Վարչապետի իդեալական թեկնածուն գտնվել է. իսկ Կարապետյանը կամ քաղցած է, կամ` քունն է տանում

ՀՀԿ համամասնական ցուցակի առաջին  տասնյակը անտարբեր չի թողել ոչ ոքի: Հնչում են ամենատարբեր գնահատականներ, սկսած նրանից, որ ընտրությունը կատարվել է չվարկաբեկված եւ կրթված լինելու սկզբունքով, վերջացրած նրանով, որ ընտրվել են բացառապես այնպիսի մարդիկ, ովքեր տեսանելի ապագայում ինքնուրույն գործելու հայտ չեն ներկայացնելու, հետեւաբար աներկբա ենթարկվելու են Սերժ Սարգսյանին:

Տասնյակում հայտնված Մարգարիտ Եսայանն այսօր շտապեց հաստատել հատկապես վերջին տեսակետը: Կայքերից մեկի հարցին, թե արդյո՞ք ցուցակի առաջին տասը համարների հրապարակումից հետո ինքը շփվել է ԱԺ փոխնախագահ Հերմինե Նաղդալյանի հետ, եւ արդյո՞ք վերջինիս համար անակնկալ չէ, որ տեղ չի զբաղեցրել պատվավոր տասնյակում, Եսայանն ասել է. «Տրամադրությունը նորմալ է, բնական: Մենք մեր կուսակցության ղեկավարի որոշումները չենք քննարկում, ընդունում ենք ի գիտություն: Սա կուսակցության ղեկավարի որոշումն է, և յուրաքանչյուր կուսակցական այս որոշումն ընդունում է որպես արդեն կատարված փաստ, և մենք չենք քննարկում»:

Շատ ՀԿԿ-ականների քաղաքական փորձառությունն իհարկե բավարարում է, որպեսզի նրանք խուսափեն նման ծիծաղելի ձեւակերպումներից, բայց դա ըստ էության միայն ձեւի խնդիր է: Բովանդակության մեջ, Եսայանի ասածը կարող ենք ընդունել, որպես հավաքական մոտեցում: Իսկ եթե ժամանակ առ ժամանակ լինում էլ են մարդիկ, ում համար Սերժ Սարգսյանի որոշումներն անքննելի չեն, նրանք ի վերջո հեռանում են կուսակցությունից:

Շարմազանովը երեկ ասաց, որ ՀՀԿ համամասնական ցուցակը ԳՄ-ում քննարկվել է 1 ժամ քառասուն րոպե եւ ընդունվել է միաձայն: Մեկուկես ժամ ՀՀԿ համամասնական ցուցակի քննարկման համար եւ ընդամենը՞:  Եթե վերջին երկու ամսվա ԳՄ յուրաքանչյուր նիստում այս հարցը 1.5 ժամ քննարկված լիներ, իհարկե վերջին ակորդի համար դա էլ է բավարար: Բայց մենք գիտենք, որ դա այդպես չէ, այլապես ԳՄ այն անդամները, որոնք սեր ունեն ԶԼՄ-ներին ինֆորմացիաներ փոխանցելու եւ ինտրիգներ ստեղծելու  հետ, չէին զսպի իրենց եւ ցուցակի հորիզոնականները կհրապարակեին:

Մինչդեռ այս ընթացքում, մամուլը գրել է միայն այն մասին, որ հնարավոր է ՀՀԿ ցուցակի առաջին համարը Վիգեն Սարգսյանը լինի: Բայց դա ավելի շատ զոնդաժ էր, քան ինտրիգների սիրահարների ձեռքի գործը: 

Ինչ վերաբերում է Վիգեն Սարգսյանին եւ նրա հետ կապված Սերժ Սարգսյանի բոլոր հնարավոր հետագա պլաններին, ապա ՊՆ նախարարը, առավել քան որեւէ այլ մեկը, տեղավորվում է Մարգարիտ Եսայանի նկարագրած իրականության մեջ:

Վիգեն Սարգսյանը չի էլ թաքցնում, որ իր կարիերայի ողջ ընթացքում զբաղված է եղել միայն Սերժ Սարգսյանի որոշումները որպես փաստ ընդունելու եւ նրա հանձնարարությունները կատարելու գործով: Վերջերս նա նույնիսկ ասաց, որ «Հանրապետության նախագահին համարում է ավագ ընկեր»: Խոսքը քաղաքական իմաստով ընկերոջ մասին է, այլ խոսքերով Սերժ Սարգսյանը Վիգեն Սարգսյանի համար հեղինակություն է:

Նույնը վերաբերում է առաջին եռյակի մյուս անդամներին: Ցուցակի երկրորդ հորիզոնականը զբաղեցնող Տարոն Մարգարյանին նույնիսկ անդրադառնալ չարժե, նրա հետ այսպես էլ ամեն ինչ պարզ է: Երրորդ հորիզոնականում հանգրվանած Արփինե Հովհաննիսյանին ամենավառ երեւակայության դեպքում անգամ հնարավոր չէ պատկերացնել Սերժ Սարգսյանին հակառակվելիս կամ նրա որեւէ խոսք վիճարկելիս, հակափաստարկ ներկայացնելիս:

Բայց քաղաքականության մեջ կամային որակները կարեւոր են, որովհետեւ ով գիտե, կարող է ստեղծվել մի պահ, որ նշված անձինքն Սերժ Սարգսյանի հետ կապը կորցնեն եւ երկրի համար ճակատագրական որոշումներն ինքնուրույն կայացնելու փաստի առաջ կանգնեն: Ի՞նչ կլինի այդ ժամանակ:

Հանրապետականները համարում են, որ այս ցուցակն այս պահին իրենց ամենամրցունակն է, եւ ցույց է տալիս, որ  ՀՀԿ-ն վճռական է գնալ բարեփոխումների հանրային կյանքի բոլոր ոլորտներում: ՀՀԿ վերջին համագումարից առաջ գրել էինք, որ Սերժ Սարգսյանը ընտրել է իշխանությունը կուսակցության միջոցով պահպանելու տարբերակը, ինչը միանգամից երեք հնարավորություն է ընձեռում`դառնալ ԱԺ նախագահ, վարչապետ, կամ մնալ ՀՀԿ նախագահ եւ այդպես ղեկավարել պետությունը: Կանխատեսել էինք նաեւ, որ ըստ այս տրամաբանության ընտրություններին ՀՀԿ-ն կգնա երիտասարդացած կազմով եւ նոր ոգով («Հին ՀՀԿ-ն տարեք, նոր սթայլի ՀՀԿ-ն բերեք.Սարգսյանը չգնաց Պուտինի կամ Ալիեւի հետքերով»):

Քանի որ Սարգսյանը համամասնական ցուցակում չկա, ԱԺ նախագահի տարբերակը դուրս է գալիս, եթե իհարկե անակնկալների իներցիայի տակ ընկած նա հանկարծ չորոշի իր թեկնածությունն առաջադրել ռեյտինգային ցուցակով:

Իսկ ինչ վերաբերում է 2018 թվականից հետո ՀՀԿ նախագահ մնալով պետության դե ֆակտո ղեկավարը լինելուն, ապա կուսակցությունում տեղի ունեցող փոփոխությունները եւ համամասնական ցուցակը դրա հնարավորությունը լավագույնս ապահովում են: Վիգեն Սարգսյանը վարչապետի պաշտոնում այս իմաստով իհարկե իդեալական կլիներ:

Ի դեպ, վարչապետ Կարեն Կարապետյանը երեկ վերջնականապես հրաժեշտ տվեց 2018-ից հետո վարչապետ դառնալու հավակնություններին: Շարմազանովը լրագրողի հարցին ի պատասխան ասաց, Կարապետյանի ՀՀԿ համամասնական ցուցակից դուրս մնալը կապված է վերջին 4 տարում ՀՀ-ում մշտական բնակություն ունենալ-չունենալու խնդրի հետ: Կարեն Կարապետյանին, ընդ որում, հարկ չեն էլ համարել  պատշաճ պարզաբանում ներկայացնել այս հարցով: Այսօր ԵՊՀ-ում ուսանողների հետ հանդիպման ժամանակ նա ասել է. «Ինձ համար անակնկալ չէ, որ Հանրապետական կուսակցության ցուցակում չեմ: Կարող է` կա սահմանափակում, որին ես չեմ բավարարում»: Կարող է նաեւ Կարեն Կարապետյանը քաղցած է, կամ նրա քունն է տանում. Սերժ Սարգսյանը կիմանա:

Անկախ ամեն ինչից, եթե նա չի կարող գրանցվել որպես պատգամավորի թեկնածու, 2018-ից հետո չի կարող նաեւ դառնալ վարչապետ, ինչի մասին բազմիցս ասվել է:

Տպել
10943 դիտում

Նախագահը ստորագրել է «Արտակարգ դրության իրավական ռեժիմի» և «Էլեկտրոնային հաղորդակցության» օրենքում լրացումների փաթեթը

Գորիսում Mitsubishi Pajero-ն գլորվել է և բախվել ծառի. կա տուժած

Չորաթան գյուղում տրակտոր է շրջվել. 38-ամյա տղամարդը տեղում մահացել է

ԱՄՆ-ը Հայաստանին տրամադրում է 1,1 միլիոն դոլար` կորոնավիրուսի դեմ պայքարի համար

Արցախի նախագահական ընտրություններում առաջատարն Արայիկ Հարությունյանն է. նախնական

Աշխատանքի գնալիս անհրաժեշտ է լինելու ներկայացնել գործատուի կողմից լրացված ձևաթուղթը. պարետի որոշումը

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը

Պարետը նոր որոշում է ընդունել. կտեղադրվեն հատուկ անցակետեր՝ անձանց ու տրանսպորտային միջոցների շարժը վերահսկելու համար

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը

Անցկացվել է Լոռու կորոնավիրուսի վարակի տարածման, կանխարգելման եւ արձագանքման շտաբի հերթական նիստը

Հավաք-պարապմունքներ են անցկացվել 5-րդ զորամիավորումում․ ՊՆ

ԱԺ նախագահը 3 ժամ առաջ հայտարարել էր, որ 21։30-ից հետո նիստ է լինելու, սակայն ընդդիմությունն էլի չկա․ Ռուբեն Ռուբինյան

Բյուրեղավանի ոստիկանները գողության դեպքեր են բացահայտել

Կրակային պատրաստության պարապմունք է անցկացվել 4-րդ զորամիավորումում․ ՊՆ

Անելու եմ ամեն ինչ, որ իրավապահ մարմինները պատշաճ կերպով ընթացքավորեն բոլոր առերևույթ իրավախախտումները. ԱՀ ՄԻՊ

Կորոնավիրուսից մինչեւ նավթի շուկայում տիրող իրավիճակ. Պուտինն ու Թրամփը հեռախոսազրույց են ունեցել