Երևան
14 °C
Դեկտեմբերի 11-ին ամփոփվեց Խաչատրյանի 5-րդ միջազգային փառատոնը։ Փառատոնի փակումը նույնքան հնչեղ էր, տպավորիչ, որքան և մեկնարկը։ Գալա համերգն ուղիղ եթերում հեռարձակում էր աշխարհի առաջատար դասական երաժշտական ալիքը՝ MEDICI.TV-ին։ Շուրջ 500 հազար ակտիվ առցանց դիտող ունեցող պրոֆեսիոնալ այս հարթակում Հայաստանի պետական երիտասարդական նվագախումբը դիրիժոր Սերգեյ Սմբատյանի ղեկավարությամբ կատարեց հայ կոմպոզիտորական դպրոցի երկու խոշորագույն ներկայացուցիչների գործերից՝ Ավետ Տերտերյանի Երրորդ սիմֆոնիան և Արամ Խաչատրյանի Երկրորդ՝ «Զանգերով սիմֆոնիան»:
Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը, ամփոփելով հոբելյանական 5-րդ փառատոնը, նշեց, որ փառատոնի առանձնահատկություններից էր այն, որ ներկայացրեց երաժշտական այնպիսի ձևաչափեր, որոնք աշխարհում նորություն էին։ «Մենք ներկայացրինք կոնտրաստներով լի համերգային ծրագրեր՝ սիմֆոնիկ երաժշտություն (Պրոկոֆև, Շոստակովիչ, Շնիտկե, Միրզոյան, Տերտերյան, Խաչատրյան), և այդ ամբողջն ընտրված էր շատ մանրակրկիտ։ Այդ գործերով մենք ցույց տվեցինք նաև նվագախմբի կատարողական բարձր պրոֆեսիոնալիզմը։ Երաժշտությամբ հագեցած այս երկու ամիսները և փառատոնի լեցուն դահլիճները խոսում են այն մասին, որ հասարակությունն ունի լավ երաժշտություն լսելու պահանջ»,- ասաց մաեստրո Սմբատյանը։
MEDICI.TV-ով փակման համերգի հեռարձակումը Սերգեյ Սմբատյանը գնահատեց որպես նվագախմբի, իրենց մեծ թիմի կարևոր ձեռքբերումներից մեկը. «MEDICI.TV-ն դասական երաժշտության այն խոշորագույն հարթակն է, որը թելադրում է բարձր չափանիշներ, երաժշտական սկզբունքներ, և մեծ հաղթանակ է ներկայանալ այդ ալիքով ու հայկական ծրագրով»։
Համերգի ուղիղ հեռարձակումն ապահովող HD Studio-ի ղեկավար Կարեն Խաչատրյանը նշեց, որ MEDICI.TV-ի կողմից որոշակի պահանջներ էին ներկայացվել՝ բովանդակային, կադրային, գեղարվեստական։ Կարեն Խաչատրյանը նկատում է, որ իրենց համար մեծ պատասխանատվություն էր ապահովել MEDICI.TV-ի եթերը. «Չորս տարի Երիտասարդական նվագախմբի հետ աշխատելով հայ հանդիսատեսի համար, հանդիսատեսի շնորհիվ կայանալով, հավաքելով շատ մեծ պորտֆոլիո՝ կարողացանք հասնել այն աստիճանի, որ MEDICI.TV-ն ընդունեց մեր աշխատանքը»։
MEDICI.TV-ի եթերում ցուցադրվեց նաև Խաչատրյանի 5-րդ միջազգային փառատոնն ամփոփող ֆիլմ, որը հետահայաց անդրադարձ էր անցած երկու ամիսների աշխատանքին։
Ունկնդիրը չդադարող ծափերով ընդունեց սիմֆոնիկ երկու գործերն էլ՝ Ավետ Տերտերյանի Երրորդ սիմֆոնիան, որ հեղինակը գրել է 1975 թվականին, մի ստեղծագործություն, որտեղ նվագախմբի կազմում կոմպոզիտորը ներդաշնակեցրել է զուռնան և դուդուկը, և Արամ Խաչատրյանի Երկրորդ սիմֆոնիան՝ լի խորը դրամատիզմով և բազմազան հնչողությամբ։
Խաչատրյանի փառատոնը բարձր գնահատականների է արժանացել մասնագիտական շրջանակներում։
ՀՀ մշակույթի նախարար Արմեն Ամիրյանը, անդրադառնալով խաչատրյանական փառատոնին, նշեց, որ այն իր ուրույն, կայուն տեղն է գրավել մեր մշակութային կյանքում և կարողանում է մեզ հաղորդակցել համաշխարհային աստղերի հետ, ներկայացնել այնպիսի ծրագրեր, որոնք աշխարհում նմանը չեն ունեցել։ «Երբեք չառանձնացնելով որևէ ծրագիր, այնուամենայնիվ, պետք է խոստովանել, որ խաչատրյանական փառատոնը շատ ստեղծարար միտք ունի, շատ հետաքրքիր է և մշտապես հետևում է նորարարություններին, արվեստի մեջ նոր քայլեր ձեռնարկում, նոր նախաձեռնություններ ունենում, դրանով իսկ ավելի հետաքրքիր և ավելի գունեղ դարձնում թե՛ փառատոնը, թե՛ մեր մշակութային կյանքը: Ուզում եմ շնորհավորել բոլոր նրանց, ովքեր առիթ ունեցան հաղորդակցվելու այս բացառիկ համերգաշարի հետ, շնորհավորել կազմակերպիչներին և հուսալ, որ փառատոնը մշտապես հաջորդող տարիներին ևս պահպանելու է այդ բարձր մակարդակը, արվեստի բարձր նշաձողը փորձելու է տանել մեր մշակութային կյանքի կառուցման վերին հարկ: Մշտապես լինելու է վերևում»,- ասաց Արմեն Ամիրյանը:
Մաեստրո Տիգրան Մանսուրյանը երաժշտական այս տոնը բնութագրեց որպես հարուստ և բեղմնավոր: «Կուզենայի հատկապես առանձնացնել այս ընթացքում տեղի ունեցած առաջին կատարումները՝ պրեմիերաները, որոնց շարքին, անշուշտ, հիշատակելի են Շոստակովիչի 13-րդ սիմֆոնիան՝ «Բաբի Յարը», Սերժ Թանկյանի «Օրկա» սիմֆոնիայի կատարումը: Կուզեի առանձնապես նշել Ջոն Մալկովիչի երևանյան այցելությունը և նրա ընթերցած Նարեկացին անգլերենով: Այս երևույթները մեծապես հարստացրին փառատոնը: Սերգեյ Սմբատյանի աշխատանքը պետք է բարձրագույն գնահատականի սահմաններում ընկալել, որովհետև սա և՛ գեղարվեստական բարձր դրսևորումների համերգաշար էր, և՛ միաժամանակ կազմակերպչական մեծ էներգիա։ Այս ամենը մեծ ուշադրություն պահանջող աշխատանքի արդյունք է»,- ասաց մաեստրո Մանսուրյանը:
Խաչատրյանի միջազգային փառատոնը կյանքի է կոչվել ՀՀ Նախագահի հովանու ներքո։ Փառատոնը կազմակերպել է Հայաստանի պետական երիտասարդական նվագախումբը (գլխավոր գործընկեր՝ ՎիվաՍելլ-ՄՏՍ)՝ ՀՀ մշակույթի նախարարության, «Խաչատրյան» և Մշակույթի աջակցության եվրոպական հիմնադրամների աջակցությամբ։
Փառատոնի փակման համերգը կարող եք դիտել այստեղ:
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
© 2024 Հայկական ժամանակ