«Դատապարտյալների հիվանդանոցը» կփակվի կամ կվերակազմակերպվի. նախարարի առաջարկն ընդունվեց

«Դատապարտյալների հիվանդանոց» ՔԿՀ-ն կամ փակել, կամ վերակազմակերպել: Կառավարության այսօրվա նիստում այսպիսի առաջարկ հնչեցրեց ՀՀ Արդարադատության նախարար Արփինե Հովհաննիսյանը, որ ներկայացնում էր ՀՀ ՔԿՀ-ներում բժշկական ծառայությունների արդիականացման հայեցակարգը:

Ներկայացնելով հայեցակարգի նախագիծը, նախարարն ասաց, որ այդ փաստաթղթի ընդունումը պայմանավորված է այն հանգամանքով, որ անհրաժեշտ է պատշաճ կերպով ապահովել ՔԿՀ-ներում պահվող անձանց առողջության պահպանման իրավունքը՝ դրա համար նախատեսելով այն անհրաժեշտ պայմանները, որոնք այսօր առկա չեն:

«Խոսքը վերաբերում է հետեւյալին. առաջին հերթին այս հայեցակարգով նախատեսում ենք՝ քրեակատարողական համակարգում գտնվող անձանց տրամադրվող առաջնային բուժօգնության եւ սպասարկման հետ կապված մշակել դրա համար անհրաժեշտ ծառայությունների նկարագիրը, ինչպես նաեւ տեխնիկական եւ կադրային հագեցվածության պահանջները, որոնք այսօր բավարար, պատշաճ մակարդակով կարգավորված չեն: Առավել կարեւոր եմ համարում երկրորդային բժշկության հետ կապված առաջարկվող լուծումները. խոսքը վերաբերում է, մասնավորապես, հիվանդանոցային բուժմանը»,- հայտարարեց Հովհաննիսյանը՝ ընդգծելով, որ այդ տեսանկյունից առաջարկվել եւ դիտարկվել են մի քանի տարբերակներ:

Կառավարության նիստի ընթացքում նախարարն առանձնացրեց եւ հնչեցրեց դիտարկված տարբերակներից երկուսը.

«Խոսքն առաջին հերթին վերաբերում է «Դատապարտյալների հիվանդանոցը» փակելուն եւ համապատասխան բժշկական ծառայությունները քաղաքացիական հիվանդանոցում իրականացնելուն: Սա առաջարկվող առաջին տարբերակն է: Երկրորդ տարբերակը հետեւյալն է, որ «Դատապարտյալների հիվանդանոց» ՔԿՀ-ն, ըստ էության, կվերակազմակերպվի եւ հիմնականում որոշակի մասնագիտացված բժշկության օգնության տեսակներ այնտեղ կիրականացվեն (խոսքը վերաբերում է հիմնականում հոգեբուժական եւ որոշակի վերականգնողական խնամքի ձեւով տրամադրվող ծառայություններին): Իսկ մասնագիտացված բժշկական օգնության մեծ մասը դարձյալ կտրամադրվի քաղաքացիական հիվանդանոցներում»,- նկատեց նախարարը:

Ի դեպ, հայեցակարգի նախագծում, որ տեղադրված է Կառավարության կայքում, բերվում են «Դատապարտյալների հիվանդանոցը» փակելու մի շարք հիմնավորումներ: Դրանցից է, օրինակ այն, որ հիվանդանոցն ունի նյութատեխնիկական, կադրային վերազինման խիստ անհրաժեշտություն, հիվանդանոցում բացակայում է ինտենսիվ թերապիայի բաժանմունքը, մինչդեռ դա երկրորդային բժշկական ծառայություններ մատուցող հաստատության համար պարտադիր պահանջ է: Նշվում է, որ նման անբավարար պայմաններում հիվանդանոցային որակյալ բժշկական ծառայությունների մատուցումը հնարավոր չէ ապահովել:

Հայեցակարգի նախագծում ներկայացված մյուս խնդիրը՝ կապված այդ ՔԿՀ-ի հետ, դրա աշխարհագրական դիրքն է, բնակելի շենքերին մոտ լինելը:

«Դատապարտյալների հիվանդանոց» քրեակատարողական հիմնարկում պահվում են նաեւ ինֆեկցիոն հիվանդություններով տառապող դատապարտյալներ եւ կալանավորված անձինք, ինչը կարող է վտանգ ներկայացնել շրջական բնակիչների առողջության համար»,- ասվում է նախագծում:

Խոսելով հայեցակարգում ներկայացված այդ դրույթների մասին՝ Արփինե Հովհաննիսյանն ասաց, որ առաջարկվում է ՔԿՀ-ներում իրականացվող առողջապահական ծառայությունները լիցենզավորել:

«Երկու տարբերակ ենք առաջարկում. կամ Արդարադատության նախարարության կողմից ստեղծված հանձնաժողովը կիրականացնի շենքային, տեխնիկական, կադրային հագեցվածությանը վերաբերող լիցենզավորում, կամ լիցենզավորման ընդհանուր պայմաններով կիրականացվի այդ լիցենզավորումը՝ հաշվի առնելով ՔԿՀ-ների առանձնահատկությունը»,- տարբերակները թվեց Հովհաննիսյանը:

Վերջինս նաեւ առաջարկեց վերանայել պատժի կրման հետ անհամատեղելի համարվող հիվանդությունների ցանկը: Բացի այդ, առաջարկեց հնարավորություն ընձեռել, որպեսզի համապատասխան բժշկական հաստատության կամ մարմնի եզրակացության հիման վրա, կամ պատժի կրման հետ անհամատեղելի հիվանդություն ունեցող անձի, նրա ներկայացուցչի դիմումի հիման վրա ուղղակիորեն միջգերատեսչական մասնագիտացված հանձնաժողովի կողմից քննարկվի այդ հարցը եւ ոչ թե որպես միջանկյալ օղակ ծառայի քրեակատարողական հիմնարկի բժշկական հանձնաժողովը:

Նախարարն ասաց, որ այն դեպքում, եթե օրինակ որոշվի, որ «Դատապարտյալների հիվանդանոց» ՔԿՀ-ն, այդուհանդերձ որոշակի բժշկական ծառայություններ պետք է իրականացնի, ապա առաջարկում է դրանց անմիջական ենթակայությունը վերապահել ոչ թե ՔԿՀ վարչակազմերին (որը հանգեցնում է նրանց սերտաճածության), այլ միջազգային ստանդարտների հիման վրա փոխել ենթակայությունը կամ Արդարադատության նախարարությանը կամ կառավարությանը կամ Առողջապահության նախարարությանը:

Կառավարությունն ընդունեց հայեցակարգը:

Տպել
4277 դիտում

Բաղրամյան պողոտայում կիրառվել են բացառապես լուսաձայնային, ոչ բեկորային նռնակներ, դրանք թուրքական չեն․ Ֆիդանյան

Մեկնարկել է Եվրո-2024-ը․ բացման հանդիսավոր արարողությունը կայացել է Մյունխենի մարզադաշտում (լուսանկարներ)

Բախման ընթացքում առաջին վնասվածքը ստացել են ոստիկանները, բացի ոստիկանական ուժերից որևէ այլ ուժ չի ներգրավվել․ Ֆիդանյան

EventHub․am-ը՝ աշխարհահռչակ Black Eyed Peas-ի Թբիլիսիի համերգի տոմսերի վաճառքի պաշտոնական ներկայացուցիչ

Կազան-2024. սամբիստ Արսեն Խանջյանը՝ բրոնզե մեդալակիր

Այսօրվա մայրամուտը Սևանում (լուսանկար)

Քաղաքական առաջնորդ Գարեգին Բ-ն պետք է հեռանա, նա նախկին քրեաօլիգարխիկ իշխանության շարունակությունն է. Էդգար Առաքելյան

ՊՆ-ն 18-27 տարեկան աղջիկներին և կանանց հրավիրում է պարտադիր 6-ամսյա ժամկետային ծառայության (տեսանյութ)

Ալավերդի-Այրում վնասված երկաթգիծը շահագործվել է․ բեռնատար գնացքն անցել է նորոգված հատվածով (տեսանյութ)

«Կրթությունից աշխատանք՝ մեկ քայլ». «Ապագա» հիմնադրամը նոր ծրագիր է սկսում (տեսանյութ)

Զելենսկին ժամանել է Շվեյցարիա․ նա մասնակցելու է խաղաղության գագաթնաժողովին

Իր արած գրառումը սեփական գրպանին կպավ, մարդիկ դադարում են օգտվել «Ջիջի»-ի ծառայությունից. Միսկարյանը ևս բոյկոտում է

Սեր Դիլիջանի երկնքում․ Գագիկ Սուրենյանը լուսանկար է հրապարակել

Պաշարները կշարունակեն փոքրիկների կյանքեր փրկել․ Երևանի փոխքաղաքապետը և առողջապահության վարչության պետը արյուն են հանձնել

Մխիթար Հայրապետյանը Վաշինգտոնում այցելել է Starlink-ի գրասենյակ․ համագործակցության հարցեր են քննարկվել

Երևանում իրանական առևտրի տուն է բացվելու․ Հայաստանը մտադիր է նման կենտրոն ունենալ Թեհրանում

Կայացել է սուբվենցիոն հայտերի գնահատման հանձնաժողովի նիստը․ համայնքներից ստացված 49 ծրագիր է քննարկվել

Խուզարկություններ են արվել, ՀՅԴ 10 ղեկավար անդամ է ձերբակալվել․ Սաղաթելյան

Երևան-Քիշնև ինքնաթիռը չնախատեսված վայրէջք է կատարել Բուխարեստում․ ինչ են հայտնել Մոլդովայի իշխանությունները

Երկուսս էլ առանց անուն տալու հասկացանք՝ ով է այն տերտերը, որի առջև դրախտի դարպասները հաստատ փակ են լինելու․ Կոնջորյան

Հայաստանում կիրականացվի 130 մլրդ դրամի ներդրում, կստեղծվի մոտ 1000 աշխատատեղ․ Գևորգ Պապոյանը խոսել է առաջիկա ծրագրերից

Կոմիտասի շենքերից մեկում հրդեհ է բռնկվել, կրակը տեսանելի է մի քանի հարյուր մետրից․ ըստ տանտիրոջ՝ պայթել է գազաբալոնը

5 հա և ավելի մակերեսով գյուղատնտեսական նշանակության հողերի միավորման դեպքում կտրամադրվի պետական աջակցություն

Գյուղի սկզբնամասում դարանակալել, հետո կրակել է․ Ամբերդի բնակչի սպանության կասկածանքով ձերբակալվել է համագյուղացին

Վարչապետը օտարերկրյա պետություններում Սփյուռքի գործերի հանձնակատար է նշանակել

Մեկ ամիս առանձին ժամերի միակողմանի փակ է լինելու Էրեբունու փողոցից Այվազովսկի ճանապարհահատվածը

Հայ-ադրբեջանական սահմանում արտառոց տեղաշարժ կամ միջադեպ չի նկատվել․ ԵՄ դիտորդական առաքելություն

Ոստիկանության բաժանմունքում կանայք հարձակվել են օպերլիազորի վրա, հարվածել, հայհոյել․ մեկի մոտ դանակ է հայտնաբերվել

ՌԴ-ն պատրաստ է «հենց վաղն» էլ նստել բանակցության սեղանի շուրջ․ Պուտինը հայտնել է Ուկրաինայի հետ խաղաղության պայմանները

ԱԳՆ շենքի դիմաց Գալստանյանի ակցիայի ժամանակ խուլիգանության դեպքի վարույթով նախաքննությունը, երեք անձի մասով, ավարտվել է

Գերմանիայում ռեկորդային քանակով՝ 35 տոննա կոկային է առգրավվել․ արժեքը գնահատվում է 30 միլիարդ եվրո

Քարկոփը Մ-6 ավտոճանապարհին միացնող հետիոտնային կամրջի աշխատանքներն ավարտվել են

Ռուսաստանից տուրիստական հոսքը կրճատվել է․ որ երկրներից են ավելի շատ զբոսաշրջիկներ այցելել Հայաստան

Երկրի ապագայի մասին մտածող ղեկավար ունենալու մաղթանք հղողն ինքը պետք է սեփականն ունենա․ ԱԳՆ բողոքի նոտան Բելառուսին

Պետք է հետևենք զարգացած երկրների օրինակներին․ Ավանեսյանն ու տարբեր գերատեսչությունների աշխատակիցներ արյուն են հանձնել

Որոշ գյուղատնտեսական արտադրատեսակների արտահանման նկատմամբ վեցամսյա արգելք է սահմանվել

Նախարարության քրգործերի բովանդակության մեջ խորանալու ժամանակ ու ցանկություն չի եղել, թիմը լավ է աշխատում․ Պապոյան

Բերման են ենթարկվել ՀՅԴ Վայոց ձորի կառույցի ղեկավար մարմնի անդամներ․ Լիլիթ Գալստյան

Հայտնաբերվել է հրազենային վնասվածքով պայմանագրային զինծառայողի դի․ ՊՆ

Կարելի է արձանագրել, որ Հայաստանի Հանրապետության քաղաքացին կայացել է․ Հովիկ Աղազարյան