Չկա գեթ 1 ֆեդերացիայի նախագահ, որը կուզենա՝ իր երկրի ֆուտբոլում նման բան լինի. Հայրապետյան

Հայաստանի ֆուտբոլի ֆեդերացիայի նախագահ Ռուբեն Հայրապետյանը պարզաբանում է տվել «Շիրակ» ֆուտբոլային ակումբի շուրջ վերջին օրերին ստեղծված սկանդալի մասին: Մայիսի 5-ին ՀՖՖ-ն հայտարարել էր, որ «Շիրակի» մարզիչ, մարզական տնօրեն Արարատ Հարությունյանը փորձել է համոզել «Բանանցի» խաղացող Էդվարդ Կպոդոյին, որ ՀՀ Բարձրագույն խմբի առաջնության 27-րդ տուրում գումարի դիմաց այնպիսի սխալներ թույլ տա, որ իր թիմը պարտվի «Շիրակին»:

Բացի Հարությունյանին ցմահ ֆուտբոլային գործունեություն ծավալելու իրավունքից զրկելուց՝ ֆեդերացիան 12 միավոր հանել էր ՀՀ ընթացիկ առաջնությունում թիմի վաստակած միավորներից, իսկ ակումբին տուգանել էր նվազագույն աշխատավարձի յոթհազարապատիկի չափով: Այս առիթով «Շիրակն» իր դժգոհություններն է հայտնել, որոշումն ապօրինի է համարում: Թիմի երկրպագուներն էլ կարծում են, որ սա կարող է Հայրապետյանի հաշվեհարդարը լինել:

«Վերջին օրերի ընթացքում լրատվական միջոցներում, հատկապես սոցիալական ցանցերում լուրջ քննարկումների, տարակարծությունների, դժգոհությունների, քննադատությունների եւ աջակցությունների ալիք է բարձրացել ՀՖՖ կարգապահական կոմիտեի որոշման շուրջ: Արվում են տարաբնույթ անհավանական մեկնաբանություններ եւ հնչում տարբեր, երբեմն՝ ծայրահեղ կոչեր: Ինչն է ամենատարօրինակն ու ցավալին՝ շատ դեպքերում նախաձեռնողը, հրահրողն ու տարածողը «Շիրակ» ֆուտբոլային ակումբի տարբեր պաշտոնյաներ ու աշխատակիցներն են: Սա է պատճառը, որ ես անհրաժեշտ եմ համարում տալ լրացուցիչ պարզաբանումներ:

Իրականում՝ ուղղակի կան փաստեր եւ ապացույցներ, նման դեպքերի քննարկման համար  առկա միջազգային եւ ազգային համապատասխան իրավական դաշտ, քննող եւ որոշումներ կայացնող ազգային եւ միջազգային կարգապահական մարմիններ, վերջիններիս որոշումների բողոքարկման համար հստակ ընթացակարգ:
 

Որո՞նք են փաստերը.

- «Բանանց» ֆուտբոլային ակումբի կողմից ՀՖՖ-ին հասցեագրված նամակը եւ դրան կից  ներկայացված ֆուտբոլիստ Էդվարդ Կպոդոյի դիմումը, համաձայն որոնց «Շիրակ» ակումբի սպորտային տնօրեն Արարատ Հարությունյանը հանդիպել է ֆուտբոլիստին, տվել 1000 ԱՄՆ դոլար կանխավճար եւ խոստացել եւս 4000-ը՝ իրենց օգտին սխալվելու, այդպիսով օգնելու իրենց խաղը հաղթելու համար;

- «Շիրակ» ֆուտբոլային ակումբի նամակը ՀՖՖ-ին, որտեղ պարզաբանվում է, որ «...Արարատ Հարությունյանն առանց նախապես տեղյակ պահելու ակումբի ղեկավարությանը քննարկել է Կպոդոյի կողմից իր խաղով խաղի արդյունքի վրա ազդելու հարցը:»  եւ հավելվում է, որ  «....Արարատ Հարությունյանը նման կոպիտ խախտման համար որպես պատիժ արդեն հեռացվել է ակումբից:»

- Էդուարդ Կպոդոյի եւ Արարատ Հարությունյանի SMS հաղորդագրությունների եւ հեռախոսային խոսակցությունների վերծանումներն ու սղագրությունները, թե ինչպես են կողմերը քննարկում «գործարքը», «լուծում» անելիքների, վճարվածի եւ դեռեւս վճարվելիքի, ինչպես նաեւ այլ հարցեր, որն աներկբա փաստում է առաջարկի իմաստը՝ խաղի ընթացքում ֆուտբոլիստի միտումնավոր սխալն ի օգուտ «Շիրակի»;

- իմ եւ «Շիրակ» ակումբի նախագահ Արման Սահակյանի հանդիպման ժամանակ քննարկման արդյունքները:

Ինչպե՞ս պետք է նման դեպքերում վարվի ՀՖՖ-ն.

Հայաստանի Ֆուտբոլի Ֆեդերացիան նման դեպքերում համաձայն ՀՖՖ, ՈւԵՖԱ եւ ՖԻՖԱ կանոնակարգերի՝ ուղղակի պարտավոր է սկսել կարգապահական գործընթաց, ինչն էլ եւ արվել է:

ՀՖՖ կարգապահական կոմիտեն շատ մանրամասն եւ առարկայական քննարկել է բոլոր փաստերն ու ապացույցները, այդ թվում՝ «Շիրակ» ակումբի գրավոր եւ Արարատ Հարությունյանի հեռախոսային մեկնաբանությունները, ով սկզբից հրաժարվել էր մասնակցել նիստին, ապա՝ համաձայնվել հեռախոսակապի միջոցով տալ պարզաբանումներ եւ պատասխանել կոմիտեի անդամների հարցերին: Ակնհայտ է, որ թե «Շիրակ» ակումբը եւ թե նրա մարզիչը/մարզական տնօրենը հնարավորություն ունեցել են հայտնելու կարծիք եւ տալու մեկնաբանություններ: Ի դեպ, Արարատ Հարությունյանի գիտությամբ եւ համաձայնությամբ ամբողջ խոսակցությունը ձայնագրվել է եւ ինչպես այս, այնպես էլ գործին վերաբերվող բոլոր մյուս փաստերն ու ապացույցներն արդեն տրամադրվել են «Շիրակ» ակումբին:

Արդյունքում ՀՖՖ կարգապահական կոմիտեն կայացրել է որոշում, որը ՀՖՖ կարգապահական կանոնակարգով նախատեսված եւ միջազգային նախադեպի պատժամիջոցների  հետ համեմատած բավական մեղմ որոշում է:

Արդյո՞ք մեկ մասնավոր անձի արարքի համար պետք է պատժվի ակումբը: Այստեղ եւս Կարգապահական կոմիտեն ուրիշ ոչինչ անել չէր կարող, քան առաջնորդվել կանոնակարգով եւ կիրառել հոդվածը, համաձայն որի յուրաքանչյուր ակումբ պատասխանատու է իր անդամների, աշխատակիցների եւ պաշտոնատար անձանց վարքի համար:

Որո՞նք են հետագա քայլերը. հարցն ունի միայն մեկ օրինական լուծում՝ որոշումը կարող է բողոքարկվել ՀՖՖ բողոքարկման կոմիտեում, ապա սպորտային հարցերով Լոզանի միջազգային  արբիտրաժային դատարանում: Կարծում եմ` այդ դեպքում դժվար կլինի կասկածի տակ դնել որոշում կայացնող մարմնի անկողմնակալությունը, ինչը հիմա «Շիրակ» ակումբի պաշտոնյաների կողմից ակտիվորեն փորձ է արվում ներկայացնել ՀՖՖ կարգապահական մարմինների վերաբերյալ: Ճիշտ այնպես, ինչպես ակտիվորեն փորձ է արվում իմ ցանկությամբ եւ նախաձեռնությամբ «Շիրակ» ակումբին, Շիրակի մարզի ֆուտբոլային ընտանիքին ծառայեցնելու նպատակով օգտագործման իրավունքով հանձնված գույքի նկատմամբ հոգատար վերաբերմունքի իմ՝ օրինաչափ, բնական եւ նորմալ պահանջը  ներկայացնել իբրեւ հաշվեհարդարի կամ գույք խլելու փորձ:

Շատ լավ հասկանում եւ կիսում եմ «Շիրակ» ֆուտբոլային ակումբի երկրպագուների եւ հայկական ֆուտբոլային ընտանիքի բոլոր մյուս անդամների զայրույթն ու ցասումը տեղի ունեցածի կապակցությամբ: Հավատացնում եմ ձեզ, որ չկա եւ չի կարող լինել աշխարհում գեթ մեկ ֆեդերացիայի նախագահ, ով կցանկանա իր երկրի ֆուտբոլում ունենալ այս կարգի երեւույթներ: Կատարվածն անդառնալի հարված է ոչ միայն «Շիրակ» ակումբին, այլ վարկաբեկում է ողջ հայկական ֆուտբոլը: Կատարվածի արդյունքում տուժում են «Շիրակի» եւ ոչ միայն, բազմաթիվ ազնիվ ու անմեղ ֆուտբոլիստներ, պաշտոնյաներ, հովանավորներ եւ ուղղակի՝ երկրպագուներ:

Հետեւաբար, կասկած անգամ չի կարող լինել, որ մեղավորներն անպայման պետք է պատժվեն՝ անկախ նրանց հասարակությանը մոլորեցնելու ունակությունից, անկախ նրանց բղավելու ձայնի բարձրությունից, միմիայն փաստերի եւ ապացույցների հիման վրա եւ հանուն հայկական ֆուտբոլի ապագայի, որտեղ նման երեւույթներն ուղղակի տեղի ունենալ չեն կարող»,- ասված է ՀՖՖ պաշտոնական կայքում հրապարակված Ռուբեն Հայրապետյանի հայտարարությունում:

Խաղը, որի վերաբերյալ, ըստ ՀՖՖ-ի, Հարությունյանը փորձել է պայմանավորվածություն ձեռք բերել, Երեւանում «Բանանցի»  հարկի տակ ավարտվել է «Շիրակի» 2:0 հաշվով հաղթանակով: Այժմ «Շիրակը» ունի 49 միավոր եւ առաջնության ավարտից 2 տուր առաջ միանձնյա գլխավորում է մրցաշարային աղյուսակը: 2-րդ տեղում գործող չեմպիոն «Ալաշկերտը» է 46 միավորով: Լավագույն եռյակը եզրափակում է «Գանձասար-Կապանը» (42):

Պատժի վերաբերյալ որոշումը ՀՖՖ-ն հրապարակել է մայիսի 5-ին: Այս պահին ներկայացված մրցաշարային աղյուսակում «Շիրակից» դեռեւս միավորներ հանված չեն:

Տպել
4233 դիտում

ՄԻՊ-ն անդրադարձել է Երևանի Պարույր Սևակի 5/1 հասցեում գտնվող բազմահարկ շենքի՝ պայթեցման եղանակով քանդման ահազանգերին

Գյումրու ավագանին արտահերթ նիստ կանցկացնի. ինչ առաջարկություններ է ներկայացրել ՀՀ գլխավոր դատախազությունը

Ադրբեջանը արհեստական խնդիրներ է ստեղծում և իրավիճակային դիվանագիտություն վարում, որի հիմքում ուժի կիրառումն է. դեսպան

Կասկածելի վարքագիծ ցուցաբերած վարորդի մոտ առանձնապես խոշոր չափերով թմրամիջոցներ են հայտնաբերվել. տղամարդը կալանավորվել է

Մերձավանում «Մեգաշին» ՍՊԸ-ն աշխատել է խախտումներով, գործունեությունը կասեցվել է. ում անունն է կապվում դրա հետ

Ամբողջությամբ դադարացվել է «Մեգա թրեյդ»-ի գազաբենզալցակայանի և նավթամթերքի պահեստարանի գործունեությունը

Կարևորվել է ֆրանսիական կողմի հետաքրքրությունը. ԱԽ քարտուղարն ընդունել է «Ֆրամատոմ» ընկերության պատվիրակությանը

Հրդեհ է բռնկվել գյուղի եկեղեցու մոտակայքում

Պապոյանը ՀՀ-ում ՄԱԶԾ մշտական ներկայացուցչի հետ զրույցում անդրադարձել է Հայաստանի տնտեսական աճի ռազմավարություններին

ԱԳ փոխնախարարները ամերիկյան պատվիրակությանն են ներկայացրել հայ-ադրբեջանական հարաբերությունների կարգավորման գործընթացը

Խաղաղության եվրոպական հիմնադրամն աջակցություն է ցուցաբերելու ՀՀ-ին, որոշման համար ամիսներ շարունակ պայքարել եմ. Լուազո

Երևան-Մեղրի ճանապարհին բեռնատարներ են բախվել. տուժածը հոսպիտալացվել է

Ինչ է հայտնի Գյումրիում 1 տարի առաջ կատարված և նոր բացահայտված սպանության դեպքից. ոստիկանությունը տեսանյութ է հրապարակել

25-ամյա վարորդը ոչ սթափ վիճակում «Տոյոտա»-ով կողաշրջվել է. կա վիրավոր

Ընտանեկան բռնության դեմ պայքարի շրջանակում 1800 ոստիկան վերապատրաստվել, բարելավել է մասնագիտական կարողությունները

Հայաստանը մուտք կգործի «Եվրոպական խաղաղության հաստատություն», սա ֆրանսիական նախաձեռնության գագաթնակետն է. Կոլոնա

Ազատումներ և նոր նշանակումներ. դատախազությունում տեղի են ունեցել կադրային փոփոխություններ

ՀՀ-ում ԱՄՆ դեսպան Քրիստինա Քվինը դիտարկել է «Արծիվ գործընկեր 24» զորավարժության ընթացքը (լուսանկարներ)

Դոլարն ու եվրոն էժանացել են. ինչ փոփոխություններ է արձանագրել տարադրամի շուկան հուլիսի 23-ին

Աննա Հակոբյանը իր և վարչապետի համար սուրճ է գնել (տեսանյութ)

Հայաստանի քաղաքականությունը համահունչ է ՁԻԱՀ-ի և վիրուսային հեպատիտի համաճարակներին վերջ դնելու նպատակին. նախարար

ՀՀ ճանապարհներին տեղի ունեցած պատահարների հետևանքով 1 օրում տուժել է 15, զոհվել՝ 1 մարդ

Վաշինգտոնը մտադիր է աջակցել Երևանին անվտանգության ոլորտի կառավարման բարելավման հարցում. դեսպանություն

Ucom-ը և Իմփաքթ Հաբ Երևանը հայտարարում են «Ucom Ֆելլոուշիփ» ինկուբացիոն ծրագրի մեկնարկի մասին

Գեղարքունիքում մարդատարը բախվել է «ԶԻԼ»-ին, ապա՝ վրաերթի ենթարկել հետիոտնին և հարվածել 2 «Օպել»-ի․ հետիոտնը մահացել է

Կարճատև և հորդառատ անձրևներ, երեկոյան ժամերին՝ քամի. առաջիկա օրերի եղանակային կանխատեսումը

ՄԻՊ-ը կարևորել է Հայաստանում ԿԽՄԿ պատվիրակության հետ գործակցությամբ իրականացվող ծրագրերի շարունակականությունը

ՖԻԴԵ-ի վարպետ Վահե Սուքիասյանը դարձել է միջազգային կայծակնային շախմատի մրցաշարի հաղթող

Ռուսաստանն ու Իրանը հայտնել են պատմական փաստաթղթի ստորագրման նախապատրաստության մասին

ԱԽ քարտուղարը Save Armenia-ի պատվիրակության հետ քննարկել է ՀՀ-ԱՄՆ հարաբերությունների օրակարգի հարցեր

Վրաստանի տարածքում կրկին երկրաշարժ է գրանցվել

7 անձի մեղադրանք է ներկայացվել, 2-ը՝ կալանավորվել․ մանրամասներ Գառնիի և Աբովյանի ոստիկանապետերի մասնակցությամբ միջադեպից

Մենք կանաչ լույս վառեցինք, ԵՄ խորհրդի որոշումները կամրապնդեն գործընկերությունը Հայաստանի հետ. Բորել

Կոլոմինան նշանակվել է Հարավային հարևանության հարցերով ՆԱՏՕ-ի հատուկ ներկայացուցիչ

Երևանում «Մերսեդես»-ի վարորդը կրակել է ինքնագլոր վարող երիտասարդի ուղղությամբ

Հայաստանը մեծապես կարևորում է Եգիպտոսի հետ հարաբերությունների հետևողական զարգացումը․ Վահագն Խաչատուրյան

«Խոսրովի անտառ»-ում տեսախցիկները կրկին Կովկասյան ընձառյուծ են նկարահանել (տեսանյութ)

Ողջունում եմ Հայաստանի հետ հարաբերությունների ամրապնդումը և աջակցում եմ բարեփոխումներին․ ԵԽ պատգամավոր

ԱՀԿ-ն հայտարարել է Իրանում դենգե տենդի տարածման բարձր ռիսկի մասին

Լատվիան կարևոր քայլ է համարում Հայաստանի և ԵՄ-ի միջև վիզաների ազատականացման երկխոսության մեկնարկը