Ռուզաննա Խաչատրյանը պատրա՞ստ է քաղբանտարկյալի կին դառնալ. Սերժ Սարգսյանը զգուշացնում է

Այսօր պաշտպանության նախարարությունում Սերժ Սարգսյանը հանդիպել է ՀՀ ԶՈՒ ղեկավար կազմի հետ. ելույթ է ունեցել, ապա նրանց հարցերին պատասխանել:

Բարձրաստիճան զինվորականներին ներկայացրել է կառավարման խորհրդարանական համակարգի անցնելու դրդապատճառները, խոսել է ընտրությունների ընթացքում Ադրբեջանի հնարավոր ակտիվացման, առաջնագծում սադրանքների գնալու հեռանկարի մասին, խոսել է Իրանից, Ռուսաստանից, ՆԱՏՕ-ից, ՀԱՊԿ-ից եւ նույնիսկ՝ Կորեայի թերակղզուց: 

Բայց այս հավաքի ժամանակ Սերժ Սարգսյանը մեկ կարեւոր մեսիջ է ունեցել զինվորականներին փոխանցելու, եւ դա արել է հնարավոր ամենադիվագիտական ճանապարհով: Նա բանակի ղեկավար կազմին զգուշացրել է, որ անթույլատրելի է Զինված ուժերի ներգրավումն ընտրական գործընթացներում: Սարգսյանը դա ձեւակերպել է «միջկուսակցական քննարկում», թեեւ հասկանալի է, որ զգուշացումը վերաբերում է շատ ավելի խորքային եւ վտանգավոր միջամտությանը: 

«Հատուկ շեշտում եմ, որ Հայաստանի Հանրապետության զինված ուժերն ապակուսակցական են եւ ապաքաղաքական...Միջկուսակցական քննարկումներ բանակում չեն լինելու եւ մենք էլ չենք մտցնելու: Ավելին, զգուշացնում եմ բոլորիդ, որ նման փորձերն ուղղակի պատժվելու են»,- ասել է նա: 

Հայաստանում բանակը միշտ է ներգրավվել ընտրական գործընթացներում, նույնիսկ հասել է Երեւանի կենտրոն եւ ուղիղ կրակ բացել ընտրությունների արդյունքները վիճարկող անզեն քաղաքացիների վրա: Զինվորների ձայները մշտապես համարվել են իշխող քաղաքական ուժինը: Եթե նախորդ ընտրություններից առաջ բարձր մակարդակներով ասել են, որ բանակն ապաքաղաքական է, դա ընկալվել է որպես ձեւական անհրաժեշտություն: 

Այս անգամ, սակայն իրավիճակը մի փոքր այլ է: ԶՈՒ ղեկավար կազմին զգուշացնելով, թե պատժվելու են բանակն ընտրություններում օգտագործելու փորձ անողները, Սարգսյանն առաջին հերթին նկատի ունի պաշտպանության նախկին նախարար Սեյրան Օհանյանին: Վերջինս այս ընտրություններին մասնակցում է որպես ընդդիմադիր քաղաքական գործիչ: Ճիշտ է, դա ծիծաղելի է հնչում, բայց թերեւս ոչ Սեյրան Օհանյանի նախկին ենթակաների համար:

Օհանյանը շուրջ 8 տարի ղեկավարել է պաշտպանական գերատեսչությունը եւ այնտեղից հեռացել է ընդամենը մի քանի ամիս առաջ: Սա նշանակում է, որ դեռեւս թարմ է նրա ազդեցությունը ԶՈՒ որոշակի շերտի վրա, ինչն էլ նա կարող է փորձել օգտագործել ընտրական կամ հետընտրական փուլում: 

Օհանյանը չի էլ թաքցնում, որ նման մտադրություններ ունի: Այս ընթացքում ֆեյսբուքյան էջով տարբեր առիթներով արած տեսուղերձներում, նա այսպիսի հետեւյալ մտքերն է արտահայտել. «Այնտեղ, որտեղ բանակն ու ժողովուրդը միասնական են, նրանք անպարտելի են... Մեր երբեմնի ավանդական մարտական ոգին, համահայկական համերաշխությունն ու միասնությունը վերականգնելու եւ ազգային-գաղափարական զարթոնքի համար՝ 1988 թվականի մտավորական-կամավորական շարժումն այսօր մտավորականների հետ պարտավոր է նորից շարունակել մեր բանակի սպան»: Սա ուղղակի կոչ է զինվորականներին հանուն արդարության պայքարի դուրս եկած իրենց նախկին ղեկավարին սատարելու համար:

Իրենց միանալու համար «Ազատամարտիկների դաշինքին» ուղղած շնորհակալական խոսքում էլ Օհանյանն ասում է. «Չեմ թաքցնում, ես, իրոք, ունեմ ձեր կարիքը։ Ինձ համար կարեւոր է, որ իմ կյանքում սկսված այս նոր փուլը մենք անցնենք միասին՝ մեջք մեջքի տված։ Ինչպես 90-ականների սկզբին մենք, կողք կողքի կանգնած, գիտեինք միասնականության գինը, գիտեինք՝ ինչի համար ենք դուրս եկել պայքարի, եւ պատրաստ էինք մեր կյանքը նվիրաբերել հանուն ընդհանուր հաղթանակի, այնպես էլ այսօր մեզ միավորում է մեկ նպատակ՝ շենացնել, ուժեղացնել մեր երկիրը։ Ինչպես 25 տարի առաջ մենք կարողացանք պատվով լուծել խնդիրը, այնպես էլ անելու ենք այսօր՝ խաղաղ պայքարում, հանուն Հայաստանի եւ Արցախի անվտանգության»: Սա նույնպես կոչ է ուղղված ոչ միայն ազատամարտիկներին, այլեւ գործող պրոֆեսիոնալ զինվորականներին։

«Մենք պետք է հասկանանք հասարակ եւ կարեւոր մի բան. եթե մենք չկարողանաք փոխել այսօրվա արատավոր համակարգը խաղաղ ճանապարհով եւ ընտրությունների միջոցով, ապա վաղը մենք կկանգնենք հեղաշրջումների կամ էլ արյունոտ հեղափոխական ցնցումների վտանգի առաջ»,- մեկ ուրիշ առիթով էլ այսպիսի հայտարարություն է արել նախկին պաշտպանության նախարարը:  

Վերջինիս տեսաուղերձների հիմնական հասցեատերը զինվորականությունն է, որի աջակցությունը, բնականաբար երկրում փոփոխություն բերելու ամենակարճ ճանապարհը կլիներ: Բայց ոնց է պատկերացնում նախկին նախարարը, որ դա նաեւ անարյուն ու խաղաղ կարող է լինել, դժվար է ասել:  Երկրորդ տարբերակն այն է, որ նա անուղղակիորեն սպառնում էր հեղաշրջմամբ ու հեղափոխական իրադարձություններով:

Օհանյանը վերջին միտքը հնչել է հունվարի 26-ին: Պատասխանը չուշացավ: Հունվարի 28-ին ԼՂՀ ԱԽ քարտուղար Վիտալի Բալասանյան «Եռաբլուրում» լրագրողի հետ զրույցում ասաց. «Ներքաղաքական լարվածություն ընդհանրապես չպետք է լինի, կոչ կանեմ բոլոր նրանց, վերաբերվում է ցանկացած երեկվա պետական պաշտոնյայի, նրանք, ովքեր գնում են ընտրության, հանգիստ, համեստ գնան ընտրությունների, ընդհանրապես որեւէ ինտրիգներ չստեղծեն: Նրանք, ովքեր ներքաղաքական լարվածություն կստեղծեն, ես անձամբ պատրաստ եմ նրանց (մի քանի վայրկյան դադարից հետո-հեղ.)... դեմ պայքարելու: Ովքեր, որ աշխատավարձով են ապրում իմ նման, նրանք կարող են կարծիք արտահայտել, թող մի հատ հետադարձ հայացք ձգեն եւ տեսնեն, թե էդ մարդիկ, երբ որ պաշտոն են զբաղեցրել, ովքեր են եղել, ինչով են ապրել, նրանց կերակրտաշատը որն է եղել,  եւ թող ժողովրդից ներողություն խնդրեն րոպե առաջ»:

Օհանյանի վրա, սակայն այս խոսքերը որեւէ ազդեցություն չթողեցին, նա մինչեւ հիմա նույն ոճով առաջ է շարժվում: Երկու օր առաջ, փետրվարի 17-ի ասուլիսի ժամանակ նա սպառնաց հակահարված հասցնել իր դեմ արշավ սկսած անհատներին եւ քաղաքական ուժերին: Հաջորդ օրվա մամուլում լուր հրապարակվեց, որ ՀՀ եւ ԼՂՀ զինվորական դատախազություններն ուսումնասիրում են ՀՀ պաշտպանության նախարարի պաշտոնում Օհանյանի գործունեությունը բենզինի, սննդի, սպառազինության միլիոնավոր դոլարների հասնող յուրացումների համատեքստում: «Շատ մեծ քրեական գործ է բացվելու առաջիկայում եւ բանը հասնելու է ձերբակալությունների ու կալանավորումների։ Այս ամենի առանցքում լինելու է հենց Սեյրան Օհանյանը»,- գրվեց փետրվարի 18-ի մամուլում:

Այսօր էլ, փաստորեն, Սերժ Սարգսյանն անձամբ զգուշացրեց, որ պատժվելու են բոլոր նրանք, ովքեր կփորձեն բանակը ներքաշել ընտրական պրոցեսների (հեղափոխությունների, հեղաշրջումների-հեղ.) մեջ: Նման դեպքերի համար պատժի մեկ տարածված ձեւ գոյություն ունի՝  շինծու քրեական գործ, հետապնդում, բանտարկություն: Եթե Սեյրան Օհանյանի հետ նման բան տեղի ունենա, նա իսկապես պետք է քաղբանտարկյալ համարվի, անկախ նրանից՝ որն է եղել նրա կերակրատաշտը պաշտոնավարման ընթացքում, ինչ է յուրացրել եւ որքան:

Սեյրան Օհանյանը մեկ անգամ բանակը ներքաշել է ընտրական պրոցեսների մեջ, այն ժամանակ իշխանության կողմից ընդդիմության դեմ, Հայաստանի 10 անմեղ քաղաքացի է զոհվել, եւ ոչ ոք նրան չի պատժել: Եւ եթե հիմա նա նույն բանը փորձի անել հակառակ դիրքերից, բայց նրան պատժեն, դա կլինի դասական քաղաքական հետապնդում:  

Հ.Գ. Նախկին նախարարի հանրահայտ տիկինը, որը շատ է սիրում լուսանկարվել, ամուսնու ազատության համար կարող է արդյունավետորեն պայքարել Նուբարաշենի կլոր շենքի, կամ հեռախոսակապով տեսակցությունների սրահի կեղտոտ ապակիների ֆոնին լուսանկարվելով: Եթե նա նաեւ օգտագործի իր սիրելի ատրիբուտները՝ շքեղ զգեստ, ծաղիկներ, գլոբուս, աղավնի, շատ դրամատիկ կոնտրաստ կառաջանա:

Կարծում ենք, սակայն այս ամենը տեղի չի ունենա, որովհետեւ Ռուզաննա Խաչատրյանն իրեն ամենատարբեր կարգավիճակներում պատկերացնում է, ընդհուպ մինչեւ առաջին տիկին, բայց քաղբանտարկյալի կնոջ կարգավիճակում, չի պատկերացնում: Չի բացառվում, որ Սեյրան Օհանյանի ընդդիմադիր գործունեությունը պարզապես ավարտվի, երբ նրա տիկինը հասկանա, որ մի օր իր եւ իր ամուսնուն կարող են բաժանել «Նուբարաշեն» ՔԿՀ-ի հեռախոսակապով տեսակցությունների սրահի կեղտոտ ապակիները:

Տպել
22258 դիտում

Փետրվարին կուսակցությունների հիմնադրման բում է սպասվում. որոշները փոքր-ինչ տարօրինակ անուններ ու նպատակներ ունեն

Որ մարմիններն են ենթակա լինելու Ներքին գործերի նախարարությանը եւ ինչ կառուցվածքային ստորաբաժանումներ են լինելու․ նախագիծ

Պատերազմի ընթացքում Ադրբեջանի զինվորականների կողմից հայերին խոշտանգելն ու տանջելն ուներ խորքային պատճառ. ՄԻՊ

ՀՀ պետական սահմանի հայ-ադրբեջանական շփման գծի ամբողջ երկայնքով շարունակում է պահպանվել կայուն օպերատիվ իրավիճակ

Ավելի քան 2320 մարդ օգնության խնդրանքով դիմել է Ստեփանակերտում գործող ընդունելության կենտրոն

Կրկնակի ահաբեկչություն Բաղդադում. սպանվել է 32, վիրավորվել՝ ավելի քան 101 մարդ

Ովքեր են ապրում Փարաջանովի Թբիլիսիի տանը, ու ինչի է այն վերածվել․ ՀԺ-ի ռեպորտաժը՝ անվանի արվեստագետի ապրած տնից

Իջևանցու բեռնատարում թեփի պարկերով քողարկված ապօրինի փայտանյութ է հայտնաբերվել (տեսանյութ)

Եվրախորհրդարանը բանաձևով խիստ քննադատել է Թուրքիայի ապակայունացնող դերը Լեռնային Ղարաբաղում

ԱԱՏՄ-ն խախտումներ է արձանագրել Արարատի մարզի որոշ դպրոցներում

Ռեկորդային թվեր չեն լինի. Հայաստանը՝ օլիմպիական 32-րդ խաղերում

Արզնի գյուղի առանձնատներից ոսկեղեն հափշտակած 24-ամյա քաղաքացին կալանավորվել է (տեսանյութ)

Սյունիքի Խոզնավար գյուղում այրվել է երկհարկանի տան 120 քմ հատվածը

Ինչ ծառայություններ կմատուցի Կապանի երեխայի եւ ընտանիքի աջակցման կենտրոնը․ քանի շահառու կունենա այն

Վանաձորում ապաստարաններից ու թաքստոցներից շատերը դարձել են խանութ, պահեստ ու գիշերային ակումբ (լուսանկարներ)

Արդարադատության նախարարությունը կբողոքարկի դատարանի վճռը՝ Ամատունի Վիրաբյանին պաշտոնում վերականգնելու մասին

19-ամյա տղան սպանվել է այն ուսումնարանի տարածքում, որտեղ սովորում էր. Սասունիկի համայնքապետ

Հայկական համադպրոցական գիտության փառատոնը այս տարի կյանքի կկոչվի․ հաղթողը ԱՄՆ-ում կմասնակցի միջազգային փառատոնին

Արցախցիների զբաղվածության ապահովման ծրագրերին դիմող շահառուների շրջանակն ընդլայնվել է․ հաստատվել է նախագիծը

Հաշմանդամություն ունեցող զինծառայողների պրոթեզավորումը Կառավարության գլխավոր առաջնահերթություններից է. Տիգրան Ավինյան

ՀՀ և Նիդերլանդների ԱԳ նախարարները կարևորել են ԼՂ խաղաղ գործընթացի վերականգնումը ԵԱՀԿ ՄԽ համանախագահության շրջանակներում

Սպանություն Աշտարակում. դանակի հարվածից ստացած վնասվածքներով հիվանդանոց է տեղափոխվել 19-ամյա տղայի դի. shamshyan.com

Զորամասերից մեկում իրականացվել են մարտական հերթապահության հերթափոխի նախապատրաստական աշխատանքներ

Առաջարկվում է ԱՀ ԱԻՊԾ-ն և ԱՀ ոստիկանությունը ներառել մեկ միասնական մարմնի՝ Ներքին գործերի նախարարության կազմում

Բերդ-Ճամբարակ ավտոճանապարհի Նավուր-Թթուջուր հատվածը փակ է բոլոր տրանսպորտային միջոցների համար

Ստուգայց է իրականացվել մարտական հենակետերում․ ՊՆ (լուսանկարներ)

Իմ թիմով չեմ եկել, նախապատրաստած կադրերի բանակ չունեմ. Շիրակի նորանշանակ մարզպետը հանդիպեց գյումրեցի լրագրողների հետ

Հոբելյանական միջոցառումներ՝ նվիրված Առնո Բաբաջանյանի ծննդյան 100-ամյակին

Համաշխարհային մաքսային կազմակերպության և ՊԵԿ համագործակցությունը կտեղափոխվի որակապես նոր մակարդակ

Հունգարիան Եվրամիությունում առաջին երկիրն է, որը հաստատել է «Սպուտնիկ V» պատվաստանյութի օգտագործումը  

Տիգրան Պետրոսյանը շնորհակալություն է հայտնել Շիրակ աշխարհում պատասխանատվության մեծ չափաբաժին վստահելու համար

Հենց հայտարարությունը տվեցինք, սոցցանցում անկանոն քննարկումներ սկսվեցին. Նոր Կյանքում փորձարկվեց շչակը

ՄԻԵԴ-ը հրապարակել է ռուս-վրացական պատերազմի գործով վճիռը

Հարությունյանը և Շոյգուն քննարկել են գերիների և պատանդների վերադարձի հարցը, նաև անհետ կորածներին առնչվող խնդիրները

Դատարանն անվավեր է ճանաչել Գագիկ Ջհանգիրյանին պաշտոնից ազատելու ու դասային աստիճանից զրկելու Ռ․ Քոչարյանի հրամանագրերը

Մարզառազմական խաղեր են անցկացվելու նախազորակոչային և զորակոչային տարիքի երիտասարդության համար

Ջհանգիրյանն ու Խաչատուրյանը կընտրվեն ԲԴԽ անդամ. «Իմ քայլը» վաղը ԱԺ արտահերթ նիստ է նախաձեռնում

10 ժամ ձնաբքի տակ մնացած երեխայի կյանքը փրկվել է․ ռեանիմատոլոգ Վարուժան Սարգսյան

Նախագահի հրամանագրով մի խումբ զինծառայողներ հետմահու պարգևատրվել են մեդալներով

Ռուբեն Հայրապետյանի որդու մեղադրանքը խստացվել է. նա չի ընդունում մեղադրանքը