ՀՀԿ-ն, ՀՅԴ-ն եւ ընտրողները հանուն խավարի ու գաղջի. մեր երկրի ապագան մշուշոտ է

Երբ ասվում է, թե մեր երկրի ապագան մշուշոտ է, հանրության մի ստվար մասը դա պատճառաբանում է նրանով, որ մենք նավթ ու գազ չունենք, կամ համաշխարհային իմպերիալիզմը բանուգործը թողած՝ կենտրոնացել է մեր հինավուրց ազգը ոչնչացնելու վրա, կամ էլ ջհուդամասոնական ուժերն են նոր դավեր նյութում:

Բայց ամեն ինչ շատ ավելի պարզ է: Մենք ինքներս ջանք ու եռանդ չենք խնայում մեր ապագան մշուշոտ դարձնելու համար: Որքան էլ տարօրինակ հնչի, օրերս մի շարք համայնքներում կայացած ՏԻՄ ընտրությունների մի դրվագով դա ցայտուն երեւում է: Խոսքը մասնավորապես խոշորացված Ախուրյան համայնքում տեղի ունեցածի մասին է:

Խոշորացված Ախուրյան համայնքի կազմի մեջ մտավ նաեւ Բասեն գյուղը: Լրատվամիջոցներին եւ սոցցանցերին հետեւողների մեծ մասի մոտ Բասեն գյուղը նույնացվում է նորարարությունների հետ: Բասեն գյուղում արդեն տարիներ շարունակ տեղադրվում են արեւային ջրատաքացուցիչներ: Արդեն 80 ընտանիք տեղադրել են: Դրանով «վարակվել են» հարեւան համայնքների գյուղացիները: Գործարկվել է ծղոտից ու փայտի թափոններից վառելիք՝ «պելետ» պատրաստող արտադրամաս: Կառուցվում է Գոմաղբից բիոգազ արտադրող կայան: Մանկապարտեզին կից կառուցվել է ջերմոց երեխաներին էկոլոգիապես մաքուր բանջարեղենով ապահովելու համար  եւ այլն, եւ այսպես շարունակ: Ու այդ ամենի նախաձեռնողը Բասենի գյուղապետ Համլետ Պետրոսյանն է (աջ նկարում):

Համլետ Պետրոսյանը ՀՀԿ-ից է: Ի դեպ, երբ սոցցանցերում հայտնվում է Բասենում նոր գործարկված մի նորույթի մասին հրապարակում, դրա մեկնաբանություններում գրեթե միշտ որեւէ մեկը նշում է. «Ափսոս՝ հանրապետականից է»: Եվ ՀՀԿ-ական նորարար գյուղապետ Համլետ Պետրոսյանը նույնպես առաջադրել էր իր թեկնածությունը խոշորացված Ախուրյան համայնքի ղեկավարի ընտրություններում: Բայց դա ինքնաառաջադրում էր:

ՀՀԿ-ն այդ համայնքում հրապարակավ պաշտպանում էր դաշնակցական թեկնածու, մինչեւ խոշորացումը Ախուրյան համայնքի ղեկավար Արծրուն Իգիթյանի թեկնածությունը: Ինչով է հայտնի Ախուրյանը, ե՞րբ ենք վերջին անգամ ինչ- որ ուշագրավ դրական էմոցիաներ առաջացնող տեղեկատվություն ստացել Ախուրյանից: Չհիշեցի՞ք: Մենք էլ: Համացանցում կան լուրեր այն մասին, որ Սամվել Ալեքսանյանին պատկանող շաքարի գործարանն է գտնվում Ախուրյան համայնքում, որ աղետի հետեւանքով անօթեւանների համար կառուցվող շենքերի շինարարությունը անորոշ ժամկետով կանգնել է, ու որ Իգիթյանի որդու հարսանիքին 400 մարդ է մասնակցել...:

Եվ ուրեմն, ունենք երկու թեկնածու, երկուսն էլ՝ իշխանական կուսակցություններից: Մեկը ամեն առավոտ արթնանում, մտածում է ինչ նորարարություն ներդնի իր գյուղում, մյուսը պարզապես արթնանում է: Երկու իշխող կուսակցությունների «բոսերը» հավաքվում են, երեւի կաստըմ-գալստուկներով, խաշ-քյաբաբը սեղանից վերացնում են ու որոշում, որ իշխանական կոալիցիան պետք է պաշտպանի նրա թեկնածությունը, որը պարզապես արթնանում է առավոտյան: Որը սովորական, ոչնչով աչքի չընկնող գյուղապետ է, որոնցից մի քանի հարյուր հատ կա Հայաստանում: Զուգահեռաբար որոշում են, որ չեն պաշտպանելու իրենց կուսակից այն թեկնածուին, որի ղեկավարած գյուղում երեւի ավելի շատ արեւային ջրատաքացուցիչ կա, քան ամբողջ Հայաստանում: Չեն պաշտպանելու այն թեկնածուին, որը ամեն առավոտ արթնանում է մի ինչ-որ նոր բան անելու համար...:

Լավ, որոշեցին, թե ում են պաշտպանելու: Դրանից հետո գալիս է բուն քվեարկության օրը: ՀՀԿ-ՀՅԴ պաշտպանած թեկնածուի՝ Արծրուն Իգիթյանի  օգտին քվեարկում է մոտ 2 հազար 400 ընտրող, նորարարություններով իր գյուղը պատած Համլետ Պետրոսյանի օգտին՝ 966 ընտրող: Ընդ որում, այդ կողմերից զանգվածային լցոնումների ու ընտրակեղծիքների մասին տեղեկություններ չեն եղել:

Ու հիմա ամփոփենք: իշխանական կուսակցությունները որոշել են, որ նորարար, բոլորից առանձնացող, իր համայնքը մի փոքրիկ «սիլիկոնային հովիտ» դարձնելու երազանքներով ապրող եւ այդ երազանքը իրականացնելու ուղղությամբ կոնկրետ քայլեր անող անձը իրենց պետք չէ: Դրանից հետո ընտրողներն են որոշել, որ ՀՀԿ-ն ու ՀՅԴ-ն ճիշտ որոշում են կայացրել, ու մեծամասնությունը չեն քվեարկել այդպիսի անձի օգտին:

Ու ստացվում է, որ չընտրելով նորարարությունը, լույսը, պայծառ հեռանկարը մենք ինքնաբերաբար ընտրել ենք մոխրագույնը, գաղջը, խավարը, միջնադարը...: Ախր Համլետ Պետրոսյանի պես կուսակից ունենալով, ՀՀԿ-ն կարող էր այն դարձնել յուրահատուկ բրենդ, նրա արած գործերը օգտագործել սեփական փիարի նպատակներով...: Բայց դա ՀՀԿ-ՀՅԴ-ի համար արժեք չէ: Կարեւորն այն չէ, թե գյուղապետը ինչ է անում: Կարեւորն այն է, թե գյուղապետը որքան ձայն է ապահովում իրենց համար: Դա է միակ արժեքը: Այ հենց սա է մեր երկրի ապագան մշուշոտ դարձնում: Ջհուդամասոնները ու համաշխարհային իմպերիալիստները այստեղ կարծես մասնակցություն չունեն:

Տպել
10178 դիտում

Կադրային նոր փոփոխություններ Լոռու մարզպետարանում. թափուր են վարչության ու բաժնի պետերի հաստիքներ

Արագածոտնի նախկին մարզպետ Սարգիս Սահակյանը չի կալանավորվի. դատարանը մերժեց քննիչի միջնորդությունը

Զանգել են Քաշաթաղի նախկին բնակիչներին եւ վաղը կանչել հրապարակ. «Մեզ ուզում են ներքաշել Փաշինյանի դեմ պայքարի մեջ»

Մեխակ Արզումանյանը նշանակվել է ՆԳ նախարարության համակարգում գործող ԱԻ պետական ծառայության տնօրեն

Հավաքվել են հարյուրավոր արկղեր. Վենետիկից մարդասիրական օգնություն կուղարկվի պատերազմից տուժած հայ բնակչությանը

Ասում էր՝ չվախենաս, հետ կգամ, ես քեզ սիրում եմ. մայոր Սարգիս Նավասարդյանն անմահացավ Շուշիում (տեսանյութ)

JTI ընկերությունը ճանաչվել է Լավագույն գործատու Հայաստանում

Պուտինի ու Բայդենի հեռախոսազրույցը՝ առաջատար լրատվամիջոցների ուշադրության կենտրոնում. ինչու է այն կարևոր

Ապարանը զարգացման բարձր տեմպեր է արձանագրում (տեսանյութ)

Հայ-ադրբեջանական շփման գծի ամբողջ երկայնքով օպերատիվ իրավիճակը չի փոփոխվել

Հայկ Մարությանը մասնակցել է Լենինգրադի պաշարման ավարտի 77-ամյա տարեդարձին նվիրված հանդիսավոր արարողությանը

Ֆինանսների փոխնախարարը Զարգացման ֆրանսիական գործակալության պատվիրակության հետ քննարկել է համագործակցության հարցեր

Իրենց իսկ շահերից է բխում ժողով չանցկացնել. ՀՖՖ գլխավոր տնօրենը՝ նոր կանոնադրության և 9 անդամների ժողով հրավիրելու մասին

31-ամյա ջաղացաձորցին գողացած հեռուստացույցը նվիրել էր զոքանչին. հարուցվել է քրեական գործ (տեսանյութ)

«Հավանաբար արդեն բժշկի կարիք կա». քաղաքագետները եւ պատգամավորները՝ Վազգեն Մանուկյանի երեկվա հայտարարությունների մասին

Խեղճ կնոջը հասցրել են ինքնասպանության․ նախկին պատգամավորը՝ հարսի ինքնասպանության հնարավոր պատճառների մասին

Հայտնի է Հայաստանի, Ռուսաստանի և Ադրբեջանի փոխվարչապետների հանդիպման օրը

Արտեմ Հարությունյանը նշանակվել է ԱՀ ՆԳՆ ոստիկանության պետ

Շրջակա միջավայրի նախարարությունը և Ագրարային համալսարանը համագործակցության հուշագիր են կնքել

«Путешествую без COVID-19». ԱԳՆ-ն ներկայացրել է ՌԴ այն քաղաքների ցանկը, ուր հնարավոր է մեկնել

Երիտասարդության ռազմավարությունը պետք է մշակվի  երիտասարդների ձանը լսելով. ԿԳՄՍ նախարարի տեղակալ

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները