Երևան
16 °C
Թավշյա հեղափոխությունից հետո հայաստանյան քաղաքական դաշտում ռեստարտ տեղի ունեցավ, որի արդյունքում իշխանական եւ ընդդիմադիր ճամբարների քաղաքական ուժերը փոփոխվեցին:
Գլխավոր դերակատարների՝ Հանրապետականի եւ Քաղաքացիական պայմանագիր կուսակցությունների պարագայում փոփոխությունը միանգամայն պարզ է: Պարզ է նաեւ որոշ քաղաքական ուժերի այս պահի կարգավիճակը, որոնք կցորդի դերում միշտ «ուղեկցում են» իշխանությանը: ԲՀԿ-ի, ՀՅԴ-ի եւ ԵԼՔ-ում առկա Լուսավոր Հայաստան ու Հանրապետություն կուսակցությունների գտնվելու վայրը, հայտնի պատճառներով եւս կարելի է համարել իշխանական ճամբարը: Սակայն կան քաղաքական ուժեր, որոնք չեն կողմնորոշվում իրենց հայացքներում:
Հանրապետականներից Արմեն Աշոտյանն ԱԺ-ում ՀԺ-ի լրագրողի հետ զրույցում կարծիք հայտնեց, որ ՀՀԿ-ն միակ ընդդիմությունն է Հայաստանի խորհրդարանում, իսկ արտախորհրդարանական ընդդիմություն չկա: ՔՊ-ից Սուրեն Պապիկյանն էլ, կառավարությունում պատասխանելով ՀԺ-ի հարցին, ասաց, որ ուժը եթե իշխանություն չէ, ապա ընդդիմություն է:
«Քաղաքացիական պայմանագիրը ինչ խնդիր ունի, որ հայտարարի, թե ով է ընդդիմադիր: Ընդդիմությունը ինքը պետք է հայտարարի այդ մասին: Արտախորհրդարանական ուժերը, եթե իշխանություն չեն, դասական առումով ընդդիմություն են»,- ասաց Պապիկյանը:
Նախկինում ՀՀԿ-ին ընդդիմություն ՀԱԿ-ից չեն շտապում հայտարարել, որ շարունակում են արմատական ընդդիմություն լինել, բայց եւ խուսափում են ուղիղ տեքստով հայտարարել, որ իշխանություն են:
«Քաղաքական քարտեզը մի քիչ փոխվել է: Սա համարում ենք մի հեղափոխություն, որը մեր հեղափոխությունն է նաեւ: Այսքանով այս պահին կարելի է բավարարվել»,- մեր հարցին ի պատասխան՝ ՀԱԿ-ից ասաց Լեւոն Զուրաբյանը: Նա կարծում է, որ ստեղծվել է մի իրավիճակ, որ երկար ժամանակ իշխանություն-ընդդիմություն բաժանում չի լինելու:
«Ցանկացած քաղաքական ուժ ընդդիմություն է, երբ չի ընդունում այն, ինչ անում են իշխանությունները: Ես մի ձեւակերպում տվեցի՝ սա նաեւ մեր հեղափոխությունն է, որից դուք չպետք է հեռանաք: Ստեղծված է մի իրավիճակ, երբ դասական բաժանումը՝ ընդդիմություն-իշխանություն, որոշ ժամանակ չի գործելու: Հեղափոխություն է մերն է, համապատասխանում է մեր սկզբունքներին եւ նպատակներին, որ մենք 2008 թվականից դրել ենք մեր պայքարի հիմքում»,- ասում է նա:
Ժառանգություն կուսակցությունից Սուսաննա Մուրադյանը ՀԺ-ի հետ զրույցում նշեց, որ իրենք չեն կարող ընդդիմություն լինել ժողովրդի իշխանությանը:
«Ժառանգությունը իշխանության մաս դեռեւս չի կազմում: Ես չեմ կարող վերջնական որեւէ բան ասել, բայց, որ ընդդիմություն չէ, դա էլ է ակնհայտ: Ժառանգությունը բոլոր ֆորմատներում եղել է այս ընդդիմադիր շարժման արմատներում: Մենք եւ ճակատի ֆորմատով, եւ Արմեն Մարտիրոսյանը, Հովսեփ Խուրշուդյանը, Դավիթ Սանասարյանը եւ վերջում նաեւ վերջին հանրահավաքին Նիկոլ Փաշինյանն ասացինք, որ բոլոր ընդդիմադիրների շարժումն էր: Ժողովրդի իշխանությանը մենք չենք կարող դեմ լինել, այս պահին ընդդիմություն չենք»:
Դիտարկմանը, որ ՔՊ-ից Սուրեն Պապիկյանը նշում է՝ իշխանության մաս չլինելով, արդեն իսկ ընդդիմություն են, Սուսաննա Մուրադյանը նկատեց.
«Մինչեւ ընտրություններն անշնորհակալ գործ է որեւէ կուսակցության, որը եղել է նախկին իշխանությանն ընդդիմություն, հիմա եւս ճանաչել ընդդիմադիր: Սա ժողովրդի հաղթանակն է, որ առաջին շարքերում եղել է Ժառանգությունը: Հիմա էլ որոշումներին մենք դեմ չենք, քանի որ սա ժողովրդի հաղթանակն էր»:
Ազատ Դեմոկրատներ կուսակցությունից եւս կարծում են, որ սա իրենց հեղափոխությունն է: Կուսակցության ղեկավար Խաչատուր Քոքոբելյանը ՀԺ-ին պատասխանեց՝ պաշտպանում են կառավարության ծրագիրը:
«Մենք աջակցել ենք ու աջակցում ենք այն ողջ գործընթացը, որը տեղի է ունեցել թավշյա հեղափոխության ժամանակահատվածում՝ իր փոփոխությունների ամբողջ ծավալով: Մենք պաշտպանում ենք այսօրվա կառավարության ծրագիրը՝ կապված կոռուպցիայի դեմ պայքարի եւ արտահերթ ընտրությունների տեսլականի հետ, եւ այն փոփոխությունների, որոնք քաղաքացիների թիվ մեկ մարտահրավերներն են:
Քաղաքական ուժը կարող է աջակցել կամ չաջակցել այդ ծրագրերին, եթե աջակցում է այդ ծրագրերին, ապա հետեւությունները թողնում եմ ձեզ: Բնականաբար, մենք իշխանություն չենք եւ իշխանության պատասխանատվությունը իշխանության հետ չենք կիսում: Բայց ամբողջ ծավալով աջակցում ենք կառավարության փոփոխությունների ծրագիրը, որը ներկայացված է հասարակության դատին: Ես չասացի, որ ընդդիմություն չենք, մենք իշխանության մաս չենք կազմում»:
ՀՀԿ-ից զատ, բաց տեքստով նաեւ քաղաքական հետաքրքրիր ճանապարհ անցած ՕԵԿ-ն է իրեն ընդդիմադիր համարում:
«Շատ հետաքրքիր հարց եք տալիս, որովհետեւ նոր իշխանությունն էլ ընդդիմություն-իշխանություն վիճակում է: Այս պահին ՕԵԿ-ը գտնվում է ընդդիմադիր դաշտում եւ նոր մոտեցումներ չունենք»,- ասաց Հեղինե Բիշարյանը, իսկ հարցին՝ ժողովրդի իշխանությա՞նն են ընդդիմություն, Բիշարյանը մեկնաբանեց.
«Իշխանությունը եկել է ժողովրդավար ճանապարհով եւ ընդամենը մի 2 օր է, որ հաստատվեց նոր իշխանության կառավարության ծրագիրը: Մարդկանց պետք է տալ շնչելու հնարավորություն, մի քանի օր է, որ աշխատում են եւ ինչ խոսք, դրական էլեմենտներ արդեն կան: Իշխանությունը ժողովրդի ձայնն է խորհրդարանում եւ կառավարությունում: Չկա այդպիսի քաղաքական ուժ, որը առանց ժողովրդի է գալիս իշխանության: Ընդդիմությունն էլ, իշխանությունն էլ ժողովրդի ձայնն է՝ յուրովի, բայց ժողովրդի կողմից ձայն հավաքած իշխանությունը որքան է արդարացրել ժողովրդի տված քվեն, դա եղել է մշտապես քննարկման թեմա: Այս իշխանությունը նույնպես ժողովրդի ձայնով է եկել իշխանության, բայց դա չի նշանակում, որ այն կարող է 100 տոկոս լինել լավը կամ 100 տոկոս վատը»:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ