Ինչու առանց համարի մեքենաները չեն տարվում տուգանային տարածք. ՃՈ պետի տեղակալի պարզաբանումը

Արդեն մի քանի օր է՝ մայրաքաղաքում առանց պետհամարանիշի կամ համարները փակած մեքենաներ են շրջում, բարձր արագությամբ՝ խախտելով երթեւեկության կանոնները: Առանց պետհամարանիշերի երթեւեկելու, այսպես ասած «ֆլեշմոբը», ըստ էության, սկիզբ է առել ոստիկանությունից: Համաժողովրդական շարժման ժամանակ ոստիկանության ծառայողները ցուցարարներին բերման էին ենթարկում առանց պետհամարանիշի մեքենաներով:

Սերժ Սարգսյանի հրաժարականից հետո, սակայն Ճանապարհային ոստիկանությունը հանկարծ որոշեց հանդուրժող դառնալ եւ չտեսնելու տալ այն վարորդներին, ովքեր կոպտորեն խախտում են Ճանապարհային երթեւեկության կանոնները՝ մեքենաները վարում են առանց պետհամարանիշերի, բարձր արագությամբ, երբեմն էլ երթեւեկելու ընթացքում մեքենայի ուղեւորները բարձրանում են մեքենայի վրա, կամ կախվում պատուհանից:

Այս դեպքերից մեկը, սակայն ողբերգական ավարտ է ունեցել. մեքենան բարձր արագությամբ վարելու հետեւանքով վթար է տեղի ունեցել, որի հետեւանքով մահացել է 1-ամյա երեխա: Դեպքը տեղի է ունեցել ապրիլի լույս 24-ի գիշերը Երեւանի Սարալանջի փողոցում: Աշտարակում ապրող 27-ամյա Դավիթ Արզումանյանի վարած «Մերսեդեսը» դուրս է եկել ճանապարհի երթեւեկելի գոտուց եւ, աջ ընթանալով, բախվել բետոնե արգելապատնեշին։ Վարորդը, նրա ուղեւորները, որոնք ամուսիններ են, եւ նրանց 1-ամյա որդին տարբեր աստիճանի մարմնական վնասվածքներով տեղափոխվել են համալսարանական թիվ 1 հիվանդանոց, որտեղից էլ փոքրիկը տեղափոխվել է «Սուրբ Աստվածամայր» բժշկական կենտրոն։ 

Այսօր՝ ապրիլի 26-ին, 1-ամյա Յուրին հիվանդանոցում մահացել է։ ՀՀ ոստիկանության տարածած հաղորդագրությունում նշվում է, որ պատահարի հանգամանքները նախապես պարզվել են ճանապարհային ոստիկանությունում։ Պարզվել է, որ «Մերսեդեսին» հետեւից հարվածել է «Օպել» մակնիշի ավտոմեքենա, ինչի հետեւանքով էլ Դավիթ Արզումանյանը կորցրել է մեքենայի կառավարումը եւ դուրս եկել երթեւեկելի գոտուց։ «Օպելի» վարորդը, թողնելով ճանապարհատրանսպորտային պատահարի վայրը, հեռացել է։ Դեպքից ժամեր անց «Օպելի» վարորդը՝ մայրաքաղաքում ապրող 29-ամյա Սարգիս Գյուլումյանը, մեքենայով հանդերձ ներկայացել է ճանապարհային ոստիկանություն։ Նախապատրաստված նյութերը ճանապարհային ոստիկանությունից փոխանցվել են Երեւան քաղաքի քննչական վարչություն։ Կատարվածի հանգամանքները պարզվում են։ Կատարվում է նախաքննություն։

Այս ընթացքում՝ #Իմքայլը եւ Մերժիր Սերժին նախաձեռնության անդամները պարբերաբար կոչ էին անում երթեւեկել պետհամարանիշերով եւ չխախտել ճանապարհային երթեւեկության կանոնները: Հանրահավաքների ընթացքում այս խնդրին անդրադառնում էր նաեւ ԱԺ ԵԼՔ խմբակցության ղեկավար Նիկոլ Փաշինյանը: Այսօր էլ նա ֆեյսբուքյան ուղիղ եթերում հայտարարեց առժամանակ փողոցների փակումը դադարեցնելու մասին՝ կոչ անելով զբաղվել առանց պետհամարանիշի ավտոմեքենաներով: «Չի կարելի թույլ տալ, որ ինչ-որ մարդիկ առիթից օգտվեն եւ սա վերածեն անվերահսկելի գործառույթի»,- ասաց նա: Փաշինյանը նշեց, որ մտահոգիչ տեղեկություն են ստացել եւ առաջին հերթին պետք է զբաղվեն քաղաքում կարգ ու կանոնի հաստատմամբ: Ապա՝ կոչ արեց առանց պետհամարանիշերի մեքենաներին կանգնեցնել եւ հորդորել երթեւեկել պետհամարանիշերով։ 

«Կան մարդիկ, որ իրավիճակից օգտվում են, եւ համոզված եմ՝ այդ մարդիկ անում են մեր հեղափոխությունը վարկաբեկելու համար»,- նկատեց նա՝ հավելելով, որ առանց պետհամարանիշերի կամ փակված պետհամարանիշերով երթեւեկելը նույնն է, ինչ դիմակներով երթերին, ցույցերին մասնակցելը:

Ստեղծված իրավիճակի եւ ՃՈ անգործության շուրջ զրուցել ենք ՃՈ պետի տեղակալ Արմեն Խաչատրյանի հետ:

- Պարոն Խաչատրյան, այս օրերին մայրաքաղաքում առանց պետհամարանիշի մեքենաներ են շրջում բարձր արագությամբ՝ խախտելով երթեւեկության կանոնները: Ինչո՞ւ Ճանապարհային ոստիկանությունը չի միջամտում: Արդյո՞ք չմիջամտելու ցուցում կա:

- Նախ, ասեմ, որ քաղաքացիական ակտիվության եւ միջոցառումների հետ կապված ձեր կողմից նշված դեպքերը կրում են համատարած բնույթ եւ Ճանապարհային ոստիկանության ուժերն ու միջոցները քանի որ սահմանափակ են, հնարավոր չէ արձագանքել բոլոր դեպքերին եւ համապատասխան վարչարարություն իրականացնել: Բայց հնարավորինս դա արվում է եւ արվում է հատկապես այն ժամանակ, երբ քաղաքացիական հոսքերը պասիվ են դառնում գիշերային ժամերին եւ մեր ուժերն ու միջոցները արդեն իսկ որոշ չափով բավականացնում են դա անել: Օրինակ, այս գիշեր բերման է ենթարկվել 18 տրանսպորտային միջոց, որոնք վարել են առանց հաշվառման համարանիշերի: Բացի այդ, ՃՈ ծառայողները երբեմն չեն արձագանքել՝ ելնելով այն հանգամանքից, որ այդ արձագանքը կարող է առաջացնել քաշքշուկներ եւ ներգրավել ցուցարարների ուժեր, ստեղծվել անկառավարելի մի իրավիճակ, որը ավելի կվնասեր այդ պահին ճանապարհային երթեւեկությանը, ընդհանուր համատարած իրավիճակին: Այս նկատառումներից ելնելով, այո՝ եղել են վիճակներ, երբ չեն միջամտել:

Բացի այդ ճանապարհային ոստիկանները տվյալ հատվածում իրականացրել են կոնկրետ հանձնարարություններ, այսինքն՝ ապահովել երթեւեկության անվտանգությունը, խցանումները: Եվ եթե նրանք արձագանքեին գոնե մեկ այդպիսի դեպքի, նրանք պետք է տրանսպորտային միջոցը իջեցնեին հատուկ պահպանվող տարածք, որը կտեւեր մեկ-երկու ժամ գուցե եւ ավելի եւ կստացվեր այնպես, որ մյուս կողմից հսկվող այդ տարածքը դուրս կմնա հսկողությունից: Ուղղակի ուժերն ու միջոցները հեռու են բավարար լինելուց այս համատարած խախտումների պայմաններում, սակայն Ճանապարհային ոստիկանները աշխատում են գերծանրաբեռնված ռեժիմով եւ հնարավորինս արձագանքում են: Երեկվա դրությամբ արդեն նման դեպքերը պակասել են, բացի այդ համապատասխան հայտարարությամբ հանդես եկան նաեւ քաղաքացիական ակտիվիստները եւ հորդորվեց, որպեսզի նման խախտումներ թույլ չտան, ինչը էականորեն ազդեց այս իրավիճակի վրա: Կարծում ենք, որ կարճ ժամանակահատվածում իրավիճակը կշտկվի եւ մենք այս քանակությամբ համատարած խախտումներ չենք ունենա:

- Դուք ասացիք, որ ուժերը չեն բավականացնում, բայց եղել են դեպքեր, երբ առանց պետհամարանիշի մեքենայի վարորդները բարձր արագությամբ անցել են ՃՈ մեքենայի կողքով, եւ ՃՈ ծառայողները որեւէ քայլ չեն արել խախտումը կանխելու՝ մեքենան հատուկ պահպանվող տարածք տեղափոխելու համար: Սա ինչպե՞ս կմեկնաբանեք:

- Եթե ճանապարհային ոստիկանը մի տեղ կանգնած է եւ ծառայություն է իրականացնում, ապա նա որոշակի հանձնարարություն ունի՝ ապահովելու այդ ճանապարհի երթեւեկության անվտանգությունը, խաչմերուկի անցանելիությունը եւ այլն...Ֆիզիկապես հնարավոր չէ բոլորին արձագանքել:

Պարոն Խաչատրյան, առանց պետհամարանիշի մեքենայով երթեւեկելու, ինչպես նաեւ պետհամարանիշ փակելու համար ի՞նչ պատիժ է նախատեսվում:

- Առանց պետհամարանիշի երթեւեկելու համար նախատեսվում է տուգանք 200 հազար դրամի չափով, իսկ համարանիշերը փակելու, անընթեռնելի դարձնելու համար նախատեսված է տուգանք՝ 10 հազար դրամի չափով: Ներկայումս ինտենսիվ աշխատում ենք այդ ուղղությամբ, եւ քաղաքացիական ակտիվիստների հետ նույնպես համագործակցում ենք, նրանք նույնպես հայտարարություն են արել:

- Այս օրերին բազմաթիվ հրապարակումներ եղան, ինչպես նաեւ հրապարկվեցին լուսանկարներ, որտեղ երեւում էր, որ ոստիկանները նույնպես երթեւեկում են առանց պետհամարանիշի մեքենաներով: Արդյո՞ք այդ մեքենաները տարվել են տուգանային հրապարակ, եւ տեղյա՞կ եք թե ինչ պատճառով են հանել պետհամարանիշերը:

- Ներկայումս նշանակություն չունի, թե վարորդը ով է, ինչ պաշտոն է ներկայացնում եւ եթե դա հայտնվում է Ճանապարհային ոստիկանության տեսադաշտում, անհապաղ միջոցներ են ձեռնարկվում: Չեմ կարող ասել այդ 18 բերման ենթարկված տրանսպորտային միջոցների վարորդները ինչ մասնագիտություն ունեն, չեն աշխատում կամ աշխատում են, սակայն բոլորի համար վարչարարությունը միատեսակ է կիրառվելու՝ տուգանվելու են:

Այսինքն՝ առանց պետհամարանիշի մեքենաներ վարող ոստիկանները նույնպես տուգանվելո՞ւ են:

- Միջոցներ ձեռնարկվելու են, այո՛: Բայց ներկայումս նման փաստ ինձ հայտնի չէ:

- Ինչպե՞ս ՃՈ ծառայողի տեսադաշտում չեն հայտնվում այդ մեքենաները, եթե նրանք կանգնում են անմիջապես մյուս ոստիկանական մեքենաների կողքը: Արդյո՞ք դժվար է նկատելը, նույն ոստիկանությունն է իրենց այդ մեքենայով ուղարկում ծառայության:

­- Ենթադրում եմ, որ այդ մեքենաները պետք է տեղափոխվեն պահպանվող հատուկ տարածք, վարչական վարույթի գործ պետք է կազմվի: Դուք ասում եք, որ ոստիկանը, որը խնդիր է իրականացնում՝ շատ բարդ ու կարեւոր, թողնի ծառայության վայրը եւ մեկ-երկու ժամով բացակայի՞: Ստեղ մենք հաշվի ենք առնում առաջացած խնդրի կարեւորությունը, ավելի կարեւոր խնդիրներ ենք լուծում, հետո նոր երկրորդական:

Նշենք, որ ոստիկանությունը գաղտնի է պահում, թե  ճանապարհային ոստիկանության հաշվեկշռում քանի մեքենա կա:

Տպել
8809 դիտում

Դրոշի բարձրացման հանդիսավոր արարողություն՝ Բերդ քաղաքում

Եգիպտոսի և Հայաստանի ԱԳ նախարարները քննարկել են հայ-թուրքական հարաբերությունների, Լաչինի միջանցքի արգելափակման թեմաները

Արցախից Հայաստանի տարբեր բժշկական կենտրոններ է տեղափոխվել ևս 6 հիվանդ

Խոշոր ավտովթար Աշտարակի խճուղում․ վարորդները տեղափոխվել են հիվանդանոց

Հայաստանի մի շարք շրջաններում ձյան տեղումներ են, որոշ հատվածներում՝ խիտ մառախուղ, մերկասառույց

Թույլ չենք տա, որ նման միջադեպերով մեր հարաբերությունները խաթարվեն թշնամիների կողմից. Ռաիսին՝ Ալիևին

Հանդիպել են Հայաստանի և Եգիպտոսի նախագահները, տեղի է ունեցել առանձնազրույց

Հայտնի է՝ ով կփոխարինի Էդուարդ Աղաջանյանին ԱԺ արտաքին հարաբերությունների հանձնաժողովի նախագահի պաշտոնում

Իրանի ՊՆ-ն հայտնել է Սպահանի պաշտպանական համալիրի ուղղությամբ ԱԹՍ հարձակումները հետ մղելու մասին

Իրանի հյուսիսում տեղի ունեցած երկրաշարժից տուժածների թիվը հասել է 664-ի

Վերականգնվել է Հայաստանից դեպի Արցախ գազամատակարարումը

Այսօր հրդեհ որևէ կացարանում չի եղել. ՊՆ-ն հերքում է տարածվող տեղեկատվությունը

Մահացել է Շիրակի նախկին փոխմարզպետ Սեյրան Պետրոսյանը

Ամենքս մեզ հարց տալիս պիտի վստահ լինենք, որ թերանալիս անգամ՝ մեղավորության բաժին չենք ունեցել. Պապիկյանը՝ ՊՆ-ում

Բարեխղճորեն պետք է կատարել դեկտեմբերի կոմունալ վճարումները և տուրք չտալ դրանցից ազատվելու լուրերին․ տեղեկատվական շտաբ

Պինդ սեղմում եմ ձեռքդ, հա'յ զինվոր, անկախ բոլոր դժվարություններից ու կորուստներից, քո սխրանքն անմահ է․ Երվանդ Թարվերդյան

8 բալ ուժգնությամբ երկրաշարժ է գրանցվել Իրանի Խոյ քաղաքից 34 կմ հարավ-արևելք․ ցնցումները զգացվել են նաև ՀՀ մարզերում

Գյումրու փողոցները մաքրվում են տեղացած ձյունից

Ադրբեջանն ամբողջությամբ անջատել է Հայաստանից Արցախ գազամատակարարումը

Բանակը մեզ համար ընտանիքի պես է, յուրաքանչյուրը նրան պետք է վերաբերվի որպես ընտանիքի անդամի․ Սերգեյ Մովսիսյան

Պատմական ձեռքբերում է․ ՀՀ մարմնամարզության ֆեդերացիայի նախագահը՝ Եվրոպայի առաջնությունը Երևանում անցկացնելու մասին

Եթե բանակը կառուցված է այնպիսի արժեքների վրա, ինչպիսիք են փողը, քրեական բարքերը, ունի բացասական առաքելություն․ Միսկարյան

Գլխավոր դատախազ Աննա Վարդապետյանն այցելել է հայրենիքի պաշտպանների՝ «Զինվորի տուն» (լուսանկարներ)

Երկօրյա պաշտոնական այցով Հայաստան է ժամանել Եգիպտոսի նախագահը (լուսանկարներ, տեսանյութ)

Հայոց բանակն է հայ ժողովրդի անվտանգության հաստատուն երաշխավորը․ Տավուշում ծաղիկներ են խոնարհվել՝ ի հիշատակ հերոսների

Մարմնամարզության Եվրոպայի առաջնության անցկացման իրավունքը շնորհվել է Երևանին․ Արայիկ Հարությունյան

Ադրբեջանցի «էկոակտիվիստները» կրակի վրա մաշմելոու են պատրաստում՝ ծաղրելով Լաչինի միջանցքի շրջափակումը․ Մարուքյան

ԼՂ ազատ և անարգել մուտքի ապահովման ճկուն պայմաններ են պետք բոլոր դերակատարների համար․ ԵԽ մարդու իրավունքների հանձնակատար

Ռազմահայրենասիրական խմբակների, տարբեր դասընթացների դադարեցման կամ կասեցման ծրագիր գոյություն չունի. ԿԳՄՍ նախարար

Մարտական եղբայրությունը դարեր շարունակ ամրապնդել է հայ-ռուսական սերտ կապերը․ ՀՀ-ում ՌԴ դեսպանությունն ուղերձ է հղել

Մեզ անհրաժեշտ է ուժեղ և պրոֆեսիոնալ բանակ՝ ուժեղ հոգով, ինտելեկտով, ժամանակակից տեխնոլոգիաներին տերապետելով․ վարչապետ

Վահե Ղազարյանն ընդունել է Սերգեյ Կոպիրկինին․ կողմերը համագործակցությունը շարունակելու պատրաստակամություն են հայտնել

Ինձ չի թվում, որ Լաչինի միջանցքն առանց ռուսների է փակվել․ Սասուն Միքայելյան

Հայոց բանակի դերն ու նշանակությունն անուրանալի է ՀՀ պաշտպանության և Արցախը հայկական պահելու հարցում․ Ռուբեն Վարդանյան

Լաչինի շրջափակման պատճառով 47 օր Գյումրիում մնացած արցախցի դերասանները վերադարձել են Ստեփանակերտ

Շիրակի մարզային և քաղաքային իշխանության ներկայացուցիչներն այցելել են Ազատամարտիկների պանթեոն (լուսանկարներ)

«Ցանկանում եմ բացառապես հաղթանակներ և անկոտրում կամք մեր զինվորներին». Լևոն Հովհաննիսյան

«Ամուր թիկունք կանգնենք մեր պաշտպաններին, ամրացնենք մեր տղաների հենարանը». Տիգրան Ավինյան

Երուսաղեմում հրեա ծայրահեղականները հարձակվել են հայկական ռեստորանի վրա, մանրամասներ դեպքից․ «Արմենպրես»

Քաղաքացիները հայ-վրացական սահմանն առանց անձնագրի կհատեն համաձայնագրի վավերացումից հետո միայն․ Վրաստանում ՀՀ դեսպանատուն