իրականացնել, ե՞րբ է տեղի ունենում այդ գաղտնալսումը եւ ի՞նչն է այս ամենի քաղաքական նպատակը: Ես դեռեւս օգոստոսի 17-ին Երեւանի Հանրապետության հրապարակում տեղի ունեցած հանրահավաքում հայտարարել եմ, որ, ընդհանուր առմամբ, իմ կարծիքով, Մարտի 1-ի գործը բացահայտված, է, եւ տարբերակ չկա, բոլոր մարդասպանները պետք է կանգնեն դատարանի առաջ:

Այսօր ՀՀ-ում տեղի է ունենում կոռուպցիայի դեմ պայքար: Տեղի է ունենում կոռուպցիայի դեմ պայքար մի պայմաններում, երբ ամբողջ դատական համակարգը նշանակված է այդ կոռուպցիոն համակարգի կողմից եւ սպասարկել է երկար տարիներ այդ կոռուպցիոն համակարգին, պլանավորված է այդ կոռուպցիոն համակարգին սպասարկելու համար:  

Ես վարչապետ ընտրվելու հետո ինչի բա՞ն եմ թաքցրել ձեզնից: Ասել եմ՝ մինչեւ օրս դատավորները զանգում են, խաբար են ուղարկում, թե ինչ անենք, այս հարցը ո՞նց որոշենք, այն հարցը ո՞նց որոշենք: Դրանում ոչ մի գաղտնիք չկա, եւ ես ասել եմ, որ հրաժարվում են դատական համակարգին տալ հրահանգներ, եւ մենք հրաժարվել ենք դատական համակարգին տալ հրահանգներ: Բայց դա չի նշանակում, որ դատական համակարգից տարբեր մարդիկ մեզ չեն զանգել ասել՝ բա այս գործով ի՞նչ անեմ, խնդրում եմ՝ ասեք, վայ վախենում եմ, այս գործը չգիտեմ ոնց անեմ, այն գործը չգիտեմ ոնց անեմ:  

Ուզում ձեր ուշադրությունը հրավիրել հետեւյալի վրա: Մարդիկ զգում են.... եւ այդ մարդկանց անունները կոնկրետ են՝ Ռոբերտ Քոչարյան, Սերժ Սարգսյան, Հովիկ Աբրահամյան, Մանվել Գրիգորյան, Տարոն Մարգարյան, Գագիկ Խաչատրյան, տարբեր մանր ու մեծ չինովնիկներ, զգում են, որ իրենց թալանածը վերադարձնելու ժամանակն է եկել եւ ուզում են այդ պրոցեսը կասեցնել:

Այո, ԱԱԾ տնօրենը ասուլիս կանի: Հստակ ասում եմ՝ այն պահին, երբ կտեսնեք՝ ինչ ասացինք, որտեղ ասացինք, ինչ խոսեցինք, ում հետ հանդիպեցինք, ենթակա է հաշվետվության ձեր առաջ՝ ՀՀ քաղաքացիների առաջ, բայց մենք շանտաժի չենք տրվելու, Մարտի 1-ը պետք է բացահայտվի, մարդասպանները պետք է կանգնեն դատարանի առաջ: Թալանվածը պետք է վերադարձվի:

Բոլորը, ես՝ օրինակ, պատասխանատու եմ ձեզնից յուրաքանչյուրի առաջ՝ թե իմ, իմ հարազատների, ընտանիքի անդամների նյութական վիճակը ինչքանով է փոխվել:

Սրա նպատակը ընդամենը կոռուպցիայի դեմ պայքարը, մարդասպաններին բանտերում տեղադրելու պրոցեսը կոտրելն է: Այս իրավիճակի կապակցությամբ, այո, շարունակում է որոշումներ կայացնելու իրավունքը մնալ ժողովրդինը: Ժողովուրդն է բարձրագույն իշխանությունը:

Այս ընթացքում հեռուստատեսություններ են առել, ֆեյքեր են առել, լրատվամիջոցներ են առել, ինչ ասես չեն տարածում... սրա նպատակը մեկն է, ուզում են ճողոպրել պատասխանատվությունից, եւ դուք չպետք է թույլ տաք, որ նրանք փախչեն պատասխանատվությունից:

Առանձին վերցված պաշտոնյան, ընդհանրապես կառավարությունը, եթե որեւէ մեկը սխալ է արել... մեզնից ոչ մեկը անսխալական չէ, եւ մեզնի յուրաքանչյուրը պատասխան կտա՝ ինձնից սկսած, մնացածով վերջացրած, եթե, իրոք դա սխալ է, եթե օբյեկտիվորեն պարզվի, ապացուցվի, որ դա սխալ է: 

Այս ամեն ինչը նրա արդյունքն է, որ ես կոռուպցիոներների, թալանչիների հետ որեւէ կոմպրոմիս չունեմ ու չեմ ունենալու: Նրանք չեն կարող ինձ կանգնեցնել: Նրանց պարտություն է սպասվում, որովհետեւ նրանք ժողովրդից թալանվածը կոպեկ-կոպեկ պետք է վերադարձնեն, ՀՀ քաղաքացիներին գնդակահարածը պետք է պատասխան տա, սահմանից զինվորների հանած Երեւան բերածը պետք է պատասխան տա, երեւանցիների վրա ավտոմատներով կրակածը պետք է պատասխան տա, օլիգարխների թիկնազորին զենք բաժանածը, եւ նրանց ժողովրդի վրա կրակելու հրահանգ տվածը պետք է պատասխան տա:

Այդ գաղտնալսումների մեջ չկա մի բան, որ հետաքննության արդյունքում կպարզվի, որ որեւէ մեկը հատել է իր ծառայողական պարտականությունների գիծը, որովհետեւ, եթե մենք դատարաններին հրահանգներ տվող էինք, վերաքննիչ դատարանին ինչո՞ւ հրահանգ չենք տվել: Ո՞նց է Ռոբերտ Քոչարյանը հայտնվել ազատության մեջ: Եթե քաղաքական հետապնդման ենթարկող էինք... այդ լուրերը, որ հեռուստատեսություններ, լրատվամիջոցներ է գնել, ճի՞շտ, թե ճիշտ չեն: Էդ քաղաքական հետապնդյալները երկրում հեռուստատեսություն են գնո՞ւմ, լրատվամիջոց են գնո՞ւմ, այդ ո՞նց:

Քանի դե ես վարչապետ եմ, կոռուպցիայի հետ կոմպրոմիս չի լինելու: Շանտաժների չեմ ենթարկվելու: Մինչեւ վերջին կոռուպցիոները, մինչեւ նրանց գողացած վերջին կոպեկը, պետք է վերադարձվի ժողովրդին, դուք ձեր թալանածը չեք մարսելու: Ուզում եք գաղտնալսեք, ուզում եք գաղտնատեսաձայնագրեք, ինչ ուզում եք արեք, տարբերակ չկա: Եւ ես հույս ունեմ, որ այս իրավիճակում ժողովուրդը պինդ կկանգնի կառավարության կողքին: Այո՛, մենք ձեր աջակցության կարիքն ունենք կոռուպցիայի դեմ պայքարում:

Այսօր՝ ժամը 19:00-ին, Դավթաշենում «Իմ քայլը» դաշինքի նախընտրական հավաք է նախատեսված, եւ ես հույս ունեմ, որ բոլորդ կգաք այնտեղ եւ ձեր աջակցությունը կհայտնեք կոռուպցիայի դեմ պայքարին, կոռուպցիոներների դեմ պայքարին, մարդասպանների դեմ պայքարին, եւ ընդհանրապես հեղափոխությանը:
Տեսագրության մեջ այդ վերլուծությունները՝ այս բառը, այն բառը... ես լսել եմ: Ասեմ այնտեղ ինձ հետ կապված մի բան կա, ուզում եմ պարզաբանել: Իմիջայլոց, երեկ Տավուշի մարզում տեղի ունեցած հարցազրույցի ժամանակ էլ ասացի, երբ ես առաջարկել եմ Հատուկ քննչական ծառայության պետի թեկնածու, Քննչական կոմիտեի նախագահի թեկնածու, Ազգային անվտանգության ծառայության տնօրեն, ոստիկանության պետ (դե ոստիկանությունը նախաքննություն վարող մարմին չէ), Պետական եկամուտների կոմիտեի նախագահ, ասել եմ, որ ես ձեզ խոստանում եմ մի բան, որ որեւէ գործի քննության համար քաղաքական խոչընդոտ չի լինելու, բացառում եմ, որ դուք ասեք՝ նախաքննության շահերից ելնում է, որ այսինքն՝ մարդուն պետք է կալանավորել, ես ասեմ՝ չէ, ցանկացած դեպքում, երբ դուք գաք, նույնիսկ իմ ընտանիքի անդամին ասեք՝ պետք է կալանավորել, նախաքննության շահից է դա բխում, ես ասելու եմ՝ կալանավորեք, չեմ ասելու՝ մի՛ կալանավորեք: Եւ այո՛, տեղի է ունեցել դա: Եվ հիմա էլ եմ ասում՝ նախաքննության մարմինները պետք է անկաշկանդ լինեն:

Ճշմարտությունն այն է, որ ոմանք ուզում են ճողոպրել պատասխանատվությունից: Ես դա թույլ չեմ տալու, ընդ որում՝ անկախ նրանից վարչապետի կարգավիճակում կլինեմ, թե՝ ոչ: Որեւէ կոռուպցիոներ չի խուսափելու պատասխանատվությունից:

Իսկ ընդհանուր առմամբ, ասում եմ՝ այս իրավիճակի լուծումը ձեր՝ ՀՀ քաղաքացիների տիրույթում է: Եվ ես հույս ունեմ, որ դուք կաջակցեք կոռուպցիայի դեմ պայքարին, կաջակցեք Մարտի 1-ի գործի բացահայտմանը, կաջակցեք թալանի դեմ պայքարին, եւ այդ աջակցության ձեւերից մեկը այսօր՝ երեկոյան, ժամը 19:00-ին, Դավթաշենի, որքան հիշում եմ ասացին «Երեւան սիթի» խանութի մերձակա հրապարակ գալն է: Ես կգամ այնտեղ, ելույթ կունենամ, եւ նաեւ կախված ժամը 7-ին հաստատված իրավիճակից՝ որոշ հավելյալ բաներ կասեմ:
Հանձնարարել եմ նաեւ ԱԱԾ տնօրենին ասուլիս հրավիրել եւ հրապարակել, թե առաջիկայում ինչ քրեական գործեր են նախապատրաստվում, ում թալանի մասին:

Դուխով, ժողովո՛ւրդ. դուք հաղթել եք, եւ ձեր հաղթանակը որեւէ մեկը չի կարող ձեր ձեռքից վերցնել, նույնիսկ մենք, եթե նույնիսկ շատ ուզենանք: Բնականաբար՝ մենք նման բան չենք ուզենա, բայց որեւէ մեկին թույլ չենք տա կեղտոտ ձեռքերով խլել ժողովրդի հաղթանակը»,- ասաց նա:

Տպել
7494 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում