Համաշխարհային մամուլի անդրադարձը հայկական հեղափոխությանը

Լուսանկարը՝ Ռուբեն Պապոյանի

Հայաստանում տեղի ունեցած թավշյա հեղափոխությունը միջազգային մի շարք լրատվական միջոցների ուշադրության կենտրոնում է հայտնվել: Սերժ Սարգսյանի հրաժարականի մասին տեղեկատվությունը գրեթե կայծակնային արագությամբ տարածվել է համաշխարհային մամուլում: Դրա մասին են գրում այնպիսի հեղինակավոր ԶԼՄ-ներ, ինչպիսիք են Al Jazeera-ն, EADaily-ն, Associated Press-ը, The Telegraph-ը, The Guardian-ը, Washington Post-ը, BBC-ն, Politico-ն, rt.com-ը եւ տասնյակ այլ լրատվամիջոցներ:

Սերժ Սարգսյանի հրաժարականին են անդրադարձել նաեւ մեր հարեւան երկրների հեղինակավոր լրատվական միջոցները, մասնավորապես Hurriyet daily news-ը, Fars լրատվական գործակալությունը, ադրբեջանական մի շարք կայքեր, ինչպես նաեւ Վրաստանի հանրային հեռուստաընկերությունը, որն այս օրերին լուսաբանում էր իրադարձությունները Երեւանից:

Բոլոր այն լրատվականները, որոնք չեն սահմանափակվել մեկ տողանի հաղորդագրությամբ, իսկ այդպիսիք օբյեկտիվորեն քիչ են, անդրադարձել են վերջին 11 օրերին Հայաստանում ընթացող բողոքի ցույցերին եւ հայտարարված թավշյա հեղափոխությանը: Մի քանի լրատվամիջոցներ ավելի խորքային վերլուծություն են կատարել՝ փորձելով ներկայացնել բողոքի ալիքի եւ հաղթանակած հեղափոխության պատճառները:

The Guardian-ը, անդրադառնալով Սերժ Սարգսյանի հրաժարականին, մեջբերում է հրաժարականի տեքստից մի հատված.

«Փողոցի շարժումն իմ պաշտոնավարման դեմ է։ Ես կատարում եմ ձեր պահանջը»:

The Guardian-ը անդրադարձել է նաեւ հրաժարականին նախորդած երթերից մեկին միացած «հարյուրավոր համազգեստավոր անզեն զինվորականներին»: Պարբերականը նաեւ նշում է, որ սա վերջին տարիներին Հայաստանի ամենազանգվածային բողոքի ալիքն էր:

EADaily-ն գրում է, որ զանգվածային բողոքի ակցիաների ճնշման ներքո Սերժ Սարգսյանը «ընդունել է իր սխալը եւ հրաժարական տվել»: Լրատվականը գրեթե ամբողջությամբ ներկայացրել է հրաժարականի տեքստը: Նշվել է, որ այս որոշումը կայացվել է Սերժ Սարգսյանի, Կարեն Կարապետյանի, Արմեն Սարգսյանի եւ Արցախի նախագահ Բակո Սահակյանի հանդիպումից հետո, ինչպես նաեւ որ դրանից հետո ազատ են արձակվել ընդդիմության առաջնորդները:

BBC-ն անդրադարձ է կատարել հայկական բողոքի ալիքի պատճառներին: Բրիտանական հեղինակավոր լրատվամիջոցը ներկայացրել է Սերժ Սարգսյանի ուղին դեպի վարչապետություն եւ նշել, որ բողոքի հիմնական պատճառը դա էր:

BBC-ն անդրադարձել է նաեւ Ռուսաստանի նախագահի խոսնակ Դմիտրի Պեսկովի հայտարարությանը, որը նշել էր, որ Հայաստանը «խիստ կարեւոր է Ռուսաստանի համար»:

Լրատվականը զրուցել է նաեւ Սերժ Սարգսյանի մամլո խոսնակ Հովհաննես Նիկողոսյանի հետ։ Այդ զրույցում Նիկողոսյանը նշել է, որ Սարգսյանը պատասխանատու վարք է դրսեւորել եւ կատարել է փողոցի շարժման պահանջը:

«Կարծում եմ, նրա հրաժարականը գործող ժողովրդավարության ակնհայտ դրսեւորում է: Այնպես չէ, որ աշխարհի ցանկացած վայրում, ցանկացած ցույց բերում է իշխանության հրաժարականի», - BBC-ի հետ զրույցում ասել է Նիկողոսյանը:

Ռուսական լրատվամիջոցներից գրեթե բոլորը անդրադարձել են այս թեմային: Թե՛ համացանցում, թե՛ հեռուստատեսությամբ ռուսական ԶԼՄ-ները հայտնել են Սերժ Սարգսյանի հրաժարականի մասին:

Որոշակի վերլուծության փորձ արվել է Sputnik ռադիոյի եթերում: Sputnik-ի հետ զրույցում փորձագետ Կոնստանտին Տասիցը շատ մակերեսային կերպով ներկայացրել է իր կարծիքը Հայաստանում տիրող իրավիճակի մասին: Ըստ երևույթին, նա ուղղակի սխալ պատկերացում ունի Սարգսյանի հրաժարականին հաջորդող իրադարձությունների վերաբերյալ: Նա հաջորդ վարչապետ է տեսնում Կարեն Կարապետյանին, հիմնվելով նրա վրա, որ Հանրապետական կուսակցությունը շարունակում է մեծամասնություն մնալ խորհրդարանում:

Mk.ru-ի թղթակից Արթուր Ավակովը, որը ավելի վաղ շտապել էր հայաստանյան իրադարձությունները համեմատել «Եվրոմայդանի» հետ, այս անգամ ավելի սթափ է գնահատել իրավիճակը: Ավակովի հոդվածում ակնհայտորեն զգացվում է մտավախություն, որ «Երեւանի եւ Մոսկվայի հարաբերությունները կարող են փչանալ»:

Ռուսական լրատվամիջոցները հիմնականում սահմանափակվել են պաշտոնական տեղեկատվության փոխանցմամբ՝ հավանաբար սպասելով բարձրագույն պաշտոնական արձագանքին:

Ընդհանուր առմամբ զգացվում է հստակ տարբերություն արեւմտյան եւ ռուսական լրատվամիջոցների տրամադրվածության մեջ: Արեւմտյան լրատվականները միտված են մեկնաբանել հեղափոխությունը որպես ժողովրդավարության հաղթանակ, իսկ ռուսական լրատվամիջոցներում, հաշվի առնելով մինչ հրաժարականը հնչող կարծիքները, առկա է լուրջ մտավախություն, որ սա կարող է նշանակել Հայաստանի՝ Ռուսաստանի ազդեցության գոտուց դուրս բերում:

Տպագրվել է «Հայկական ժամանակ» օրաթերթի ապրիլի 24-ի համարում:

Տպել
5298 դիտում

Առողջապահության նախարարն այցելել է վիրավոր զինծառայողներին բուժող մարզային բժշկական կենտրոններ

Մեծ հայրենասեր եւ բարերար Ջորջ Բաղումյանը հերթական 1 միլիոն դոլարն է նվիրաբերել «Իմ քայլը» հիմնադրամին

Զինծառայողի ծնողի դրդմամբ լաբորատորիայի վարիչն ու լաբորանտը covid-19-ի կեղծ եզրակացություն են կազմել․ ԱԱԾ

Հաստատվել է կորոնավիրուսի 2314 նոր դեպք. մեկ օրում գրանցվել է 23 վիրուսակիր մարդու մահ

ԱՄՆ-ն պետք է վճռական քայլեր ձեռնարկի, որպեսզի ստիպի Ադրբեջանին պահպանել հրադադարի ռեժիմը. Ֆրենկ Փելոնի

Գիշերը հրետանի է կիրառվել Մարտունու շրջանի 4 համայնքների ու Ասկերանի շրջանի Ավետարանոց գյուղի ուղղությամբ․ ԱԻՊԾ

Ինչպես ԱՄՆ դեսպանատան հայտարարությունը կապվեց հայերի հետ, ադրբեջանական պարզունակ կեղծարարության մասին (տեսանյութ)

Տեղային նշանակության մարտեր են ընթանում ճակատային գծի բոլոր ուղղություններում. հրետակոծվել են բնակավայրեր

Վաղ առավոտյան թարմ ապրանք. Ա. Հովհաննիսյանը լուսանկարներ է հրապարակել առգրավված զինմեքենայից

Ա. Հովհաննիսյանը ներկայացրեց Ղարաբաղում ակտիվ մարտական գործողությունները՝ ըստ քարտեզի (տեսանյութ)

Այսօր եւս չեզոքացվել է 1 դիվերսիոն հետախուզական խումբ, սակայն նրանց դեմ մարտերը դեռ շարունակվում են. Հովհաննիսյան

Արցախի ԱԳՆ-ն դիմել է ԿԽՄԿ-ին` Արցախի ՊԲ-ի զինծառայողների և քաղաքացիական անձի մասնակցությամբ տեսանյութերի կապակցությամբ

Գրադ եւ սմերչ կայանքներից հրթիռակոծվել են Մարտունին, Թաղավարդը, ռազմական ավիացիայով՝ Մարտակերտը

Պատերազմի առաջին օրերից մինչ այսօր միայն «Շենգավիթ» ԲԿ-ում ծնվել է 15 արցախցի փոքրիկ

Ժողովուրդը պետք է հասկանա՝ թուրքական ապրանքները բոյկոտելով հանդերձ, շուկայի եղածը պիտի սպառենք․ Ղազարյան

ՊՆ-ն հերքում է հայկական ինքնաթիռի խոցման մասին ադրբեջանական ապատեղեկատվությունը

ԱՄՆ-ի հայ բժիշկների նվիրաբերած համակարգչային տոմոգրաֆը զինվորների բուժմանը կծառայի Կապանում

Գվատեմալայի Սայախչե քաղաքը ճանաչել է Արցախի ժողովրդի ինքնորոշման իրավունքը

Կրակը դադարեցնելու սին խոստումների եւ ագրեսիայի շարունակման շրջանը կարող է ճեղքվել Արցախի անկախության ճանաչմամբ. ԱՀ ԱԳՆ

Խոցվել է հակառակորդի եւս 11 ԱԹՍ, 2 ՏՕՍ, 12 զրահատեխնիկա. թշնամու կորուստները՝ ամփոփ