Վաշխառուից տուժածը փորձել է թույն խմելով ինքնասպանություն գործել. ով է հովանավորը

Տարբեր քրեական գործերով որպես վաշխառու ճանաչված Տիգրան Մարտիրոսյանից տուժածները դժգոհ են ՀՀ դատարանների՝ նրա նկատմամբ ցուցաբերած մեղմ մոտեցումից: Ավելին՝ նրանք կարծում են, որ Տիգրան Մարտիրոսյանի ետեւում որպես հովանավորներ կանգնած են դատավորները:

Բավական է միայն datalex.am պաշտոնական կայքում փնտրել Տիգրան Մարտիրոսյանի մասնակցությամբ մի քանի տասնյակի հասնող գործերը: Այդ բոլոր գործերով Մարտիրոսյանը դիմել է դատարան՝ ՀՀ քաղաքացիներից գումար բռնագանձելու կամ իրենց բնակարաններից նրանց վտարելու պահանջով: Տիգրան Մարտիրոսյանը միայն մեկ տարում երկու անգամ դատապարտվել է երեք տարվա ազատազրկման, սակայն նրա «բախտն» այնքան է բերել, որ երջանիկ պատահականությամբ երկու անգամ էլ նրա նկատմամբ կիրառվել է համաներում եւ նա ազատվել է պատժի կրումից: Մասնավորապես երկու տարբեր քրեական գործերով արհեստավարժ վաշխառու Տիգրան Մարտիրոսյանը մեղավոր է ճանաչվել ՔՕ 213-րդ հոդվածի 2-րդ մասի 2-րդ կետով, տուժողներ Անահիտ Թոխյանի, Անաիդա Դոխոյանի, Էռնեստ Դուլյանի, Լաուրա Սարգսյանի, Սուրեն Սադոեւի, Աղասի Վարդանյանի եւ Անահիտ Կարապետյանի նկատմամբ վաշխառություն կատարելու համար:

Որպես բարեգործ եւ բարերար (իրեն հռչակած) ներկայացած Տիգրան Մարտիրոսյանի գործարքներից տուժել են երեք տասնյակից ավելի քաղաքացիներ, ոմանք նույնիսկ մահացել են, չեն դիմացել ապօրինություններին. անգամ դեպք է եղել, որ բնակարանից վտարվելու ժամանակ քաղաքացիներից մեկն իրեն գցել է պատուհանից, մեկը փորձել է թույն խմելով ինքնասպանություն գործել: Չնայած վերը նշված հանգամանքներին, Տիգրան Մարտիրոսյանը շարունակում է քրեական գրծով տուժողներից պահանջել վաշխառության գումարները, մասնավորապես՝ այն գումարները, որոնք նշվել են վաշխառության արդյունքում կազմված ձեւական պայմանագրերում: Մարտիրոսյանն այս «գործին» է 2005 թվականից. սխեման ըստ էության հետեւյալն է եղել՝ Մարտիրոսյանը, օրինակ, 10 000 դոլար տոկոսով գումար է տվել՝ ստորագրել տալով 20 000 դոլար պարտքով տալու մասին ստացական, որը հետագայում ներկայացրել է դատարան՝ նշելով թե իր գումարները չեն վերադաձնում եւ դատարանից պահանջել է 20 հազար դոլար գումարը: Դատարաններն էլ բավարարել են Մարտիրոսյանի հայցերը. այդ հայցը բավարարող դատավորներից մեկն էլ այժմ կաշառքի գործով ամբաստանյալի աթոռին հայտնված Իշխան Բարսեղյանն է:

Վաշխառուից տուժած քաղաքացիներից մեկը՝ Անահիտ Կարապետյանը, մեր զրույցում ասաց, որ այժմ իր բնակարանը Տիգրան Մարտիրոսյանի տիրապետության տակ է: Բանն այն է, որ Տիգրան Մարտիրոսյանը Անահիտ Կարապետյանին տվել է տոկոսով գումար եւ որպես գումարի վերադարձման երաշխիք գրավ ընդունել նրա բնակարանը: Այսպես՝ Անահիտ Կարապետյանը Մարտիրոսյանի հետ հիփոթեքային գրավի պայմանագիր է կնքել օրենքով սահմանվածից բարձր տոկոսով: «Ես Տիգրան Մարտիրոսյանից 13 հազար դոլար եմ վերցրել, սակայն պայմանագրում նշված է եղել 18 հազար դոլար՝ 5000 դոլար ավել: Շատ խորմանակ քայլ է արել Տիգրանը. երեք տարով բանավոր պայմանագիր է կնքել, սակայն գրավոր՝ երեք ամիս: Ամեն ամիս ես վճարել եմ 650 դոլար: Արդեն որ մի քանի ամիս է մնում պայմանագիրը վերջանա, ինքը մտնում է դատարան ոչ թե 13 հազար դոլար գումարի պահանջով, այլ՝ 18 հազար դոլարի պահանջով՝ պլյուս օրենքով սահմանված բանկային տոկոսները: Հայց է ներկայացրել դատարան, որ ես իրենից 18 հազար դոլար եմ վերցրել եւ այդ գումարը չեմ վճարել: Նա ասում էր, թե դատարան է դիմում ապահովության համար, այնինչ, հայցը բավարարվելուց հետո նա պահանջում է օր առաջ վճարել 18 հազար դոլարը»,- պատմեց տուժած կինը՝ հավելելով, որ ամբողջ գումարը կազմել է 23 հազար դոլար (18 հազար դոլար՝ գումարած տոկոսներ): Այնուհետեւ իրեն է զանգահարել քննիչը եւ խնդրել ներկայանալ վարչություն: Այդ մասին իմացել է Տիգրան Մարտիրոսյանը, սկզբում խնդրել, որ տոկոսի անուն քննիչի մոտ չտա, ապա խնդրանքից անցել է սպառնալիքի. «Խնդրեց, հետո ահաբեկեց, սպառնաց, ասեց՝ եթե տոկոսի անուն տաք, ուրեմն, կդառնանք թշնամիներ ու շատ վատ կլինի ձեր համար»,- Մարտիրոսյանի խոսքերը փոխանցեց Կարապետյանը: Վախենալով ընտանիքի անդամների համար՝ տիկին Անահիտը սկզբում քննիչի մոտ տոկոսի անուն չի տվել, սակայն, երբ քննիչն ասել է, որ ողջ եղելությունը գիտի, արդեն պատմել է ճշմարտությունը: Տիգրան Մարտիրոսյանի դեմ վաշխառության հոդվածով քրեական գործ է հարուցվել, գործն ուղարկվել է դատարան: Մարտիրոսյանը վաշխառության համար մեղավոր է ճանաչվել եւ դատապարտվել ազատազրկման երկու տարի ժամկետով: Սակայն նրա նկատմամբ ընտրված խափանման միջոցը՝ չհեռանալու մասին ստորագրությունը, մնացել է անփոփոխ:

Ապա տիկին Անահիտը հայցով դիմել է դատարան, որպեսզի իր բնակարանի՝ Տիգրան Մարտիրոսյանի մոտ գրավադրման պայմանագիրն առ ոչինչ ճանաչվի, քանի որ հարուցված գործով պարզվել է, որ Մարտիրոսյանը վաշխառու է, եւ որ Անահիտը իր վերցրած գումարից մի բան էլ ավելի է վճարել: Տիկին Անահիտի խոսքով, սակայն, Արաբկիր եւ Քանաքեռ-Զեյթուն վարչական շրջանի ընդհանուր իրավասության դատարանի դատավոր Սիմիզար Հովսեփյանը մեկ տարուց ավել է՝ չի կարողանում լուծել խնդիրը: Նիստերը տեղում դոփում են, կամ դատավորն է վատառողջ լինում, կամ դատարանի ծանրաբեռնվածության պատճառով նիստերը չեն կայանում: Ավելին՝ տիկին Անահիտը պնդում է, որ Սիմիզար Հովսեփյանը կողմնակալ վերաբերմունք ունի, նրա դեմ մի քանի անգամ ինքնաբացարկ է ներկայացվել, սակայն՝ անօգուտ: Նա նաեւ ուշադրություն դարձրեց այն հանգամանքի վրա, որ հետաքրքիր զուգադիպությամբ Տիգրան Մարտիրոսյանի դեմ ներկայացված հայցերի մի մասը քննում է հենց Սիմիզար Հովսեփյանը:

Տիգրան Մարտիրոսյանի գործողություններից տուժած մյուս քաղաքացին Հայկանուշ Հովակիմյանն է, նրա բնակարանը կրկին վաշխառության արդյունքում հայտնվել է Տիգրան Մարտիրոսյանի ձեռքում: Ավելին՝ երբ տիկին Հայկանուշն ու ամուսինը քաղաքում չեն եղել, նրանց բնակարանից երեխաներին վտարել են, իսկ թողնված իրերը՝ հետագայում գողացվել: Նա պատմեց, որ 2009 թվականին ամուսնու ընկերոջը 60 հազար դոլար էր հարկավոր, իրենց խնդրել է, որպեսզի բնակարանը գրավադնեն, եւ Տիգրան Մարտիրոսյանից ինքն այդ գումարը ստանա ու պարտավորվի ամեն ամիս վճարել գումարները: «Ինքը 1.3 միլիոն դոլարանոց անշարժ գույք ուներ Երվանդ Քոչար փողոցի վրա ու ասում էր, որ դա պիտի վաճառի ու պարտավորագրով 6 ամսում ամբողջ գումարը Տիգրանին պետք է վերադարձներ, մեր բնակարանն էլ ազատության մեջ կլիներ: Իսկ իր այդ գույքն արդեն գրավի տակ էր: Երբ գնացինք նոտար, չգիտեմ, մեզ տուպկի առաջ դրեցին, նոտարում ձեւակերպեցին բնակարանի առուվաճառք: Տիգրան Մարտիրոսյանը պայմանագրում գրել է 90 հազար դոլար, բայց տվել է, 60 հազար դոլար՝ վրայից տոկոս վերցնելով»,- պատմեց տիկին Հայկանուշը: 

Կրկին Մարտիրոսյանը դիմել է դատարան՝ Հայկանուշ Հովակիմյանի բնակարանին տիրանալու պահանջով, նշելով, թե դա իր բակարանն է: Կրկին Մարտիրոսյանն ասել է, թե անհանգստանալու կարիք չկա, դատարան դիմում է ապահովության համար, սակայն երբ դատարանը բավարարել է նրա հայցը, շտապել է Հայկանուշ Հովակիմյանի ընտանիքի անդամներին բնակարանից վտարել: Մի քանի տարի է՝ տուժածն ու իր ընտանիքն ապրում են վարձով: «Եթե դա իր բնակարանը լիներ, մի ամսվա հարկ կարող էր վճարել, բայց այդ ամբողջը ես եմ վճարել: 47 հազար դոլար վերցնելուց հետո իրեն արդեն բնակարանն էր հետաքրքրում»,- ասաց նա: Տիկին Հայկանուշն էլ է դիմել իրավապահներին եւ այժմ Տիգրան Մարտիրոսյանի դեմ երրորդ անգամ քրեական գործ է հարուցվել կրկին վաշխառության հոդվածով: Այս գործը դեռ ընթացքի մեջ է: Զուգահեռ տիկին Հայկանուշը դիմել է դատարան, որպեսզի իր բնակարանի առուվաճառքի պայմանագիրն առ ոչինչ ճանաչվի, քանի որ Մարտիրոսյանը նախկինում էլ վաշխառու է ճանաչվել: 

Մարտիրոսյանից տուժած մյուս քաղաքացին Լուսինե Հակոբյանն է: Նշենք, որ Մարտիրոսյանից տուժած քաղաքացիներն իրար հետ ծանոթացել են հենց այս գործերի շրջանակներում, երբ սկսել են բացահայտվել Մարտիրոսյանի «գործարքները»:

«2007 թվականին, քեռուս՝ Աղասի Վարդանյանին գումար է պետք լինում ստանոկներ առնելու, «Շանթի» վազող տողով տեսնում է հայտարարություն, որ տրվում է գումար 5 տոկոսով: Գալիս, մամայիս խնդրում է, որ տունը գրավ դնենք, 10 հազար դոլար վերցնի, մի քանի ամսից հետ կտա: Մայրս համաձայնվում է, բայց չի իմանում, որ դա տոկոսով է: Գնում են նոտար, գումարը տալիս են քեռուս, ստորագրում է մայրս: Կնքում են հիպոթեքի պայմանագիր: Քեռիս սկում է տոկոսները տալ, ինչ-որ ժամանակ չի կարողանում վճարել: 10 հազար դոլարից տոկոս է վճարում 7000 դոլար»,- պատմեց Լուսինե Հակոբյանը: Տիգրան Մարտիրոսյանը կրկին հայց է ներկայացնում դատարան՝ պահանջելով 5 միլիոն դրամից ավելի գումար, այն դեպքում, երբ դատարանը նրան իրենց գործով վաշխառու է ճանաչել: Նա պահանջում է որպես բռնագանձման գույք Լուսինե Հակոբյանի մոր բնակարանը: «Երբ քրեական գործը դատարանում էր, քաղաքացիական դատարանում քննվում էր մեր դեմ հայցը: Ինչքան գնում, ասում էինք՝ այս նույն տան հարցով քրեական գործ կա, թողեք ավարտվի, նոր ձեր քաղաքացիականը շարունակեք, ասում են՝ ոչ: Մեր առաջվա իրավաբանն էլ կաշառվում էր Տիգրանի կողմից: Ես ասում եմ՝ պարտավորվում եմ էդ 3000 դոլարը տալ, բայց փակեք էս թեման գնա, մամաս հիվանդ է: Անհնար էր, իր օգտին որոշում կայացրին: Իրեն հովանավորում են, բոլոր իր գործերը գնում է Սիմիզար Հովսեփյանի մոտ, չի կարող նույն մարդու վերաբերյալ նույն դատավորը քննի: Ինքը ասում էր՝ գիտեք՝ ով է մեջքիս կանգնած»,- ասաց Հակոբյանը՝ նշելով, որ դեռ հովանավորյալներին չեն կարողացել բացահայտել: Լուսինե Հակոբյանի մայրը մահացել է, նա որպես իրավահաջորդ է:

Այժմ Տիգրան Մարտիրոսյանից տուժածները պատրաստվում են դիմել Սերժ Սարգսյանին, Գլխավոր դատախազություն, բարձրագույն խորհուրդ՝ խնդրելով հանձնարարել, որպեսզի արհետավարժ վաշխառու Տիգրան Մարտիրոսյանի նկատմամբ ՀՀ դատարանների կողմից նշանակվի արդարացի եւ համարժեք պատիժ, կանխվի վերջինիս ոչ իրավաչափ վարքագիծը, դադարեցվի «հովանավորչությունը», խիստ մոտեցում դրսեւորվի տուժողներից վաշխառության գումարները պահանջելու Տիգրան Մարտիրոսյանի արարքին:

Նյութը տպագրվել է «Հայկական ժամանակ» օրաթերթի ապրիլի 7-ի համարում:

Տպել
6610 դիտում

Շվեյցարիայում ՀՀ դեսպանն Անդրեաս Աեբիի հետ քննարկել է Ադրբեջանում պահվող հայ գերիների խնդիրները

Պաշտպանության նախարարը եղել է հատուկ նշանակության զորամասերից մեկում (լուսանկարներ)

Բայդենը խոստանում է վերականգնել ԱՄՆ-ի միասնականությունը, լինել նախագահ՝ բոլորի համար (տեսանյութ)

ՀՀ տարածքում կան փակ ավտոճանապարհներ․ Ապարանի տարածաշրջանում բուք է

Երևան-Սևան ավտոճանապարհին մեքենան դուրս է եկել ճանապարհի հանդիպակաց գոտի և կողաշրջվել երթևեկելի հատվածում

Որպես ԵԱՀԿ Մինսկի խմբի համանախագահ ԱՄՆ-ն կաշխատի ԼՂ հարցում երկարատև քաղաքական լուծում գտնելու ուղղությամբ. Լին Թրեյսի

Մոսկվայում տեղի են ունեցել քաղաքական խորհրդակցություններ Ավետ Ադոնցի և ՌԴ ԱԳ նախարարի տեղակալների համանախագահությամբ

Զրնգուն ձայներ ու ոգևորություն. Ստեփանակերտի հրապարակում երեխաները ձնագնդի են խաղում (տեսանյութ)

Բայդենի երդմնակալությանն ԱՄՆ-ի հիմնը կատարեց աշխարհահռչակ երգչուհի Լեդի Գագան (տեսանյութ, լուսանկարներ)

Մշակույթի բնագավառում նշանակալի նվաճում ունեցող մի շարք երիտասարդների տարկետում կտրվի․ ովքեր են երաշխավորել

Կարևորագույն խնդիրը երեխաների աղքատությունն է․ Մեսրոպ Առաքելյանը քննարկում է ունեցել ՅՈՒՆԻՍԵՖ-ի ներկայացուցիչի հետ

Վստրեչի Ապերն առարկեց գործն արագացված կարգով քննելու դեմ. դատարանի որոշմամբ այն կքննվի դռնփակ

Ղարաբաղի հետագա կարգավիճակի ճշգրտումը պետք է տեղի ունենա ԵԱՀԿ ՄԽ շրջանակում․ Փաշինյան

Երկարաձգվել է արցախցիներին տրամադրվող աջակցության ծրագրին դիմելու ժամկետը

Ստամբուլի հայկական որբանոցը, որտեղ մեծացել է լրագրող Հրանտ Դինքը, կդառնա հայկական երիտասարդական կենտրոն

ԱԱՏՄ-ն ստուգայց է իրականացրել Վանաձորի համայնքապետարանում, ՔԿԱԳ գործակալությունում, նոտարական գրասենյակում

Ջոզեֆ Բայդենը պաշտոնապես երդվեց՝ ստանձնելով ԱՄՆ-ի նոր նախագահի պաշտոնը (լուսանկարներ, տեսանյութ)

Ռուս խաղաղապահների ներկայությունը Արցախում միանշանակ դրական է․ Փաշինյան

Ստեփանծմինդա-Լարս ավտոճանապարհը բաց է միայն մարդատար ավտոմեքենաների համար․ ռուսական կողմում կուտակված 820 բեռնատար կա

Քեմալա Հարրիսը երդվեց. նա պաշտոնապես ստանձնեց ԱՄՆ-ի 46-րդ փոխնախագահի պաշտոնը

Շիրակը վաղվանից նոր մարզպետ կունենա

Արարատի մարզի ողջ տարածքում ձայնածածկումն ապահովելու համար անհրաժեշտ է 142 էլեկտրաշչակ, որից 87-ն է առկա․ ԱԻՆ

Դեղատներում, բանկերում, դպրոցներում դիմակներ չեն կրել. ԱԱՏՄ-ն ստուգայց է իրականացրել Արտաշատում և Մասիսում

Էժան միավոր հավաքելու ձեր փորձով վտանգի տակ եք դնում գերիների կյանքը. Փաշինյանը՝ պատգամավորին (տեսանյութ)

Հյուրերը դիմավորեցին ԱՄՆ-ի նոր փոխնախագահ Քեմալլա Հարրիսին՝ ամուսնու հետ (լուսանկարներ)

Քոլեջներում և ուսումնարաններում դասախոսի ընտրությունը կլինի մրցույթով․ նախկինում դա արվում էր տնօրենների հայեցողությամբ

Հինգերորդ զորամիավորումում ստուգումներ են անցկացվել (լուսանկարներ)

Տարին ծանր էր, հագեցած ու լարված. ՇՄ փրկարարական վարչությունն ամփոփեց 2020 թվականը

Կապիտոլիումում դիմավորեցին Բարաք եւ Միշել Օբամաներին

Զոհերի թիվը 4000-ը չի անցնի. այս պահի դրությամբ մենք ունենք դուրս բերված 3439 մարմին. Ավինյան

Երբ տրամաբանությունը բացակայում է. հայկական ֆուտբոլային ակումբները՝ ձմեռային դադարի ընթացքում

Մահվան ելքով ավտովթար է տեղի ունեցել Ստեփանակերտի Նաբերեժնայա փողոցում․ Արցախի ԱԻՊԾ

Ջոզեֆ Բայդենի եւ Քեմալլա Հարրիսի երդմնակալությունը ( լուսանկարներ). ՈՒՂԻՂ. ԹԱՐՄԱՑՎԱԾ

Ձեր կուսակցության ստեղծած կամավորական ջոկատն ի վերջո տեղ հասա՞վ․ վարչապետը՝ ԲՀԿ-ական պատգամավորին

Ֆրանսիան կաջակցի Հայաստանին առողջապահության, շրջակա միջավայրի և ենթակառուցվածքների ոլորտներում

ԱԻՆ-ը հորդորում է լինել զգոն. արգելափակումից դուրս է բերվել 117 մեքենա

Ջոզեֆ Բայդենն իր կյանքի կարեւորագույն օրերից մեկը սկսել է կաթոլիկ տաճար այցելությամբ (լուսանկարներ)

Մադրիդի կենտրոնում հզոր պայթյուն է որոտացել (տեսանյութ)

«Այո՛, ստացել եմ առաջարկ». Շիրակը նոր մարզպետ կունենա, մասնագիտությամբ՝ վիրաբույժ

Սա նոր օր է Ամերիկայում․ Ջո Բայդենը լուսանկար է հրապարակել