Ականատեսի հայացքով այն, ինչ դեռ չի ասվել ֆուտբոլի ԱԱ 2018-ի մասին

Ֆուտբոլի աշխարհի 2018 թ. առաջնությունը լուսաբանել է մոտ 16 հազար լրագրող 125 երկրից: Կազմակերպչական հարցերին աջակցել է 17 հազարից ավելի կամավոր: Մրցաշարը հյուրընակող Ռուսաստանի 11 քաղաքների ֆան-գոտիներ հաճախել է ավելի քան 7.7 մլն երկրպագու, ինչը 2.5 մլն-ով ավելի է, քան Բրազիլիայում 2014 թ.: Իսկ ինչպիսի՞ն էր Մունդիալը ներսից: «Հայկական ժամանակ»-ը այն լուսաբանում էր հենց մրցավայրից:

Կազմակերպվածությունը

Հունիսի 14-ից հուլիսի 15-ը Ռուսաստանում կայացած մրցաշարի հետ կապված տեղում դժգոհությունները քիչ էին: Ասուլիսների ժամանակ մարզիչները ու ֆուտբոլիստները ընդգծում էին, որ մարզադաշտերը հիանալի են, կազմակերպչական խնդիրներ չկան: Ֆուտբոլային տոնի գլխավոր դերակատարները միայն մի փոքր անհարմարություն էին զգում, երբ ժամանում էին Սանկտ Պետերբուրգ, այն էլ ոչ թե կազմակերպիչների, այլ սպիտակ գիշերների «մեղքով»:

«Շատ բարդ է հատկապես մեզ համար, որովհետեւ սովոր չենք»,- ասուլիսներից մեկի ժամանակ ասաց Բրազիլիայի ֆուտբոլի ազգային հավաքականի ավագ Տիագո Սիլվան:

Թերություններ, իհարկե, առաջին հերթին կնկատեին լրագրողները, հատկապես նրանք, ովքեր աշխատել են նաեւ այլ երկրներում կազմակերպված աշխարհի, Եվրոպայի առաջնություններում, այլ խոշոր մրցաշարերում: Երբեմն բողոքներ կային, որ օրինակ մարզումների, ասուլիսների կամ այլ միջոցառումների ժամանակացույցն այնքան խիտ է, որ դժվար է հասցնել մի վայրից մյուսը, կամ, որ ինչ-որ տեղ գնալու համար ստիպված են մի քանի տրանսպորտային միջոց փոխել ու երկար ժամանակ վատնել ճանապարհների վրա:

Ամեն դեպքում, նրանք էլ գլոբալ խնդիրներ չէին տեսնում, ընդգծում էին, որ ամեն ինչ լավ է: Եվ եթե ռուսները սիրում են շեշտել, որ մրցաշարն իրենց մոտ գերազանց է կազմակերպվել, ապա միջազգային առաջատար ԶԼՄ-ների լրագրողները, իրենց փորձից ելնելով, ընդգծում են, որ այդպես է ՖԻՖԱ-ի ներքո անցկացվող յուրաքանչյուր մրցաշարում՝ անկախ նրանցից՝ որտեղ է, քանի որ կազմակերպչական մասը մեծապես կախված է ոչ թե հյուրընկալող երկրից, այլ ՖԻՖԱ-ից:

Անվտանգությունը

Մրցաշարից դեռ բավական ժամանակ առաջ միջազգային հատկապես բրիտանական մամուլում անընդհատ հրապարակումներ էին լինում այն մասին, որ Ռուսաստանում ապահով չէ: Նշվում էր, որ Իսլամական պետություն ահաբեկչական կազմակերպությունը սպառնում է ահաբեկչություն իրականացնել մրցաշարի ընթացքում: Սակայն նման ոչ մի բան տոնը չփչացրեց: Մարզադաշտեր մտնելիս ոստիկանները մանրամասն ստուգում էին բոլորին, նրանց պայուսակների պարունակությունը: Թեեւ մի դեպք, այդուհաներձ, աղմուկ բարձրացրեց: Մոսկվայում տաքսիում քնեցրել ու կողոպտել էին BBC-ի ֆուտբոլային մեկնաբանին:

Մուտքերի մոտ մարզադաշտ մտնողներին մանրամասն ստուգում էին

Երկրպագուներ

Ամեն մարզաձեւում եւ հատկապես ֆուտբոլում բարձր տրամադրությունը ու խելահեղ մթնոլորտը ապահովում են առաջին հերթին երկրպագուները՝ գեղեցիկ, խենթ, աղմկոտ, անսովոր հանդերձանքներով, իրենց ընտրանիներին նվիրված հուզիչ երգերով: Այդպես էր Ռուսաստանում:

Արգենտինացի երկրպագուների երգը. «Առա՛ջ Արգենտինա, գիտես, որ քեզ սիրում եմ: Այսօր պետք է հաղթել ու լինել առաջինը: Այս խենթ երկրպագուները, որոնք ունեն Մեսսիին ու Մարադոնային, ամեն ինչ տալիս են գավաթի համար»:

ՖԻՖԱ-ն ներդրել էր առավելագույն ջանքերը, որպեսզի մարզադաշտեր մտնելը մատչելի լիներ բոլորի համար: Խաղերին այցելել է հաշմանդամություն ունեցող 23 հազար ֆուտբոլասեր: Մարզադաշտի աշխատակիցները նրանց հատուկ մեքենաներով տեղափոխում էին վերելակների մոտ:

Մարզադաշտի աշխատակիցները հաշմանդամություն ունեցող երկրպագուներին հատուկ մեքենաներով տեղափոխում էին վերելակների մոտ

Երկրպագուները ֆուտբոլը տոնում էին, ոչ միայն մարզադաշտերում, այլեւ ֆան-գոտիներում: Երբեմն նրանց հաճախելիությունը իրենց համար առանձնացված հատվածներ այնքան մեծ էր լինում, որ կազմակերպիչները խնդրում էին այլ վայրեր գտնել խաղերը դիտելու համար:

Ֆան գոտիներում գործում էին սննդի կետեր, ՖԻՖԱ-ի ապրանքների պաշտոնական խանութներ: Տեղի էին ունենում համերգներ, մրցույթներ եւ իհարկե մի քանի մեծ էկրանների վրա ցուցադրվում էին հանդիպումները:

Ռուս երկրպագուները ամեն կերպ հիշեցնում էին, որ Մունդիալը անցկացվում է իրենց մոտ: Գրեթե բոլոր՝ այդ թվում եզրափակիչ Ֆրանսիա-Խորվաթիա խաղի ժամանակ նրանք վանկարկում էին՝ Ռուսաստան: Հայերն էլ ջանք ու եռանդ չէին խնայում, որպեսզի իրենց նկատեն: Այս դրոշը, օրինակ, նրանք բերել էին կիսաեզրափակիչ Ֆրանսիա-Բելգիա հանդիպմանը:

Մարդիկ կարող էին ԱԱ-ից իրենց հետ տանել ոչ միայն գեղեցիկ հիշողություններ, այլեւ հուշանվերներ, մրցաշարի թեմայով բազմաթիվ ապրանքներ: Դրանք կարելի էր գտնել ինչպես սովորական, այնպես էլ տարբեր քաղաքներում գործող ՖԻՖԱ-ի պաշտոնական խանութներում: Վերջիներում գները շատ ավելի բարձր էին, քան հասարակ խանութներում: Օրինակ, եթե մրցաշարի խորհրդանիշ «Զաբիվակա» մեծ փափուկ խաղալիքը ՖԻՖԱ-ի խանութում արժեր գրեթե 2000 ռուբլի, ապա այլ տեղերում կարելի էր նույնը գտնել մոտ 1100 ռուբլիով:

«Այստեղ շատ թանկ է»,- քթի տակ իրենց երեխաներին ասում էին ՖԻՖԱ-ի խանութներ գնացողները: Վաճառողներից մեկը ՀԺ-ի հետ զրույցում խոստովանեց, որ այդ խանութները ոչ թե տեղացիների, այլ զբոսաշրջիկների համար են:

Լրագրողներ եւ փորձագետներ

Բազմաթիվ ֆուտբոլասերների կարծիքով՝ ԱԱ-ն լուսաբանող լրագրողները ամենահաջողակ մարդկանցից են: Նրանք մարզադշատերում դիտում են խաղերը, շփվում գործող ամենահայտնի ֆուտբոլիստների հետ: Այլ կերպ ասած «մոտիկից» վայելում են մարզական կարեւորագույն իրադարձություններից մեկը: Ամեն ինչ, իհարկե, հեքիաթային չէ, ինչպես շատերը պատկերացնում են, բայց մրցաշարի գեղեցկությունը ստիպում էր մոռանալ աշխատանքի լարվածությունը ու դրա հետ կապված բարդությունները:

Լրագրողների տրիբունան Մոսկվայի «Լուժնիկի» մարզադաշտում

Ասուլիսների սրահը Սանկտ Պետերբուրգի համանուն մարզադաշտում

Մեդիա կենտրոնը «Սանկտ Պետերբուրգում»

Լրագրողների կողքին, ինչպես հայտնի է, որպես փորձագետ աշխատում էին բազմաթիվ աշխարհահռչակ ֆուտբոլիստներ: Լրագրողական տրիբունաներում կարելի էր հանդիպել Ռոնալդոյին, Ռայան Գիգզին, Միքայել Լաուդրուպին, Խոսե Լուիս Չիլավերտին եւ այլ հայտնիների:

Կամավորներ

Եթե մրցաշարի մասնակից 32 թիմերը կյանքի ու մահու կռիվ են տալիս ԱԱ-ում մնալու համար, ապա կամավորների տեղը խմբային փուլում, փլեյ-օֆում ու եզրափակչում ապահովված է: ՖԻՖԱ-ն նրանց մրցաշարի սիրտն ու ոգին է համարում: Մունդիալ 2018-ը սպասարկում էին տարբեր տարիքային խմբերի կամավորներ: Ինչպես հայտնում է ՖԻՖԱ-ն, նրանց մեծամասնությունը՝ 93%-ը, եղել է ՌԴ-ից, մնացածը 112 երկրներից: 64%-ը եղել են կանայք: Նրանք բարեհամբույր ու լայն ժպիտով օգնում էին երկրպագուներին, լրագրողներին, հավաքականների դելեգացիաներին, անում էին թարգմանություններ, հետեւում էին կարգուկանոնին եւ այլն:

Այսպիսի մթնոլորտում Ֆրանսիայի ֆուտբոլի ազգային հավաքականը աշխարհի առաջնություններում իր 2-րդ չեմպիոնությունը: Առաջին անգամ նրանք հաղթող էին դարձել 1998 թ., երբ հենց իրենք էին հյուրընկալում մրցաշարը:

Լուսանկարներն ու տեսանյութը՝ «Հայկական ժամանակ»-ի

Տպել
4783 դիտում

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին