Մանվել Գրիգորյանի փաստաբանը բողոքարկել է կալանավորում նախատեսող դատական ակտը

Մեր տեղեկություններով փաստաբանները դիմել են Վճռաբեկ դատարան՝ ԱԺ պատգամավոր, ԵԿՄ նախկին նախագահ Մանվել Գրիգորյանի նկատմամբ կիրառված խափանման միջոցը գրավով փոխարինելու հարցով:

Մեր զրույցում Գրիգորյանի փաստաբան Լեւոն Բաղդասարյանը նշեց, որ բողոք են գրել Վճռաբեկ դատարան՝ կապված ընդհանուր իրավասության դատարանի դատական ակտի հետ, ըստ որի՝ խափանման միջոցը պետք է կալանավորումը լինի:

- Պարոն Բաղդասարյան, ճի՞շտ է, որ Մանվել Գրիգորյանի առողջական վիճակն անհամատեղելի է բանտային պայմանների հետ եւ դրա համար եք բողոքարկում:

- Ոչ, մեր բողոքը կապված է այն հանգամանքի հետ, որ 2017-18 թվականներին ՄԻԵԴ-ի կողմից մոտ 12 վճիռ է կայացվել՝ ընդդեմ ՀՀ-ի, որտեղ առյուծի բաժինը վերաբերվում է արդար դատաքննությանը եւ խափանում կալանավորմանը, նման դեպքում մենք բարձրաձայնում ենք: Առաջին տեղում Ադրբեջանն է, երկրորդում՝ Հայաստանը: Հիմք ընդունելով իշխանափոխությունը եւ շատ այլ բարեփոխումներ, տարօրինակ եմ համարում դատական իշխանության նման վերաբերմունքը:

Այստեղ խնդիրը Մանվել Գրիգորյանի հարցը չէ, խնդիրն այն է, որ անձին առանց հիմքերի, հիմնավորումների, խափանման միջոցը կալանք են որոշում, որպեսզի անձին կարողանան կոտրել` ցանկացած ցուցմունք կորզելու հետ կապված, որը անթույլատրելի է: Խափանում կալանավորում տալիս են միայն այն ժամանակ, երբ անձը կարող է խոչընդոտել, կարող է ուղղորդել, բայց նախաքննության մարմնի կողմից վերացական ուղղակի գրվում է, որ կարող է անձը խոչընդոտել, իսկ դատարաններն էլ նորից իրենց դիրքորոշումը հայտնում են այդ դատական ակտերով:

Մի կարեւոր հանգամանք ասեմ, օրեր առաջ ես մամլո ասուլիս տվեցի, դատարանի գերծանրաբեռնվածության հետ կապված: Պետական անվտանգության հետ կապված մեծ խնդիր եմ ես տեսնում այստեղ, ավելի մեծ խնդիր, քան կոռուպցիոն դատարանի աշխատանքը, որովհետեւ դատավորը, եթե գերծանրաբեռնված է, նա չի կարող արդարադատություն իրականացնել, դրանից բխող բոլոր կործանարար հետեւանքներով: Սա ես ավելի եմ կարեւորում, քան մասնակի անձանց գործերով խոսելը: Եւ պետական լիազոր մարմինը եւ դատական իշխանությունը պետք է կարողանա այդ հարթության վրա ուղղակի վիրահատական գործողություններ իրականացնի, դատավոր ավելացնելով կամ այլ ձեւերով:

Մեկ այլ կարեւոր խնդրի մասին ասեմ՝ Երեւանում 1 տարի առաջ որոշեցին, որ մեկ միասնական դատարան պետք է լինի, ըստ էության, տրամաբանական է, բայց ստացվում է, որ քաղգործերով` քաղաքացին կամ փաստաբանը գործը մուտք են անում մեկ գրասենյակ` կենտրոնական, այնտեղ մեքենան մակագրում է Մալաթիայի կամ Շենգավիթի դատավորի վրա եւ դուք պատկերացրեք, շաբաթներ է տեւում մինչեւ մի նստավայրից մյուս նստավայր տանեն թղթերը: Դրանից հետո մի քանի օր տեւում է, որպեսզի այդ գրասենյակից մակագրվի այդ դատավորին: Այսինքն՝ միայն այդ որոշումը վերցնելու համար տեւում է մոտավորապես 1 ամիս:

Մանվել Գրիգորյանը նաեւ հիվանդության հետ կապված խնդիր ունի, շատ լուրջ խնդիր ունի, քաղաքացիական բժիշկները եւս մտնելով մեկուսարան արձանագրեցին, որ անթույլատրելի է իր մեկուսացված մնալը եւ պատճառաբանել են, թե ինչու:

- Հայաստանի դատարաններում արդյունքի չհասնելու դեպքում, միջազգային ատյաններում փորձելո՞ւ եք, այս հարցը բարձրացնել:

- Այս պահին վճռաբեկ դատարանում է, եւ ես առավել եւս իշխանափոխությունից հետո ցանկանում եմ ձեռնպահ մնալ բարձրաձայնելուց, որովհետեւ ունեմ ներքին վստահություն, որ ներպետական ատյանները եւ ներպետական գործառույթների արդյունքում դրա կարիքը չի լինի: Այո, անթերի ոչ ոք չի աշխատում, բայց եթե կա կամք եւ ցանկություն, որ պետք է քննությունը լինի օբյեկտիվ եւ ես դա տեսնում եմ, նման պայմաններում պետք է ընդամենը բարձրաձայնել թերությունները մեր պետական ատյանների եւ փորձել վերացնել: Նորք Մարաշի զինված խմբի գործով, ես մինչեւ իշխանափոխությունը դատի էի տվել ԱԱԾ տնօրենին եւ ոստիկանապետին, քանի որ իրենք կանխակալ վերաբերմունք էին ցուցաբերել, անվանելով տեռորիստական խումբ: Շատ մեծ դժվարությունով գործը վարույթ ընդունվեց, որից հետո ի վնաս իմ վստահորդի, վճիռ կայացվեց, իսկ վերաքննիչ դատարանը գործը բեկանեց, հետ ուղարկեց, այժմ առաջին ատյանում է: Հաշվի առնելով նոր իրավիճակը՝ չի բացառվում, որ այդ հայցից ես հրաժարվեմ արդեն:

Տպել
2688 դիտում

Վաղը որ իմ եղբայրներն ու քույրերը նորից անցնեն հարձակման, շատերդ ամաչելու եք այս տրամադրությունների համար. Հովհաննիսյան

Երեկ խոցված թուրքական Bayraktar ԱԹՍ-ի կանադական տեսախցիկը տեղադրվել է այս տարվա սեպտեմբերին. Շուշան Ստեփանյան

Ավագանու անդամն առաջարկեց հետեւել հակահամաճարակային կանոններին․ քաղաքապետն արդեն հանձնարարել է

«Բայրաքթարի» բեկորները կարեւոր են, քանի որ ապացուցում են պատերազմին Թուրքիայի ներգրավվածությունը. վարչապետ

Ահաբեկիչները տեսանյութերում նշում են, որ շարունակելու են ահաբեկչական գործողությունները այլ երկրներում եւս. ՀՀ ՄԻՊ

Մարտունի քաղաքի ռմբակոծությունից վիրավորում ստացած 2-ամյա Արծվիկը դուրս է գրվել «Սուրբ Աստվածամայր» ԲԿ-ից. Դերձյան

Հրապարակվել է ադրբեջանական ագրեսիան հետ մղելիս զոհված եւս 43 զինծառայողի անուն

«Թղթե տնակից» հայտնի Կեուչկարյանը կոչ է անում աշխարհին արձագանքել հայերի դեմ նոր ցեղասպանությանը (տեսանյութ)

Մարզումներ ռազմաճակատ մեկնելուց առաջ. ՊԲ-ն նոր տեսանյութ է հրապարակել

Նահանջը պարտություն չէ. նախորդ մարտերում էլ կար նահանջ, բայց բոլոր այդ դեպքերում վերջում եղավ հաղթանակ. Ա. Հովհաննիսյան

Ա. Սարգսյանը ուղերձ է հղել Կանադայի գեներալ-նահանգապետին՝ Թուրքիային ռազմական սարքավորումների վաճառքը կասեցնելու համար

Ադրբեջանական կողմը նենգափոխում է տվյալները․ Արման Թաթոյան

Վիրավոր ռուս լրագրողը խնդրել է, որ ՄԻՊ-ը ամբողջ աշխարհին տեղեկացնի Ադրբեջանի՝ խաղաղ բնակավայրին հարվածելու մասին

Նիկոլ Փաշինյանը հանդիպել է Արցախի նախկին նախագահների հետ. պաշտոնական

Ֆրանսիայի Սենատ է ներկայացվել Լեռնային Ղարաբաղը ճանաչելու մասին բանաձև

Բաքվից բերված 4-րդ կորպուսը, որն արդեն մոտ յոթ օր է, ինչ ծեծ է ուտում, ամբողջությամբ կազմալուծվել է. Կարեն Հովհաննիսյան

Ադրբեջանը կորցրել է եւս 5 ԱԹՍ, 1 ինքնաթիռ, 10 զրահատեխնիկա. հակառակորդի կորուստները՝ ամփոփ

Դեսպանի դիրքորոշումը հայանպաստ էր․ ակցիայի մասնակիցները հանդիպեցին ԵՄ դեսպանի հետ

ՀՀ-ն չծնկեց, կանգնեց մինչեւ վերջ, ու դա եղավ ձե’ր կյանքի գնով, Գեւորգ, Արտավազդ, Մանվել, Գեւորգ. Աննա Հակոբյան

Արյան անհրաժեշտ պաշարը լրացվել է. առայժմ արյունատվության կարիք այլեւս չկա