Ինձ համար իդեալական տարբերակ կլինի համաքաղաքային նոր ընտրությունները. Ալեն Սիմոնյան

ԱԺ նորաթուխ պատգամավոր եւ միաժամանակ Երեւանի ավագանու ԵԼՔ խմբակցության անդամ Ալեն Սիմոնյանն առաջիկա յոթ օրերին կշարունակի այս կարգավիճակում մնալ: Նա, որպես պատգամավոր, առաջին անգամ խորհրդարան մտավ մայիսի 22-ին, բայց հենց նույն օրը երեկոյան հայտարարեց, որ դիմում է գրել ԱԺ նախագահին՝ մանդատից հրաժարվելու համար:

«Արել եմ այս քայլը հանուն Երեւանի, հանուն աղավաղված շենքերի, որոնք մենք ունենք, հանուն անօրինական ձեւակերպումներ ստացած սեփականաշնորհված մանկապարտեզների, նկուղների, հանուն հատված ծառերի, հանուն այն բանի, որ Երեւանի քաղաքապետարանում եւ ընդհանրապես տեղ չպետք է ունենա կանանց նկատմամբ բռնությունը, հանուն լավ, հանուն մաքուր, հանուն սիրո, հանուն ազատ Երեւանի, որը մենք բոլորս շատ ենք սիրում»,- մասնավորապես, այսպես էր մեկնաբանել պատգամավորական մանդատից հրաժարվելու իր քայլը Սիմոնյանը՝ ֆեյսուքյան իր էջի միջոցով:

Արդեն խորհրդարանում ՀԺ-ի հետ զրույցում Սիմոնյանն անդրադառնալով իր այս քայլին նշեց, թե տեղեկություններ է ստացել, որ Տարոն Մարգարյանը ցանկանում է իրեն պատգամավորական մանդատից զրկել՝ չպահպանելով օրենքով սահմանված կարգը: Այս գործընթացը պետք է իրականացվի մանդատից հրաժարվելու դիմումից 7 օր հետո:

«Կա տեղեկություն, որ անկախ նրանից՝ ես պատգամավորական մանդատս վայր կդնեի, թե՝ չէ, Տարոն Մարգարյանը դիմելու է ԿԸՀ-ին, որ ինձ զրկեն ավագանու մանդատից: Ես իմ այս քայլով անելու եմ ամեն ինչ, որ այդ քայլը թույլ չտամ: Այս քայլով խոչընդոտում եմ այն՝ ինչը տեղի է ունենում Երեւանում»,- ասաց Սիմոնյանը:

Դիտարկմանը՝ պատգամավոր դառնալով, արդեն իսկ ավագանու անդամ չէ, նա նշեց, որ կախված քաղաքական իրողություններից՝ պարզ կլինի, թե որտեղ է շարունակելու իր գործունեությունը:

«Կարող է վաղը բողոքի ցույց լինել՝ հերթական ծառահատման հետ կապված»,- ակնարկեց Ալեն Սիմոնյանը:

Սիմոնյանը հստակ չի կարողանում ասել՝ շարունակելու է մնալ ավագանու անդա՞մ, թե՞ պատգամավոր: Նա հարցի պատասխանը հղում է անում քաղաքական առաջիկա զարգացումներին: Հետաքրքիր զուգադիպությամբ էլ մայիսի 30-ին Երեւանի ավագանու հերթական նիստն է տեղի ունենալու: Չի բացառվում, որ քաղաքական այնպիսի գործընթացներ տեղի ունենան, որ մինչեւ այդ քաղաքապետ Տարոն Մարգարյանը հրաժարական տա եւ ստացվի այնպես, որ Ալեն Սիմոնյանն առաջադրվի եւ ընտրվի Երեւանի քաղաքապետ: Սա իրականությանը ինչ-որ չափով մոտ է, քանի որ Տարոն Մարգարյանի հրաժարականի պահանջով հաճախակի ցույցեր են լինում:

Ամեն դեպքում, Ալեն Սիմոնյանը շահող է դուրս գալիս: Եթե նա առաջիկա 7 օրում չկարողանա ընտրվել քաղաքապետ, ապա դեռ ժամանակ ունի չեղարկել պատգամավորական մանդատից հրաժարվելու դիմումը: Մեր այս դիտարկումը Սիմոնյանը հետեւյալ կերպ մեկնաբանեց. «Ես չեմ կարող շահող դուրս գալ այս իրավիճակից, եթե Տարոն Մարգարյանը մնաց քաղաքապետ: Այս ամեն ինչը չի եղել, որ ես պահպանեմ իմ մանդատները»:

Ալեն Սիմոնյանը չի հերքում, որ Երեւանի քաղաքապետ դառնալու հավակնություններ ունի: Նա նշում է, որ քաղաքապետի թեկնածուներից մեկն է եղել եւ ավելին՝ ակնարկում է նոր ընտրությունների մասին:

«Ինձ համար իդեալական տարբերակ կլինի նոր համաքաղաքային ընտրությունները, բայց հաշվի առնելով ԱԺ ընտրությունները՝ սա տեխնիկապես դժվար կլինի»:

Եթե Սիմոնյանը քաղաքապետ էլ ընտրվի, ապա ավագանիում մեծամասնությունը մնալու է ՀՀԿ-ն: Ալեն Սիմոնյանը այս հարցը անլուծելի չի համարում, խորհրդարանն է մատնանշում, որտեղ եւս ՀՀԿ-ն մեծամասնություն է:

«Երեւանի ավագանիում կան ՀՀԿ-ականներ, շատերը հայտնի եւ ոչ քաղաքականացված մարդիկ են: Ես չեմ կարծում, որ իրենց նույնացնում են ՀՀԿ գաղափարախոսության հետ»,- ասաց Սիմոնյանը եւ ընդգծեց, որ այդ անդամների հետ որեւէ քննարկում չի եղել:

Ալեն Սիմոնյանի մանդատից հրաժարվելու հայտարարությունից առաջ հետաքրքրիր, բայց ոչ հստակ պահանջով քաղաքական հայտարարություն էր արել վարչապետ Նիկոլ Փաշինյանը: «Երբ ես նման հորդոր հնչեցնեմ, Տարոն Մարգարյանը կհետեւի այդ հորդորին»,- մասնավորապես, ասել էր վարչապետը՝ անդրադառնալով Տարոն Մարգարյանի հրաժարականի պահանջին: Ալեն Սիմոնյանը, սակայն մեր զրույցում հերքեց, որ որեւէ աղերս կա իր որոշման եւ այս հայտարարության միջեւ:

«Որեւիցե կերպ չի նպաստել: Ես սրա մասին խոսել եմ մինչեւ այդ հայտարարությունը եւ խոսելու եմ, եթե ես մնամ Ազգային ժողովում: Մեր քաղաքական կառույցի առավելություններից մեկն էլ այն է, որ մենք գործում ենք մեր սկզբունքների շրջանակում»:

ԱԱԾ նորանշանակ պետը, որը ջերմ հարաբերությունների մեջ է Ալեն Սիմոնյանի հետ, մի քանի օր առաջ հայտարարել էր, որ առաջիկայում սկանդալային բացահայտումներ են լինելու: Սիմոնյանից հետաքրքրվեցինք՝ արդյո՞ք տեղեկություններ ունի, գուցե Տարոն Մարգարյանի մասով էլ է բացահայտում լինելու եւ դրա համար է պատգամավորը մանդատից հրաժարվում, քաղաքապետ դառնալու շանս է ստեղծվել:

«Չգիտեմ, ես նման տեղեկություն չունեմ: ԱԱԾ պետի հայտարարություններով չեմ հետաքրքրվում: Ես իմ հայտարարությունը չեմ արել ԱԱԾ պետի, ոստիկանապետի եւ վարչապետի ասածների հիման վրա»,- ասաց նա:

Ֆեյսբուք սոցիալական ցանցում հայտնի ակտիվիստները, ովքեր մասնակցել էին թավշյա հեղափոխությանը, հայտարարեցին. «Երեւանի քաղաքապետի իմ թեկնածուն Ալեն Սիմոնյանը չէ»: Անդրադառնալով այս կարծիքներին՝ Սիմոնյանն ասաց. «Բնական է եւ չի կարող մեկ անձը բոլորի կողմից միեւնույն կարծիքին արժանանալ: Ես ակտիվիստներին խորհուրդ եմ տալիս, որ վաղ է դրա մասին խոսել: Ես ասել եմ՝ կա խնդիր, որ Տարոն Մարգարյանը պետք է հեռանա, չեմ ասել, որ պաշտոնի եմ գնացել: Ակտիվիստներին խորհուրդ եմ տալիս՝ չշտապել»:

Տպել
6204 դիտում

Հաղպատ կիսակայարանում արգելափակվածների սննդամթերքը տեղ է հասցվել, Ախթալայից մեկ ընտանիք ամենագնացով կտեղափոխվի Ալավերդի

Մարդը ինչքան պիտի տառապի, որ հասկանաք՝ անկեղծ է ուզում իշխանությունը, ձևեր չի թափում. Գարեգին Միսկարյան

Հանրապետությունը պիտի կերտվի ժողովրդի և ոչ թե իրեն վերնախավ համարող խմբերի երազանքներին համահունչ. վարչապետ (տեսանյութ)

Հայաստանում ԵՄ առաքելության ներկայացուցիչներն ու Ռումինիայի դեսպանն այցելել են Սյունիք

Ինչպես են ակցիա իրականացնող երիտասարդները հարվածում ընթացող մեքենային (տեսանյութ)

Հեղեղից տուժած բնակավայրերում կամավորական աշխատանքի կարիք կա․ ԿԳՄՍ նախարարը դիմել է ուսանողներին

Եկեղեցին քաղաքական հարթակ սարքած անձինք ոչ ոքից առավել չեն ու կրելու են քաղաքականության բոլոր հետևանքները. Չախոյան

Աղետի հետևանքները հսկայածավալ են, չտխրեք, մենք կունենանք էլ ավելի բարեկարգ ու գեղեցիկ քաղաքներ և գյուղեր․ Մկրտչյան

Ջրհեղեղի պատճառով մեծ դժվարությամբ Ալավերդի տեղափոխված հղիին կեսարյան հատում է արվել․ ծնվել է առողջ տղա

Ո՞նց կարելի է մտածել, որ մի քանի հազար մարդ կարող էին խոչընդոտել, որ ՀՀ հիմնադրման օրը հավուր պատշաճի չնշվի․ Մկրտչյան

Աղետի գոտում փրկարարական աշխատանքները շարունակվում են (լուսանկարներ)

Հանրապետության տոնը խորհրդանշում է պետականության վերականգնումը և անկախ պետություն կառուցելու քաղաքական կամքը. Միրզոյան

Հայաստանը որպես ինքնիշխան, ազատ և ժողովրդավար պետություն ամրապնդելը յուրաքանչյուրիս առաքելությունն է. Ավինյան

Երբ ծայրագույն վարդապետը վերածվում է տարրական փնթի խառնակչի. Արեգ Քոչինյան

Գեղարքունիքի մարզում 3 կին է կայծակնահարվել. նրանցից մեկը տեղում մահացել է

Սարդարապատի հաղթանակի շնորհիվ փրկվեց Հայաստանի ազգային լինելիությունն ու քաղաքական անկախությունը. Ֆրանսիայի դեսպան

Իրանի խորհրդարանում վերընտրել են ղեկավարին

Ալավերդու Դեբեդ թաղամասում վերականգնվել է էլեկտրամատակարարումը, մի շարք հատվածներում ու Ախթալայում՝ նաև գազը

Մահվան ելքով վրաերթ Այգեկ գյուղում․ վարորդը փախուստի է դիմել

ՆԳՆ-ն արձագանքել է լուրերին, թե աղետի գոտում կան արգելափակված բնակիչներ, որոնք սննդի կարիք ունեն

Ucom-ի աջակցությամբ երիտասարդները ծանոթանում են բնապահպանական կարևոր խնդիրներին

Հանրապետության տոնի առթիվ տեղի է ունեցել պարգևատրման արարողություն (լուսանկարներ)

ՔԿ նախագահի տեղակալը պարգևատրվել է ՀՀ վարչապետի հուշամեդալով

Հայաստանում Ֆրանսիայի դեսպանությունը շնորհավորական ուղերձ է հղել Հանրապետության տոնի առթիվ

Թուրքիայի անվտանգության խորհրդի նիստում կքննարկեն հայ-ադրբեջանական խաղաղության գործընթացը

Սուրեն Պապիկյանը և Բելգիայի փոխվարչապետը քննարկել են պաշտպանության բնագավառում համագործակցության հնարավորությունները

Կարծում եմ՝ այն, ինչ այսօր անում է Հայաստանը, ցանկացած պարագայում հանգեցնելու է հաջողության. Պոդոլյակ

Լիտվան շնորհավորել է Հայաստանին Հանրապետության տոնի առթիվ

Կամո Ցուցուլյանին շնորհվել է փրկարարական ծառայության գեներալ-մայորի կոչում

Նախագահի նստավայրում տեղի է ունեցել Հանրապետության օրվան նվիրված տոնական միջոցառում (տեսանյութ)

ԵՄ պատվիրակության ղեկավարը շնորհավորել է Հայաստանի Հանրապետության օրը

Մենք տեսնում ենք, որ Փաշինյանը պահպանել է իշխանությունը, նա բավականին ամուր դիրքեր ունի. Ջաբարով

Դեբեդի և Աղստևի ավազաններում ջրի ելքերի նվազում է դիտվել. ՇՄՆ

Սանոսյանը Այրում կայարանում մասնագետների հետ քննարկել է կամուրջը ժամանակավոր և մասնակի շահագործելի դարձնելու տարբերակը

Թեև երեկոյան տեղումներ ունեինք, բայց, այնուամենայնիվ, ջրի մակարդակը նվազում է, ինչը հեշտացնում է աշխատանքները. Սանոսյան

Պետք է յուրաքանչյուրս մեր նպաստը բերենք հայոց պետականության ամրացմանն ու հայրենիքի հզորացմանը. ՍԴ նախագահի ուղերձը

Փոցխով է հարվածել. 27-ամյա կինը խոստովանել է՝ ինքն է Օձունում սպանել 64-ամյա տղամարդուն

Բախվել է 3 մեքենա, կան տուժածներ․ վարորդներից մեկը զրկված է եղել վարելու իրավունքից և եղել է ոչ սթափ

Մեղրի-Ծավ հատվածից քարերը հեռացվել են, երթևեկությունը երկկողմանի վերականգնվել է

ԱՄՆ-ը ողջունում է Հայաստանի և Ադրբեջանի միջև կայուն և արժանապատիվ խաղաղության հաստատմանն ուղղված աշխատանքը. Բլինքեն