Սպորտի նախարարությունը պատրաստ է ՀՖՖ հետ աշխատելուն. սպորտի նախարար

Հայաստանի սպորտի եւ երիտասարդության հարցերի նախարարությունը պատրաստ է Հայաստանի ֆուտբոլի ֆեդերացիայի հետ սերտ համագործակցության: Այս մասին այսօր՝ սեպտեմբերի 4-ին, լրագրողների հետ հանդիպման ժամանակ ասաց սպորտի եւ երիտասարդության հարցերի նախարար Լեւոն Վահրադյանը՝ ամփոփելով պաշտոնավարման 100 օրը: Սեպտեմբերի 22-ին կայանալու են ՀՖՖ նախագահի ու գործկոմի ընտրությունները, եւ այդ առումով նախարարը նշեց, որ ինչպես նախկինում, այնպես էլ առաջիկա ընտրություններից հետո պատրաստ են աշխատել ֆեդերացիայի հետ: Ասուլիսի ընթացքում Վահրադյանը խոսեց նաեւ մի շարք այլ հարցերի շուրջ:

- Տարիներ շարունակ նախարարության ու ֆուտբոլի ֆեդերացիայի միջեւ չի եղել սերտ համագործակցություն: ՀՖՖ նախագահի ընտրություններից հետո ի՞նչ կփոխվի:

- Երբ ստանձնեցի պաշտոնը, ոչ մի խնդիր չեմ ունեցել ոչ մի ֆեդերացիայի հետ եւ չունեմ, որովհետեւ մենք կողմնակից ենք առողջ մտածելակերպին եւ բաց ենք բոլոր ֆեդերացիաների հետ համագործակցության համար: Մենք հիմա էլ պատրաստ ենք ֆուտբոլի ֆեդերացիայի հետ աշխատանքներ տանել: Եթե ինչ-որ հարցեր կան, խնդիր չեմ տեսնում, իսկ ընտրություններից հետո, բնականաբար էլի պատրաստ ենք աշխատել:

- Գո՞հ եք անցած 100 օրերի ընթացքում Ձեր կատարած աշխատանքից:

- Ես իմ աշխատանքը կատարում եմ մեծ սիրով, նվիրվածությամբ: Ինչ վերաբերում է գոհ լինելուն, ես չէ, որ պետք է գոհ լինեմ, այլ հասարակությունը, մարզիկները, լրագրողները:

- Ի՞նչ ծրագրեր ունենք եւ մի փոքր կմանրամասնե՞ք գեղասահքի մրցաշարի մասին:

- Սկսեմ վերջին հարցից: Գեղասահքն աշխարհի գավաթի խաղարկությունն է, որը կայանալու է Երեւանում՝ Ռոդնինայի անվան գեղասահքի մարզադպրոցում: Շատ լուրջ միջոցառում է: Եթե չեմ սխալվում, 200-ից ավելի միայն մասնակից է լինելու, իսկ պատվիրակությունները, եթե հիշողությունս չի դավաճանում՝ 470: Գեղասահքը այն սպորտաձեւերից է, որում վերջին մի քանի տարիների ընթացքում լուրջ քայլեր են արվել ե՛ւ ֆեդերացիայի, ե՛ւ նախարարության, ե՛ւ ՀԱՕԿ-ի կողմից: Ինչ վերաբերում է անելիք աշխատանքներին, ուզում ենք մեթոդական եւ ուսումնական մասերով օրենքի կամ ենթաօրենսդրական ակտի տեսքով կարողանալ այնպես անել, որ բոլոր այն սպորտդպրոցներին, որոնք գործում են այլ գերատեսչությունների ներքո, կարողանանք մեր օգնությունը առաջարկել, ճիշտ մշակված գրաֆիկներ, ուսումնական մասեր առաջարկել նրանց:

Հաշմանդամություն ունեցող անձանց համար եւս կան բազում ծրագրեր, որոնք պետությունը անմիջապես ի դեմ սպորտի եւ երիտասարդության հարցերի նախարարության կազմակերպում եւ իրականացնում է: Օգոստոսի 31-ին կայացավ հաշմանդամություն ունեցող լավագույն մարզիկ մրցույթը, որը 2-րդ հանրապետական փուլն էր: Եթե տեսնեիք մեր մարզիկների ուրախությունը, ինքներդ կփաստեիք, որ միջոցառումը կայացած է: Էլի կան աշխատանքներ, որոնք ընթացքի մեջ են:

- Ձեր գալով ի՞նչ փոփոխություն է կրելու նախարարությունը: Եղե՞լ են բացթողումներ:

- Փառք Աստծու, լավ ժառանգություն եմ ստացել որպես նախարար մեր մարզիկների մեդալների թվաքանակի տեսքով: Գիտեք՝ 20 տարի օլիմպիական չեմպիոն չէինք ունեցել: 20 տարվա ընդմիջումից հետո ունեցանք Արթուր Ալեքսանյան: Ժառանգություն ասելով՝ նկատի ունեմ այդ գործոնները՝ մեդալների տեսքով: Մնացած ասպեկտներով, բնականաբար որտեղ կա աշխատանք, չեն կարող բացթողումներ չլինել: Բացթողումների մասով, օրինակ, չունենք օրենք երիտասարդությանը վերաբերող: Ձեռնամուխ ենք լինելու այդ հարցի կարգավորմանը: Իսկ ի՞նչ է փոխվելու: Ինձ թվում է՝ ավելի լավ է մարզաշխարհի ներկայացուցիչներին՝ մարզիկներին, մարզիչներին դիմեք, քանի որ մենք պատրաստակամ ենք բոլորի հետ աշխատելու, մեր աշխատանքները թափանցիկ են եւ ինձ թվում է՝ ի շահ սպորտի նվիրված աշխատանքի դեպքում պետք է որ դժգոհություններ չլինեն:

-Բասկետբոլի հավաքականը բաց է թողնում Եվրոպբասկետ 2021-ի ընտրական 2-րդ փուլը:

- Դահլիճի ստանդարտների հետ կապված խնդիրներ էին: Ֆեդերացիայի հետ տարվում են աշխատանքներ այդ ստանդարտներին հասնելու համար: Ցավոք, բաց թողեցինք, բայց մեզանից կախված հարց չէր, տեխնիկական հարց է, որը հուսով եմ՝ մյուս տարի կլուծվի:

- Հնարավո՞ր չէր Թբիլիսիում կազմակերպել:

- Որքան տեղյակ եմ, դեռ ամեն ինչ կորած չէ: Տարբեր մրցաշրջաններ էլ ունենք, որ կարող ենք մասնակցել հավաքականի տեսքով: Ինչ վերաբերում է Թբիլիսիում կազմակերպելուն կամ չկազմակերպելու, ֆեդերացիայի առաջարկի հիմա վրա կքննարկենք, եթե պետք եղավ, կկազմակերպենք հարեւան պետությունում:

- Ջրացատկում այս տարի աննախադեպ նվաճում ունեցանք՝ Եվրոպայի բրոնզ սինքրոն ցատկերում, բայց ուշագրավ է, որ Երեւանում մարզիկները սինքրոն՝ այսինքն՜ միասին ցատկեր կատարելու հնարավորություն չունեն: Առանձին-առանձին են կատարում, մրցավայրում մի փոքր մարզվում են ու ելույթ ունենում:

- Բոլոր խնդիրները առանձնացրել ենք եւ բոլորի խնդիրների լուծման համար տվել ենք ժամանակահատված: Եվ թող տա Աստված, մեր երկրի հնարավորությունները ավելի հզորանան: Ամեն դեպքում մենք մեր տեսլականը արդեն կառավարություն ենք ներկայացրել, արդեն քննարկման փուլում է առաջիկա 5 տարիների միջոցառումների ցանկը, որի շրջանակներում դիտարկել են ե՛ւ լողավազանների խնդիրները, ե՛ւ մնացած մարզաձեւերին առնչվող խնդիրները: Պետք է ամեն ինչ անենք, որ մեզ անհրաժեշտ նյութատեխնիկական բազան ունենանք: Նշեցիք, որ սինքրոն ցատկ չեն արել... բայց մեր հայի ուժը դրանում էլ է կայանում, որ չեղած տեղից բարիք են ստեղծում: Տա Աստված, որ այդ ամեն ինչին հասնենք, ունենանք, ավելի լավ արդյունքներ կլինեն:

- Նրանք դեռ կշարունակե՞ն ուժի ու տաղանդի հաշվին մեդալ նվաճել, թե՞ մի բան կփոխվի:

- Ամեն ինչ անում ենք, որ այդ ամենը փոխվի, եւ կարողանանք մարզիկներին ավելի լավ պայմաններ առաջարկել:

- Կմանրամասնե՞ք բռնցքամարտի ֆեդերացիայում ստեղծված իրավիճակը: Ի՞նչ է սպասվում: Մյուս հարցը, ի՞նչ լուծումներ կլինեն Արթուր Ալեքսանյանի անվան մարզադպրոց կառուցելու հարցում:

-  Բռնցքամարտի ֆեդերացիայի հետ կապված. երբ ստանձնեցի պաշտոնը, եկան բռնցքամարտի աշխարհի ներկայացուցիչները, խնդիրը բարձրաձայնեցին, մեր առաջին քայլը որպես նախարարություն եղավ այն, որ հասկանանք, որ մարդկային, անձնական խնդիրները տեղ չունեն ֆեդերացիայում եւ սպորտում, քայլ արեցինք, որ հաշտեցնենք: Դրանից հետո նույն խնդիրը բարձրացրած բռնցքամարտի մարզիչները, մասնագետները ֆեդերացիայի նախագահի ընտրություններից հետո դիմեցին ինձ՝ ասելով, որ նախագահի ընտրությունները ըստ կանոնակարգի չեն ընթացել, դա մանդատների բաշխման կարգին էր վերաբերվում, քվեարկությանն էր վերաբերվում... այսինքն՝ համերաշխ մթնոլորտը վերականգնելու մեր փորձը չստացվեց: Հիմա էլ դժգոհություններ կան, պառակտում կա, բայց մեր նպատակը մեկ բան է. սպորտի աշխարհը պետք է համախմբված լինի:

Արթուր Ալեքսանյանի դպրոցի մասին ասեմ, որ նամակով դիմել են ինձ: Մենք վարչությունում քննարկել ենք եւ մոտակա օրերս ներկայացնելու ենք կառավարություն՝ քննարկելու այս հարցը, ու լուծումը տեսնենք՝ ինչպես ենք տալու, ինչ ժամկետով:

- Կառավարության 100-օրվան նվիրված հանրահավաքի ընթացքում վարչապետ Նիկոլ Փաշինյանն ասել է, որ նախարարությունների թիվը պետք է կրճատվի: Այս պահից սկսած կան խոսակցություններ, ու ՀՀ սպորտի եւ երիտասարդության հարցերի նախարարությունը համարվում է այն նախարարություններից, որը կարելի է կրճատել կամ միացնել այլ նախարարության հետ: Որքանո՞վ եք դա իրատեսական համարում ու ի՞նչ հետեւանքներ դա կարող է ունենալ:

- Ես չեմ էլ ուզում մտածել այդ հարցի շուրջ, որովհետեւ չեմ պատկերացնում: Բացի մեր փառապանծ բանակից, որը ունի մեր գերբը եւ մեջքին գրված մեր անունը՝ մյուս ոլորտը սպորտն է, որը միջազգային տարբեր հարթակներում հիմնը, դրոշը բարձրացնում է: Եկեք ամեն ինչ դնենք կողքի, խոսենք այն մասին, որ, երբ Արթուր Ալեքսանյանը դարձավ օլիմպիական չեմպիոն, եթե հիշում եք ժամը եւ եթե արթուն եք եղել, չակերտավոր ասած, ատոմային ռումբ պայթեց Հայաստանում: Եթե աշխատանքը կա, արդյունքները կան... մեր ոլորտը չափելի է, եթե կա մեդալի տեսքով, ծրագրային տեսքով արդյունք, արդեն մնացածը պետությունը ինչպես նպատակահարմար կգտնի, բայց ես չեմ էլ ուզում վատ երազում մտածել դրա մասին:

- Կան համաշխարհային օրինակներ, որ սպորտի առանձին նախարարություն չկա:

- Ճիշտ եք ասում, կան  օրինակներ, որտեղ օլիմպիական կոմիտեն էլ իր դերն ունի, բայց մեր երկրում, ինչն է լավ, որ օլիմպիական կոմիտեն ու ՀՀ սպորտի եւ երիտասարդության նախարարությունը սերտաճած մարմին են:

- Ես չեմ էլ ուզում մտածել այդ հարցի շուրջ, որովհետեւ չեմ պատկերացնում: Բացի մեր փառապանծ բանակից, որը ունի մեր գերբը եւ մեջքին գրված մեր անունը՝ մյուս ոլորտը սպորտն է, որը միջազգային տարբեր հարթակներում հիմնը, դրոշը բարձրացնում է: Եկեք ամեն ինչ դնենք կողքի, խոսենք այն մասին, որ, երբ Արթուր Ալեքսանյանը դարձավ օլիմպիական չեմպիոն, եթե հիշում եք ժամը եւ եթե արթուն եք եղել, չակերտավոր ասած, ատոմային ռումբ պայթեց Հայաստանում: Եթե աշխատանքը կա, արդյունքները կան... մեր ոլորտը չափելի է, եթե կա մեդալի տեսքով, ծրագրային տեսքով արդյունք, արդեն մնացածը պետությունը ինչպես նպատակահարմար կգտնի, բայց ես չեմ էլ ուզում վատ երազում մտածել դրա մասին:

- Կան համաշխարհային օրինակներ, որ սպորտի առանձին նախարարություն չկա:

- Ճիշտ եք ասում, կան  օրինակներ, որտեղ օլիմպիական կոմիտեն էլ իր դերն ունի, բայց մեր երկրում, ինչն է լավ, որ օլիմպիական կոմիտեն ու ՀՀ սպորտի եւ երիտասարդության նախարարությունը սերտաճած մարմին են:

-Ե՞րբ աթլետիկայի վազքուղի կունենանք:

-Ռոբերտ Էմմիյանը (խմբ. ՀՀ Աթլետիկայի ֆեդերացիայի նախագահ) այստեղ է, մեր երկրում է, հանդիպել ենք եւ նախատեսում ենք հանդիպել վարչապետի հետ, քանի որ լավ ծրագիր է բերել մեր երկիր եւ ուզում է այդ վազքուղին այս տարի ունենանք եւ իրատեսական է: Մոտակա, երեւի, 1-2 ամսվա մեջ մենք կունենանք այդ վազքուղին: Երեւի եմ ասում, որովհետեւ, եթե տեխնիկական հարցեր չառաջանան, թե գույքը բերելու, թե վազքուղու հետ կապված, մնացածը այս տարի հուսով եմ՝ փակված կլինի:

-Վազքուղին «Հրազդա՞ն» մարզադաշտում է լինելու:

-Որոշելու հարց է, քանի որ իրավական խնդիրներ կան: Տա Աստված վազքուղին լինի, արդեն տեղադրելը...

-Եթե ոչ «Հրազդանում», այլընտրանք կա՞:

-Կա: Տարբեր տեղեր կան, Արտաշատում էլ կա, Երեւանում էլ կա, Ծաղկաձորում էլ կա:

Տպել
1936 դիտում

Կառավարությունը վճռական է խաղաղության հասնելու իր ջանքերում ինչպես երկրի ներսում, այնպես էլ տարածաշրջանում. Միրզոյան

Վճռաբեկ դատարանի դատավորի թափուր տեղի համար թեկնածուներ են առաջադրվել

Աշխատել «բոլորի համար Եվրոպա» ստեղծելու ուղղությամբ. Ռոբերտա Մեցոլան վերընտրվել է Եվրախորհրդարանի նախագահի պաշտոնում

Ոսկեհասկում հարևանի շունը հարձակվել է բնակիչների վրա. 5 անձ հիվանդանոցում է, 4-ամյա երեխայի վիճակը ծանր է

Երևանում, Արագածոտնի, Վայոց Ձորի մարզերում գազաբենզալցակայանների գործունեություն է դադարեցվել, Տավուշում՝ ապամոնտաժվել

Ակնկալում ենք խորացնել ՀՀ-ԵՄ գործընկերությունը. Ալեն Սիմոնյանը շնորհավորել է Ռոբերտա Մեցոլային

Ընդգծել է Հայաստան-ԱՄՆ երկկողմ հարաբերությունների առաջընթացի կարևորությունը. փոխվարչապետն ընդունել է Ուզրա Զեյային

Ստեփանակերտի նախկին քաղաքապետ Դավիթ Սարգսյանն ազատ է արձակվել

ԱՄՆ կառավարությունն աջակցում է ՀՀ-ում ընթացող հակակոռուպցիոն բարեփոխումներին. Աննա Վարդապետյանն ընդունել է Ուզրա Զեային

«Ռեալ»-ը ցուցադրել է Մբապեի մանկության բացառիկ լուսանկարը Զիդանի հետ (լուսանկար)

«Ռեալ»-ում Մբապեի շնորհանդեսին 80 հազար հանդիսական է եղել․ ինչ համարի մարզաշապիկով կխաղա ֆուտբոլիստն իր երազած ակումբում

Փորձաքննության արդյունքները հայտնի են. ինչ է հայտնաբերվել ընթիքից հետո թունավորված ընտանիքի և մահացած երեխայի սննդում

ԱԽ քարտուղարը կարևորել է ԱՄՆ-ի կողմից Հայաստանի ժողովրդավարական ինստիտուտների զարգացմանն ուղղված աջակցությունը

«Օպել»-ը բախվել է էլեկտրասյանը և գլխիվայր շրջվել. վարորդը տեղում մահացել է

Դոլարը շարունակում է էժանանալ. ինչ փոփոխություններ է արձանագրել տարադրամի շուկան հուլիսի 16-ին

Մհեր Գրիգորյանը արձակուրդ կմեկնի

Ադրբեջանում նոր սկանդա՞լ է հասունանում. ինչ հնչեղ հայտարարություն է արել երկրի բարձրաստիճան պաշտոնյան

Մամիկոն Ասլանյանն ազատ է արձակվել

Երևանի մետրոպոլիտենն ամբողջությամբ կանցնի նոր վճարային համակարգի՝ հրաժարվելով ժետոններից

Ucom-ի ֆիքսված ցանցը հասել է Բյուրեղավան

Երևանի կենտրոնում բացվել է Յունիբանկի «Բայրոն» մասնաճյուղը

ԼՂ-ում բռնի տեղահանման օրերին ՆԳ նախարարի օգնականը յուրացրել է տասնյակ պետական մեքենաներ ու գոլդ համարանիշեր (ցանկ)

Պաշտպանության նախարարը հետևել է սպաների հերթական խմբի ատեստավորման գործընթացին (լուսանկարներ)

Առաջիկա օրերին շրջաններում սպասվում են հորդառատ անձրև, ամպրոպ, քամու ուժգնացում

40 վարպետ Հայաստանից և արտերկրից. արհեստների 2-րդ միջազգային փառատոնը կանցկացվի Դիլիջանում

Նոր ատոմակայանի կառուցման նկատմամբ հետաքրքրություն են ցուցաբերել ԱՄՆ-ը, ՌԴ-ն, Հրվ. Կորեան և Չինաստանը. ՏԿԵ փոխնախարար

Քաղցկեղ և միաժամանակ սրտային պաթոլոգիաներ ունեցող անձինք այսուհետ կբուժվեն Ուռուցքաբանության կենտրոնում (լուսանկարներ)

Նախարարն անակնկալ այց է կատարել ՊՆ լեռնային ուսումնական կենտրոն, զրուցել ժամկետային զինծառայողների հետ (լուսանկարներ)

Առնվազն 17 մարդ զոհվել է Աֆղանստանում ավտոբուսի կիրճն ընկնելու հետևանքով

Միրզոյանը Օմանի նախարարին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Համաշխարհային բանկը հրապարակել է Հայաստանի տնտեսական զարգացման միամսյա ամփոփագիրը

Հայտնի են Հանրային ռադիոյի տնօրենի թեկնածուները

Թրամփը մահափորձից հետո առաջին անգամ հանրության առաջ հայտնվել է վիրակապված ականջով (լուսանկար)

«Հյուսիսային տերևաթափ» անվանումով ահաբեկչական գործողություն նախապատրաստելու դեպքով նախաքննությունն ավարտվել է

Վիկտոր Օրբանը կոչ է արել Շառլ Միշելին վերականգնել դիվանագիտական ​​հարաբերությունները Ռուսաստանի հետ

Հունիսին 87 հարկատուի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Ռուբեն Ռուբինյանի գլխավորությամբ Թբիլիսի պատվիրակություն կմեկնի

Ֆինանսների փոխնախարարը Քիշնևում մասնակցել է ԱՄՀ և ՀԲ խորհուրդների՝ Հայաստանն ընդգրկող ընկերակցային խմբի հանդիպմանը

Մեքենան մխրճվել է բեռնատարի մեջ. կա տուժած

Անկախ բոլոր մարտահրավերներից՝ Հայաստանը հավատարիմ մնաց ժողովրդի համար իրական փոփոխություններին. Միրզոյանը՝ Նյու Յորքում