Քաղաքական ֆուտբոլ. Շարմազանովը Փաշինյանի հարցը «պաս տվեց» Արամյանին՝ ինքնագոլ

Այսօր տեղի ունեցավ ԱԺ ֆինանսավարկային եւ բյուջետային հարցերի մշտական հանձնաժողովի նիստը: Օրակարգում ընդգրկված էր նաեւ 2018 թվականի պետական բյուջեի նախնական քննարկումների ամփոփումը: Հանձնաժողովի անդամ, ԱԺ փոխնախագահ Էդուրարդ Շարմազանովը հայտարարեց, որ համամիտ չէ «Ելք» խմբակցության ղեկավար Նիկոլ Փաշինյանի այն դիտարկման հետ, որ մյուս տարի քաղաքացիներն ավելի վատ են ապրելու:

Հիշեցնենք, որ երեկ՝ նոյեմբերի 6-ին, Փաշինյանը բյուջեի քննարկման ժամանակ դիմելով աշխատանքի եւ սոցիալական հարցերի նախարար Արտեմ Ասատրյանին, հարցրել էր, թե արդյո՞ք աշխատավարձերի, կենսաթոշակի եւ նպաստի չբարձրացումն ուղերձ չէ հանրությանը, որ 2018-ին ավելի վատ են ապրելու:

«Արդեն երեք տարի ընտանեկան նպաստները, կենսաթոշակները, նվազագույն աշխատավարձը չենք բարձրացնում: 2018-ին էլ մինչեւ 10 տոկոս գնաճ եք ունենալու: Եթե թոշակները, աշխատավարձը եւ նպաստները չենք բարձրացնում, արդյո՞ք մենք բնակչությանը ուղերձ չեն հղում, որ նրանք 10 տոկոսով վատ են ապրելու: Հիմա մենք ինչքա՞ն ենք ուզում բարձրացնել աղքատության ցուցանիշը»,- մասնավորապես ասել էր Նիկոլ Փաշինյանը:

Շարմազանովը նիստի ընթացքում հիշելով Փաշինյանի այս խոսքերը ֆինանսների նախարար Վարդան Արամյանից հետաքրքրվեց, թե ճի՞շտ է, որ մարդիկ մյուս տարի 10 տոկոսով ավելի վատ են ապրելու:

«Մենք պետք է կարողանանք հստակ ներկայացնել, թե այս բյուջեի նպատակը որն է: Ինչքանով, որ ես եմ հասկացել այս բյուջեն կայունացման բյուջե է: Պետք է ասենք՝ ժողովուրդ ջան, որ ուզում եք մեկ տարի լավ ապրել, իսկ 20 տարի՝ վատ, ուրեմն բերեք 50 կամ 100 տոկոսով բարձրացումներ անենք: Սա կայունացման բյուջե է: Մենք պետք է մեր մտածողությունից հանենք, որ բարձրացումները միայն այսօր կամ վաղն են լինելու: Մենք պետք է կարողանանք ասել, որ ոչ միայն գումարի խնդիր ունենք, այլեւ այդ գումարը ծախսելու խնդիր: Այս բյուջեն հնարավորություն է տալիս, որ ժողովրդից ստացած հարկերի հետ միասին մեր գումարներն արդյունավետ ծախսենք: Ես համամիտ եմ, որ սա իրատեսական բյուջե է, մեր երազանքների բյուջեն չէ, բայց կայունացման բյուջե է: Մենք չենք ապրում Ֆրանսիայում, Մեծ Բրիտանիայում եւ Չինաստանում, որ կարողանանք շատ մեծ բաներ ապահովենք: Ի վերջո պետք է մեր բյուջեն համեմատենք մեր նախորդ տարիների բյուջեների հետ ոչ, թե ամենազարգացած երկրների բյուջեների հետ:

Պարոն Արամյան, հիմա ուզում եմ իմ այս հարցին պատասխանեք, թեեւ ես պատասխանը գիտեմ, բայց ուզում եմ, որ մասնագիտական ասեք՝ հիմա մեր ժողովուրդը 15 տոկոս վատ է ապրելու՞: Երբ մենք այս հարցին հրապարակավ պատասխան չենք տալիս, մարդիկ ասում են՝ սպասի ախպեր, ուրեմն 15 չէ 20 տոկոս ենք վատ ապրելու: Պարտադիր չէ, որ մեր երեսին ասեն, թերթերում գրում են, որ իշխանություններից պատասխան չունեն: Մենք պետք է ասենք, որ Փաշինյանը կամ «Ելք»-ը ճիշտ է ասում, կամ պետք է ասենք, որ ժողովուրդ ջան, իրանց հաշվարկների հետ մենք համաձայն չենք, ունենք  մեր հաշվարկները: Ես ինքնս համամիտ չեմ: Հիմա ես ֆուտբոլային լեզվով ասած ձեզ պաս եմ տալիս, հիմա դուք պատասխանեք, տեսնենք ինքնագոլ ենք անում, թե գնդակն ուղարկում ենք իրանց դաշտ: Ես չեմ անձնավորում, ես ընդամենն ասում եմ, որ հանրությունը մեզնից պատասխան է ուզում: Ժողովրդավարությունը պահանջում է հրապարակավ հարցերին հրապարակավ պատասխան: Մենք 10 բան ունենք, որից 6-ը դրական է, 4՝ բացասական: Չորսը դրոշակ ենք սարքում, բոլորին ասում ենք, իսկ վեցի մաս լռում ենք»,- ասաց Էդուարդ Շարմազանովը:

Շարմազանովի երկարաշունչ ելույթ-հարցին ֆինանսների նախարար Արամյանը նույն կերպ երկարաշունչ ելույթ-պատասխան տվեց, ասելով, որ համամիտ չէ, թե մարդիկ վատ են ապրելու:

«Քննադատություններից մենք երբեւէ չենք խորշել եւ դա նորմալ է: Քննարկման ժամանակ բնակչության կենսամակարդակի մասին «Ելք»-ի կողմից հարց հնչել է եւ հարցին պատասխանվել է: Պարոն Շարմազանով, երեւի, թե մենք մտածենք ինչպես հանրությանը դա մատուցենք: Մենք ունենք ուղերձ, որի առաջին երկու էջը, եթե բացում ենք, ապա տեսնում ենք կարեւոր մեսիջները եւ մեխերը: Մենք ուզում ենք տնտեսական աճ, տնտեսական աճը պետք է լինի ներառական եւ կայուն: Աճ ապահովելով մենք կարողանալու ենք դյուրին կերպով մեր խնդիրները լուծել: Սա կարեւոր ուղերձներից մեկն է, որը դրված էր նաեւ վարչապետի ելույթում: Պարզվում է, որ սա բավարար չէ եւ պետք է մտածենք տակտիկական այլ քայլերի մասին, որովհետեւ մենք աշխատում ենք հանրությանը հասկանալի դարձնել, թե մենք ինչ ենք անում, ուր ենք գնում:

Լավ ենք ապրելու՞, թե՞ վատ, այս հարցի պատասխանը իմանալու համար  պետք է տեղափոխենք թվային դաշտ: Չպետք է մոռանանք, որ արտաքին աշխարհից տրանսֆերներ են գալիս, որը 2018 թվականին 8 տոկոսով ավելանալու է, քանի որ 2018-ի Ռուսաստանի տնտեսությունում անկում չի սպասվում: Ես չեմ կիսում այն կարծիքը, որ 2018 թվականին մեր կյանքը վատանալու է, վատ ենք ապրելու: Իհարկե, եթե նվազագույն աշխատավարձը չենք բարձրացնում, իսկ գնաճը լինելուն է  4 տոկոս, ապա նվազագույն աշխատավարձ ստացողը հարաբերականորեն ավելի վատ վիճակի մեջ է գտնվելու: Նվազագույն աշխատավարձ ստացողների մասով կարող է այդպես լինել, եթե իր աշխատավարձը մնալու է: Նույնը նաեւ լինելու այն մարդկանց հետ, որոնց աշխատավարձը չի փոխվելու, դա կապ չունի նվազագույնն է, թե՝ոչ: Այնպես, որ աշխարհում չեք գտնի մի երկրի, որտեղ աշխատավարձերը միանգամից արձագանքում են գնաճին՝ մեին մեկ, նույնիսկ ամենազարգացած երկրներում»,- ասաց Արամյանը:

Այս պատասխանից հետո կարելի է կարծել, որ մեր ֆինանսների նախարարը հերքում է ինքն իրեն: Նա նախ ասում է, որ համամիտ չէ Նիկոլ Փաշինյանի հետ, թե մյուս տարի ավելի վատ ենք ապրելու, այնուհետ իրեն հերքելով ասում է, որ նվազագույն աշխատավարձ ստացողները վատ վիճակում են գտնվելու: 

Տպել
5193 դիտում

Ռեփեր Քանյե Ուեսթը կրկին հայտարարել է ԱՄՆ-ի նախագահի ընտրություններում առաջադրվելու մասին

«ՎԱԶ-2106» մակնիշի ավտոմեքենան բախվել է կայանած ավտոքարշակին. կա տուժած

Ոստիկանների ստուգումներով հայտնաբերվել է օրինախախտման 3072 դեպք, խախտումների ընդհանուր թիվը 68.305 է

Արցախի ՊԲ հրամանատարը շնորհավորել է ծառայության անցնող զորակոչիկներին

Մեր երկրին հարկավոր է նոր Սահմանադրություն, որը քաղաքացիների կամքից բխող պետական կարգ կհաստատի. վարչապետ

Ավտոմեքենան դուրս է եկել ճանապարհի երթևեկելի հատվածից և հայտնվել Սևանա լճում․ կա զոհ

Զոհրաբ Մնացականյանը հանդիպել է Արցախի քաղաքացիական հասարակության ներկայացուցիչների հետ

Սարսանգի ջրամբարում ջրահեղձ եղած երկրորդ երեխայի դին էլ է հայտնաբերվել

Երեւանի Գործարանային մետրոյի կայարանի ջրափոսից դուրս է բերվել արգելափակված 6 մեքենա (տեսանյութ)

Ավտոմեքենան դուրս է եկել ճանապարհի երթևեկելի հատվածից և կողաշրջվել. ուղեւորը հոսպիտալացվել է

Արցախում կորոնավիրուսի եւս 6 դեպք է հաստատվել. Հադրութում նոր օջախ է հայտնաբերվել

Հաստատվել է կորոնավիրուսի 706 նոր դեպք. արձանագրվել է 8 մահ, 1-ը՝ այլ հիվանդության հետեւանքով

Մուշավան թաղամասի ամառանոցներում բռնկված հրդեհը մարվել է. այրվել է 20 հա խոտածածկույթ

1995-ի այս օրը Հիմնական օրենքի նախագիծը դրվեց համազգային հանրաքվեի և հավանության արժանացավ. այսօր Սահմանադրության օրն է

Ջրափրկարարները քաղաքացուն դուրս են բերել Սևանա լճից. մոտորանավակը խափանվել էր

Սահմանադրությունը ոչ միայն իրավունք ու պարտականություն է, այլև՝ մտածողության մշակույթ. Ա. Սարգսկանի ուղերձը

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»