Տարակուսանքով կարդացի Նիկոլ Փաշինյանի Facebook-յան գրառումը. Արծրուն Հովհաննիսյան

ՀՀ ՊՆ մամլո խոսնակ Արծրուն Հովհաննիսյանը տարակուսանք է հայտնել ՀՀ ԱԺ «Ելք» խմբակցության ղեկավար Նիկոլ Փաշինյանի ֆեյսբուքյան գրառման հետ կապված, որում քաղաքական գործիչն անդրադառնում է նոյեմբերի 21-ին, Դիլիջանում տեղի ունեցած միջոցառմանը եւ նշում, թե ՊՆ-ն անուշադրության է մատնել Մոնթե Մելքոնյանի անվան ռազմամարզական վարժարանի սաներին՝ Հայաստանի Հանրապետության Ազգային Հերոսի ծննդյան 60-ամյակի միջոցառումները ծրագրելիս։

Այս մասին Հովհաննիսյանը գրել է Facebook-ի իր էջում եւ հրապարակել ռազմամարզական վարժարանի սաների լուսանկարները՝ Ազգային Հերոսի ծննդյան 60-ամյակի միջոցառմանը նվիրված համերգից: Արծրուն Հովհաննիսյանի գրառման մեջ ասվում է.  

«Տարակուսանքով կարդացի ՀՀ ԱԺ պատգամավոր, «Ելք» խմբակցության ղեկավար Նիկոլ Փաշինյանի ֆեյսբուքյան գրառումը, որում քաղաքական գործիչն անդրադառնում է նոյեմբերի 21-ին, Դիլիջանում տեղի ունեցած միջոցառմանը եւ փաստացի մեղադրում պաշտպանության նախարարությանը, թե ՊՆ-ն անուշադրության է մատնել Մոնթե Մելքոնյանի անվան ռազմամարզական վարժարանի սաներին՝ Հայաստանի Հանրապետության Ազգային Հերոսի ծննդյան 60-ամյակի միջոցառումները ծրագրելիս։ Փորձում եմ հավատալ, որ դա ընդամենը թերի տեղեկացվածության հետեւանք է։

Իրականությունն այն է, որ նոյեմբերի 20-ին, այսինքն՝ վարժարանում Նիկոլ Փաշինյանի գտնվելուց մեկ օր առաջ, նույն համերգը՝ նույն երգիչներով ու նույն կատարումներով, կազմակերպվել է բացառապես վարժարանի սաների համար։ Ինչու՞ համերգը չի կազմակերպվել մեկ անգամ եւ բոլորի համար. այն պարզ պատճառով, որ դահլիճը նախատեսված էր ընդամենը 200 մարդու համար, եւ բնականաբար, ուղղակի անհնար կլիներ այնտեղ տեղավորել վարժարանի 200 սաներին, նրանց ծնողներին, բանակի ղեկավարությանը, հրավիրվածներին (որոնց թվում էին Մոնթեի մարտական ընկերները, վարժարանի տարբեր տարիների շրջանավարտները, ինչպես նաեւ պետական կառույցների, նաեւ ԱԺ բոլոր խմբակցությունների ղեկավարները, այդ թվում նաեւ հենց ինքը՝ Նիկոլ Փաշինյանը)։ Այսինքն՝ տոնական համերգն առաջինը դիտել են հենց վարժարանի սաները։ Համաձայնեք, անիմաստ կլիներ վարժարանի սաներին առաջարկել նույն համերգը դիտել նաեւ երկրորդ օրը։ Դրա փոխարեն պաշտպանության նախարարությունը կազմակերպել էր սաների ծնողների հանդիպումը զավակների հետ, մասնակցությունը հանդիսավոր շարանցմանը, Մոնթե Մելքոնյանի հուշարձանի բացման եւ այս տարի վարժարան ընդունված սաների խոստման արարողությանը, ինչից հետո առաջարկել էր շարունակել շփումը վարժարանի տարածքում, ըստ ցանկության՝ բակում, լսարաններում, հենց սաների սենյակներում։ Համերգին զուգընթաց վարժարանի կինոդահլիճում ցուցադրվում էր վավերագրական ֆիլմ Մոնթեի մասին:

Համերգի սկզբում ցուցադրվեց ֆիլմ ռազմամարզական վարժարանի, սաների, նրանց նպատակների եւ ձգտումների, ընդունելության քննությունների, ընտանիքների մասին, որում պաշտպանության նախարարի հարցազրույցը մի կարճ հատված էր, որում նա պատմում էր վարժարանի առաքելության եւ ռազմական կրթության հեռանկարների մասին:

Իսկ համերգի ավարտից հետո վարժարանի սաները, Հանրապետության նախագահի, կառավարության անդամների, հրավիրված բազմաթիվ հյուրերի հետ մասնակցել են տոնական հյուրասիրությանը։ Նիկոլ Փաշինյանը, դահլիճից շուտ հեռացավ եւ չմասնակցեց ամբողջ միջոցառմանը։

Այս ամենում վարժարանի սաների հանդեպ անուշադրություն պեղելու համար առնվազն վառ երեւակայություն պետք է ունենալ։

Եվ ամենակարեւորը. իրականում թե՛ համերգը, թե՛ տարատեսակ միջոցառումները երկրորդական են՝ պետության եւ մասնավորապես՝ ՊՆ վերաբերմունքը վարժարանի սաների հանդեպ լիարժեք ընկալելու համար։ Կարեւորն ինքնին վարժարանի տեղափոխումն է Դիլիջանի հոյակերտ այդ համալիր եւ Հայրենիքի վաղվա պաշտպանների կեցության, ուսումնառության, ժամանցի եւ հանգստի համար լավագույն պայմանների ստեղծումը։ Մոնթե Մելքոնյանի անվան ռազմամարզական վարժարանն այսօր հաստատուն քայլերով գնում է հանրապետության լավագույն ավագ դպրոցը դառնալու ճանապարհով։

Խորապես ցավում եմ պարոն Փաշինյանի դառնացած այդ հրապարակման համար։ Մեծ ցանկության դեպքում, իհարկե, կարելի է չնկատելու տալ այս ամենը։ Բայց կարելի է գոնե թյուրիմացության մեջ չգցել մարդկանց, ովքեր միջոցառմանն անձամբ չեն մասնակցել»:

Տպել
4865 դիտում

Երկուշաբթի՝ հուլիսի 13-ին, ՀՀ կառավարության արտահերթ նիստ տեղի կունենա

ՍԱՏՄ-ն այսօր 24 ժամով կասեցրել է 3 տասնակից ավելի տնտեսավարողի գործունեություն

Խախտումներ են հայտնաբերվել Մալաթիա-Սեբաստիա վարչական շրջանում են

ՀՀ պաշտպանության նախարար Դավիթ Տոնոյանն ընդունել է «Ալիխանյանի անվան ազգային գիտական լաբորատորիա» հիմնադրամի տնօրենին

Նոր դիահերձարանը կգործի օգոստոսի 1-ից. այնտեղ կհերձվեն կորոնավիրուսից մահացած անձինք

Դավիթ Տոնոյանն ընդունել է ՌԴ հերոս Վյաչեսլավ Յուրիի Ավերյանովին և Եվգենի Վյաչեսլավի Ավերյանովին

Արզնի-Շամիրամ ջրանցքն ընկած քաղաքացու որոնողական աշխատանքները շարունակվում են

Հակոբ Արշակյանն ու ԱՄՆ արտակարգ և լիազոր դեսպանը մտքեր են փոխանակել փոխգործակցության հնարավորությունների շուրջ

«Ազգային ինքնության» ձևախեղված հիմքերը

Մեկ տարվա վաղեմության գողության դեպք է բացահայտվել. Էջմիածնի 2 բնակիչ կալանավորվել է

Կեղծ ահազանգ Adjarabet.am-ի գլխավոր գրասենյակում տեղադրված ռումբի մասին

Ինքնամեկուսացած քաղաքացիների համար գործում է StayHome հավելվածը (տեսանյութ)

Ստեփանակերտի նոր՝ 110/35/10 կՎ ենթակայանը 2021թ.-ին կհանձնվի շահագործման

ՀՀ նախագահ Արմեն Սարգսյանն այցելել է Գանձասարի վանական համալիր (տեսանյութ)

Արցախում արտակարգ դրության ժամկետը երկարաձգվեց մինչև 2020 թվականի օգոստոսի 12-ը

Հուլիսի 10-ին Շիրակի մարզում կորոնավիրուսի 53 նոր դեպք է հաստատվել

ՀՀ ազգային անվտանգության նոր ռազմավարությունը վերանայվելու է ոչ ուշ, քան 5 տարին մեկ անգամ. նախորդը ընդունվել էր 2007-ին

Երևանում բերման է ենթարկվել հետախուզման մեջ գտնվող 66-ամյա քաղաքացի

Քննարկվել է Տնտեսական համագործակցության հարցերով հայ–բելառուսական միջկառավարական հանձնաժողովի աշխատանքի ընթացքը

Հրդեհաշիջման աշխատանքներ են իրականացվում Նուբարաշենի աղբավայրում