Հայաստանում առաջիկայում պետք է տեղի ունենա Ազգային ժողովի արտահերթ ընտրություն: Սա՝ ըստ թավշյա հեղափոխության սցենարի: Համաժողովրդական շարժման օրերին Նիկոլ Փաշինյանը հայտարարում էր, որ նախ պետք է տեղի ունենա իշխանության անցնցում փոխանցում ժողովրդին, ապա հրապարակում որոշվելու է, թե ով է լինելու վարչապետի թեկնածուն եւ նա ԱԺ-ի կողմից դե յուրե պետք է ընտրվի ՀՀ վարչապետ: Գործնականում այս փուլերն արդեն հաջորդաբար անցել ենք, սակայն պարզ չէ, թե երբ է տեղի ունենալու խորհրդարանական արտահերթ ընտրությունը:

Վարչապետ Նիկոլ Փաշինյանը լրագրողների հետ զրույցում ընտրության անցկացման ժամկետների մասին ասել է. «Կքննարկենք, կարծում եմ, որ այս տարի»:

Մինչեւ արտահերթ ընտրությունները, նախ պետք է փոփոխություններ տեղի ունենան Ընտրական օրենսգրքում: Մի շարք փոփոխություններին զուգահեռ խորհրդարանական ԵԼՔ, ՀՅԴ եւ Ծառուկյան խմբակցությունները ցանկանում են հանել ռեյտինգային ընտրակարգը: «Հայկական ժամանակ»-ը երեկ կառավարության նիստից հետո վարչապետ Նիկոլ Փաշինյանից հետաքրքրվեց՝ արդյո՞ք սկսվել են ԸՕ-ի փոփոխությունների քննարկումներ: Վարչապետն այս հարցին դրական պատասխան տվեց: Դիտարկմանը` փոփոխությունների հիմքում ընկա՞ծ է լինելու ռեյտինգային ընտրակարգի վերացումը, Փաշինյանը պատասխանեց. «Ոչ միայն, քաղաքական քննարկումների արդյունքում որոշում կկայացնենք»:

ԱԺ-ի քաղաքական մեծամասնությունը՝ «Հանրապետական» խմբակցությունը, սակայն իր օրակարգում արտահերթ ընտրություններ անցկացնելու հարց չունի: Բնականաբար, խորհրդարանական արտահերթ ընտրությունների դեպքում ՀՀԿ-ն կզրկվի իր վերջին գործիքից՝ Ազգային ժողովը դուրս կգա Հանրապետականի վերահսկողությունից:

ԱԺ պետաիրավական հանձնաժողովի նախագահ Գեւորգ Կոստանյանը, որը միաժամանակ նաեւ ՀՀԿ խմբակցության պատգամավոր է, ասում է՝ իր համար այս վիճակում անհասկանալի կլինի արտահերթ ընտրությունը:

«Արտահերթ ընտրություններն ինքնանպատակ չեն, դրանք պետք է լուծեն քաղաքական խնդիր: Իսկ եթե քաղաքական իրավիճակը եւ դասավորվածությունն այնպիսին է, որ ե՛ւ ընդդիմության, ե՛ւ իշխանության գործողություններն ուղղված են երկրի բարօրությանը, հետեւաբար, իմ խորին համոզմամբ, արտահերթ ընտրությունների անհրաժեշտություն չկա»,- ասաց նա:

Հարցին, թե ո՞րն է համարում քաղաքական անհրաժեշտություն, որի դեպքում հասկանալի կլինեն արտահերթ ընտրությունները, Կոստանյանը պատասխանեց. «Օրինակ, լինի խորհրդարան-կառավարություն հակադրություն: Քաղաքական հակասություն եթե չկա, անհրաժեշտություն էլ չկա: Եթե կառավարությունն ու ԱԺ-ն իրար հետ համակարգված աշխատում են, ու եթե պետք է ԱԺ լուծարման հիմքեր ստեղծելը լինի ինքնանպատակ, ես դրան գնահատական չեմ կարող տալ: Եթե դա արվում է ուղղակի արվելու համար, առանց հակասության առկայության, ես դրա պատասխանը չեմ կարող տալ»:

Ծառուկյան խմբակցությունից Նաիրա Զոհրաբյանն էլ ասում է, որ ՀՀԿ-ն «վերարտադրվելու» շանս այլեւս չունի, ուստի, պետք է ամեն ջանք գործադրի, որ գործող ԱԺ-ն չլուծարվի եւ աշխատանքները շարունակի մինչեւ 2022 թվականը:

«Բոլորս էլ հասկանում ենք, որ այս շարժման ակորդը պետք է լինի խորհրդարանական արտահերթ ընտրությունը, որովհետեւ ստեղծվել է քաղաքական դիսբալանս: Խորհրդարանում կա հանրության մեծամասնության կողմից չընդունված քաղաքական ուժ, իսկ կառավարությունը կազմված է խորհրդարանի քաղաքական փոքրամասնությունից: Ես հասկանում եմ, որ Սահմանադրության երկու հայրերն այն գրել են Հանրապետականի «հոգով», բայց նրանց ամենավատագույն երազով չէր կարող անցնել, որ կլինի այնպիսի իրավիճակ, որ կառավարությունը չներկայացնի ԱԺ-ի մեծամասնությունը: Մենք այսօր ունենք այդ իրավիճակը, որը ցանկացած պահի կարող է քաղաքական փակուղու առջեւ կանգնեցնել, այդ թվում՝ սահմանադրական փակուղային իրավիճակների: Ուստի, մոտ ժամկետներում պետք է գնալ արտահերթ խորհրդարանական ընտրությունների՝ 2018 թվականի ընթացքում»,- ասաց Նաիրա Զոհրաբյանը:

Զոհրաբյանն ընդգծեց, որ մինչեւ ընտրությունները պետք է փոխել Ընտրական օրենսգիրքը, ինչպես նաեւ մեխանիզմներ ստեղծել կրկնաքվեարկությունից խուսափելու համար:

«Ծառուկյան խմբակցությունը հանձնարարել է իր փորձագետներին՝ սկսել կրկին շրջանառության մեջ դնել ԸՕ-ն, որը մենք ԱԺ բերել էինք փետրվարին, բայց մերժվեց ռեյտինգային ընտրակարգի հանելը, ինչպես նաեւ ԵԱՀԿ/ԺՀՄԻԳ-ի բազմաթիվ առաջարկները հաշվի առնելու, որոնք ենթադրում էին վարչական ռեսուրսի կիրառման դեպքում քրեական պատասխանատվություն»,- ասաց Զոհրաբյանը:

Ծառուկյան խմբակցության պատգամավորը կարծում է, որ ՀՀԿ-ի համար այս շրջանում արտահերթ ընտրությունների գնալը հավասարազոր է ինքնասպանության:

«Նրանք կամիկաձե չեն, որ գնան ինքնասպանության: Նրանք փորձում են ժամանակ շահել եւ մտածում են, որ հանրային ալիքը կմարի, ժողովրդի սպասումները նոր կառավարությունից չեն արդարանա, եւ իրենք այդ ֆոնի վրա կկարողանան կազմակերպել իրենց ռեինկարնացիան»,- ասաց Զոհրաբյանը եւ հայտարարեց, որ առնվազն առաջիկա 20 տարում ՀՀԿ-ն ԱԺ-ում չի լինելու:

Նաիրա Զոհրաբյանը նաեւ ասաց, որ առաջիկայում դիմելու են ՀՀ կառավարություն, որպեսզի ԸՕ-ի փոփոխության համար խորհրդարանական ուժերի միջեւ առողջ քննարկումներ սկսվեն:

«Ընտրության անցկացման օրը եւս քննարկման խնդիր պետք է լինի, քանի որ ունենք խորհրդարան, որի մեծամասնությունը երկիրը ցանկացած պահի կարող է տանել ճգնաժամի: Ընտրություն անցկացնելու խելամիտ ժամկետը կլինի այն, երբ փոխած կլինենք ԸՕ-ն եւ կլուծենք մատնահետքերի ստուգման միասնական շտեմարանի հարցը: Այս խնդիրները կարելի է լուծել 3-4 ամսվա ընթացքում»:

Տպել
9386 դիտում

Երեւանի գործող մանկապարտեզների աշխատակիցները կստանան հավելավճարներ, մյուսները կվճարվեն 100%-ով

Հինգերորդ զորամիավորումում անկացվել են հակաօդային պաշտպանության վարժանքներ

«Դալմա Գարդեն Մոլ» զվարճաառևտրային համալիրում եւս ռումբ չի հայտնաբերվել

Ծառն ընկել է ճանապարհի երթևեկելի հատված՝ այն դարձնելով միակողմանի երթևեկելի

Հրայր Թովմասյանն ու ՍԴ նախկին 3 անդամները դիմել են ՄԻԵԴ. Կառավարությունը դատարանից հարցադրումներ է ստացել եւ պատասխանել

«Շիրակը» կորցրեց առաջին տեղը, «Նոան» հաղթեց ու ՀՀ ֆուտբոլի առաջնությունում չեմպիոնության լուրջ հայտ ներկայացրեց

Անգլերենից 524 հոգի 18-20 է ստացել, 133-ը՝ անբավարար․ հայտնի են օտար լեզվի միասնական քննության արդյունքները

Երբ առողջապահական համակարգն այլևս ի վիճակի չլինի սպասարկել, այլ ելք չի լինի, քան՝ սահմանափակումներին վերադառնալը

Կասեցումներ են իրականցվել սոցիալական ապահովման ծառայության տարածքային բաժիններում եւ Ազգային արխիվում

Ոստիկանությունն արտակարգ ծառայություն է իրականացնում զինկոմիսարիատների մոտակայքում (տեսանյութ)

Ովքեր որոշել են ամփոփել կորոնավիրուսի դեմ պայքարի արդյունքները, առնվազն շտապում են. Փաշինյան

Իրավիճակի հաղթահարման միակ երաշխիքը մեր անհատական վարքագիծն է. վարչապետ

650 քաղաքացի գտնվում է ծանր և ծայրահեղ ծանր վիճակում․ Արսեն Թորոսյան

Ադրբեջանի հատուկ ծառայությունները համացանցով փորձել են տեղեկություններ կորզել ՀՀ ԶՈՒ վերաբերյալ. ԱԱԾ

«Իմ քայլը» հիմնադրամի ֆինանսավորմամբ ատամնաբուժական ծառայություններ են մատուցվում Գյումրու խնամքի կենտրոնի տարեցներին

Ճապոնացիների 77%-ը կարծում է, որ օլիմպիական խաղերը չեն կարող կայանալ հաջորդ տարի

Առաջիկայում առնվազն մեկ անգամ էլ կերկարաձգենք արտակարգ դրությունը. Նիկոլ Փաշինյան (տեսանյութ)

Հուլիսի 6-ին մեկ անձ խախտել է մեկուսացման կամ ինքնամեկուսացման կանոնները

Հուլիսի 6-10-ը առցանց ձեւաչափով կանցկացվի «Հայաստան - Ինժեներական շաբաթ-2020» խորագրով 3-րդ ամենամյա միջոցառումը

ՀՀ-ում կորոնավիրուսային իրավիճակը շարունակում է մնալ լարված. առողջապահական համակարգն աշխատում է գերլարված (ուղիղ)