Կոտայքի մարզի Քասախ գյուղի բնակիչ Վիգեն Դավթյանը ընդդեմ Սերժ Սարգսյանի կառավարման երրորդ ժամկետի  հանրահավաքներին մասնակցելու համար դաժան ծեծի է ենթարկվել: Վիգենին ապրիլի վերջին ծեծի են ենթարկել, կոտրել երկու ոտքը, այժմ երիտասարդը ինքնուրույն քայլել չի կարողանում, ձեռնափայտի հույսին է եւ անօգնական վիճակում:

Երկրորդ կարգի հաշմանդամություն ունեցող Վիգենը պատմում է, որ պարբերար մասնակցել է հանրահավաքներին եւ առաջին շարքերում է եղել պայքարող ժողովրդի կողքին: Ապրիլի վերջին Վիգենի համագյուղացի երեք անձինք մոտեցել են վերջինիս եւ բացատրություն պահանջել հանրահավաքի օրերին տեղի ունենցած հորինյալ միջադեպի վերաբերյալ:

«Ինձ ասացին, որ իբր թե իրենց ընկերներից մեկը Փաշինյանին հայhոյել է, իսկ ես լսել եմ դա եւ պատասխան հայhոյանք հնչեցրել իրենց հասցեին: Այդ ժամանակ իրենց էլ ասացի, որ եթե կան նման մարդիկ, թող գան եւ ապացուցեն, ես միայն իրենց տեսնելուց հետո կպարզաբանեմ»,-պատմեց Վիգեն Դավթյանը:

Վերջինիս խոսքով՝ այդտեղից հեռանալուց անմիջապես հետո, Քասախի բնակիչ ոմն Վահան Սարգսյան զանգահարել է իրեն եւ ասել, որ երեկոյան հենց տուն գնա՝ զանգահարի, որպեսզի հանդիպեն. «Ասաց՝ ժամը կապ չունի, քանիսն էլ կլինի՝ զանգի, քեզ ասելու բան ունեմ: Երեկոյան հանրահավաքի ավարտից հետո գնացի տուն, զանգահարեցի, եկավ Քասախի Արաբկիր փողոց»: Նույն խոսակցությունը Վահան Սարգսյանն այդտեղ է վարել, որը գնալով թեժացել է եւ վերածվել դաժան ծեծի:

Վիգեն Դավթյանն ասում է, որ չէր պատկերացնում, թե վերջինս հատուկ պատրաստված է գնացել իր հետ հանդիպման. «Նա շալվարի մեջ երկաթե ձող էր պահում, խոսակցությունը ավարտելուց հետո, երբ շրջվեցի, որ տուն գնայի, հետևիցս հարվածեց մեջքիս, ընկա գետին, անդադար հարվածում էր երկու ոտքիս, արդյունքում երկուսն էլ կոտրվել են»:

Շտապօգնության մեքենայով Վիգենին հասցրել են «Արմենիա» ՀԲԿ, այնտեղ բժիշկները հաստատել են, որ երիտասարդի երկու ոտքերն էլ կոտրված են, աջ ոտքի ոսկորը՝ ծնկից 10 սմ ներքև, ջարդված է, իսկ ձախն էլ կրունկից է կոտրված: «Ոտքերս կոտրվելու եւ ծեծի ենթարկվելու հաջորդ օրը զանգեցի Սասուն Միքայելյանին, նա ինձ ասաց, որ այդ հարցերով Արայիկն է զբաղվում՝ ներկայիս ԿԳ նախարարը»,-պատմեց Վիգեն Դավթյանը:

Վերջինիս խոսքով՝ Արայիկ Հարությունյանը, տեղեկանալով եղելության մասին, Վիգեն Դավթյանին հարցրել է՝ գուցե լրագրո՞ղ ուղարկի, ապա որոշեն, թե ինչ անեն: Վիգենը համաձայնվել է, սակայն ինչպես ինքն է ասում՝ լրագրող այդպես էլ չի գնացել, եւ որևէ մեկը չի աջակցել հաշմանդամություն ունեցող երիտասարդին: Ասում է՝ վստահ է, որ ոչ ոք Նիկոլ Փաշինյանին տեղյակ չի պահել, այլապես իրեն նման անօգնական վիճակում չէին թողնի:

«Ծայրահեղ ծանր վիճակում էի, բուժումների համար ծախսեր էր պետք, պարտքերի տակ ընկա: Եթե խփեր գլխիս, ես մահանայի, ի՞նչ է, այդպես պետք է անցներ գնա՞ր, պիտի բոլորը մոռանայի՞ն, թող մտածեն մարդու մասին»,-վրդովված ասաց Վիգեն Դավթյանը: Հայտնեց, որ դիմել է Կոտայքի մարզային վարչության Նաիրի բաժնի ոստիկանություն: Ոստիկանության Նաիրի բաժնի քննիչ Սարգիս Դադոյանը ՀԺ-ին փոխանցեց, որ Վիգեն Դավթյանի ծեծի գործով մեկ ու կես ամսից ավելի է՝ նախաքննություն է տարվում, Վահան Սարգսյանի կողմից Վիգեն Դավթյանին ծեծի ենթարկելը հաստատվել է, Սարգսյանը հետախուզվում է: Քննիչ Սարգիս Դադոյանը գործի վերաբերյալ այլ մանրամասներ չցանկացավ հաղորդել:

«Ես կասկածում եմ, որ այդ ստորաքարշը իր ուղեղով կարողանար նման բան աներ, 10 ամիս առաջ է ազատվել բանտից: Ես գրեթե վստահ եմ, որ նրան հանրապետական կուսակցությունից էին հրահանգ տվել, իսկ նա գումարի դիմաց գնացել է նման ստորաքարշ քայլի՝ երբեք չպատկերացնելով, որ իշխանափոխություն կարող էր տեղի ունենալ»,-ասաց Վիգեն Դավթյանը:

Նշեց, որ եթե Վահան Սարգսյանին գտնեն, վերջինս բնականաբար դատարանի միջնորդությամբ պատճառած վնասը կփոխատուցի. «Բայց արդեն 2 հազար դոլարից ավելի գումար եմ ծախսել, պարտքեր կուտակել, որ բուժում ստանամ: Կարող է այդ մարդուն 4 կամ 5 տարի հետո են բռնելու, հիմա ինչ, ես այդ ընթացքում տոկոսներս միլիոնների՞ հասցնեմ»,- եզրափակեց Վիգենը, որն այս պահին ակնկալում է իշխանության աջակցությունը: Վիգենը երկրորդ կարգի հաշմանդամ է:

Տպել
15935 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ