ԵԼՔ-ում կոնսենսուս կա. ինչ է քննարկում դաշինքը փողոց դուրս գալու մասով

ԱԺ ԵԼՔ խմբակցության պատգամավոր, «Հանրապետություն» կուսակցության նախագահ Արամ Սարգսյանի խոսքով՝ իր, Նիկոլ Փաշինյանի եւ Էդմոն Մարուքյանի միջեւ կոնսենսուս կա՝ Սերժ Սարգսյանի դեմ պայքարի մասով: 

«Որովհետեւ մենք երեքս էլ համարում ենք, որ 3-րդ ժամկետ պաշտոնավարելը ճիշտ չէ: Այստեղ բացառիկ տեսակետների համընկնում է, ինչը շատ ողջունելի է: Դաշինքի համար Սերժ Սարգսյանի՝ երրորդ ժամկետ պաշտոնավարումն անընդունելի է, եւ մենք հայտարարել ենք, որ հանրությունն իրավունք ունի նման պարագայում, եթե Սերժ Սարգսյանն իր թեկնածությունը դնի, նրա դեմ ըմբոստանալու, հանրությունն իրավունք ունի հետեւություն անել, որ այս ճանապարհը, որ սահմանադրական փոփոխությունների ժամանակ խոստացան, բայց իրեն խաբեցին, իրավունք ունի բողոքել: Մենք էլ ԵԼՔ դաշինքով հայտարարել ենք, որ եթե հանրությունն այդ առումով ռեալ պահանջարկ ներկայացնի, մենք մեր պատվի խնդիրը կհամարենք այդ պահանջարկն իրականացնելը»,- այսօր Ազգային ժողովում լրագրողների հետ զրույցում ասաց Արամ Սարգսյանը՝ պատասխանելով հարցին, թե արդյո՞ք ԵԼՔ դաշինքում կոնսենսուս կա՝ պայքար սկսել Սերժ Սարգսյանի վարչապետ դառնալու դեմ:

Հիշեցնենք՝ Նիկոլ Փաշինյանը հայտարարել էր, որ Ազատության հրապարակ գործուղվելու հարցը քննարկել է իր ընտանիքի հետ, համաձայնություն ստացել: Երեկ էլ «Ազատություն» ռադիոկայանի եթերում նա ասել էր, որ դաշինքում այս թեմայի վերաբերյալ քննարկումներ են ընթանում: Արամ Սարգսյանն ընդգծեց, որ տակտիկական մեթոդների առումով քննարկումներ են գնում, սակայն լուրերը, թե իրար վրա ձայն են բարձրացրել, նույնիսկ հարվածել, բամբասանքների դաշտից են, ակնհայտ սուտ են:

«Հիմա քննարկումներ են ընթանում, դեռ որոշում չկա, մենք հանրությունից թաքուն բան չենք անում, եւ եթե որոշում ունենանք, կհայտնենք»,- նկատեց նա՝ հրաժարվելով մանրամասնել, թե կոնկրետ ինչ քայլերի շուրջ է ընթանում քննարկումը:

«Չի ընդունվի այնպիսի որոշում, որը ձեռնտու կլինի գործող իշխանությանը»,- հայտարարեց պատգամավորը: Դիտարկմանը, թե Նիկոլ Փաշինյանը հստակ էր գրել, որ իր ընտանիքի հետ այդ հարցը քննարկել է, «Հանրապետություն» կուսակցության նախագահն արձագանքեց.

«Նիկոլ Փաշինյանը քաղաքական գործիչ է, քաղաքական ուժի անդամ է, վառ անհատականություն, ով հայտնի է եղել իր անհատական մոտեցումներով, ինքն իրավունք ունի իր ընտանիքի հետ քննարկել խնդիրներ, այդ մասին գրել: Եթե Նիկոլ Փաշինյանը դեմ լիներ քննարկմանը ու իր գրածի կողմ լիներ, ապա քննարկում չէր լինի դաշինքում: Ինքը քննարկել է իր ընտանիքում, եւ նրանք դեմ չեն, որ իրենց հայրն, ամուսինն իր բողոքը ծավալի նաեւ Ազատության հրապարակում: Նիկոլ Փաշինյանի հայտարարության մեջ ոչ մի վատ բան չեմ տեսնում, այլեւ մտահոգ հայ մարդու տեսակետ եմ տեսնում, որ այդ մարդը մի անգամ այդ գործընթացներին գնալով, դատվելով, զրկանքներ կրելով, նորից պատրաստ է զրկանքներ կրելու, ասում է՝ ժողովուրդ ջան, եթե դու պատրաստ ես, ես էլ եմ պատրաստ»:

Դիտարկմանը, թե իրենք խոստացել են հանրությանը հիասթափության ու պարտության չտանել, նա ասաց.

«Իսկ ո՞վ է ասում, որ մենք այսօր չենք քննարկում ճանապարհային քարտեզ, որ մենք առանց դրա Նիկոլ Փաշինյանին գործուղում ենք Ազատության հրապարակ: Դա դուք եք եզրակացրել»:

Տպել
5570 դիտում

Ադրբեջանը թիրախավորել է Ստեփանակերտի ծննդատունը. տուժածների մասին տեղեկությունները ճշտվում են

Նախնական տվյալներով՝ թուրքերի հարձակումից Ֆրանսիայում տուժել է 10 հայ, այդ թվում՝ կին և երեխա․ ականատես (տեսանյութ)

Հայաստանի ԶՈՒ-ի կողմից Բարդա քաղաքին հարվածելու մասին հայտարարությունները կեղծ են. Շ. Ստեփանյան

Իմ անունից կեղծ լուրեր են տարածվում Արցախի քաղաքների մասին. Արծրուն Հովհաննիսյան

Արմեն Գրիգորյանն ընդունել է Հայաստանում Ֆրանսիայի արտակարգ և լիազոր դեսպան Ժոնաթան Լաքոտին

«Նվիրում Արցախին» նախագծով «Ոսկե ծիրան»-ը կմիանա համահայկական դրամահավաքին

13-ամյա Ադելիա Պետրոսյանի հաղթանակը «Արցախի» հնչյունների ներքո (տեսանյութ)

Պահեստազորի պարապմունքները շարունակվում են․ Արծրուն Հովհաննիսյան

Հրապարակվել է հայրենիքի պաշտպանության մարտերում նահատակված եւս 59 զինծառայողի անուն

«Սմերչ» կայանքից մեկ հարված հասցվել է մայրաքաղաք Ստեփանակերտին. տուժածներ չկան. ԱԻՊԾ

«Սմերչ»-ով հրետակոծվում է Շուշին. խաղաղ բնակչության շրջանում կա 1 զոհ, 2 վիրավոր

Համազգային հանգանակության աշխարհագրությունը. որ երկրներից են ամենից շատ փոխանցումներ արվել

Արցախի երեխաները՝ տուն վերադառնալու սպասումով (լուսանկարներ)

1 օրում հանրապետությունում գրանցվել է հանցագործության 23 դեպք

Հոկտեմբերի 27-ից կազմակերպվում է ՀՀ-ում ապաստանած Արցախի բնակիչների կենսաթոշակների, թաղման նպաստների գործընթացը

Թուրքերը մուրճով հարձակվել են Ֆրանսիայում խաղաղ ցույց անող հայերի վրա․ կա մեկ վիրավոր (տեսանյութ)

Կամավորագրվելու համար Վահե Դանիելյանն ազատվել է արդարադատության փոխնախարարի պարտականությունների կատարումից

Ջալալ Հարությունյանի վիճակը նորմալ է, ապաքինման փուլում է․ Վահրամ Պողոսյան

Ցեղասպանագետների միջազգային ընկերակցության անդամ մի խումբ անդամներ պահանջում են ադրբեջանական ագրեսիայի դատապարտում

Կորոնավիրուսի ցուցանիշները շարունակում են աճել. հաստատվել է 2241 նոր դեպք, գրանցվել՝ 21 նոր մահ