Արտաքին լեգիտիմության թեթեւացած բեռը. վարչապետը մասնակցեց ԵԱՏՄ Բարձրագույն խորհրդի նիստին

Մայիսի 13-ին ՀՀ վարչապետ Նիկոլ Փաշինյանի գլխավորած պատվիրակությունը ժամանեց Սոչի` մասնակցելու Եվրասիական տնտեսական Բարձրագույն խորհրդի նիստին: Սոչիի (Ադլերի) միջազգային օդանավակայանում Նիկոլ Փաշինյանին դիմավորեց Սոչիի քաղաքապետ Անատոլի Պախոմովը:

Նույն օրը վարչապետը հանդիպեց հայ համայնքի հետ: Հանդիպումը, չնայած անձրեւին, անցավ բաց երկնքի տակ եւ բավական ջերմ մթնոլորտում: Սոչիի հայերի բուռն ընդունելությունը քաղաքական առումով շատ կարեւոր էր նորանշանակ վարչապետի լեգիտիմության ցուցադրման առումով: Այն հերթական անգամ փաստում էր, որ Հայաստանի ներկայիս ղեկավարության հայկական լեգիտիմությունը զուտ ներքին չէ՝ այն տարածվում է նաեւ բոլոր երկրների վրա, որտեղ հայեր են ապրում: Այլ հարց է, որ, կախված կոնկրետ երկրում ապրող հայերի սոցիալ-տնտեսական եւ քաղաքական կշռից, այդ լեգիտիմությունը տարբեր է:

Մայիսի 14-ին կայացավ Եվրասիական տնտեսական Բարձրագույն խորհրդի նիստը, որին նախորդեցին վարչապետ Փաշինյանի երկկողմ հանդիպումները Մոլդովայի նախագահ Իգոր Դոդոնի, Բելառուսի նախագահ Ալեքսանդր Լուկաշենկոյի, Ղրղզստանի նախագահ Սոորոնբայ Ժեենբեկովի, ԵՏՀ կոլեգիայի նախագահ Տիգրան Սարգսյանի եւ Ռուսաստանի նախագահ Վլադիմիր Պուտինի հետ:

Տիգրան Սարգսյանի հետ քննարկվեցին ԵԱՏՄ շրջանակում համագործակցության հետագա զարգացմանն ու անդամ պետությունների միջեւ հարաբերությունների ընդլայնմանը վերաբերող հարցեր: Սա առաջին խորհրդանշական քայլը կարելի է համարել՝ ԵԱՏՄ-ն առավել ակտիվ գործող կազմակերպություն դարձնելու ուղղությամբ:

Օրվա ամենասպասված իրադարձությունը, Եվրասիական տնտեսական Բարձրագույն խորհրդի նիստից հետո, ՀՀ վարչապետի եւ ՌԴ նախագահի հանդիպումն էր: Հետաքրքիր էր Վլադիմիր Պուտինի տրամադրվածությունը նոր Հայաստանի հետ համագործակցության հարցում: Մինչ երկրների ղեկավարների առանձնազրույցը նրանք հանդիպեցին տեսախցիկների առջեւ:

Հանդիպման սկզբում Պուտինը եւս մեկ անգամ շնորհավորեց Փաշինյանին՝ վարչապետի պաշտոնը ստանձնելու կապակցությամբ, ապա հավելեց, որ Հայաստանը հանդիսանում է տարածաշրջանում Ռուսաստանի մոտ գործընկեր եւ դաշնակից: Պուտինն իր խոսքում հատուկ ուշադրություն դարձրեց տնտեսական ցուցանիշների դրական դինամիկային, անվտանգության ոլորտի համագործակցությանը, ինչպես նաեւ միջազգային հարթակներում փոխադարձ աջակցությանը:

Այն, որ հիմնական շեշտը դրվելու է տնտեսական ցուցանիշների վրա կարելի էր ենթադրել ռուսական պատվիրակության կազմից: Հանդիպմանը ռուսական կողմից ներկա էին ՌԴ տնտեսական զարգացման նախարարի պաշտոնակատար Մաքսիմ Օրեշկինը, ՌԴ ֆինանսների նախարարի պաշտոնակատար Անտոն Սիլուանովը, ՌԴ տրանսպորտի նախարարի պաշտոնակատար Մաքսիմ Սոկոլովը:

Նախորդ օրը Սոչիի հայերի ջերմ ընդունելությունը, փաստորեն, տվել էր իր արդյունքը՝ Հայաստանի ղեկավարի արտաքին լեգիտիմության ռուսական չափաբաժինն այսուհետ տրամադրում են ՌԴ հայազգի քաղաքացիները, ոչ թե նախագահը: Այդ պատճառով էլ շեշտադրվեցին տնտեսական եւ ռազմական դաշնակցային լծակները:

Այդուամենայնիվ, լծակների շեշտադրման անհրաժեշտություն, թերեւս, չկար: Նիկոլ Փաշինյանն իր խոսքում նախ նշեց, որ, իհարկե, կան քննարկվելիք շատ հարցեր, ապա շտապեց հանգստացնել զրուցակցին՝ ասելով, որ Հայաստանի եւ Ռուսաստանի միջեւ առկա դաշնակցային եւ ռազմավարական հարաբերությունները քննարկման ենթակա չեն:

«Սկզբունքորեն կարող եմ վստահեցնել, որ այդ հարցում Հայաստանում կա կոնսեսնուս, եւ հայ-ռուսական հարաբերությունների ռազմավարական կարեւորությունը ոչ ոք երբեւէ չի դրել, եւ կարծում եմ, չի դնի կասկածի տակ»,- նշեց վարչապետը:

Փաշինյանը նաեւ բարձր գնահատականի արժանացրեց Ռուսաստանի հավասարակշռված դիրքորոշումը Հայաստանի ներքաղաքական ճգնաժամի ընթացքում՝ հավելելով, որ դա կառուցողական դիրքորոշում էր, «ինչը բարձր է գնահատվում ոչ միայն կառավարության, այլ նաեւ հայ հասարակության կողմից»:

Երկկողմ հանդիպումներից հետո կայացավ Եվրասիական տնտեսական բարձրագույն խորհրդի նեղ, ապա ընդլայնված կազմով նիստը: Օրակարգային հարցերը քննարկելուց եւ համաձայնեցնելուց առաջ երկրների ներկայացուցիչները հանդես են եկել ելույթներով: Ինչպես եւ սպասվում էր, Նիկոլ Փաշինյանը հանդես եկավ տարբերվող հայտարարությամբ: Վստահություն, գոհունակություն եւ, ինչ-որ առումով, հավատարմություն հայտնելով ԵԱՏՄ-ին, Փաշինյանը նշեց կազմակերպության հետ կապված հայ հասարակությունում առկա դիսկուրսի որոշակի առանձնահատկությունների մասին:

«ԵԱՏՄ-ի հետ կապված հայ հասարակությունում առկա դիսկուրսը պայմանավորված է նրանով, որ վարչական խնդիրների լուծումը, անցումը դեպի նոր ընդհանուր կարգավորիչ մեխանիզմների, ինչպես նաեւ տարբեր խոչընդոտների առկայությունը դեռեւս չեն արդարացնում բիզնեսի՝ անմիջապես կոնկրետ եւ շոշափելի արդյունքներ ստանալու ակնկալիքները, ինչն ընկած է եվրասիական ինտեգրացիայի գաղափարի հիմքում», - նշեց վարչապետը:

Նա կարծիք հայտնեց, որ «համատեղ ջանքերով եւ ամեն օր տեսանելի արդյունքների հասնելու հետեւողականությամբ» ԵԱՏՄ անդամ երկրներին կհաջողվի կրճատել նման քննարկումների ծավալը:

«Նախ եւ առաջ անհրաժեշտ է ապահովել առեւտրատնտեսական համագործակցության աճ, շեշտը դնել բարձր եւ նոր տեխնոլոգիաների վրա, գործնականում ապահովել հավասար պայմաններ տնտեսվարող սուբյեկտների համար, գտնել հանգույցներ այն հիմնահարցերի շուրջ, որոնք ուղիղ ազդում են կյանքի որակի վրա»,- ասաց Փաշինյանը:

Փաշինյանն, ըստ էության, նշեց այն խնդիրները, որոնց պատճառով Հայաստանում տեղի ունեցավ հեղափոխությունը: Որպես լուծում առաջարկելով տնտեսվարող սուբյեկտների համար հավասար պայմանների գործնական ապահովումը եւ կյանքի որակի վրա ուղղակիորեն ազդող հիմնահարցերի հանգույցները գտնելը՝ ՀՀ վարչապետը շատ լուրջ պատասխանատվություն վերցրեց իր վրա: Եթե Հայաստանի՝ ԵԱՏՄ գործունեության հավելյալ կատալիզատորի դերը հետագայում չշարունակվի, ապա ԵԱՏՄ անդամ երկրները, մասնավորապես, «մեծ եռյակը» ի դեմս՝ Ռուսաստանի, Բելառուսի եւ Ղազախստանի, հիմքեր կունենան այս հայտարարությունը դիտարկել որպես սպառնալիք:

Տպել
3811 դիտում

Քարաթափում Վարդենյաց լեռնանցքի՝ Սալլի բնակավայրի հատվածում. երթևեկությունը երկկողմանի փակ է

Նիկոլ Փաշինյանը կադրեր է հրապարակել Երևան-Կապան թռիչքից

Կապանում կայացել է ՔՊ նախաձեռնող խմբի նիստ․ վարչապետը հանդես է եկել ելույթով (տեսանյութ)

Արմեն Գրիգորյանը մասնակցում է «Ուկրաինայի խաղաղության բանաձև գագաթնաժողովին»

Կառավարությունն առաջարկում է Քրեական օրենսգրքում սահմանել կիբեռհանցագործությունների ցանկը

Հանկարծ չմտածեք, թե շատերը կան, որոնք մեր նման ուզում են այս պետությունը լինի․ Փաշինյանը Սյունիքում է (տեսանյութ)

Հուլիսի 12-ին կանանց մահակներով չծեծեցին, ոնց անում էր Գալստանյանի տերը մեզ հետ, օրինաչափ գործողություն էր. Խաչատրյան

Ադրբեջանին առաջարկում եմ ձևավորել հրադադարի ռեժիմի խախտման հետաքննության երկկողմ մեխանիզմ. Փաշինյան (տեսանյութ)

Մեկնարկել է ԼՂ-ից տեղահանվածների բնակարանային ապահովման աջակցության ծրագրի առցանց դիմումների ընդունման գործընթացը

Ռուսական Су-24 ինքնաթիռը խախտել է Շվեդիայի օդային տարածքը

Առաջիկա օրերին օդի ջերմաստիճանը կբարձրանա

Ուելսի արքայադուստր Քեյթ Միդլթոնն առաջին անգամ հայտնվել է հանրության առաջ քաղցկեղի դեմ բուժումից հետո (լուսանկարներ)

Մարդիկ կարող են գետն ընկնել, խառնվել կոյուղաջրերին, աղբին, առնետների բաժին դառնալ. ինչ իրավիճակ է Գյումրի գետակում

Արեն Մկրտչյանը տեսանյութ է հրապարակել, որտեղ Քարկոփի հետիոտնային նոր, ժամանակավոր կամուրջն է

Քամալա Հարիսը հայտարարել է Ուկրաինային 1,5 միլիարդ դոլար հատկացնելու մասին

Դաշնակցական Գերասիմ Վարդանյանը ձերբակալվեց

«gg»-ի գրասենյակից առգրավվել է 26 համակարգիչ․ մանրամասներ

Լոռու մարզպետը և Ալավերդու ղեկավարն այցելել են Սանահին կայարան թաղամաս և Թումանյան փողոց, հանդիպել բնակիչների հետ

«gg»-ում խուզարկություններն իրականացվում են դեռևս 2023 թվականից․ մանրամասներ

Գերասիմ Վարդանյանին և ևս մեկ անձի ձերբակալելու որոշում է կայացվել․ ՔԿ-ն ձայնագրություն է հրապարակել

Հայաստանը մեծապես կարևորում է Միացյալ Թագավորության հետ հարաբերությունների զարգացումն ու խորացումը. նախագահ

Վարչապետը մասնակցել է «Հայաստան» համահայկական հիմնադրամի հոգաբարձուների խորհրդի հերթական նիստին

Զինծառայող Արմեն Գասպարյանի մահվան դեպքի առթիվ նախաձեռնվել է քրեական վարույթ՝ սպանության հատկանիշներով․ ՔԿ

Սպանություն Երևանի կենտրոնում. 24-ամյա դանակահարողը կալանավորվել է (տեսանյութ)

Բողոքի ակցիաներին մասնակցելու նպատակով այլ անձանց նյութապես շահագրգռելու կասկածով 11 անձ է ձերբակալվել. ձայնագրություն

Կարևորում եմ Միացյալ Թագավորության աջակցությունը ՀՀ-ում ընթացող ժողովրդավարական բարեփոխումներին. Փաշինյանը՝ Սունակին

Էկոնոմիկայի նախարարն ընդունել է Համաշխարհային բանկի և Եվրամիության առաքելությանը

24 ժամ ջուր չի լինի

ԲՏԱ նախարարն այցելել է ԱՄՆ ստանդարտների և տեխնոլոգիաների ազգային ինստիտուտ

Հյուսիս-հարավ ճանապարհի՝ Ագարակի հնավայրը շրջանցող հատվածում շարունակվում են շինարարական աշխատանքները

ՀՀ տարածքում կան փակ ավտոճանապարհներ

Բաղրամյան պողոտայում կիրառվել են բացառապես լուսաձայնային, ոչ բեկորային նռնակներ, դրանք թուրքական չեն․ Ֆիդանյան

Մեկնարկել է Եվրո-2024-ը․ բացման հանդիսավոր արարողությունը կայացել է Մյունխենի մարզադաշտում (լուսանկարներ)

Բախման ընթացքում առաջին վնասվածքը ստացել են ոստիկանները, բացի ոստիկանական ուժերից որևէ այլ ուժ չի ներգրավվել․ Ֆիդանյան

EventHub․am-ը՝ աշխարհահռչակ Black Eyed Peas-ի Թբիլիսիի համերգի տոմսերի վաճառքի պաշտոնական ներկայացուցիչ

Կազան-2024. սամբիստ Արսեն Խանջյանը՝ բրոնզե մեդալակիր

Այսօրվա մայրամուտը Սևանում (լուսանկար)

Քաղաքական առաջնորդ Գարեգին Բ-ն պետք է հեռանա, նա նախկին քրեաօլիգարխիկ իշխանության շարունակությունն է. Էդգար Առաքելյան

ՊՆ-ն 18-27 տարեկան աղջիկներին և կանանց հրավիրում է պարտադիր 6-ամսյա ժամկետային ծառայության (տեսանյութ)

Ալավերդի-Այրում վնասված երկաթգիծը շահագործվել է․ բեռնատար գնացքն անցել է նորոգված հատվածով (տեսանյութ)