Երեւանի ավագանու արտահերթ ընտրությունները կանցկացվեն ոչ «ավանդական» մթնոլորտում: Սեպտեմբերի 23-ին կայանալիք ընտրությունը վերջին 20 տարում առաջինն է, որն անցկացվելու է առանց ընտրակաշառքի բաժանման, վարչական ճնշումների գործադրման, թաղային հեղինակությունների ներգրավվածության եւ ինչ-որ չափով առանց խնամի-ծանոթ-բարեկամ սկզբունքով ընտրություն կատարելու: Համենայնդեպս, նման խոստումներ տալիս են գործող իշխանության ներկայացուցիչները: Վարչապետ Նիկոլ Փաշինյանն իր հեթին է հայտարարում, որ վարչական լծակներ չեն կիրառվելու, ոստիկանապետ Վարերի Օսիպյանն էլ իր հերթին է նշում, որ ոստիկանությունը աչք չի փակի ընտրախախտումների վրա:

Գուցե հնարավոր չլինի լիարժեք արդար ընտրություններ անցկացնել, քանի որ այս ընտրություններին մասնակցում են այնպիսի քաղաքական ուժեր, որոնք, պայմանականորեն ասած՝ հին Հայաստանում զերծ չեն եղել ընտրակեղծարարությունից: Սակայն, թերեւս միանշանակ է, որ իշխող Քաղաքացիական պայմանագիր կուսակցությունը նման միջոցների չի դիմի, քանի որ վարչապետ Փաշինյանն ընդդիմության ճամբարից պայքարել է արդար ընտրությունների անցկացման համար: Ու դատելով իշխանությունների կտրուկ հայտարարություններից՝ ընտրակաշառք բաժանելու կամ վարչական լծակի կիրառման որեւէ փորձ խստագույն հակահարված է ստանալու:

Խաղի այս կանոններին եթե գումարվի նաեւ այն, որ նույնիսկ Թավշյա հեղափոխությունից ամիսներ անց նույն մակարդակի վրա են պահպանվում ՀՀ վարչապետի եւ իշխող ուժի բարձր վարկանիշը, ինչ շանսեր ունեն Երեւանի ավագանու ընտրություններում հայտ ներկայացրած քաղաքական ուժերը: 

Քաղաքագետ Գագիկ Համբարյանը «Հայկական ժամանակ»-ի հետ զրույցում ընդգծեց՝ միանշանակ պարզ է, որ առաջադրված 13 քաղաքական ուժերից ոչ բոլորն են դիմակայելու թեժ ընտրապայքարին եւ մանդատներ ունենալու Երեւանի ավագանում:

Համբարյանը նշեց, որ այս պահին մրցապայքարում առաջատար է Քաղաքացիական պայմանագիր կուսակցության բազայի վրա ստեղծված «Իմ քայլը» կուսակցությունների դաշինքը:

«Այս պահի դրությամբ առաջին տեղում Քաղաքացիական պայմանագիրն է, քանի որ հիմա Հայաստանում հետհեղափոխական էյֆորիա է եւ այդ էյֆորիան բավականին ուժեղ դիրքեր ունի, նաեւ երկար ժամանակ այն կպահպանվի: Երկրորդ տեղի համար թեժ պայքար կընթանա «Լույս» դաշինքի եւ «Բարգավաճ Հայաստան» կուսակցության միջեւ: Իմ կարծիքով՝ այս պահի դրությամբ հիմնական պայքարը այս երեք քաղաքական ուժերի միջեւ է լինելու: Մյուս քաղաքական ուժերի շանսերը ես այդքան էլ մեծ չեմ գնահատում, չեմ կարծում, որ իրենք կլինեն ավագանու կազմում»:

Գագիկ Համբարյանը միաժամանակ նշեց, որ այս մեկ ամսվա ընթացքում հնարավոր է նաեւ ֆորս մաժորային իրավիճակներ տեղի ունենան: Քաղաքագետը չի բացառում, որ քարոզարշավի ընթացքում թույլ տված սխալները կարող են էականորեն ազդել ընտրության արդյունքների վրա:

«Հայաստանը հիմա գտնվում է խրոնիկ քաղաքական ճգնաժամի մեջ: Գործող իշխանությունը չի կարող իրեն ապահովագրված զգալ: Պետք է նաեւ հաշվի առնենք, թե թաղային հեղինակություններն ինչ ազդեցություն են ունենալու ընտրության ընթացքի վրա: Ճիշտ է նոր իշխանությունները հայտարարել են, որ նման բան չի լինելու, բայց վերջին քսան տարիների ընթացքում թաղային հեղինակությունները իրենց ծառայությունները մատուցել են: Շատ կարեւոր է նաեւ, թե քաղաքական ուժերը ինչ ծրագրով են ներկայանալու»:

Խոսելով իշխող Քաղաքացիական պայմանագիր կուսակցության քաղաքապետի թեկնածու Հայկ Մարությանի մասին՝ քաղաքագետ Գագիկ Համբարյանը հիշեցրեց՝ ինքը դեռ հինգ տարի առաջ էր կանխատեսումներ արել, որ Մարությանը կարող է քաղաքական ակտիվիստից դառնալ քաղաքական գործիչ:

«Ես դեռ 5 տարի առաջ՝ 2013 թվականին, կարծիք էի հայտնել, որ Հայկ Մարությանը կարող է դառնալ այն քաղաքական գործիչը, որ իր շուրջ կարող է համախմբել լուրջ զանգված: Ես այդ վերլուծությունն արել եմ, երբ Հայկ Մարությանն իր ընկերների հետ պայքարում էր տրանսպորտի թանկացման դեմ: Նա շատ հայտնի ու սիրված դերասան է, բայց նա միեւնույն ժամանակ զբաղվել է այնպիսի գործունեությամբ, որով Սերժ Սարգսյանի ժամանակ պետք է զբաղվեին ընդդիմադիր քաղաքական ուժերը: Նրանք չէին զբաղվում եւ այդ բացը լրացվում էր քաղաքացիական ակտիվիստների կողմից: Հայկ Մարությանը, ունենալով ընդդիմադիր կեցվածք եւ հակաիշխանական հայացքներ, միշտ մասնակցել է երկրում տեղի ունեցող այն գործընթացներին, որոնք բխում էին ժողովրդի շահերից: Խնդիրը հիմա այն է, թե նա ապագայում ինչպես կղեկավարի մայրաքաղաքը: Ես չեմ ասի, որ ընտրություններում Նիկոլ Փաշինյանի ազդեցությունը չկա, այն շատ մեծ է, բայց միեւնույն ժամանակ չեմ կարող ասել, որ Հայկը քաղաքականության մեջ նորաթուխ անձ է եւ բերել ասում են՝ զբաղվի քաղաքականությամբ»,- մեկնաբանեց քաղաքագետը:

Անդրադառնալով Գագիկ Համբարյանի այն կանխատեսումներին, որ միայն ՔՊ-ն, ԲՀԿ-ն եւ «Լույսը» կարող են ավագանու մաս կազմել, հետաքրքրվեցինք, թե ինչու է բացառում քաղաքականության մեջ երկար տարիներ գտնվող ՕԵԿ-ի եւ ՀՅԴ-ի մուտքը Երեւանի ավագանի:

«ՕԵԿ-ը 15 օր առաջ հայտարարեց, որ սոցիոլոգիական հարցումների համաձայն վայելում է երեւանցիների 1-2 տոկոսի համակրանքը: Իսկ ինչ վերաբերվում է ՀՅԴ-ին, ապա այս քաղաքական ուժը երկար ժամանակ չի մասնակցել Երեւանի քաղաքապետի ընտրություններին եւ հիմա այդ հանգամանքը կարող է բացասական ազդեցություն ունենալ իրենց արդյունքների վրա»:

Գագիկ Համբարյանն ասում է, որ այս քաղաքական ուժերը մասնակցում են Երեւանի ավագանու առաջիկա ընտրություններին, որովհետեւ առաջիկայում Ազգային ժողովի արտահերթ ընտրություններ են, իսկ սա առիթ է, որ իրենց մասին հիշեցնեն՝ իրենք կան:

Գագիկ Համբարյանը կանխատեսում է, որ քաղաքի կառավարմանը չի ներգրավվի նաեւ «Երկիր Ծիրանի» կուսակցությունը: Մեր դիտարկմանը, որ Զարուհի Փոստանջյանը նախկինում սուր քննադատում էր իշխանություններին եւ հնարավոր չէ, որ ռեյտինգ ձեռք բերած չլիներ, քաղաքագետը ասաց.

«Զարուհի Փոստանջյանի շանսերն այնքան էլ մեծ չեմ գնահատի: Ճիշտ է, նա նախորդ իշխանություններին քննադատում էր՝ շատ սուր: Սակայն չմոռանանք, որ Փոստանջյանը բազմիցս հայտարարել է, որ Նիկոլ Փաշինյանը Սերժ Սարգսյանի «մարդն» է: Թավշյա հեղափոխությունից հետո նա հակասական կարծիք է ձեւավորել հասարակության մոտ: Այս պահի դրությամբ նա չի կարող հայտնվել ավագանիում: Նա նախորդ անգամ հայտնվել էր, որովհետեւ ՀՀԿ-ն թույլ չէր տվել շատերին մասնակցել ընտրություններին եւ նա կարողացել էր այդ հանգամանքի հաշվին ձայներ հավաքել»:

Տպել
6950 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ