Բյուջեից 15 հազար եվրո փոխհատուցում կտրվի Օձունում քաղաքացու սպանության համար

Հայաստանի կառավարությունը ՄԻԵԴ-ում «Այվազյանն ընդդեմ Հայաստանի» գործով կայացված վճռով արդարացի փոխահատուցում կտրամադրի ՌԴ քաղաքացի Սիլվարդ Այվազյանին: Կառավարության դեկտեմբերի 7-ի նիստի օրակարգում ներառված որոշման նախագծից տեղեկանում ենք, որ արդարացի փոխհատուցման գումարը 15 հազար եվրոյին համարժեք ՀՀ դրամն է: Միեդ վճռով հատուցման գումարի վճարման վերջնաժամկետը 2018 թվականի փետրվարի 13-ն է:

«Այվազյանն ընդդեմ Հայաստանի» գործը բավականին ուշագրավ է, հիմքում՝ ոստիկանության ծառայողների կողմից քաղաքացու սպանությունն է:

Ոստիկանները սպանել են ՌԴ քաղաքացի Սիլվարդ Այվազյանի եղբորը՝ Սեյրան Այվազյանին, ով հոգեկան առողջության հետ կապված խնդիրներ է ունեցել: Դիմումատուին ՄԻԵԴ-ում ներկայացրել է Վանաձորում գործող իրավաբան Կ. Թումանյանը, իսկ Հայաստանի կառավարությանը ներկայացրել է նախկին գլխավոր դատախազ Գեւորգ Կոստանյանը, որն այսօր պատգամավոր է:

Դեպքը տեղի է ունեցել 2006 թվականին Լոռու մարզի Օձուն գյուղում: Ոստիկանները Սեյրան Այվազյանին սպանել են վերջինիս տանը:

2006 թվականի մարտի 6-ին՝ ժամը 11։00-ի սահմաններում, Սեյրան Այվազյանն այցելել է տարածքի խանութներից մեկը, որտեղ նա դանակ է հանել եւ առանց պատճառի դրանով հարվածել խանութի աշխատակցի ձեռքին եւ խանութ մտած հաճախորդներից մեկի այտին։ Այնուհետեւ Այվազյանը գնացել է տուն։

Որոշ ժամանակ անց ոստիկանության չորս ծառայող ժամանել է Սեյրան Այվազյանի տուն։ Երբ նրանք մոտեցել են, Սեյրան Այվազյանը գտնվել է այգում եւ ոստիկանության ծառայողներին տեսնելով՝ վազել է դեպի տուն։ Ոստիկանության ծառայողները հետեւել են նրան։ Երբ Սեյրան Այվազյանը մտել է տուն, եւ պատրաստվել է փակել դուռը, ոստիկանության ծառայողներից մեկը հասել է նրան, եւ սկսել է հրելով բացել դուռը։ Այդ պահին Սեյրան Այվազյանը կիսաբաց դռնից դանակով հարվածել է ոստիկանի ձեռքին ու այտին, եւ նրան հաջողվել է փակել դուռը։ Վնասվածք ստացած ոստիկանին մեքենայով տեղափոխել են հիվանդանոց։

Ոստիկանները փորձել են Սեյրան Այվազյանին համոզել դուրս գալ, բայց վերջինս հրաժարվել է՝ սպառնալով կյանքից զրկել ցանկացած անձի, ով կփորձի մոտենալ տանը՝ բոլորի առջեւ սրելով դանակները։ Նրանք կապ են հաստատել Սեյրան Այվազյանի՝ նույն գյուղում բնակվող քույրերից մեկի հետ, բայց նա հրաժարվել է գալ։ Տեղում աշխատող ոստիկաններից հեռախոսազանգ ստանալով՝ եւս ոստիկանության  9 ծառայող ժամանել է տան մոտ, եւ շրջապատել տունը։ Նրանք նաեւ զանգահարել են Օձունի գյուղապետին, շտապօգնություն եւ հրշեջ ծառայություն։ Սեյրան Այվազյանի՝ միեւնույն գյուղում բնակվող ազգականներին դեպքի վայր կանչելու մեկ այլ փորձ է կատարվել, որպեսզի նրան համոզեն հանձնվել, սակայն նրանք հրաժարվել են գալ։

Ժամը 17։00-ին, որոշվել է Սեյրան Այվազյանին վնասազերծել եւ բերման ենթարկել՝ հրշեջ մեքենայից նրա վրա ջուր լցնելով։ Հրշեջ մեքենայի ջուրը միացնելուց հետո ոստիկանության վեց ծառայող հրելով բացել են տան դուռը եւ մտել ներս: Առաջինը տուն մուտք գործած ոստիկանը դանակով հարձակումից պաշտպանվելու համար փոքր փայտե սեղան է պահել իր առջեւ։ Ոստիկանության ծառայողները տուն մուտք գործելուց հետո տեսել են, որ Սեյրան Այվազյանը միջանցքից սենյակ տանող ճանապարհը շրջափակել է կահույքով։  

Ոստիկանության ծառայողներն անմիջապես որոշել են դուրս գալ տնից, եւ ամբողջ խումբը դուրս է եկել։ Տեսնելով, որ ոստիկանության ծառայողները դուրս են գալիս՝ Սեյրան Այվազյանը, յուրաքանչյուր ձեռքում պահելով մեկ դանակ, շարժվել է նրանց ուղղությամբ, հասել է ոստիկաններից մեկին՝ նախամուտքի դռան մոտ, եւ դանակներից մեկով հարվածել նրա գլխին։ Վերջինս հարվածի հետեւանքով անմիջապես վայր է ընկել։ Երբ նա պառկած է եղել հատակին, Սեյրան Այվազյանը փորձել է կրկին հարվածել նրան, սակայն այդ պահին ոստիկանության մեկ այլ ծառայող, որը հսկել է մուտքը, իր ավտոմատ հրացանից մեկ նախազգուշական կրակոց է արձակել օդում եւ, տեսնելով, որ Սեյրան Այվազյանը դեռ փորձում է հարվածել ընկած ոստիկանին, կրակել է Սեյրան Այվազյանի ոտքերին։

Միեւնույն ժամանակ եւ այդ գործողություններից անկախ, ոստիկանության եւս 3 ծառայող սկսել են իրենց ատրճանակներից կրակ արձակել Սեյրան Այվազյանի ոտքերին։ Ոստիկանության ծառայողներից մեկն արձակել է 8 կրակոց, մինչդեռ մյուս երկուսը՝ առանձին-առանձին 3 կրակոց։ Կրակոցի հետեւանքով Սեյրան Այվազյանը վիրավորվել է, վայր է ընկել եւ մահացել։

Գործի քննության ժամանակ պարզվել է, որ Սեյրան Այվազյանի կողմից հարձակման հետեւանքով, երկու քաղաքացիներ, ինչպես նաեւ ոստիկանության երկու ծառայող մանր եւ միջին ծանրության, սակայն կյանքին վտանգ չսպառնացող վնասվածքներ են ստացել։

ՄԻԵԴ-ին դիմած դիմումատուն պնդել է, որ Սեյրան Այվազյանն իրականում չի վտանգել ոստիկանության ծառայողի կյանքը, եւ որ ոստիկանության ծառայողները պարզապես կյանքից զրկել են նրան՝ իրենց գործընկերներից մեկին վնասելու համար վրեժխնդիր լինելու նպատակով։

Եվրոպական դատարանը վճռել է, որ տեղի է ունեցել Կոնվենցիայի 2-րդ հոդվածի ընթացակարգային խախտում այն առումով, որ համապատասխան մարմինները Սեյրան Այվազյանի մահվան հանգամանքների վերաբերյալ արդյունավետ քննություն չեն իրականացրել։ 

Տպել
3143 դիտում

Սև լիճ տեղանքում ադրբեջանական գործողություններն անհանդուրժելի են, դա ոտնձգություն է ՀՀ տարածքի նկատմամբ. Նիկոլ Փաշինյան

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված