«Արսենալը» չկարողացավ խուսափել հիասթափությունից. «Ատլետիկոն» Եվրոպա լիգայի եզրափակչում է

Լոնդոնի «Արսենալը» չկարողացավ «Ատլետիկոյից» խլել Եվրոպա լիգայի եզրափակչի ուղեգիրը: Երեկ՝ մայիսի 3-ին, մրցակցի հարկի տակ «զինագործները» 0:1 հաշվով զիջեցին մադրիդյան թիմին: Առաջին խաղում տանը ոչ-ոքի՝ 1:1 էին խաղացել, եւ ընդամենը 1 գոլ էր պակասում գոնե հանդիպումը լրացուցիչ ժամանակ տեղափոխելու համար, սակայն չկարողացան խփել այդ գոլը:

Լոնդոնցիները պարտվողի դերում հայտնվեցին առաջին խաղակեսի վերջում՝ ավելացված ժամանակում: Աչքի ընկավ Դիեգո Կոստան: Հանդիպման մնացած հատվածում նոր գոլեր չարձանագրվեցին: Մադրիդցիները եզրափակիչ դուրս եկան՝ 2 խաղերի արդյունքում հաղթելով 2:1:

Հանդիպմանը մասնակցեց նաեւ վնասվածքից ապաքինված Հենրիխ Մխիթարյանը: Կիսապաշտպանի ծնկի վնասվածքը կրկնվել էր անցած հանգստյան օրերին կայացած «Մանչեստեր Յունայթեդի» դեմ խաղի ընթացքում, որում լոնդոնցիները զիջեցին 1:2: Երեկ նա փոխարինման մտավ 68-րդ րոպեին: Խաղադաշտ մտնելուց մի քանի րոպե հետո էլ վտանգավոր հարված կատարեց, սակայն այն շեղ ընթացավ:

«Արսենալը» հիասթափեցրեց երկրպագուներին ոչ մի տիտղոս չնվաճելով ու կորցնելով հաջորդ մրցաշրջանում Չեմպիոնների լիգայում հանդես գալու իրավունքի համար պայքարելու վերջին հնարավորությունը: Անգլիայի Պրեմիեր լիգայի առաջնությունում թիմն այս պահին 6-րդ է եւ միայն Եվրոպա լիգայում հաղթելով կարող էր մյուս մրցաշրջանում խաղալ Չեմպիոնների լիգայում:

Թիմի գլխավոր մարզիչ Արսեն Վենգերն էլ չի կարողանա բարձր նոտայով ավարտել կարիերան «Արսենալում»: Առանց այն էլ տեւական ժամանակ է՝ խիստ քննադատության տակ է, երկրպագուներն էլ դժգոհ են նրանից, վերջում էլ այսպես: Երեկվա հանդիպումից հետո մասնգետը նշել է, որ շատ տխուր է խաղի ելքի պատճառով:   

«Շատ տխուր է, բայց, ցավոք, ֆուտբոլում դու երբեմն ստիպված ես լինում անցնել նման բանի միջով: Ֆուտբոլը կարող է շատ դաժան լինել, բայց երբեմն ամեն ինչ շատ գեղեցիկ է: Այս հանդիպումն այնպիսին էր, ինչպիսին առաջինն էր: Մենք վտանգավոր պահեր ստեղծեցինք, բայց թե մեր, եւ թե մրցակցի դարպասի մոտ ինչ-որ բան չբավականացրեց: Լավ թիմի դեմ էինք խաղում եւ հաջողություն նրանց եզրափակրում, սակայն զգում ենք, որ բավարար աշխատանք էինք կատարել եզրափակիչ դուրս գալու համար»,- նրա խոսքեր են մեջբերում բրիտանական լրատվամիւոցները:

«Ատլետիկո Մադրիդը» եզրափակչում մրցելու է «Մարսելի» դեմ: Ֆրանսիական թիմը երեկ հյուրընկալվելիս 1:2 պարտվեց «Զալզբուրգին»: Առաջին խաղում հաղթել էր 2:0, եւ եզրափակիչ դուրս եկավ 2 խաղերի արդյունքում հաղթելով 3:2: Եզրափակիչը կայանալու է Լիոնում մայիսի 16-ին:

Տպել
1747 դիտում

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը

Բարեկարգվել է Բաղրամյան համայնքի մանկապարտեզի բակը

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում

Հունան Պողոսյանը վաղը կազատվի պաշտոնից․ հարցը ներառված է Կառավարության նիստի օրակարգում

Գուգարքի ոստիկանները ապօրինի ծառահատման դեպք են բացահայտել

Բելգիայի խորհրդարանի արտաքին հարաբերությունների հանձնաժողովն ընդունել է ԼՂ հակամարտության կարգավորման վերաբերյալ բանաձև

Արցախում ռուսերենը երկրորդ պետական լեզու հռչակելու նախագիծ չկա․ առայժմ չկա․ ԱԺ մամուլի պատասխանատու Ռուդոլֆ Մարտիրոսյան

Թմրամիջոցի իրացման դեպք է բացահայտվել․ երկու անձ ձերբակալվել է

Հայաստանի հավաքականի դարպասապահը կարող է կարիերան շարունակել Ռուսաստանում

Հաղթանակը նվիրեցինք ամբողջ հայ ժողովրդին և նրանց ովքեր առաջնագծում էին. Կապառոս

Ամբերդ ամրոց և Քարի լիճ տանող ավտոճանապարհները դժվարանցանելի են

Հայաստանի Պրեմիեր լիգայի 14-րդ տուրն ավարտվեց երկու ոչ-ոքիներով

Արա Այվազյանը և ԿԽՄԿ ներկայացուցիչները քննարկել են գերիների և անհայտ կորածների որոնողական աշխատանքների հարցը

Երևան-Մեղրի ճանապարհին ավտովթար է տեղի ունեցել․ վարորդը տեղում մահացել է

Ադրբեջանը ՄԻԵԴ-ին խնդրել է երկարաձգել 9 հայ ռազմագերու և նրանց փոխանակման մասին տեղեկության տրամադրման ժամկետը

Մեր դպրոցը չկա, ցրիվ են տվել թուրքերը. արցախցի շատ աշակերտներ դեռ հաճախում են հայաստանյան դպրոցներ

ԱՀ նախագահը հանդիպել է անհետ կորած և գերության մեջ հայտնված զինծառայողների հարազատների հետ