Պատվաստումից հրաժարվող ծնողները սեփական ձեռքով գրելու են. գիտեմ՝ աղջիկս կարող է հիվանդանալ

13 տարին լրացած աղջիկների այն ծնողներից, որոնք թույլ չեն տա իրենց երեխաներին պատվաստել պապիլոմավիրուսի դեմ, ամբուլատորիաներում կամ պոլիկլինիկաներում կպահանջեն այդ հրաժարումը ձեւակերպել գրավոր:

Ի սկզբանե պատվաստումներից հրաժարվող ծնողների համար գործել է օրինակելի ձեւ, որը նրանք ուղղակի ստորագրել են: Հետագայում կարգը փոխվել է եւ որոշվել, որ ծնողները պետք է այդ մասին գրեն անձամբ:

ՀՀ առողջապահության նախարարության իմունիզացիայի ազգային ծրագրի ղեկավար Գայանե Սահակյանը, մեզ հետ զրույցում անդրադառնալով փոփոխության անհրաժեշտությանը, նշեց, որ ծնողները հաճախ ստորագրում էին՝ առանց այդ օրինակելի ձեւը կարդալու:

«Պատվաստումից հրաժարվելու օրինակելի ձեւը այլեւս չի գործում, որովհետեւ դա իրեն չարդարացրեց. ուղղակի ներկայացնում էինք ծնողին, եւ ծնողը, առանց գիտակցելու, թե ինչի համար է ստորագրում, ստորագրում էր: Ու դրանից հետո, եթե երեխան հիվանդանում էր կոնկրետ հիվանդությունով, արդեն ծնողի մոտ հարց էր առաջանում, որ ինքը ոչ մասնագետ է եւ կարիք ուներ ավելի մանրամասն բացատրությունների, որպեսզի շուտափույթ որոշում չկայացներ: Սա էր պատճառը, որ օրինակելի ձեւը հանվեց եւ ազգային մեթոդական ուղեցույցներում պահանջվեց բուժաշխատողից՝ ծնողին բանավոր ներկայացնել ամբողջական տեղեկատվությունը»,- ասաց Գայանե Սահակյանը:

Մանկաբույժները պարտավոր են իրենց սպասարկման տարածքի այն երեխաների համար, որոնք ծնվել են 2004 թվականի հուլիսի 1-ին եւ դրանից հետո, պատվաստումների պլանավորման տետրում պատվաստման օր նշանակել եւ այդ մասին տեղեկացնել ծնողին:

«Դրա հետ մեկտեղ ինքը պարտավոր է ծնողի հետ աշխատել, ծնողին տեղեկացնել՝ ինչի համար ենք պատվաստում, ինչ հակացուցումներ ունի, ինչ հնարավոր հետպատվաստումային ռեակցիաներ ենք ակնկալում, եւ եթե ծնողը հրաժարվի, ինչ հնարավոր բարդություններ կարող են առաջանալ հիվանդությունների առումով: Այսինքն, պետք է ներկայացնի ե՛ւ պատվաստման, ե՛ւ հիվանդության հետեւանքները: Պատվաստումից հրաժարվող ծնողին մեր պահանջն է լինելու՝ ինքն անպայման նշի, որ տեղյակ է, թե աղջկա մոտ այդ վիրուսով հարուցված  ինչ հիվանդություններ կարող են զարգանալ»,- մանրամասնեց Իմունականխարգելման ծրագրի ղեկավարը:

Շեշտադրվում է, որ պապիլոմավիրուսի դեմ պատվաստումը կանխարգելում է արգանդի պարանոցի քաղցկեղը: Նշվում է նաեւ սեռական գորտնուկները, պապիլոմատոզ շնչառական ռեցիդիվ վիճակները կանխարգելելու մասին:

Պապիլոմավիրուսի դեմ պատվաստումների մեկնարկը կտրվի դեկտեմբերի 11-ին:

Ծնողներից ձեռագիր ու մանրամասն հրաժարում պահանջելու պատճառներից մեկն էլ, ըստ Գայանե Սահակյանի, այն է, որ այդպիսով իրենք կհամոզվեն, որ բժիշկը ծնողների հետ զրուցում է թեմայի շուրջ եւ նրանց տրամադրում անհրաժեշտ տեղեկատվություն:

Տպել
6497 դիտում

Արմեն Սարգսյանին Անկախության տոնի առթիվ շնորհավորական ուղերձ է հղել Ղազախստանի առաջին նախագահ Նուրսուլթան Նազարբաևը

Վնասվել են Beeline-ի օպտիկական մալուխները. անջատվել են Հայաստան մուտք գործող ինտերնետը և միջազգային կապուղիները

«20-րդ դարի ականավոր հայ կանայք. ճանաչիր քո պատմությունը» խորագրով ցուցահանդես ՀՀ Ազգային ժողովի այգում

Հայաստանի վերափոխման մինչեւ 2050 թվականի ռազմավարությունը. ամբողջական

Նախագահ Արմեն Սարգսյանին շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևը

Հայոց պետականություն, կրթություն, անհատ, աշխատանք. Փաշինյանը ներկայացրեց ռազմավարության մեջ առկա ազգային արժեքները

Ահազանգ է ստացվել, որ Նոր Ամանոս գյուղում անասնակեր է այրվում. հրդեհը մեկուսացվել է

Անկախ պետականության օրը մեր հավատի և մեր համոզմունքների խորհրդանիշն է. ԲԴԽ նախագահի շնորհավորական ուղերձը

Ֆրանսիան ձեր կողքին է՝ նպաստելու ձեր տնտեսության նոր վերելքին. Էմանուել Մակրոնը շնորհավորել է նախագահ Արմեն Սարգսյանին

Գեղամ Ստեփանյանը նշանակվել է ԱՀ մարդու իրավունքների պաշտպանի աշխատակազմի Գործադիր քարտուղարի պաշտոնակատար

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան