Ինչու Արգամ Աբրահամյանի թիմակցի ապօրինության մասին հիշեցին հիմա.ձերբակալվածի եղբոր վարկածը

Երեկ տեղեկացրել էինք, որ ձերբակալվել է Արտաշատում գործող «Ամորե» գիշերային ակումբի տնօրեն Գեղամ Հակոբյանը, որը ՀՀ նախկին վարչապետ Հովիկ Աբրահամյանի որդու՝ «Ծառուկյան» դաշինքի պատգամավորի թեկնածու Արգամ Աբրահամյանի աջակիցներից մեկն է: Ըստ Քննչական կոմիտեի՝ Գեղամ Հակոբյանը ձերբակալվել է ՀԿԳ քննության գլխավոր վարչության վարույթում քննվող քրեական գործի շրջանակներում՝ ապօրինի ձեռնարկատիրություն իրականացնելու մեղադրանքով:

Կոմիտեն պարզել է, որ «2016 թ. մարտի 6-ից մինչեւ 2017թ. հունվարի 16-ը ներառյալ, Արարատի մարզի Արտաշատ քաղաքի Մյասնիկյան փողոցի 137ա հասցեում վարձակալված տարածքն օգտագործվել է որպես ամենօրյա գիշերային ակումբ՝ («Ամորե» գիշերային ակումբ)՝ առանց պետական գրանցման եւ առանց ՊԵԿ հարկային տեսչության որեւէ ստորաբաժանումում հաշվառվելու եւ զբաղվել հեստապար ունեցող հանրային սննդի կազմակերպմամբ, որտեղ առանց որեւէ գրավոր աշխատանքային պայմանագրի ներգրավվել են մոտ մեկ տասնյակ աշխատակիցներ»։

Բացի այդ, նախնական քննությամբ տվյալներ են ձեռք բերվել նաեւ Գեղամ Հակոբյանի կողմից ենթադրյալ իրավունքներն իրականացնելու վերաբերյալ՝ նույն ակումբի աշխատակցին թույլ չտալով ակումբից տեղափոխել վերջինիս պատկանող 8.500.000 ՀՀ դրամ արժողության երաժշտական գործիքները:

Այսօր մեր հարցերին է պատասխանել ձերբակալված Գեղամ Հակոբյանի եղբայրը՝ Ալբերտ Հակոբյանը.

- Պարոն Հակոբյան, խոսե՞լ եք ձեր եղբոր հետ, ինչո՞ւ են ձերբակալել նրան:

- Չէ, չէ, ոչ մի բան:

- Էդ գիշերային ակումբը չի՞ ունեցել գրանցում:

- Դե դա էդ գործի հետ կապ էլ չունի:

- Իսկ ինչի՞ հետ կապ ունի:

- Ես էլ կոնկրետ չգիտեմ:

- Ի՞նչ եք կարծում՝ քաղաքակա՞ն է խնդիրը, Արգամ Աբրահամյանի հետ կապ ունի՞:

- Հա, հենց այդպես էլ կա:

- Այսինքն՝ Արգամ Աբրահամյանին սատարելու համար հիմա նրան հետապնդմա՞ն են ենթարկում:

- Հա, այդպես է:

- Գիշերային ակումբն ապօրինի՞ է:

- Դա ուրիշի է: Իրենը չի: Ինքը վարձակալել էր դա:

- Ո՞ւմ է պատկանում:

- Անունը...չեմ կարողանում հիշել տիրոջ անունը:

- Իսկ ինչո՞ւ նրա փոխարեն ձեր եղբորը ձերբակալեցին:

- Չգիտեմ ինչի համար, բայց ոնց որ ռեցիդիվիստի ձերբակալեին: Ոչ թողում են տեսակցություն, ոչ զանգ, ոչ մի բան: Ինձ թվում է՝ էս ընտրությունների հետ կապված բան է, ինքը որ «Բարգավաճ» է, նրանք «Հանրապետական» են եւ այլն: Եթե ինչ-որ խնդիր կար՝ մինչեւ այս կարող էր լինել, ոչ թե էս ընտրությունների արանքում: Իրականում այդ գիշերային ակումբն իրենը չի, ուղղակի վարձակալել, աշխատացրել է:

- Իսկ ինչո՞ւ ՊԵԿ-ում չի գրանցել:

- Դրա համար իրեն տուգանել են:

- Ե՞րբ են տուգանել:

- 10 օր առաջ, 12 օր առաջ:

- Ձերբակալությունից 10 օր առա՞ջ:

- Հա:

- Բա հիմա ինչո՞ւ որոշեցին ձերբակալել:

- Դե գիտե՞ք ոնց է, եղբայրս Աբրահամյանի հետ «պտտվում» ա, հիմնականում էս ընտրարշավների ժամանակ եղբայրս ա իր կողակիցը:

- Թիկնապա՞հ է, թե՞ ուղղակի ընկեր:

- Չէ, թիկնապահ ա:

- Մտածում եք՝ որոշել են դրա համար տանել-պահել, որ չօգնի՞ Արգամ Աբրահամյանին:

- Հա, եթե տենց չի, իրեն մինչեւ էդ կարող էին բռնել, ոչ թե համ գային տունը խուզարկեին, համ իրեն տնից ձերբակալեին՝ տանեին: Հանցագո՞րծ էր, ի՞նչ էր:

- Մենակ ձեր եղբո՞րն են այդպես «ճնշում», թե՞ Արգամ Աբրահամյանին բոլոր օգնողներին:

- Չէ, հիմնականում իր հետ է կապված, որովհետեւ էդ շարժը ինքն էր անում, էդ ամեն ինչը կազմակերպել եւ այն:

- Արգամ Աբրահամյանի նախընտրական հանդիպումնե՞րը:

- Այ ապրեք:

- Վաղո՞ւց է ձեր եղբայրը Արգամի հետ, թե՞ նոր:

- 10 տարի է: Մինչեւ էդ Հովիկ Աբրահամյանի հետ էր, հիմա էլ Արգամի:

- Փաստաբան ունի՞, բողոքարկո՞ւմ եք իր ձերբակալությունը:

- Դե չէ, տեսնենք իրենք ինչ կասեն, ոնց կասեն: Հիմա ոնց որ ասած մեր ձեռքը բան չկա, մենք ի՞նչ կարող ենք անել: Դա կախված է իրենցից:

- Արգամենցի՞ց:

- Հա:

- Իսկ իրենք անո՞ւմ են մի բան:

- Իմ իմանալով զբաղվում են դրանով: Ինչքան ինձ է հայտնի:

- Պարոն Հակոբյան, Քննչական կոմիտեի հաղորդագրությունում նշվում էր, որ ձեր եղբայրը թույլ չի տվել նույն ակումբի աշխատակցին՝ ակումբից տեղափոխել իր 8.500.000 ՀՀ դրամ արժողության երաժշտական գործիքները: Տեղյա՞կ եք՝ ինչն է պատճառը:

- Այդ մարդն աշխատում էր ակումբում, էդ գործիքներն իրենն էին, բայց 8 միլիոնի չէր, այլ 2-2.5 միլիոնի: Ուղղակի գործ սարքելու համար 2.5 միլիոն գումարը չէր բավականացնում, դրա համար են այդքան գրել: Տվյալ մարդը եղբորս գումար է պարտք: Բացի այն, որ իր ապրանքը պիտի թողներ, դեռ 1 կամ երկու միլիոն էլ պարտք էր մնում:

- Դա ի՞նչ պարտք է:

- Ինքը աշխատել է, արանքում յուրացրել էդ գումարը:

- Ո՞վ է այդ մարդը:

- Ինքը տվյալ տեղի համ դիջեյն է, համ էլ հաշվարկ անողը:

- Հնարավո՞ր է հենց նա է ոստիկանությանը հայտնել այս ամենը:

- Հենց ինքն էլ հայտնել է ամեն ինչը:

Տպել
9505 դիտում

Երեկ կամրջից նետվել սպառնացած երիտասարդը այդ քայլին դիմել է 10 անգամ. նա ներկայացնում է իր պատմությունն ու դրդապատճառը

Ուկրաինան ամեն բան անում է Ղրիմը վերադարձնելու համար. Զելենսկի

Կամավոր ապահովագրության պայմանագրերը կարելի է կնքել առցանց. Ամերիաբանկի և Ինգո Արմենիայի նոր համագործակցությունը

ՏՄՊՊՀ-ն կքննարկի գովազդի միջոցով անբարեխիղճ մրցակցության դրսևորումները և դրանց կանխարգելումը

Գագիկ Բեգլարյանը գրավի դիմաց ազատ արձակվեց

Կատալոնիայի խորհրդարանը պաշտոնապես կպահանջի Ադրբեջանից ազատ արձակել հայ ռազմագերիներին. «Արմենպրես»

Նաիրա Զոհրաբյանն այլեւս ԲՀԿ ցուցակի առաջին կինը չէ. այլ փոփոխություններ եւս կլինեն

«Ինքնիշխան Հայաստանը» քարոզարշավ չի իրականացնում, եկել ենք առաջնագիծ ու այստեղ ենք լինելու որքան որ պահանջվի. Սանասարյան

ԵԽԽՎ զեկուցողը ԼՂ հակամարտության հումանիտար հետևանքներն ուսումնասիրելու նպատակով կայցելի Հայաստան. «Արմենպրես»

Մարտունի գետում կնոջ դի է հայտնաբերվել. shamshyan.com

ՄԱԿ-ը դրամական օգնություն է տրամադրում Արցախից տեղահանված և Հայաստանում բնակվող անձանց

Տեղեկությունը, թե «ադրբեջանական ԶՈՒ-երը դիրքերն առաջ են տվել նաև Արցախում, իրականությանը չի համապատասխանում». Արցախպրես

Կառավարությունը կգործադրի բոլոր ջանքերը՝ ազատ, թափանցիկ, արդար ընտրությունների անցկացման համար. Արսեն Թորոսյան

Խծաբերդի մարտերում զոհված ինը զինծառայող հետմահու պարգևատրվել է «Արիության» մեդալով

Մոսկվա-Երևան չվերթի ինքնաթիռի ժամանումից հետո 28-ամյա հետախուզվող է բերման ենթարկվել

«Հայերը մեր ընկերներն են, և մենք պատրաստ չենք ընդունել թուրքերի օգնությունը». պաղեստինցիներ

ՀՀ-ն պատրաստակամ է անցկացնել արդար ընտրություններ. Ապիտոնյանն ընդունել է ԵԱՀԿ դիտորդական առաքելության հիմնական կազմին

Ուժեղ, ինքնիշխան պետությունը պետք է ունենա ուժեղ հետախուզական ծառայություն. Սերգեյ Նարիշկին

Արցախում հրետակոծությունից վնասված 7064 շենք-շինություն է հաշվառվել

Այսօր զինամթերքի վնասազերծման աշխատանքներ են նախատեսված Արցախի 4 քաղաքներում

Իսրայելը հրադադարի ռեժիմ չի հաստատի մինչև հինգշաբթի

Երևանի Մամիկոնյանց փողոցում ծառը տապալվել է մեքենայի վրա

Թուրքիայի նախագահ Էրդողանն անիծել է Ավստրիայի կառավարությանը

«Քարաշամբի գավաթը․ պատմության քառասունդարյա վկան». անիմացիոն հոլովակ Հայաստանի պատմության թանգարանում

Վաղը ժամանակավորապես կդադարեցվի Գեղարքունիքի մարզի Գեղհովիտ համայնքի մի հատվածի գազամատակարարումը

Վահրամ Դումանյանը շնորհավորական ուղերձ է հղել Թանգարանների միջազգային օրվա առթիվ

Բանկերը եւ վարկային կազմակերպությունները 2.5 մլրդ դրամի վարկ են ներել զոհվածներին, նրանց ընտանիքի անդամներին. ԿԲ նախագահ

Թաթոյանը ԵԽ-ի եւ МГИМО-ի բարձրաստիճան միջոցառմանը ներկայացրել է համավարակի ընթացքում աշխատանքի առաջատար փորձը

Ադրբեջանցիների թիկունքային ապահովման փորձերը կանխվում են. լիարժեք հանգուցալուծման շուրջ բանակցություններ կլինեն վաղը. ՊՆ

Օգտագործելով պաշտոնը, փոխնախարարը խոչընդոտել է դիզվառելիքի ներկրմանը. գործն ուղարկվել է դատարան

Հաստատվել է կորոնավիրուսային հիվանդության 212 նոր դեպք. գրանցվել է 17 մահ

ԱՄՆ նախագահի խորհրդականը Ալիևի հետ զրույցում անպատասխանատու և սադրիչ է անվանել սահմանին տեղաշարժերը

«Զվարթնոց» օդանավակայանից ձերբակալվել է Գագիկ Բեգլարյանը. նա ներկայացվել է ԱԱԾ

4-ամյա երեխային ապտակելու գործով մեղադրանք է առաջադրվել բժշկին. նախաքննությունն ավարտվել է

ԲՀԿ ընտրական ցուցակը գլխավորելու է Գագիկ Ծառուկյանը. հայտնի են երկրորդ ու երրորդ համարները

Հրդեհ Թբիլիսիի հանրակացարանում. 5-րդ հարկից կին է ընկել

Արմեն Գրիգորյանը ՀԱՊԿ ԱԽ քարտուղարների կոմիտեի նախագահի հետ քննարկել է սահմանային իրավիճակը

Ռազմամարզական ճամբարի ծրագիրը կփորձարկվի 4 դպրոցներում

Փրկարարները հեռացրել են ընկած ծառը ճանապարհի երթևեկելի հատվածից

Հրդեհ Ստեփանակերտում. այրվել է հողամասի տնակը