Մի շարք դատավորներ այնքան գումար կուտակեցին, որ սկսեցին բիզնեսով զբաղվել՝ տոկոսով փող տալ

Հունիսի 15-ին Ազգային ժողովի պատգամավոր, ԱԺ պետական-իրավական հարցերի մշտական հանձնաժողովի նախագահ Գեւորգ Կոստանյանը հայտարարություն էր արել, թե հրաժարական է տվել Մարդու իրավունքների եվրոպական դատարանում ՀՀ ներկայացուցչի պաշտոնից։ Համապատասխան դիմումը նա ներկայացրել էր մի քանի օր առաջ։

Իր այդ քայլը նա մեկնաբանել էր հետեւյալ կերպ. «2018 թ. ապրիլ-մայիս ամիսներին տեղի ունեցած իրադարձություններից հետո Հայաստանում փոխվել է կառավարությունը, ինչի արդյունքում բնականորեն փոխվել է, կամ կարող է փոխվել կառավարության դիրքորոշումը Եվրոպական դատարանում այս պահին քննվող կամ քննվելիք գործերի մեծամասնության դեպքում: Այս պայմաններում աննպատակահարմար եմ համարում իմ պաշտոնավարման շարունակումը որպես Հայաստանի Հանրապետության ներկայացուցիչ եվրոպական դատարանում: Գտնում եմ, որ նոր իշխանությունը պետք է հնարավորություն ունենա ազատորեն ներկայացնելու իր դիրքորոշումները եվրոպական դատարանում քննվող գործերով եւ կաշկանդված չլինի նախկինում ներկայացված դիրքորոշումներով»,- գրել էր նա:

Սրա հետ մեկտեղ Կոստանյանը ներկայացրել էր հետաքրքիր վիճակագրություն: Մասնավորապես, ինչպես հայտարարել է Կոստանյանը՝ «2018 թ. հունիսի 14-ի դրությամբ ՄԻԵԴ-ը Հայաստանի Հանրապետության վերաբերյալ կայացրել է 93 վճիռ՝ 88 վարույթներով: 4 վարույթներով ՄԻԵԴ Պալատը կայացրել է 2-ական առանձին վճիռ` ըստ էության եւ արդարացի հատուցման վերաբերյալ: 1 վարույթով Պալատի վճիռը վերանայվել է Մեծ պալատի վճռով: 88 ըստ էության վճիռներից 84-ով ՄԻԵԴ-ն արձանագրել է խախտում, իսկ 4-ով որեւէ խախտում չի արձանագրել»: Այլ կերպ ասած, ՀՀ դատական համակարգում կայացված եւ ՄԻԵԴ-ում քննված 88 գործերից միայն 4-ի դեպքում խախտում չի արձանագրվել: Այսինքն, 5 տոկոսից էլ պակաս: Ըստ Կոստանյանի ներկայացրած մեկ այլ վիճակագրության, այժմ ՄԻԵԴ-ում է գտնվում 1500-ից ավելի գործ: Ապօրինի վճիռների վերաբերյալ հաշվարկը ընդհանուրի վրա տարածելու դեպքում կստացվի, որ դրանցից մոտ ավելի քան 1400-ի դեպքում ՄԻԵԴ-ը կարձանագրի, որ ՀՀ դատաիրավական համակարգում կայացվել են ապօրինի վճիռներ:

Թվում է, թե կառավարության ներկայացուցչի՝ տվյալ դեպքում Կոստանյանի մեղքը այստեղ չկա, քանի որ ինքը չէ, որ կայացրել է այդ ապօրինի վճիռները: Բայց դա միայն թվում է: Կոստանյանը 2006-ից զբաղեցրել է բարձր պաշտոններ գործադիրում եւ դատաիրավական համակարգում: ՀՀ արդարադատության նախարարի տեղակալ, զինդատախազ, գլխավոր դատախազ...: Ու այդ ամբողջ ընթացքում նա նաեւ եղել է կառավարության ներկայացուցիչը ՄԻԵԴ-ում: Կոստանյանը որեւէ վիճակագրություն չի ներկայացրել, թե ապօրինի մեղադրանքով դատարան ուղարկած քրգործի հեղինակներից քանիսն է ենթարկվել պատասխանատվության: Եթե իհարկե պատասխանատվության ենթարկված դատախազներ կան: Ապօրինի դատավճիռներ կայացրած քանի դատավոր է ենթարկվել պատասխանատվության: Եթե իհարկե այդպիսի դատավորներ կան:

ՄԻԵԴ-ի՝ ՀՀ դեմ կայացված վճիռների զգալի մասը վերաբերում է սեփականության իրավունքին: Դրանց գերակշիռ մասն էլ Երեւանի կենտրոնում՝ հիմնականում Հյուսիսային պողոտայի գործերով: Մարդկանցից բառացիորեն խլում էին իրենց տներն ու հողամասերը եւ դիմացը չնչին գումարներ տալիս: Մարդիկ չէին կարողանում արդարություն գտնել մեր դատական ատյաններում ու ճանապարհ էին բռնում դեպի ՄԻԵԴ: Ու դա բոլորովին չէր հետաքրքրում դատախազությանը: Մի տարօրինակ զուգադիպությամբ այդ ժամանակահատվածում մի շարք դատավորներ այնքան գումարներ կուտակեցին, որ սկսեցին «բիզնեսով» զբաղվել՝ տոկոսով փող էին տալիս, տներ վերցնում գրավ, հետո մարդկանց գլխին սարքում ու այդ տներն էլ էին վերցնում:

Այդուհանդերձ Գեւորգ Կոստանյանը՝ ՄԻԵԴ-ում ՀՀ կառավարության ներկայացուցչի կարգավիճակում շատ մեծ ծառայություն է մատուցել արդեն նախկին իշխանություններին: 2008 թ. մարտի 1-ի դեպքերին առնչվող բազմաթիվ ապօրինի դատավճիռներ այժմ ՄԻԵԴ-ում են: Սակայն տարիներ շարունակ այդ գործերով վճիռներ չեն կայացվում ԵԴ-ում: Հիմնավոր կասկածներ կան, որ նաեւ Գեւորգ Կոստանյանի քրտնաջան աշխատանքի շնորհիվ է, որ նախկին իշխանությանը հաջողվել է հնարավորինս երկարաձգել դրանք:

Հ.Գ.Նույն օրը հայտնի դարձավ, որ Եվրադատարանում ՀՀ ներկայացուցչի պարտականությունները կկատարի արդարադատության փոխնախարար Արտակ Ասատրյանը:

Տպել
6085 դիտում

Փարիզում ոստիկանները արգելափակել են ցուցարարների ճանապարհը դեպի խորհրդարան

Աբովյան քաղաքը շուտով կունենա «loft» ոճի հանրային գրադարան

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել

Արմեն Սարգսյանը խոսք է հղել Զինված ուժերում վերջին օրերին տեղի ունեցած մտահոգիչ դեպքերի կապակցությամբ

Օլիմպիադայից հետո երկուսին էլ ամուսնացնել. Սամվել Բալասանյանն ընդունել է Արթուր Ալեքսանյանին եւ Կարապետ Չալյանին

Ամեն ինչ էլ հնարավոր է. Վահրամ Դումանյանը չհերքեց, որ կարող է առաջադրվել ԵՊՀ ռեկտորի պաշտոնում

Այնպես չէ, որ մեր քաղաքացիների համար գաղտնիք է՝ ով է փորձելու կանգնեցնել այս ժողովրդավարական գործընթացը․ Ալեն Սիմոնյան