Ֆիզիկապես ի վիճակի չեմ մասնակցել ցույցերի, բայց եթե կարիքս լինի՝ պատրաստ եմ. Լիլիթ Պիպոյան

Սերժ Սարգսյանի կառավարման երրորդ ժամկետը կանխելու #ԻմՔայլը եւ Մերժիր Սերժին նախաձեռնությունների անդամների շարունակական պայքարի մասին այսօր ՀԺ-ն զրուցել է երգահան, երգչուհի Լիլիթ Պիպոյանի հետ: Երգչուհին այս օրերին ցույցերին չի մասնակցել, քանի որ ֆիզիկապես ի վիճակի չէ. «Մի տասը տարի առաջ մասնակցում էի, հիմա չեմ կարողանում, առողջությունս թույլ չի տալիս»:

Ապրիլի 17-ին, Հանրապետության հրապարակում տեղի ունեցած բազմամարդ հանրահավաքի ժամանակ Նիկոլ Փաշինյանն ազդեցիկ գործիչներին կոչ արեց միանալ ժողովրդական պայքարին: Լիլիթ Պիպոյանից հետաքրքրվեցինք՝ կմիանա՞ պայքարին կամ որևէ կոչով հանդես կգա՞:

Երգչուհին ասաց, որ շատ է հարգում Նիկոլ Փաշինյանին, որպես քաղաքական գործիչ գնահատում է Փաշինյանի կողմից իրականացվող յուրաքանչյուր քայլ, սակայն հստակ մշակված ծրագրային առաջնահերթությունների պակաս է նկատում:

«Նիկոլ Փաշինյանը Հայաստանում, կարելի է ասել, միակ քաղաքական գործիչն է, որ հանուն հասարակության պատրաստ է ինչ-որ քայլերի գնալ, սակայն չեմ տեսնում հստակ ծրագիր այս պահին: Ինչ վերաբերում է իմ միանալուն՝ այս պահին ոչինչ չեմ կարող ասել, բայց, եթե զգամ, որ կարիք կա, ու իմ կողմից էլ է պետք որոշակի քայլերի գնալ՝ ես պատրաստ եմ, սակայն այս պահին ոչինչ չեմ կարող ասել»,- ասաց Լիլիթ Պիպոյանը:

Երգչուհին խոսելով Հայաստանում տիրող ներկայիս վիճակի, ծայրահեղ աղքատության ու օրըստօրե ավելացող բացասական երեւույթների մասին, ասաց, որ այստեղ վիճակը շատ վատ է. «Մեր երկրում վատ են ե՛ւ կրթական ե՛ւ առողջապահական ոլորտները, էլ չեմ խոսում եւ էկոլոգիական հարցերի կամ թոշակառուների կատաստրոֆիկ վատ վիճակում գտնվելու մասին»:

Անդրադառնալով փշալարերով պատված Ազգային ժողովում Սերժ Սարգսյանի վարչապետացմանը՝ երգչուհին ասաց, որ իր կարծիքով, եթե անգամ Սերժ Սարգսյանը չդառնար ՀՀ վարչապետ՝ միևնույն է՝ ՀՀԿ-ականներից ինչ-որ մեկն էր դառնալու, որը եւ ակնհայտ ոչ մի փոփոխության կամ դրական առաջխաղացման չէր բերելու: Ըստ Լիլիթ Պիպոյանի՝ համակարգային փոփոխություն է պետք, որի մեկնարկը տալը մի փոքր անիրատեսական է թվում այս պահին:

Լիլիթ Պիպոյանի հետ զրուցեցինք նաև երեկվա միջադեպի մասին, երբ մի խումբ երիտասարդներ դիտավորյալ ծեծկռտուք էին կազմակերպել, Մաշտոց-Թումանյան խաչմերուկում խուլիգանություններ արել՝ նպատակով, որ իրենց գործողությունները վերագրեն խաղաղ ցուցարարներին եւ ոստիկանությունը գործելու հիմք ունենա: Երգչուհին մտահոգություն հայտնեց եւ ասաց, որ վախենում է, թե այս ամենը չի կարող խաղաղ հանգուցալուծում ստանալ: 

 Աղունիկ Հովհաննիսյան

Տպել
6437 դիտում

Մանուկների փորած խրամատ ու զենքեր Երևանի այգիներում․ կռիվ-կռիվ ենք խաղում, որ ուժեղանանք, մեծանանք ու մենք էլ հաղթենք

Հնդկաստանի դեսպանը առողջապահության նախարարին հավաստիացրել է, որ կուսումնասիրի օգնության բոլոր հնարավոր տարբերակները

Միայն սեպտեմբերի 26-ին և 27-ին Թուրքիայից Ադրբեջան է տեղափոխվել 1000 զինծառայող․ ՔԿ-ն բազում ապացույցներ ունի

Ձեր լռությունը սպանում է մեզ. Հենրիխ Մխիթարյան

Մի քանի սցենարներ կան հասկանալու, թե ինչպես կազդի պատերազմը տնտեսության վրա․ տնտեսագետ

Ազգային ժողովն այսօր արտահերթ նիստ կհրավիրի

Արգիշտի Քյարամյանի վերաբերյալ հարուցված քրեական գործ չկա․ ԱԱԾ տնօրենի տեղակալ

Արցախի ՄԻՊ-ը պատրաստել է հայ ռազմագերիների հանդեպ անմարդկային վերաբերմունքի դեպքերը ներկայացնող երկրորդ զեկույցը

Հայաստանի ՄԻՊ-ը Ֆրանսիայի խորհրդարանական պատվիրակությանն է ներկայացրել ադրբեջանական դաժանությունները կոնկրետ օրինակներով

ԿԲ խորհուրդը որոշեց վերաֆինանսավորման տոկոսադրույքը թողնել անփոփոխ՝ սահմանելով 4.25%․ Գալստյան

Այս փուլում փոխզիջումների մասին խոսակցությունը սպառված է. թող ոչ ոք չոգեւորվի թշնամու փոքր հաջողությունից

ՀՀ ՊՆ-ն ու ԶՈՒ գլխավոր շտաբը կոչ են անում զերծ մնալ պառակտիչ հայտարարություններից ու գործողություններից

Նախորդ մրցաշրջանի Հայաստանի լավագույն մարզիչը հեռացավ «Նոայից»

Պատերազմի ընթացքում ՀՀ ԱԱԾ սահմանապահ զորքերից զոհվել է 37, վիրավորվել՝ 243 ծառայող․ ԱԱԾ տնօրենի տեղակալ (տեսանյութ)

Համացանցում hայերեն խոսող «ադրբեջանցին» իրականում ՀՀ քաղաքացի է, ռազմական գործողության չի մասնակցել. Վարդանյան

Հոկտեմբերի 27-ի մեր նահատակների ու հերոսների հոգիները, ոգին եւ ուժն այսօր մեզ հետ են․ Նիկոլ Փաշինյան

Ադրբեջանական ագրեսիայի հետեւանքով սեպտեմբերի 28-ից մինչ օրս ՀՀ-ում սպանվել է 11, վիրավորվել՝ 8 անձ․ Ռ․ Վարդանյան

Եթե հանկարծակի կրկնվեց, սաղ խոցելու ենք, ջարդելու ենք. Դավիթ Տոնոյանի մոտ քննարկվել է իրավիճակը ՀՀ հարավային սահմանին

Ադրբեջանում այս պահին կա 17 հայ ռազմագերի․ Ռաֆայել Վարդանյան

Թուրք զինվորականները մեզ սովորեցրել են լեռներում մարտ վարել. ռազմագերի Էմին Բախշալիևի հարցաքննությունը (տեսանյութ)