Երևան
29 °C
searchclose
today
menuclose
Երևան
29 °C
Այսօր ՀՀ Ազգային Ժողովը կքննարկի թավշյա հեղափոխության շնորհիվ ձեւավորված կառավարության ծրագիրը: Դժվար չէ կանխատեսել, որ ՀՀԿ խմբակցությունը, որը երեկ դարձավ խորհրդարանական փոքրամասնություն, սկսելու է քննադատել ծրագիրը: Ու պետք է նշել, որ այդ քննադատությունը կլինի տեղին: Կառավարության ծրագիրը խիստ խոցելի է:
Անկասկած, ՀՀԿ-ն քննադատելու է հեղափոխական կառավարությանը, որ իր ծրագրում որեւէ կոնկրետ ցուցանիշ չկա: Կառավարությունն իր ծրագրում չի նշել, թե որքան կկազմի տնտեսական աճը, որքանով կաճի, ասենք, արդյունաբերությունը, գյուղատնտեսությունը, շինարարությունը, որքանով կնվազի աղքատությունը եւ այլն, եւ այսպես շարունակ: Կասեն, որ սա կենացներից բաղկացած ծրագիր է, բարի ցանկություններ են...
Բայց իրականում կառավարության ծրագրի խոցելիությունը ամենեւին էլ դրանում չէ: Ծրագիրը կազմված է ընդամենը մի 30 էջից: Համեմատության համար ասենք, որ նախորդ կառավարության ծրագիրը մոտ 130 էջ էր: Ու թվում է, թե ծրագիրը խոցելի է հենց այն պատճառով, որ փոքրածավալ է, չունի կոնկրետություն, չկան հստակ ցուցանիշներ...: Իրականում՝ հակառակը: Ծրագիրը խոցելի է հենց այն պատճառով, որ չափազանց մեծածավալ է եւ չափազանց շատ են կոնկրետ մանրամասները:
Հայաստանում երբեք չի եղել այս պայմաններում ձեւավորված կառավարություն, եւ որեւէ կառավարություն չի ունեցել այն խնդիրները, որ ունի գործող կառավարությունը: Կառավարության ծրագիրը պետք է արտացոլեր միայն ու բացառապես հեղափոխության արդյունքների ամրագրումը արտահերթ ընտրությունների միջոցով, իսկ սոցիալ-տնտեսական կյանքի զարգացման տեսլականները պետք է նկարագրվեին հենց հեղափոխության արդյունքների տեսանկյունից:
Այն, որ կառավարության ծրագրում արձանագրված է, որ առաջիկա մեկ տարվա ընթացքում պետք է տեղի ունենան արտահերթ խորհրդարանական ընտրություններ, դա հիմնական դրույթն է եւ հենց դրա շուրջ էլ պետք է կառուցվեր ծրագրի տրամաբանությունը: Այսինքն, եթե կառավարության ծրագիրը կազմված լիներ այս մեկ նախադասությունից եւ դրան ավելացվեր, որ կառավարության գործունեությունը ուղղված է լինելու այդ արտահերթ ընտրությունների լիակատար ազատ, թափանցիկ, առանց ընտրակաշառքների, առանց ադմինիստրատիվ ռեսուրսի, առանց բռնությունների անցկացման համար պայմաններ ստեղծելուն, վերջ՝ կառավարության ծրագիրը կլիներ կատարյալ եւ անխոցելի:
Ծրագիրը կլիներ անխոցելի, եթե, օրինակ, տնտեսության զարգացմանը վերաբերվող հատվածում գրված լիներ միայն, որ կառավարությունը իր գործունեությունը ուղղելու է արհեստական մենաշնորհների վերացմանը, իրական մրցակցության հաստատմանը, ստվերի դեմ անողոք պայքարին, կոռուպցիայի հաղթահարմանը: Հարցին, թե ինչպես, կա պարզ ու նույնքան անխոցելի պատասխան՝ քաղաքական կամքի շնորհիվ: Ոչ մի տրամաբանող քաղաքացու մեջ այս պատասխանը որեւէ վերապահում չի առաջացնի: Սա հենց այն է, ինչը, ըստ էության, սպասում է մեր հանրությունը գործող կառավարությունից:
Այսպիսի տեսլականից դուրս գրված ցանկացած բառ խոցելի է դարձնում ծրագիրը: Որեւէ այլ կոնկրետություն, սկսած տնտեսության գերակայություններից, մինչեւ գյուղատնտեսությունում կաթիլային ոռոգման ներդրման մասին դրույթները խոցելի է դարձնում ծրագիրն անգամ քաղաքական տրամաբանության տեսանկյունից: Գործող կառավարությունը կազմված է ԵԼՔ դաշինքի, ՀՅԴ-ի եւ Ծառուկյան դաշինքի ներկայացուցիչներից: Նրանցից յուրաքանչյուրը իր մոտեցումները ունի տնտեսության վերաբերյալ: Մեկն ազատական տնտեսության գաղափարների կրողն է, մյուսը կարծում է, որ տնտեսությունը պետք է հիմնված լինի խոշոր արդյունաբերության վրա, մյուսը կարծում է, որ պետությունը պետք է միջամտի տնտեսությանը...
Եվ ծրագիրն էլ կազմել է այսպիսի տարբերվող հայացքներ ունեցող քաղաքական ուժերի ներկայացուցիչներից բաղկացած կառավարությունը: Սա նորմալ կլիներ, եթե ազատ ու թափանցիկ ընտրություններից հետո ձեւավորված ԱԺ-ն կազմեր հենց այսպիսի կառավարություն: Բայց ամբողջ խնդիրն այն է, որ այսօրվա ԱԺ-ն իրոք չի արտահայտում հայաստանցիների կամքը: Արտահերթ ընտրություններում վերը նշված ուժերից յուրաքանչյուրը հաստատապես կստանա ԱԺ այսօրվա դասավորվածության հետ չհամընկնող քվե: Շատ կամ քիչ: Այ հենց այդ քվեների արդյունքում ստեղծված ԱԺ-ի ձեւավորած կառավարությունը միայն իրավունք ունի սահմանել, ասենք, տնտեսության գերակայությունները, հարկային քաղաքականության իր սկզբունքները եւ այլն: Միայն այդ դեպքում: Գործող կառավարությունը տրամաբանորեն չունի այդ մանդատը:
Այսպիսով՝ կառավարության ծրագրի խոցելիությունը պայմանավորված է հենց սրանով: Պետք է ենթադրել, որ գործող կառավարությունը ուղղակի նախկին ավանդույթների իներցիայով է շարժվել եւ չափազանց ոչ ստանդարտ է գնահատել ասենք մեկ կամ երկու էջանոց ծրագիր ներկայացնելը: Իսկ ամբողջ խնդիրն այն է, որ ստեղծված իրավիճակն է չափազանց ոչ ստանդարտ, եւ ծրագիրը նույնպես պետք է լիներ չափազանց ոչ ստանդարտ:
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
