Մանվելի թալանից ոչ պակաս թալան է. նորաշենցիները բողոքում են. խառնված է նաեւ Հ. Նաղդալյանը

«Նորաշեն 2007» սպառողական կոպերատիվից տուժած բնակիչները կառավարության շենքի դիմաց այսօր հերթական բողոքի ակցիան են իրականացրել՝ պահանջելով իրենց բնակարանները: Բնակիչները արդեն 8 տարի է՝ դատարանում պայքարում են սեփական գումարներով գնված բնակարանները հետ բերելու համար:

Նրանք նշեցին, որ այս երկրի խնդիրները, որոնք կուտակվել են դեռ նախորդ իշխանության օրոք, այնքան շատ են, որ մոտ 1 ամիս առաջ ուղարկած իրենց նամակին պատասխանել են, թե պարզ չէ՝ երբ կանդրադառնան այդ գործին:

«Բայց մենք 10 տարի թալանված՝ փողոցում ենք մնացել: Մերն էլ է ոչ պակաս Մանվելի թալանից՝ կռուպնի, միլիարդների թալան է: Ի՞նչ տարբերություն՝ էնտեղ զինվորի հացն են գողացել, էստեղ էլ էդ նույն զինվորների մայրերի տներն են թալանել, բոմժ սարքել ու գցել փողոցը: Մեկը ես՝ 10 տարի վարձով եմ ապրում», -ասաց ակցիայի մասնակիցներից մեկը:

Բանն այն է, որ Երեւանի Գեւորգ Չաուշի 14/3 հասցեում «Նորաշեն-2007» կոոպերատիվի կառուցած շենքի բնակարանները` շինարարարությունն ավարտելու համար գրավադրվել են տարբեր անձանց մոտ. 24-ը գրավ էր դրվել «Էսկո Կոնցեռնի» նախագահ Սարգիս Աղաբեկյանի մոտ, 14-ը՝ ԱԺ նախկին փոխնախագահ Հերմինե Նաղդալյանի ու նրա ամուսնու՝ ՀՀ կառավարության աշխատակազմի գործերի նախկին կառավարիչ Դավիթ Բեգլարյանի մոտ, մնացածը՝ տարբեր անձանց՝ ԱԱԾ Վայոց Ձորի մարզի պետ Գագիկ Առաքելյանի, Ռոբերտ Ավագյանի եւ ուրիշների մոտ: Տոկոսով գումար տալն օրենքով արգելված է եւ համարվում է վաշխառություն, ինչի համար պատասխանատվություն է սահմանված:

Խնդիրը մեզ հետ զրույցում մանրամասնորեն ներկայացրեց տուժած բնակիչներից` Արուսյակ Վանյանը:

«2007 թ-ից սկսած մինչեւ 2010թ. շուրջ 120 քաղաքացի տարբեր ժամանակահատվածներում նախնական եւ նախավճարի պայմանագրեր կնքեցին «Նորաշեն 2007» սպառողական կոոպերատիվի հետ՝ Գ. Չաուշի 14/3 հասցեի բազմաբնակարան շենքում բնակարաններ ձեռք բերելու համար՝ վճարելով բնակարանի արժեքի մի մասը՝ ըստ պայմանագրի եւ շատ դեպքերում էլ ամբողջությամբ», - ասաց Վանյանը:

Վանյանի խոսքով՝ շենքը 2010թ. պետք է հանձնեին շահագործման եւ իրենք համբերատար, բայց սրտատրոփ սպասում էին իրենց բնակարանների նորամուտին, սակայն 2010թ. վերջերին ահազանգեր են ստացել, որ շենքում ոչ միայն շինարարական աշխատաքներ չեն կատարվում, այլ նաեւ թղթաբանության հետ կապված տարօրինակ երեւույթներ են տեղի ունեցել: Այնուհետեւ մեծ աղմուկ է բարձրացել, բնակիչներով հավաքվել են եւ «Նորաշեն 2007»-ի տնօրենից բացատրություն են պահանջել:

«Տնօրենը եւ իր գործընկերը, որոնք կազմակերպել էին շենքի շինարարությունը, պատճառաբանեցին, որ ունեցել են լուրջ ֆինանսական խնդիրներ, եւ խնդիրները լուծելու կապակցությամբ տարբեր մարդկանցից եւ կազմակերպություններից տարբեր ժամակահատվածներում վերցրել են բարձր տոկոսով գումարներ (ամսական 5%-10%) եւ բնակարանների մոտ 70%-ը ձեւական առք ու վաճառքի պայմանագրով ձեւակերպել են այդ մարդկանց անունով՝ որպես գումարի վերադարձման երաշխիք, այսինքն տեղի է ունեցել քողարկված գործարք», - ասաց Վանյանը:

«Այնուհետեւ մեզ հորդորեցին, որ մոտակա 2-3 ամսվա ընթացքում այդ բոլոր խնդիրները կլուծվեն և մեր բնակարանների փաստաթղթերը հետ կվերադարձվեն մեզ: Սակայն պարզվեց, որ այդ մարդիկ ի զորու չեն այդ հարցերը լուծել, քանի որ բարձր տոկոսով գումար տրամադրողները, որոնք համարվում են վաշխառուներ եւ պատասխանատու են քրեական օրենսգրքով, ոչ թե սովորական քաղաքացիներ են, այլ պաշտոնյաներ, օլիգարխներ եւ ազդեցիկ մարդիկ, որոնք էլ, հանցավոր համաձայնության գալով կոոպերատիվի տնօրենի հետ, կնքել են շինծու գործարքներ եւ փաստացի իրական բնակիչներին զրկել իրենց բնակարաններից»,- նշեց Վանյանը:

Վանյանի խոսքով՝ տոկոսով գումարներ տվողներից (վաշխառուներից) են ԱԺ պատգամավոր Հերմինե Նաղդալյանի ամուսինը՝ Դավիթ Բեգլարյանը, որը շինծու գործարքի արդյունքում մեկ տասնյակից ավել բնակարաններ ձեւակերպել էր իր եւ իր ընտանիքի անդամների անունով:

«Այս կեղտոտ գործարքների մեջ ներգրավված է եղել նաեւ Վայքի շրջանի ազգային անվտանգության աշխատակից Գագիկ Առաքելյանը: Իսկ «Պրոմեթեյ» բանկի տրամադրության տակ է գտնվում (գրավադրված է) շենքի ամբողջ 1-ին հարկը, որը հասարակական նշանակության տարածք է, շենքի տակի ավտոկայանատեղին եւ 2 բնակարան, որոնց դիմաց բանկը «Նորաշեն 2007» ՍԿ-ին հատկացրել է 500.000 ԱՄՆ դոլար վարկ եւ ոչ մի վերահսկողություն չի իրականացրել, եւ մեր խորին համոզմամբ այստեղ գործել է հանրաճանաչ «ատկատի»-ի մեխանիզմը, որի հետ կապված, եթե չենք սխալվում քրեական գործում նյութեր կան», - ասաց տուժած բնակիչը:

Դրանից հետո բնակիչներով համախմբվել են, բռնել են պայքարի դժվար ճանապարհը: Մոտ 7-8 ամիս բողոքելով եւ բարձրաձայնելով իրենց խնդիրները, որոնք նաեւ լուսաբանվում էին հեռուստատեսությամբ, մամուլում, մի շարք սոցցանցերում, մասնակի լուծում են ստացել, ինչի արդյունքում կարողացել են հետ բերել մոտ 35 բնակարան:

«Պայքարի ժամանակահատվածում մենք բնակիչներով ամիսներով բանակցում էինք մի շարք վաշխառուների հետ, այդ թվում անձամբ Հերմինե Նաղդալյանի հետ, որը բնակիչներից մեծ գումարներ էր պահանջում՝ բնակարանները հետ վերադարձնելու համար, որոշ դեպքերում էլ վիրավորելով եւ սպառնալով բնակիչներին:

Իհարկե, բնակիչներից մի քանի հոգի տեղի տալով վախին եւ չհավատալով, որ նման լծակներ ունեցող պաշտոնյայից հնարավոր է որեւէ բան հետ վերցնել, որպեսզի չկորցնեն իրենց կողմից բնակարանների համար արդեն իսկ վճարված ամբողջ գումարը, ստիպված էին եւս 1-2 տասնյակ հազար ԱՄՆ դոլար վճարել՝ դրանք հետ բերելու համար, իսկ մյուսները չհանձնվեցին եւ սկսեցին պայքարել դատարանում, քանի որ 2011թ. վերջերին քրեական գործ էր հարուցվել եւ գործը մտել էր քրեական դատավարության փուլ (նախաքննությունը տեւել է մոտ 10 ամիս)», - ասաց Վանյանը:

Ըստ Վանյանի՝ այդտեղ նույնպես Հերմինե Նաղդալյանը իր բացասական ներգործությունն է ունեցել՝ ազդելով քննիչների վրա եւ որոշումներ փոխելով:

«Նախաքննության ավարտից հետո մոտ 40 բնակիչներ, որոնք վկայականներ չունեին, մեղադրական եզրակացության մեջ առկա փաստերով կարող էին դարձյալ հետ ստանալ իրենց բնակարանները, եթե ՀՔԾ-ի կողմից գրված փաստերը հաստատվեին դատարանի կողմից: Սակայն մեղադրող դատախազ Ա. Երիցյանի վճիռը փոխելու անմիտ եւ անարդարացի որոշմամբ վերացան բնակարանները հետ ստանալու հույսերը», - նշեց Վանյանը:

Վանյանի խոսքով՝ Ա. Երիցյանի՝ 15.05.2015թ. դատարան ներկայացրած «Առաջադրված մեղադրանքը փոխելու մասին» որոշման համաձայն չեն փոփոխվել մեղադրանքի ծավալները, միայն փոխվել են մեղադրանքի փաստական հանգամանքները: Այդ փաստական հանգամանքները փոխելու արդյունքում Ա. Երիցյանը վաշխառուներին շնորհել է բարեխիղճ ձեռքբերողի երանելի կարգավիճակ:

«Դեռ ավելին՝ դատավարության ընթացքում դատարանին աջակցելու փոխարեն, որպեսզի բացահայտեին նախաքննության ժամանակ մութ մնացած հարցերը, ստանձնել է վաշխառուների հովանավորի դերը: Իսկ դատավարոր Մարինե Մելքոնյանը, ինքնուրույնություն չունենալով եւ դատարանում բազմաթիվ մարդկանց ցուցմունքները հաշվի չառնելով, արտատպել է դատախազ Ա. Երիցյանի մեղադրանքի փոփոխությունը՝ անունը դնելով «վճիռ», - ասաց Վանյանը:

Այնուհետեւ բնակիչները դիմել են ե՛ւ վերաքննիչ, ե՛ւ վճռաբեկ դատարաններ, սակայն ոչ մի արդյունք, վճիռը մնացել է նույնը: Այժմ մոտ 40 բնակիչ իր պայքարը շարունակում է քաղաքացիական դատարանում, որն էլ ամիսներ շարունակ անվավեր չի ճանաչում այդ գործարքները եւ անընդհատ ձգձգում է դատավարությունը՝ նյարդային եւ լարված վիճակի մեջ պահելով բնակիչներին:

«Ինչ վերաբերվում է շենքի վիճակին, տանիքի շինարարական աշխատանքներից սկսած եւ մի շարք այլ շինարարական աշխատանքներ, տարիների ընթացքում կատարվել են բացառապես բնակիչների ֆինանսական միջոցներով եւ ջանքերով: Սակայն շենքում ծախսատար, կարեւոր խնդիրներ դեռեւս մնացել են չլուծված՝ շենքի վերելակների տեղադրումը, շենքի երեսպատման աշխատանքների կատարումը (մոտ 50% նախկինում արված է եղել)», - նշեց տուժածը:

Բնակիչները մեծ հույսով դիմել են ՀՀ վարչապետ Նիկոլ Փաշինյանին՝ խնդրելով նրա անմիջական վերահսկողությունը, դատարանում տարիներ շարունակ ձգձգվող մոտ 40 ընտանիքի համար շատ կարևոր եւ ճակատագրական նշանակություն ունեցող խնդրի արագ եւ արդարացի հանգուցալուծմանը:

«Արդյունքում, եթե ինչ-որ մարդիկ պետք է տուժվեն, դա պետք է լինեն առաջին հերթին վաշխառուները եւ ոչ թե իրական բնակիչները: Նաեւ խնդրում եւ ակնկալում ենք վարչապետի հանձնարարականը շենքի կիսատ մնացած շինաշխատանքների իրականացմանը՝ գոնե մեկ վերելակի տեղադրման եւ շենքի կիսատ մնացած երեսպատումը ավարտին հասցնելու հարցում», - ասաց Վանյանը:

Տպել
12714 դիտում

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա