Ի՞նչ է կոծկում ՏՄՊՊՀ-ն. մե հիանալի ուսումնասիրություն...

Տնտեսական մրցակցության պաշտպանության պետական հանձնաժողովը (ՏՄՊՊՀ) ավարտել է բենզինի շուկայի ուսումնասիրությունը եւ երեկ հրապարակել է դրա արդյունքները: Ինչպես եւ պետք էր սպասել, բենզինի գների փոփոխությունը Հայաստանում տնտեսական որեւէ հիմնավորում չունի:

Սա միակ եզրահանգումն է, որին կարելի գալ ՏՄՊՊՀ-ի ուսումնասիրության արդյունքներից: Ամեն ինչ՝ հերթով: Հանձնաժողովը ուսումնասիրել է «Ֆլեշ», « ՍիՓիԷս Օիլ քորփորեյշն» եւ «Մաքս Պետրոլ» ընկերությունների գործունեությունը եւ բենզինի միջազգային գների դինամիկան:  «Ստացված տեղեկատվության վերլուծությունից պարզվել է, որ վերոնշյալ ընկերությունները բենզինը հիմնականում ձեռք են բերում «Ռոսնեֆտ» եւ «Լուկօյլ» ընկերություններից:

Ուսումնասիրելով վերջիններիս կողմից մատակարարվող բենզինի գները՝ պարզվել է, որ 2016 թվականի սեպտեմբերից սկսած մինչեւ 2017 թվականի հունվար ամիսը 1 տոննա բենզինի մատակարարման գները նվազել են մինչեւ 118 դոլարով կամ 57 230 դրամով, որի հետեւանքով 1 լիտր ռեգուլյար տեսակի բենզինի մանրածախ վաճառքի գինը 380 դրամից նվազել է մինչեւ 330 դրամ (50 դրամով): Առկա տեղեկատվությունը փաստում է, որ արդեն 2017 թվականի հունվարից 1 տոննա բենզինի ձեռքբերման գինը 2016 թվականի դեկտեմբերի համեմատ բարձրացել է մինչեւ 136 դոլարով կամ 65 960 դրամով՝ գրեթե հավասարվելով նախորդ տարվա սեպտեմբերի ձեռքբերումների գներին»,- արձանագրում է հանձնաժողովը:

Հիմա վերցնենք հաշվիչը ու մի քանի թվաբանական պարզ գործողություններ անենք: Սեպտեմբերից մինչեւ հունվար, ասում է ՏՄՊՊՀ-ն, մեկ լիտրի  մեծածախ գինը նվազել է 57 դրամով, դրա հետեւանքով մանրածախ գինը իջել է 50 դրամով: Շատ լավ: Բայց հետո, ասում է ՏՄՊՊՀ-ն, մեծածախ գինը աճել է 66 դրամով, որի հետեւանքով մանրածախ բենզինը թանկացել է 30 դրամով: Մե հրաշք, մե առեղծված...: Ստացվում է, որ եթե հիմա բենզինի գինը տնտեսապես հիմնավորված է, ապա անցած տարի բենզինի շուկայում գործողները չհիմնավորված գերշահույթներ են ստացել: Սակայն ՏՄՊՊՀ-ն անցած տարի էլ ասում էր, որ բենզինի գինը լրիվ հիմնավորված է ու ոչ մի չարաշահում չի եղել: Եթե այն ժամանակ էր հիմնավորված, ապա հիմա այդ ընկերությունները աստղաբաշխական վնասներով են աշխատում ու մի քանի ամսից բոլորը սնանկանալու են: Սա թվաբանական պարզ գործողությունների արդյունքում ստացած տվյալներն են ասում, իսկ թվաբանությունը ճշգրիտ գիտություն է:

«ՏՄՊՊՀ-ը ուսումնասիրել է նաեւ հարեւան երկրներում բենզինի գնի դինամիկան, որից պարզվել է, որ, օրինակ, Վրաստանի Հանրապետությունում «Լուկօյլ» ընկերության բենզալցակայաններում 1 լիտր բենզինի մանրածախ վաճառքի գինը 2016 թվականի սեպտեմբերին կազմել է 1,3 լարի, իսկ 2017 թվականի փետրվարին՝ 1,72 լարի՝ այսինքն՝ տեղի է ունեցել գնային բարձրացում 32 տոկոսի չափով»,-արձանագրում է ՏՄՊՊՀ-ն: Մե կռուտիտ, մե համեմատություն...: Նախ, Վրաստանում հունվարին, անցած տարվա սեպտեմբերի համեմատ, տեղի է ունեցել նրանց ազգային արժույթի` լարիի արժեզրկում մոտ 24 տոկոսով: Բացի այդ, հունվարի 1-ից Վրաստանում փոփոխություններ են եղել հարկերի մեջ: Ու դրանով հանդերձ, 1.72 լարիանոց բենզինը Վրաստանում, դրամով արտահայտված, ընդամենը 317 դրամ է: Այնպես որ, ՏՄՊՊՀ-ն ճիշտ կաներ այս օրինակը չբերեր, ու նորից չնյարդայնացներ մարդկանց: Ստացվում է, որ 32 տոկոս թանկանալուց հետո Վրաստանում բենզինը 50 դրամով էժան է, քան Հայաստանում:

ՏՄՊՊՀ-ն անցած տարի էլ ուսումնասիրեց բենզինի շուկան, շատ ուսումնասիրեց, քրքրեց, փորփրեց ու այդ դաշտում ոչ մի տեղ չհանդիպեց «Ռոսնեֆտ Արմենիա» ընկերությանը: Մե հանելուկ, մե ֆոկուս...: Թե ինչով է զբաղված այդ ընկերությունը, պարզ չէ: Երեւի կոշկագործությամբ կամ էլ մակարոնի արտադրությամբ: Համենայն դեպս ՏՄՊՊՀ-ն բենզինի շուկան ուսումնասիրելիս ոչ անցած տարի, ոչ էլ այս անգամ ոչ մի կերպ չի կարողանում այդ շուկայում գտնել «Ռոսնեֆտ Արմենիային»: Բայց իրականում ՏՄՊՊՀ-ի վերը նշած ընկերությունները բենզինը ձեռք են բերում   հենց «Ռոսնեֆտ Արմենիայից», որը Ռուսաստանի կողմից Հայաստանին հատկացված ռուսական բենզինի քվոտայի գնորդն է: Նա Ռուսաստանի ներքին գներով գնում ու ավելի թանկ գնով վերավաճառում է բենզինը վերը նշված ընկերություններին: Ընդ որում, այդ ընկերությունը գրանցված է Հայաստանում ու հարկեր է վճարում մեր պետական բյուջե: Ախր ոնց ՏՄՊՊՀ-ն չի հանդիպում այդ «ուրվականին», դժվար է հասկանալ:

Հիմա՝ վերը նշված քվոտայի մասին: 2013 թվականի վերջում ՌԴ-ն որոշեց, որ Հայաստանը կունենա Ռուսաստանից ներքին գներով բենզին ձեռք բերելու քվոտա: Հենց այդ ծավալի շրջանակներում են «Ռոսնեֆտը» ու «Լուկօյլը» հայկական ընկերություններին վաճառում բենզինը: Բայց վաճառում են «չերեզով»` «Ռոսնեֆտ Արմենիայի» միջոցով: ՏՄՊՊՀ-ի ուսումնասիրությունների արդյունքների ամենաուշագրավ դետալը այն է, որ այստեղ չկա բենզինի թանկացման պատճառը հիմնավորող մի հանգամանք: Խնդիրն այն է, որ սեպտեմբերից մինչեւ 2017-ի հունվարը ռուբլին արժեվորվել է 12 տոկոսով: Այսինքն, ճիշտ այնքան, որքանով թանկացել է բենզինը Հայաստանում: Բավարար էր, որ ՏՄՊՊՀ-ն նշեր այս հանգամանքը ու դրանով կարող էր հիմնավորած համարել բենզինի թանկացումը Հայաստանում: Այսինքն, ՌԴ-ում բենզինի գինը 2016-ի սեպտեմբերին կազմել է 35 ռուբլի 29 կոպեկ, որը 257 դրամ էր ռուբլու այն ժամանակվա փոխարժեքով:

Այս տարվա հունվարին արդեն 35 ռուբլի 86 կոպեկ էր, որը կազմում է մոտ 286 դրամ: Այսինքն, ռուբլու փոխարժեքի տատանման հետեւանքով բենզինը թանկացել է հենց 30 դրամով: Ինչո՞ւ ՏՄՊՊՀ-ն չի ակնարկել անգամ այս փաստարկը: Շատ պարզ պատճառով: Խնդիրն այն է, որ անցած տարվա հունվարին, երբ ՏՄՊՊՀ-ն ասում է՝ բենզինի շուկայում չարաշահումներ չկան, մեկ լիտր բենզինը ՌԴ-ում, դրամով արտահայտված՝ 220 դրամ էր, ՀՀ-ում՝ 380 դրամ: Հիմա Ռուսաստանում 286 դրամ է, Հայաստանում` 360 դրամ:  Այսինքն, ՌԴ-ում բենզինը մեկ տարվա ընթացքում թանկացել է 66 դրամով, Հայաստանում էժանացել է 20 դրամով: Եթե ՏՄՊՊՀ-ն բերեր այս փաստարկը, ապա դա կդառնար իր համար ինքնախոստովանական ցուցմունք մեկ տարի առաջ բենզինի շուկայում իրականացվող մեծամաշտաբ չարաշահումները կոծկելու վերաբերյալ: Չարաշահումներ, որոնց արդյունքում մեր սպառողներից գռփել են միլիոնավոր դոլարներ:

Տպել
9587 դիտում

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)