Ուսանողական խորհուրդը չպետք է կուսակցականացված լինի. ՈՒԽ նախագահների կարծիքները

Երեւանի թատրոնի եւ կինոյի պետական ինստիտուտի ուսանողական խորհրդի նախագահի պաշտոնակատար Միլենա Բալդրյանը թավշյա հեղափոխության ընթացքում հայտարարել էր Հայաստանի հանրապետական կուսակցությանն իր անդամակցությունը դադարեցնելու մասին:

«Օրեր առաջ ես դադարեցրի անդամակցությունս ՀՀԿ-ին՝ Իմ քայլով անկուսակցականացնելով նաեւ Երեւանի թատրոնի եւ կինոյի պետական ինստիտուտի ուսանողական խորհուրդը։ Ես վերջնականապես համոզվեցի, որ արվեստի բուհի ՈՒԽ նախագահը չպետք է լինի կաշկադված իր կուսակցական պատկանելիությամբ: Առաջնահերթ եմ համարում նախ լինել ուսանողի կողքին»,- հայտարարել էր նա: Նշել էր նաեւ, որ ԵԹԿՊԻ ուսանողական խորհրդի նախագահի ժամանակավոր պաշտոնակատար է դարձել տարեսկզբին եւ անդամակցել նաեւ Հանրապետական կուսակցությանը։ «Ձեռք բերեցի հրաշալի ընկերներ, յուրաքանչյուր անհատի շատ սիրում եւ հարգում եմ: Լավ հասկանալով քայլիս կարեւորությունը՝ խորհուրդ եմ տալիս ուսանողական խորհուրդը ղեկավարող հաջորդ նախագահներին զերծ պահել այս կառույցը կուսակցականացվելուց։ Իսկ ուսանողներին, որոնք պայքարում են իրենց հպարտ ապագայի համար, մաղթում եմ ուժ, կամք եւ սեր»,- արձանագրել էր Միլենա Բալդրյանը։

Թեմային առնչվող մանրամասների շուրջ զրուցել նա առայժմ չցանկացավ, ուստի բաց են մնում վերոնշյալ հայտարարությունից բխող այնպիսի հարցեր, ինչպիսիք են օրինակ՝ արդյո՞ք փոխկապակցված են ուսխորհրդի նախագահի կարգավիճակն ու ՀՀԿ անդամ լինելը եւ արդյո՞ք առաջինը չի կարող լինել առանց երկրորդի: Կամ հատկապես ինչ վտանգներ է իր մեջ պարունակում ուսանողական խորհրդի ու բուհի կուսակցականացվածությունն ու քաղաքականացվածությունը:

Երեւանի պետական համալսարանի ուսանողական խորհրդի նախագահ Դավիթ Ափոյանից նույնպես փորձեցինք պարզել, թե ինչպիսին է կուսակցականացվածության պատկերը Մայր բուհի ուսանողական խորհրդում եւ հնարավո՞ր է ինքը նույնպես հետեւի Թատերական ինստիտուտի ուսխորհրդի նախագահի օրինակին, եթե կուսակցական է:

«Երեւանի պետական համալսարանի ուսանողական խորհուրդը քաղաքականացված չէ եւ ոչ մի քաղաքական գործունեությամբ չի զբաղվում: Դա փաստ է ու դա մեկ անգամ չէ, որ ապացուցել է մեր ուսխորհուրդը: Ես կուսակցական չեմ եւ կարող եմ ասել ավելին՝ մեր ուսանողական խորհրդի ղեկավար կազմից առհասարակ ոչ մեկը որեւէ կուսակցական պատկանելություն չունի»,- նշեց Դավիթ Ափոյանը: Հավելեց, որ արդեն բավական ժամանակ է, որ ԵՊՀ ուսանողական խորհրդի կանոնադրությամբ ամրագրված է, որ ուսանողական խորհուրդն իրավունք չունի քաղաքական որեւէ գործունեությամբ զբաղվելու:

ԵՊՀ ուսխորհրդի նախագահը համամիտ է այն մարդկանց հետ, որոնք կարծում են, թե կրթական կառույցի քաղաքականացվածությունը վնասաբեր է. «Բնականաբար ես կիսում եմ այդ կարծիքը, քանի որ քաղաքականցումը կարող է բացասական անդրադարձ ունենալ ուսանողի ուսումնական պրոցեսի վրա, մենք մի քանի անգամ քննարկել ենք այդ հարցը եւ մեր բոլոր քայլերն ուղղված են եղել բուհի ապաքաղաքականացմանը: Եթե անկեղծ ասեմ, շատ քիչ եմ տեսել որեւէ քայլ, որը ուղղված է ուսանողին եւ դա պարունակում է  քաղաքական որեւէ շահ: Ես կարող եմ ասել, որ նման քայլեր չեմ տեսել գրեթե»:

Սերժ Սարգսյանն արդեն տարիներ շարունակ ԵՊՀ կառավարման բարձրագույն մարմնի՝ խորհրդի նախագահն է: Դավիթ Ափոյանը կարծում է, որ բուհում նրա այդ ներկայացվածությունը բացասական ազդեցություն չի ունեցել: «Ես կարող եմ նշել, որ իմ ուսանողության տարիներին դա չի հանգեցրել բուհի քաղաքականացվածության: Ես հանդիսանում եմ հոգաբարձուների խորհրդի անդամ, եւ մասնակցել եմ երկու նիստերի, որոնք ղեկավարել է հենց Սերժ Սարգսյանը եւ կարող եմ ասել, որ որեւէ քայլ չեմ նկատել, որ նա կամ կուսակցությունը քաղաքական ազդեցություն ունենան բուհի կրթական պրոցեսի վրա»,- շեշտեց մեր զրուցակիցը:

Իսկ այն, որ ռեկտորներին ու մասնավորապես ԵՊՀ ռեկտորին, ըստ էության նշանակում էին իշխանությունները, չնայած պաշտոնն ընտրովի է, ու ոչ ոք չէր էլ փորձում մրցակցել կանխորոշված թեկնածուի հետ, ու այդ երեւույթը տարածվել էր նաեւ բուհի ստորաբաժանումներում, ուսխորհրդի նախագահը չմեկնաբանեց. «Ենթադրությունների վրա հիմնվելով չեմ ուզենա ինչ-որ տեսակետ հայտնել, առավել եւս որ վեց ամիս է, ինչ ուսանողական խորհրդի նախագահ եմ եւ այդքան մանրամասն տեղեկացված չեմ նախորդ ժամանակաշրջանի իրադարձությունների մանրամասներին: Դրա համար այդ հարցին իմ պատասխանը ոչ այնքան հիմնավորված կլինի»:

#Իմքայլը շարժմանը Դավիթ Ափոյանը չի մասնակցել: «Բնականաբար, մեր ուսանողներից մասնակիցներ եղել են, եւ ինչու չէ ուսանողական խորհրդից էլ են անդամներ եղել, որոնք մասնակցել են: Նման սահմանափակումներ առհասարակ չենք դնում ուսանողների առաջ: Ուսանողներն ազատ են իրենց կամարտահայտման հարցում եւ ես կարծում եմ, որ սխալ է որեւէ սահմանափակումը՝ անկախ նրանից, թե ուսանողը որ կառույցի մաս է կազմում, կամ ինչ պատասխանատվություն է իր վրա կրում որպես ուսանող: Իսկ շարժմանը իմ չմասնակցելը մի քիչ այլ բնույթի է. ուսանողական խորհրդում կա տարակարծություն, այդ պատճառով ես հնարավորինս փորձել եմ զերծ մնալ իմ քաղաքական տեսակետները հայտնելուց, որպեսզի բախումներ կամ որեւէ ուղղորդող քայլեր չլինեն»,- ասաց ԵՊՀ ուսանողական խորհրդի նախագահը:

#Իմքայլը շարժմանն ու այդ ընթացքում կազմակերպված դասադուլներին մասնակցել են ԵՊՀ բազմաթիվ ուսանողներ: Արդեն տեղեկացրել ենք, որ չի բացառվում բուհում քննաշրջանը հետաձգվի: Անդրադառնալով այդ հավանականությանը, մեր զրուցակիցը նշեց, որ ֆեյսբուքում անցկացվող համապատասխան հարցումը կավարտվի առաջիկա օրերին: «Մենք պետք է նախ սպասենք այդ հարցումը վերջանա, այնուհետեւ պետք է ընդհանուր ուսանողության մեջ տեսակետներ լսենք, որովհետեւ մի բան է, երբ դու սոցկայքերով ես հարցում անցկացնում, մեկ այլ բան է, երբ արդեն իսկ կուրսերում անմիջական ուսանողի հետ ես հարցում անցկացնում ուղղակի կերպով: Ֆեյսբուքյան հարցումը (որի ընթացքում, ի դեպ, ուսանողների մեծ մասը արտահայտվում են քննաշրջանը հետաձգելու օգտին-խմբ.) փոքր հիմք կարող է հանդիսանալ, որովհետեւ սոցհարցումներ անցկացվելու համար ավելի մանրամասն պրոֆեսիոնալ կետեր կան: Ադ պատճառով մենք փորձել ենք երկու միջոցներն էլ կիրառել, այնուհետեւ կկատարենք մեր եզրակացությունը եւ ըստ եզրակացության էլ կնեկայացնենք առաջարկ-պահանջ համալսարանի ղեկավարությանը»,- ասաց Դավիթ Ափոյանը:  

Թե երբ կարող է լինել այդ եզրակացությունը, նա դժվարացավ նշել՝ նկատելով, որ դրան խանգարարում են նաեւ ուսանողների բացակայությունները: Ամեն դեպքում, հերթական քննաշրջանը մայիսի վերջին է: Դա հետաձգվելու դեպքում կտեղափոխվի նաեւ ավարտական քննությունների ժամանակահատվածը:

Տպել
4688 դիտում

Կորոնավիրուսի դեմ գործող պատվաստանյութերով ում է թույլատրվում պատվաստվել ու որն է աշխարհում ամենաէֆեկտիվը

Իրականացվել են մարտական հերթապահության հերթափոխի նախապատրաստական աշխատանքներ

ԵՄ Գրական մրցանակին ներկայացված Արամ Ավետիսն անլուրջ է վերաբերվում այդ մրցույթին. գրողն անգամ վաղվա հանդիպմանը չի գնալու

Խաղաղապահ ուժերի բրիգադի անձնակազմի հետ թրաֆիքինգի թեմայով սեմինար-քննարկմում է անցկացվել

Բեզոարյան այծի որսի հանգամանքները պարզվել են

Հայոց ցեղասպանության վերաբերյալ ավելի շատ փաստաթղթային ապացույցներ կան, քան Հոլոքոստի. հոդված իսպանական El Pais-ում

Ասֆալտապատվում են Արալեզ համայնքի մի շարք փողոցներ

Արթիկի բաժին բերման ենթարկվածի մեքենայում թմրամիջոցի նմանվող զանգվածներ են հայտնաբերվել (տեսանյութ)

Չեմ կարող «մեռնեմ օրենքին» ասել, դուռը խփել ու գնալ. Գեղամ Գեւորգյանը հրաժարականի դիմումը հետ վերցնելու և իր հայցի մասին

ԸՕ փոփոխությունների փաթեթն 1-ին ընթերցմամբ ընդունվեց. հնչեց առաջարկ՝ վատ պատգամավորներին հետ կանչելու կարգ ներդնել

«Ալաշկերտը» հաղթեց և դարձավ առաջատար, «Նոան» և «Արարատ-Արմենիան» չպարզեցին հաղթողին

ԱԳՆ հայտարարությունը Լատվիայի խորհրդարանի կողմից Հայոց ցեղասպանությունը ճանաչող հռչակագրի ընդունման առնչությամբ

Ավտոմեքենան դուրս է եկել ճանապարհի երթևեկելի հատվածից, ընկել Տերյան փողոցին հարակից շինհրապարակ

Նիկոլ Փաշինյանի նախկին փաստաբանը դատի է տվել Նիկոլ Փաշինյանին

ՎՏԲ-Հայաստան բանկն առաջարկում է վճարային քարտեր ուսանողներին

ԵԱՀԿ նախագահը քննարկել է հակամարտությունների, այդ թվում՝ ԼՂ խնդրի կարգավորման հեռանկարները. «Արմենպրես»

Անահիտ Ավանեսյանն աշխատանքային այցով այսօր եղել է Կոտայքի մարզում

Չկա որեւէ ՀԿ, որի գերին է «Իմ քայլը» դաշինքը. գործընկերության ոգին դուք ինքներդ խախտեցիք. Դանիելյանը՝ Գորգիսյանին

Էդմոն Մարուքյանն իրեն թույլ է տվել մերկապարանոց մեղադրանքներ հնչեցնել ԳՇ պետ Արտակ Դավթյանի հասցեին. Սամվել Ասատրյան

ԶՈՒ ԳՇ հետախուզության գլխավոր վարչության պետը հանդիպել է Վազգեն Սարգսյանի անվան ռազմական համալսարանի կուրսանտների հետ

ԵՊՀ-ն կդիմի Վարչական դատարան՝ վիճարկելու բուհերի վերաբերյալ Կառավարության որոշումը

Երևանն ու Նուրսուլթանը մեծ դերակատարություն ունեն հայ-ղազախական հարաբերությունների խորացման գործում

Թեհրանը համաձայն չէ Արևմուտքի պահանջներին

Սահմանում օպերատիվ մարտավարական կայուն իրավիճակը պահպանվել է

Արթիկում մսուր-մանկապարտեզ կկառուցվի. Կառավարությունը 100 մլն դրամ է հատկացրել

ԱՄՆ Պետդեպարտամենտը Կիևին խորհուրդ է տվել չշտապել ՆԱՏՕ-ին անդամակցելու հարցում

Իսրայելում առկա է հինգերորդ ընտրություններն անցկացնելու հավանականությունը

Բելգիայից՝ Սանդրոն, Թեհրանից՝ Թարան. շրջիկ բուժկենտրոնում COVID19-ի դեմ պատվաստվել ցանկացողների հոսքն այսօր մեծ էր

Հրատապ է ռազմագերիների, պատանդի կարգավիճակում գտնվող քաղաքացիական անձանց վերադարձը. Այվազյանը՝ Լավրովին (տեսանյութ)

Միացյալ Թագավորությունը հետաքրքրված է տարածաշրջանում կայուն խաղաղության պահպանմամբ․ ԱԺ նախագահն ընդունել է դեսպանին

«ՍԴ-ն Հռոմի պապից կաթոլիկ գտնվեց». ՀՀ գլխավոր դատախազը՝ 300․1 հոդվածի հակասահմանադրական ճանաչելու մասին

Մոտ ժամանակներս կկարողանանք լուծել պահվող անձանց վերադարձի խնդիրը. Սերգեյ Լավրով

Տեր-Պետրոսյանի երեկ հրապարակած չստորագրված հայտարարության մասով կարող եմ միայն երեք բան ասել․ Վահագն Ալեքսանյան

Կան ապացույցներ՝ Թուրքիայի միջամտությամբ ահաբեկչական խմբավորումներ ու վարձկաններ են տեղափոխվել Ադրբեջան. Արթուր Դավթյան

ԱԺ խորհուրդը քննարկում է այսօր երեկոյան արտահերթ նիստ հրավիրելու հարցը. օրակարգում մեկ հարց է

Սերգեյ Լավրովն այցելել է Հաղթանակ զբոսայգի

Անհրաժեշտ է վերականգնել խաղաղ գործընթացը՝ ԼՂ հակամարտության վերջնական կարգավորման հասնելու նպատակով. Փաշինյանը՝ Լավրովին

Աշխատանքի և սոցիալական հարցերի նախարարությունը հայտարարում է դրամաշնորհային մրցույթներ

Ադրբեջանի կողմից արգելված զինատեսակների օգտագործման փաստերով հարուցված են քրգործեր. Արթուր Դավթյան

Նիկոլ Փաշինյանը հանդիպել է Սերգեյ Լավրովի հետ