Դադասյանը Ս. Սարգսյանի եւ Ա. Ամիրյանի հետ ջերմ հարաբերությունների մեջ է եղել. փոխնախարար

Մնջախաղի պետական թատրոնի գեղարվեստական ղեկավար Ժիրայր Դադասյանը բոլորովին վերջերս ՀԺ-ի հետ զրույցում անդրադարձել էր թատրոնի հիմնական տարածք ունենալու անլուծելի խնդրին, ինչպես նաեւ մշակույթի նախարար Լիլիթ Մակունցի հետ ունեցած քննարկմանն ու փոխնախարար Տիգրան Գալստյանի վարքագծին:

Դադասյանն ասել էր, թե խիստ մտահոգված է նախարարի եւ փոխնախարարի հնչեցրած կարծիքներից: Վերջինիս խոսքով՝ երիտասարդ մշակութային գործչի՝ Տիգրան Գալստյանի անտրամաբանական հարցադրումներն իրեն խիստ մտածելու տեղիք են տվել: 

Հիշեցնենք, որ Դադասյանը վիրավորական էր համարել Տիգրան Գալստյանի հարցադրումներն ու վերջինիս վերաբերմունքը իր նկատմամբ:

Տիգրան Գալստյանը, ՀԺ-ի հետ զրույցում պարզաբանելով մոտ մեկ ամիս առաջ տեղի ունեցած հանդիպման մանրամասները, անդրադարձավ նաեւ Դադասյանի հայտարարություններին: Փոխնախարարն ասաց, որ Դադասյանին վիրավորելու, առավելեւս նրա աշխատանքն արժեզրկելու որեւէ միտում չի ունեցել:

«Ընդհակառակը, երբ ես ներկա էի այդ քննարկմանը, ասացի, որ շատ եմ սիրում Մնջախաղի թատրոնը: Եվ դեռ այն ժամանակ, երբ նախարարի խորհրդականի պաշտոնը չէի զբաղեցնում, հաճախ այցելում էի թատրոն: Այս թատրոնը շատ եմ հավանում նաեւ այն առումով, որ հասանելի է բոլորին, նաեւ հաշմանդամություն ունեցող անձանց»,- ՀԺ-ի հետ զրույցում ասաց նա:

Տիգրան Գալստյանը պատմեց, որ թատրոնի տարածքի քննարկման ժամանակ որպես ճարտարապետ ասել է, որ քաղաքաշինական հարցեր կարող են առաջանալ, միայն իրենց որոշելը դեռ ոչինչ չի նշանակում:

«Ես, առիթից օգտվելով, Դադասյանին հարցրեցի, թե շաբաթական քանի ներկայացում են ունենում եւ ինչքան հանդիսատես: Երբ ես ասացի, որ ինքս ներկա եմ գտնվել եւ մաքսիմում 20-ից 30 հոգի հանդիսատես կար, իմ ասածը Դադասյանին խիստ զայրացրեց, նա բորբոքվեց եւ սկսեց ագրեսիվ խոսել, բայց ես իրեն չեմ ասել, այն ինչ ինքն էր ձեզ ներկայացրել, թե իբր բարձր կարծիքի է իր թատրոնի մասին»,- պատմեց փոխնախարարը:

Տիգրան Գալստյանը դարձյալ այն կարծիքին է մնում, որ 20-ից 30 հոգու համար թատրոն կառուցելն այնքան էլ խելամիտ չէ, առավելեւս, եթե նրա աշխատանքները մշտական տարածք չունենալուց մեծ հաշվով չեն էլ տուժում: «Ես հասկանում եմ, որ նախկին իշխանությունների՝ Սերժ Սարգսյանի, Արմեն Ամիրյանի, այսպես ասած, ընկերակցությամբ եւ ջերմ հարաբերությունների շնորհիվ Դադասյանը փորձել է տարածք ստանալ: Սերժ Սարգսյանը խոսք է տվել, որ շենք կկառուցվի, ինքն էլ գրասենյակ կունենա, բայց ինչ կարող ենք անել»,- ասաց Տիգրան Գալստյանը:

Փոխնախարարը փոխանցեց, որ Դադասյանը բողոքել է գրասենյակ չունենալու համար, ասել, որ ընդամենը մի սեղան ունի: Ինչ վերաբերում է Գեւորգ Քոչար 21 հասցեում Հայաստանի Ազգային գրապալատի տարածքում երրորդ հարկ կառուցելուն՝ Տիգրան Գալստյանն ասաց, որ ինքը պահանջել է շենքի փաստաթղթերը եւ պարզել, որ այն հուշարձան է եւ ձեւափոխել ու հավելյալ ծախսեր անելն այնքան էլ նպատակահարմար չէ: Եվ քանի որ հուշարձան համարվող շենքի վրա էր նախատեսվել կառուցապատում իրականացնել, դրա համար էլ հետաքրքրվել է հանդիսատեսի եւ այլնի մանրամասներից:

Տպել
5020 դիտում

Վնասվել են Beeline-ի օպտիկական մալուխները. անջատվել է Հայաստան մուտք գործող ինտերնետը և միջազգային կապուղիները

«20-րդ դարի ականավոր հայ կանայք. ճանաչիր քո պատմությունը» խորագրով ցուցահանդես ՀՀ Ազգային ժողովի այգում

Հայաստանի վերափոխման մինչեւ 2050 թվականի ռազմավարությունը. ամբողջական

Նախագահ Արմեն Սարգսյանին շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևը

Հայոց պետականություն, կրթություն, անհատ, աշխատանք. Փաշինյանը ներկայացրեց ռազմավարության մեջ առկա ազգային արժեքները

Ահազանգ է ստացվել, որ Նոր Ամանոս գյուղում անասնակեր է այրվում. հրդեհը մեկուսացվել է

Անկախ պետականության օրը մեր հավատի և մեր համոզմունքների խորհրդանիշն է. ԲԴԽ նախագահի շնորհավորական ուղերձը

Ֆրանսիան ձեր կողքին է՝ նպաստելու ձեր տնտեսության նոր վերելքին. Էմանուել Մակրոնը շնորհավորել է նախագահ Արմեն Սարգսյանին

Գեղամ Ստեփանյանը նշանակվել է ԱՀ մարդու իրավունքների պաշտպանի աշխատակազմի Գործադիր քարտուղարի պաշտոնակատար

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել