Երևան
19 °C
searchclose
today
menuclose
Երևան
19 °C
6-րդ գումարման Ազգային ժողովի առաջին նիստում պատգամավորները փակ գաղտնի քվեարկությամբ ԱԺ նախագահ ընտրեցին:
ԱԺ նախագահ ընտրվեց ՀՀԿ խմբակցության կողմից առաջադրված Արա Բաբլոյանը: Վերջինս ստացավ 88 կողմ ձայն: Ընդդիմադիր «Ելք» խմբակցությունը նույնպես ԱԺ նախագահի թեկնածու էր առաջադրել՝ Էդմոն Մարուքյանին, որը ստացավ 12 ձայն:
Սա առաջին քվեարկությունն էր նոր խորհրդարանում, որտեղ ընդդիմությունը, ինչպես Սերժ Սարգսյանն էր որակել, «պատկառելի ներկայություն» ունի: Սույն որակումից հետո վերլուծաբանները քննարկում էին, թե ինչ նկատի ունի Սարգսյանը: Եթե նա խոսում էր «Ելք» խմբակցության մասին, ապա նրանք ընդամենը 9 հոգով են ներկայացված խորհրդարանում, ինչը պատկառելի չես անվանի: Ստացվում է, Սարգսյանը նկատի ուներ «Ծառուկյան» դաշինքին, որ 31 պատգամավոր ունի, կամ գուցե «Ելք» եւ «Ծառուկյան» դաշինքներին՝ միասին: Այսինքն` 40 պատգամավոր, ինչը, ըստ էության, պատկառելի ներկայություն է:
Սույն վարկածները այսօր պետք է հաստատվեին կամ հերքվեին: Այսինքն` կարող էր հաստատվել, որ ընդդիմությունը պատկառելի ներկայություն ունի նոր Ազգային ժողովում՝ ի դեմս «Ծառուկյան» եւ «Ելք» դաշինքների: Սրա համար քվեարկություններից ավելի ուղիղ ճանապարհ գոյություն չունի: Ինչպե՞ս պետք է որեւէ խմբակցություն ցույց տա իր ընդդիմադիր կամ ոչ ընդդիմադիր լինելը:
Կարող են հնչել համապատասխան հայտարարություններ, եւ այսօր դրանց պակաս չզգացվեց: Գագիկ Ծառուկյանն անձամբ հղում անելով նոր Սահմանադրությանը, ԱԺ միջանցքում լրագրողներին ասաց, որ Ծառուկյան դաշինքը ընդդիմություն է, քանի որ իշխանության հետ կոալիցիայի մեջ չէ:
Ամեն ինչ ճիշտ է, եւ նույնիսկ հաճելի է լսել, որ Գագիկ Ծառուկյանը տիրապետում է նոր Սահմանադրությանը: Սակայն խնդիրն այն է, որ միայն Սահմանադրության դրույթները եւ հայտարարությունները քիչ են: «Ծառուկյան» դաշինքը նաեւ իր գործունեությամբ պետք է ցույց տա՝ ընդդիմությո՞ւն է, թե՞ ոչ:
ԱԺ նախագահի պաշտոնում ընդդիմադիր խմբակցության ներկայացրած թեկնածուի օգտին «Ծառուկյան» դաշինքից հնարավոր է՝ քվեարկել է 3 պատգամավոր: Եթե հաշվի առնենք, որ «Ելք» դաշինքը 9 պատգամավոր ունի, սակայն Էդմոն Մարուքյանը ստացել է եւս երեք ձայն, կարող ենք ենթադրել, որ այդ երեք ձայնը «Ծառուկյան» դաշինքից է:
Համենայնդեպս քիչ հավանական է, որ ՀՀԿ-ից կամ ՀՅԴ-ից քվեարկեին «Ելք»-ի թեկնածուի օգտին: Այս երկու խմբակցությունների ղեկավարները իրենց ելույթներում հիմնավորում էին, թե ինչու չպետք է փոքրամասնությունը ԱԺ նախագահ ունենա եւ հորդորում էին ընտրել Արա Բաբլոյանին:
Մինչդեռ «Ծառուկյան» դաշինքից Միքայել Մելքումյանը հայտարարեց, որ իրենց խմբակցությունը քաղաքական որոշում է կայացրել ԱԺ նախագահի հարցում ազատ քվեարկության թողնել, յուրաքանչյուրն իր խղճի մտոք: Ստացվում է, որ «Ծառուկյան» դաշինքում ընդամենը երեք ընդդիմադի՞ր կա: Իհարկե, կարելի է ասել, որ մեկ քվեարկության հիման վրա նման եզրահանգումներ անելը շտապողական մոտեցում է, ու թեեւ դրանում տրամաբանություն կլինի:
Բայց մյուս կողմից, ինչպե՞ս կարող է պատկառելի ներկայություն ունեցող ընդդիմությունը չձգտել ստանալ ԱԺ նախագահի աթոռը: Ընդ որում, «Ծառուկյան» դաշինքը ոչ միայն չքվեարկեց «Ելք»-ի թեկնածուի օգտին, այլեւ սեփական թեկնածուն չառաջադրեց: Միքայել Մելքումյանն ասաց, որ դրա համար լուրջ քաղաքական հիմքեր կային, սակայն չմանրամասնեց, թե ինչի մասին է խոսքը:
Այսօր ԱԺ միջանցքում Գագիկ Ծառուկյանը լրագրողների հարցերին իր պատասխանում ասաց, որ ընդդիմություն լինելը ցեխ շպրտել չէ: Խոսքը ցեխ շպրտելու մասին չէ, խոսքը իրական ընդդիմադիր գործունեություն ծավալելու մասին է: ԱԺ նախագահի պաշտոնում թեկնածու առաջադրելը կամ մյուս ընդդիմադիր թեկնածուին պաշտպանելը հեռու է ցեխ շպրտելուց: Իսկ իշխանական թեկնածուի օգտին քվեարկելը հեռու է ընդդիմություն լինելուց:
Կարելի է նաեւ լինել ընդդիմություն այնքանով, որքանով դա բխում է Սերժ Սարգսյանի` այսօր ԱԺ-ում ունեցած ելույթի տրամաբանությունից, այսինքն` այդ ելույթի տառին եւ ոգուն համապատասխան ընդդիմություն, պարզապես այդ դեպքում, շատ մեծ է ցանկացած պահի «պատկառելի ներկայությամբ ընդդիմությունից» կրկին «քաղաքական չարիքի» վերածվելու վտանգը:
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
