ԵԼՔ դաշինքը 700 հազար մարդ փողոց հանելու որոշում չունի. Գեւորգ Գորգիսյան

Մարտի 15-ին «Հայկական ժամանակ»-ը Երեւանի քաղաքապետարանի կայքից տեղեկացավ, որ ԵԼՔ դաշինքին մազ կազմող Քաղաքացիական պայմանագիր կուսակցությունը դիմել է Երեւանի քաղաքապետարանին ապրիլի 3-ին ժամը 18:00-22:00 հանրահավաք եւ երթ անցկացնելու համար: ՔՊ-ի այս նախաձեռնության մասին տեղյակ չէին դաշինքի մյուս կուսակցությունները՝ Լուսավոր Հայաստանը եւ Հանրապետությունը: Նրանց անդամները լրագրողներից էին տեղեկանում այս հանրահավաքի մասին եւ անակնկալի գալիս: ԵԼՔ խմբակցության քարտուղար Գեւորգ Գորգիսյանից հետաքրքրվեց՝ արդյո՞ք սա չի նշանակում, թե դաշինքից ովքեր փողոցային պայքար սկսելու ցանկություն ունեն, ովքեր՝ ոչ:

«Ձեր հարցն ինձ չի գալիս, այն ունի ուղղորդող բնույթ եւ պարունակում է սխալ պատասխան: Այս պահի դրությամբ չկա որոշում ԵԼՔ-ի եւ ՔՊ-ի կողմից փողոցային կամ այլ գործողություն սկսելու: Հիմա կան քննարկումներ, որտեղ կա ՔՊ-ի կողմից առաջադրված ճանապարհային քարտեզ, մյուս ուժերի կողմից այլ մոտեցումներ, այլ գործողությունների պլաններ, որոնք քննարկման փուլում են: Լինելով ճանապարհային քարտեզի հեղինակ, ՔՊ-ի մեր գործընկերները գտել են, որ անհրաժեշտ է այս պահից իրենց երաշխավորել որոշ տեսակի սադրանքներից, որպեսզի հետագայում չպարզվի, որ այլ ուժերի կամ հենց իշխանության կողմից բոլոր օրերը զբաղված են: Ես այստեղ լուրջ խնդիր չեմ տեսնում, ցանկալի կլիներ, որ մեզ էլ տեղյակ պահեին»,- ասում է խմբակցության քարտուղարը եւ տեղեկացնում, որ այս պահին քննարկվում է դաշինքի համատեղ քայլերի ծրագիրը:

Ճշտող հարցին, եթե ՔՊ-ն այս քայլին միայնակ է գնացել, թեկուզ օր «բրոյնա» անելու մասով, առանց մյուսներին տեղյակ պահելու, սա չի՞ նշանակում, որ հետագա գործողությունները միայնակ է անելու, Գորգիսյանն ասաց.

«Բնավ ոչ, որովհետեւ փողոցային պայքար կոչվածին ուժերից որեւէ մեկը կտրականապես դեմ չէ: Մենք ունենք տրված խոստումներ, քաղաքական մոտեցումներ եւ չի կարելի կրկնել մինչ այս եղած ընդդիմությունների թույլ տված սխալները: Չի կարելի քաղաքացիներին անընդհատ տանել փակուղի, տանել պարտության: Սա ավելի է վնասում քաղաքացուն, քաղաքացու ձեւավորմանը եւ այս ամենի համատեքստում են գնում մեր քննարկումները»,- ասում է Գորգիսյանը: Հարցին, թե Լուսավոր Հայաստանն ի՞նչ տարբերակ է առաջարկում քաղաքացիներին փակուղի չտանելու մասով, խմբակցության քարտուղարը չի պատասխանում, առհասարակ ծրագրերի մասին չի խոսում, քանի որ ԵԼՔ-ում դեռ քննարկումները շարունակվում են:

Գեւորգ Գորգիսյանը միաժամանակ նշում է, որ ԵԼՔ-ում եղած ուժերից Հանրապետություն կուսակցությունը փողոցային պայքարի երկար ճանապարհ է անցել, Լուսավոր Հայաստանի մեծամասնությունը քաղաքականություն է եղել փողոցային պայքար անցնելով: Իսկ թե այժմ փողոց դուրս գալու անհրաժեշտություն տեսնու՞մ է, Գորգիսյանն ասում է.«Հիմա քննարկման փուլում ենք, երբ որ կլինի ԵԼՔ-ի դիրքորոշումը, ապա կհրապարակվի»:

Այս պահին քաղհասարակությունը եւս փղոցային պայքար իրականացնելու ցանկություն ունի: Եթե դաշինքը փողոց դուրս չգա, ապա  չի ստացվում, որ հասարակությանը կրկին հիասթափեցնում են: Այս հարցին Գորգիսյանը պատասխանեց.

«Մեր քննարկումները միտված են նրան, որ մենք երբեք քաղաքացիներին չտանենք հիասթափության եւ երբ կլինի որոշում այն կլինի՝ կշռադատված, համակողմանի քննարկված, չի վնասի ու չի հիասթափեցնի ՀՀ քաղաքացիներին: Բնականաբար այնպես պետք է անենք, որ որոշումը չվնասի ԵԼՔ-ին»:

ԵԼՔ-ի վերջին խմբակցության նիստի ավարտից հետո Նիկոլ Փաշինյանը լրագրողների հետ զրույցում ասել էր, որ անկախ քննարկումներից ճանապարհային քարտեզը չի վնասվելու: Հարցին, թե սա չի՞ ենթադրում, որ անկախ քննարկումների արդյունքից ՔՊ-ն դուրս է գալու փողոց, Գորգիսյանն ասաց.

«Պարոն Փաշինյանը նկատի է ունեցել, որ այս քննարկումների արդյունքում բացահայտվում են առկա ռիսկերը եւ հնարավորություն է ունենում դրանց հավաշարակշռող մոտեցումներ ներկայացնել եւ դրանով շարունակվում է քննարկումը»:

ՀԺ-ի հարցին, թե ԵԼՔ-ի հուշագիրը լուծման ի՞նչ տարբերակներ է առաջարկում, երբ դաշինքի կուսակցությունները ինչ-որ հարցի շուրջ միասնական համաձայնության չեն գալիս, Գորգիսյանը նշեց, որ ծայրահեղ դեպքում, եթե ուժերից մեկը որոշի ինքնուրույն գործողություն ծավալել, ուրեմն պետք է դաշինքի հետ քննարկի:

ԵԼՔ-ի պատգամավորներից Լուսավոր Հայաստան կուսակցության ներկայացուցիչ Էդմոն Մարուքյանն ասել էր, որ Սերժ Սարգսյանի դեմ պայքարելու լավագույն ժամանակը 2017-ի խորհրդարանական ընտրություններն էին: ՀԺ-ն Գորգիսյանից հետաքրքրվեց՝ հնարավո՞ր է, որ դաշինքը կամ դաշինքում առկա կուսակցություններից մեկը որոշի նստել եւ սպասել, մինչեւ 2022 թվականի խորհրդարանական ընտրությունները՝ իշխանափոխության փորձ անելու համար:

«Քաղաքական որեւէ ուժ երբեք չի նստում եւ սպասում, առավել եւս ԵԼՔ-ում առկա քաղաքական ուժերը: ԵԼՔ-ը ստեղծման օրից պայքարում է իշխանափոխության համար: Դուք հիմա ներկայացնում եք մինչեւ հիմա եղած ընդդիմության մոտեցումները եւ դրանց բացարձակ թերությունները: Մյուս ընդդիմությունները պարապ նստել են, հասել են մինչեւ հաջորդ ընտրություններ եւ ընտրություններից մի քանի ամիս առաջ սկսել են ինչ-որ ակտիվություն ցուցաբերել...Միշտ հեշտ է ասել՝ վայ, գնացինք, սպանենք, գրավենք եւ հերթական անգամ գնանք տապալման, անհաջողության եւ ասել՝ դե լավ ժողովուրդ, այս անգամ էլ չստացվեց, որոհետեւ դուք էիք մեղավոր, որովհետեւ քչով էիք եկել, այ որ մի 700 հազար մարդ լիներ, որքան ՀՀԿ-ին էր ձայն տվել՝ միանգամից այդ հեղափոխությունը կանեինք»,-ասաց նա, իսկ մեր հարցին, թե դաշինքն ի՞նչ է անում, որ 700 հազար մարդ դուրս գա պայքարի, խմբակցության քարտուղարն ասաց.

«Դաշինքը ոչ մի բան չի անում 7 հարյուր հազար մարդ փողոց հանելու համար, որովհետեւ դաշինքը չունի որոշում, որ պետք է 700 հազար մարդու հանի փողոց»,- ասաց նա:

Մանրամասները՝ տեսանյութում:

Տպել
2307 դիտում

28-ամյա երիտասարդը մաքսանենգ ճանապարհով Հայաստան է բերել հաշիշ՝ սոցցանցերի միջոցով վաճառելու նպատակով (տեսանյութ)

2019թ. խոշոր հարկատուների կողմից եկամտահարկ վճարվել է 208 մլրդ դրամ, ինչը 20%-ով ավելի է 2018թ. համեմատությամբ. վարչապետ

Արսեն Թորոսյանը ՀՀ ԱՆ հուշամեդալով է պարգեւատրել բժշկական գիտությունների դոկտոր, պրոֆեսոր Արմեն Չարչյանին

Վարոս Սիմոնյանը JETRO-ի ներկայացուցիչների հետ քննարկել է հայ-ճապոնական տնտեսական համագործակցության հեռանկարները

Հայկ Մհրյանը նշանակվել է ՀՀ ոստիկանության պետի տեղակալ

Տիգրան Սարգյանը ղեկավարելու է Եվրասիական զարգացման բանկի թվային նախաձեռնությունների հիմնադրամը. ԵՏՀ

Վանաձորի «Բուսաբանական այգու» պահակը հատել է հարակից անտառի ծառերը

Վլադիմիր Վարդանյանն ընտրվեց ԵԽԽՎ Մարդու իրավունքների ենթահանձնաժողովի նախագահ. Ռուբեն Ռուբինյան

Ապօրինի թմրանյութ պատրաստելու, պահելու և օգտագործելու կասկածանքով Գյումրիում 36-ամյա տղամարդ է բերման ենթարկվել

Հրդեհ՝ Դիլիջանի թիվ N զորամասի հրաձգարանին հարակից անտառում. հրդեհաշիջմանը նաեւ զինծառայողներն են մասնակցել

«Մանկական Եվրատեսիլում» հաղթած Վլադիրմիրն ու կանադական «Ձայնում» փայլած Միրիամը կմրցեն «Եվրատեսիլ 2020» գնալու համար

«Վարկս Էյ Էմ» ընկերության կողմից վարկերի տրամադրման գործընթացն Արցախում կասեցված է. ԱՀ ֆինանսների նախարար

Մարտունու բժշկական կենտրոնում հեմոդիալիզի բաժանմունք է բացվել

«Ճըվճըվ Արո»-ի որդին դատապարտվել է 6 տարի 6 ամիս ազատազրկման

Էկոնոմիկայի նախարար Տիգրան Խաչատրյանն ընդունել է Հորդանանի Հաշիմյան թագավորության պատվիրակությանը

Ապրիլյան պատերազմի ժամանակ բանակն իր առջեւ դրված խնդիրը կատարել է․ ճակատագրական սխալներ չեն եղել․ Սեյրան Օհանյան

Ռուստամ Բադասյանն ընդունել է Միացյալ Թագավորության դեսպանության գործերի ժամանակավոր հավատարմատար Դեյվիդ Մորանիին

Դեղերի փորձագիտական կենտրոնի տնօրեն է նշանակվել Վիլեն Գաբրիելյանը

Կեղծ թղթադրամներով գնումներ արած երիտասարդը կալանավորվել է․ ոստիկանություն (տեսանյութ)

Աշխատանքի ընդունե՞լն էր անօրինական, թե՞ ազատելը. ուսուցչին աշխատանքից 2-րդ անգամ են ազատել